12/04/2020
خبر طبّي صادم،
قبل 3 أيام نُشِرت ورقة بحثيّة جديدة بخصوص كوفيد19
هاي الورقة البحثيّة توضّح أن أحنا ما كنا فاهمين عمل فايروس كورونا الجديد ابدًا، وأن الميكانزم الي يشتغل بيها الفايروس تختلف تمامًا عن الّي كنا فاهمينه،
الفايروس ما يهاجم الجهاز التنفسي بصورة مباشرة وإنّما يهاجم كريات الدم الحمراء وتحديدًا سلسلة بيتا1 من الهيموكلوبين ويستولي على ال البورفيرين وبالتالي يقلل التمثيل الغذائي للحديد (Heme Metabolism) بالخلايا، وهذا حيسبب نقص الأوكسجين بالخلايا نفسها!
الّي حيصير أن الخلايا مابيها أوكسجي نكافي أو بالأحرى أنها ما رح تستقبل أوكسجين بعد حتّى توصله لأعضاء الجسم وبالتالي حتموت هاي الأعضاء!
والمشكلة الثانية أن الحديد الّي طلع من الخلايا بسبب الفايروس رح يبدي يتأكسد داخل أعضاء الجسم وخصوصًا بالرئة وبالتالي حتبدي خلايا الرئة تتدمّر!! وبعدين تموت خلايا القلب والكبد وبالنهاية الوفاة!
هاي الورقة البحثيّة تفسّر ليش أنّ أجهزة التنفس الإصطناعي متفيد الناس المصابين وأن حوالي 80% من الّي ماتوا بأمريكا وبقيّة الدول المتقدّمة أصلًا كان جهاز التنفس مشتغل عليهم! وماتوا!!
وبنفس الوقت هاي الورقة البحثيّة تفسّر ليش أن حالات الوفاة بالفحص تبيّن أن عدهم نسبة هيموكلوبين قليلة، مقارنة بعدد خلايا الدم الحمراء لأن الجسم يبدي يخلق كريات دم جديدة علمود تعوّض النقص الحاصل بالأوكسجين لما يهاجم الفايروس خلايا الدم بس بدون أي فائد هم يجي الفايروس ويهاجم الخلايا الجديدة.
وهمًات هذا البحث يفسّر ليش أن الكلوروكين أو هيدروكسي الكلوروكين أثبت فعاليته بعلاج المصابين، والسبب أن الكلوروكينين يمنع البروتينات اللاهيكلية (orf1ab, ORF3a, ORF6, ORF7a, ORF10 and ORF8) للفيروس أنها تهاجم البورفيرين!
هاي الورقة البحثيّة بعدها ممتأكدين من صحتها 100% وبعد لازم تخضع لتجارب مختبريّة أكثر ومن قبل أكثر من عالم ومختبر يلا ساعتها يأكدونها، وإذا طلعت صح فحتكون طفرة بعالم الطب وفهمنا لطبيعة الفايروس والميكانزم مالته، وهمات حيكون علاجه قريب كلّش وأبسط شي هي أن ينقلون دم للمريض قبل لا تتدهور حالته!
أكو اهواي تفاصيل كلّش اذا تحبون تقرونها بس لأهل الإختصاص طبعًا لأن مصطلحات طبية فقط.
الورقة البحثية نُشرت بموقع ChemRxiv الّي تُديره الجمعية الكيميائية الأمريكية والجمعية الملكية للكيمياء والجمعية الكيميائية الألمانية.
البحث كاملا
https://chemrxiv.org/articles/COVID-19_Disease_ORF8_and_Surface_Glycoprotein_Inhibit_Heme_Metabolism_by_Binding_to_Porphyrin/11938173
شاركوا البوست💙
منتظر المفضل
