Dr. Kamaran Hassan

31/05/2026

هەفت هەڵە کە هەرگیز نابێت لە کاتی دیزاینکردنی لۆگۆدا ئەنجامی بدەیت

هەڵەی یەکەم: جوان، بەڵام تەنها بە یەک قەبارە
هەڵەی دووەم: گۆڕینی لۆگۆ بۆ بەرهەمەکانی پیکاسۆ!
هەڵەی سێیەم: دەتوانی تا ئەمشەو لۆگۆیەکم بۆ دیزاین بکەیت؟!
هەڵەی چوارەم: هەموو شتێکی تێدا بێت و قەڵەباڵغ بێت
هەڵەی پێنجەم: کۆپیکردن
هەڵەی شەشەم: ناوی بنەماڵە و هێمای ڕەگەزی
هەڵەی هەفتەم: کۆپی کردن لە لۆگۆی تر

#کارسازی #مارکێتینگ #بزنس #بەڕێوەبردن #بەبازارکردن


https://t.me/karsazichannel

26/04/2026

ئۆفیسەکەت پێشانگای براندەکەتە

کاتێک کڕیارێک یان هاوبەشێکی بازرگانی دەچێتە ناو ئۆفیسەکەتەوە، ژینگەکەت پێش ئەوەی تەنانەت وشەیەک لە تۆ ببیستن قسەیان لەگەڵ دەکات.

ئەگەر کۆمپانیایەک نەتوانێت ئۆفیسەکەی بە پاک و خاوێنی و ڕێکوپێک ڕابگرێت، کڕیارەکان بە شێوەیەکی نائاگایانە وا دەزانن کە کوالیتی خزمەتگوزارییەکان یان بەرهەمەکانیشی نزمە.

پەنجەرەی ڕوون و زەوییە بریقەدارەکان و بۆنێکی خۆش لە شوێنی چاوەڕوانیدا هەستێکی پیشەیی و ڕێز دەگەیەنن.

#کارسازی #مارکێتینگ #بزنس #بەڕێوەبردن #بەبازارکردن


https://t.me/karsazichannel

20/04/2026

چۆنیەتی دەرکردنی کارمەندێک

گومانی تێدا نییە دەرکردنی کارمەندان یەکێکە لە ئەستەم ترین بریارەکان و کردەوەکان، زۆرێک لە بەڕێوەبەران خۆیان لە ڕاستەوخۆ دەرکردنی کارمەندێک دەدزنەوە بۆیە ئەم ئەرکە دەخەنە ئەستۆی کەسیكی ترەوە یان هەوڵ دەدەن لە ڕێگەی تەلەفۆنەوە پیی بڵێن کە دەرکراویی، بەڵام وەک هەر سەرکردەیەکی بازرگانی دەزانێت، هەندێک جار دەرکردنی کارمەندێک زۆر باو و ئاساییە.
توێژینەوەیەک لەسەر نزیکەی ٢٠ هەزار کارمەند لە سەرانسەری جیهان لەلایەن کۆمپانیای هارڤارد بزنس ڕیڤیو و تۆنی شوارتزەوە (Harvard Business Review and Tony Schwartz) دەرکەوتووە کە مامەڵەکردنیان بە ڕێزەوە گرنگترین شتە کە لە خاوەنکارەکەیان دەیانەوێت. ئەوان پێشکەشکردنی فیدباک یان دەرفەتی مانادار بۆ فێربوون، گەشەکردن لە سەرووی ناسینەوە و پێزانینەوە ڕیزبەندی دەکەن. کەواتە باشتر وایە بە باشترین شێوە کارمەندێک بەڕێبکەین وەک پرۆسەیەک مامەلەی لەگەڵ بکەین کە دەتوانێت لە کۆبوونەوەیەک دەستپێبکات بۆ ئەوەی سوپاسی هاوکاری ئەم ماوەیەی لێبکرێت.
چ ڕۆژیک کارمەندەکەمان دەربکەین گرنگە! رەنگە لامان جیاوازی نەبێت کە ڕۆژی دەرکردنی کارمەندەکەمان چ ڕۆژێک بێت بەڵام گرنگە. باشترن ڕۆژ کۆتایی هەفتەیە لەبەر ئەوەی ڕۆژی پشوو وا دەکات کە ئەو کارمەندە لە سەر توڕەیی خۆی زاڵ بێت و پلانێک بۆ خۆی دارێژێت. ئەگەر کارمەندێل نەیەوێت دەستاودەست دەکردنی خۆی بە خانەوادەکەی ڕابگەینیت لە ناوەڕاستی هەفتە چ بیانوویەک بێنیت کە بۆ ناچێتە سەر دەوام؟

#کارسازی

05/04/2026

پاکێجی باندکراو

پاکێجی باندکراو (Banded pack) یەکێکی ترە لە ئامرازەکانی پەرەپێدانی فرۆشتن کە تێیدا پاکێجێک پێشکەش بە کڕیار دەکەین کە چەندین بەرهەمی کۆمپانیاکە لەخۆدەگرێت. تایبەتمەندی ئەم پاکێجە ئەوەیە کە نرخەکەی کەمترە لە کۆی نرخی تاکە بەرهەمەکانی ناو پاکێجەکە.

بۆ نموونە گریمان پاکێجێک کە سێ بەرهەمی تێدایە بە نرخی ١٠ و ٢٠ و ٣٠ هەزار دینار پێشکەش بە کڕیار بکەین بە نرخی پەنجا هەزار دینار.

بەگشتی کۆمپانیاکان ئەم سێ جۆرە بەرهەمەی خوارەوە دەخەنە ناو پاکێجی باندکراوەوە:

بەرهەمێکی پڕفرۆش و بەناوبانگ

بەرهەمێک کە فرۆشی مامناوەندی هەبێت

بەرهەمێکی نوێ

کاتێک ئەم فۆرمولەیە بۆ پاکێجی باندکراو بەکاردەهێنین، بەهاوکاری بەرهەمە بەناوبانگەکەمان کڕیارەکە ڕادەکێشین و فرۆشی بەرهەمە ئاساییەکەمان زیاد دەکەین، بەرهەمە نوێیەکەمان بە کڕیاران دەناسێنین

#کارسازی #مارکێتینگ #بزنس #بەڕێوەبردن #بەبازارکردن


https://t.me/karsazichannel

08/02/2026

جاڵجاڵۆکە لە بەرنامەکانی گەشەپێدانی کەسیدا!

ئەم چیرۆکەی خوارەوە سوندەر پیچای دەگەڕێتەوە.

سوندەر پیچای بەڕەچەڵەک هیندییە لە بواری تەکنەلۆجیای زانیاری و لە 10ی ئابی 2015 وەک بەڕێوەبەری جێبەجێکاری کۆمپانیای گووگڵ هەڵبژێردرا، لە وتارەکەیدا لە گووگڵ ئەم چیرۆکەی گێڕایەوە و "تیۆری جاڵجاڵۆکە لە گەشەپێدانی کەسیدا" لێیەوە وەرگیراوە.

لە چێشتخانەیەکدا، لەناکاو "جاڵجاڵۆکە"یەک لە شوێنێکی نادیارەوە دەفڕێت و لەسەر ژنێک دادەنیشێت. ژنەکە لە ترسدا دەست دەکات بە هاوارکردن. بە ترس و دڵەڕاوکێ هەڵدەستێت و هەوڵدەدات بە بازدان و دەست لێدانی جاڵجاڵۆکە دوور بخاتەوە. کاردانەوەی ئەو ژنە درمی بوو و کەسانی دیکەش لەسەر هەمان مێز دەترسن. لە کۆتاییدا ژنەکە توانی جاڵجاڵۆکە پاڵ بنێت و دوور بخاتەوە. جاڵجاڵۆکە دەفڕێت و لەسەر ژنێکی دیکە دادەنیشێت. ئەمجارەیان نۆرەی ئەو و کەسانی نزیکی ئەون کە هەمان جوڵەکان دووبارە بکەنەوە! گارسۆنەکە ڕادەکات بۆ یارمەتیدانیان، بەهۆی کاردانەوەکانی خانمی دووەم، ئەمجارە جاڵجاڵۆکە دەفڕێت و لەسەر گارسۆنەکە دادەنیشێت. گارسۆنەکە بە توندی وەستاوە و سەیری هەڵسوکەوتی جاڵجاڵۆکە دەکات لەسەر جلەکانی و بە پەنجەکانی جاڵجاڵۆکە دەگرێت و لە چێشتخانەکە فڕێی دەداتە دەرەوە.

لە کاتێکدا چێژم لە قاوەکەم وەرگرت، شاهیدی ئەمە بووم و مێشکم بەم بابەتە سەرقاڵ بوو.

ئایا جاڵجاڵۆکە بووەتە هۆی ئەم ڕەفتارە هیستریایە؟

ئەگەر وایە بۆچی گارسۆنەکە بەم شێوەیە ڕەفتارێکی نەکرد؟

بۆچی بە بێ هیچ کاردانەوەیەک و بە بێ هەراسانکردنی کەسێک ئەم کێشەیەی چارەسەرکرد؟

ئەوە جاڵجاڵۆکە نەبوو کە بووە هۆی نائارامی و ناڕەحەتی خانمان، بەڵکو بێتوانایی خۆیان بوو لە مامەڵەکردن لەگەڵ جاڵجاڵۆکەدا.

لێرەوە بۆم دەرکەوت کە ئەوە باوکم و هاوسەرەکەم و سەرۆکەکەم نییە کە هاوار دەکات بەسەرمدا کە دڵتەنگم دەکات، بەڵکو بێتوانایی منە لە مامەڵەکردن لەگەڵ ئەم شتانەدا کە دڵتەنگم دەکات.

ئەوە هاتوچۆی ڕێگاوبانەکان نییە کە دڵتەنگم دەکات، ئەوە بێتوانایی منە لە مامەڵەکردن لەگەڵ ئەم دیاردەیە کە دڵتەنگم دەکات.

فێربووم کە لە ژیاندا مرۆڤ نابێت کاردانەوەی هەبێت، بەڵکو دەبێت “وەڵام بداتەوە”.

ئەو خانمانە کاردانەوەیان هەبوو بەرامبەر بەو شتەی کە ڕوویدا، لە کاتێکدا گارسۆنەکە وەڵامی دایەوە.

زۆرجار کاردانەوەکان غەریزەیین، لەکاتێکدا وەڵامەکان لە سەر بنەمای بیرکردنەوەن!

#کارسازی #مارکێتینگ #بزنس #بەڕێوەبردن #بەبازارکردن

کارسازی هونەری گۆڕینی خەونەکانە بۆ واقیع، کە داهێنان و کۆڵنەدان، بۆ دروستکردنی دەرفەتی نوێ و داڕشتنی ئایندەی بزنس و کار یەک دەگرنەوە”. بۆ پەیوەندی:

23/11/2025

چاوەڕوانی پاڵنەری؟

🔹 زۆرجار بوونی پاڵنەرێک یارمەتیمان دەدات کە باشتر و کاراتر بین، بەڵام ئەگەر کەسێک یان سەرچاوەیەک بۆ پاڵنانم نەبێت چی بکەین؟ بە تایبەت کە پڕۆژەیەکی ناوازە و جیاوازت هەیە بەڵام خەڵک لێت تێناگات؟ دەتەوێت کارێک بکەیت بەڵام هەموو دژی ڕادەوەستن دەبێت چی بکەین؟

🔸 هیچ چارەیەکمان نییە دەبێت خۆمان پاڵنەری خۆمان بین، وەک دەڵێن هیچ کەس ناتوانت بە باشی خۆت یارمەتیت بدات.

26/10/2025

بەرجەستە بوونی تواناکان لە چ تەمەنێت ڕوودەدات؟

لە کولتوری ئەمڕۆدا ڕەگداکوتاوە کە مرۆڤە سەرکەوتووەکانی زۆربەیان لە تەمەنی منداڵییەوە ڕێگاکانیان لە باقی ئاساییەکان جیا دەکەنەوە. زۆرێک لە بەناوبانگترین نمونەی سەرکەوتنی سەردەمی ئێمە، کەسانی وەک بیل گەیتس، مارک زوکەربێرگ، ئیلۆن ماسک یان تایلۆر سویفت، بەم شێوەیەن. تەنانەت زوکەربێرگ لە یەکێک لە گەمژانەترین لێدوانەکانیدا دەڵێت: گەنجان زیرەکترن. بەڵام ئەگەر لە دەرەوەی ئەم پاڵەوانە سەرنجڕاکێشانە سەیر بکەین، وێنەیەکی جیاواز دەبینین. واقیعەکە ئەوەیە کە نەک تەنها سەرکەوتن، بەڵکو تەنانەت داهێنان و بلیمەتی شتگەلێکن کە "بەگشتی" لە تەمەنێکی گەورەتردا بەدەست دەهێنرێن.

توێژەرانی دانیمارکی لە توێژینەوەیەکی ساڵی ٢٠١٩دا دەریانخستووە کە دۆزینەوە گەورەکان لە براوانی خەڵاتی نۆبڵ، بە تێکڕا لە تەمەنی ٤٤ ساڵیدا ڕوویانداوە. بە واتایەکی تر، تەنانەت مرۆڤە زیرەکەکانیش دەبێت دەیان ساڵ کاربکەن بۆ ئەوەی بگەنە ئاستێکی شارەزایی کە ڕێگەیان پێبدات دۆزینەوەی گرنگ ئەنجام بدەن.

کۆپەرنیکۆس لە ساڵانی شەستەکانی تەمەنی تیۆری جووڵەی هەسارەکانی پێشنیار کرد؛ پۆڵ سیزان کە یەکەم تابلۆکانی فرۆشت، کاتێک بوو کە تەمەنی لە سەرووی پەنجا ساڵەوە بوو؛ ساموێل جۆنسۆن، یەکێک لە گەورەترین نووسەرانی ئینگلیزی، پێش تەمەنی چل ساڵی هیچ شتێکی بەرچاوی نەنووسیوە. ئەم نموونانە لە جیهانی بازرگانیدا زۆرن. ڕیچ کالگارد، نووسەری کتێبی (درەنگ سەرکەوتن) دەڵێت: هەندێک جار دەبێت ڕێگەیەکی دوور ببڕیت بۆ ئەوەی بگەیتە داهێنان.

ئارسەر بروکس دەڵێت بە درێژایی مێژوو سێ جۆر سەرکەوتن هەبووە: ژانری "بلیمەتی منداڵ" کە لە تەمەنێکی بچووکەوە سەرکەوتنی گەورە بەدەستدەهێنن، کەسانی وەک پیکاسۆ یان فیتزجێراڵد. جۆری دووەم بریتییە لە ژانری " ئامانجی دووانە". ئەوانەی لە بوارێکدا دەبنە شارەزا، بەڵام لەناکاو هەموو شتێک لادەبەن و ڕێگایەکی تەواو جیاواز تاقی دەکەنەوە. کەسێکی وەک ئەلبێرت شوایتزەر فەیلەسوف و مۆسیقاژەن و پزیشکێکی گەورە بوو، لەناکاو بڕیاریدا ژیانی خۆی لە ئەوروپا جێبهێڵێت و تا کۆتایی ژیانی بە چارەسەرکردنی هەژارترین خەڵکی ناوچەکانی ئەفریقا بەسەر ببات.

گرووپی سێیەم بریتین لە ژانری "مامۆستاکان". دەیڤید گالێنسۆن، مامۆستای ئابووری لە زانکۆی شیکاگۆ لە کتێبەکەیدا بە ناونیشانی: "مامۆستا پیرەکان و بلیمەتە گەنجەکان" دەنووسێت: مامۆستا ئەو کەسایە وەک چارڵز داروین یان ئەلفرێد هیچکۆک کە لە تەمەنی گەنجیدا زۆر سەرکەوتوو نەبوون، بەڵام تایبەتمەندییەکی سەیریان هەیە: هەموو ژیانیان وەک قۆناغێک بۆ تاقیکردنەوە هەموو دەبینن. شتێک تاقی دەکەنەوە و فێر دەبن، پاشان شتێکی تر تاقی دەکەنەوە و زیاتر فێر دەبن. ئەوان تەرکیزیان لەسەر بەرهەمی کۆتایی کارەکە نییە و گرنگییەکی زۆریان پێنادەن، بەڵکو گرنگی سەرەکییان لەسەر خودی پرۆسەی فێربوونە.

زۆرێک لەو کەسانەی کە درەنگ سەرکەوتن بەدەستدێنن، لە تەمەنی ناوەڕاستەکانی ژیانیان دەست دەکەن بە ئەزموونکردن و لە خۆشییەکانی کارەکانیان چێژ وەردەگرن و سەرسام دەبن. لە بەرئەوەی گیرۆدەی کوت و بەندەکان نین، دهتوانن بیری خۆیان بگۆڕن و بە بێ گوێدان بە کلیشەکانی ژیانی کۆمەڵایەتی بۆ سەرکەوتن دەستەکەن بە تاقیکردنەوەی مۆدێلەکانی ژیانی خۆیان.


#کارساز

19/10/2025

دەروونناسی مارکێتینگی ئەپڵ: بۆچی هەندێک کەس ئایفۆن ١٧ دەکڕن

🔸 لە شەنگەهای، سڕەیەکی درێژی خەڵک دەبینیت کە بە بێدەنگی و بە پەرۆشەوە سەیری فرۆشگای بریقەداری ئەپڵ دەکەن. ئەوان چەند کاتژمێرێک، تەنانەت چەند ڕۆژێک چاوەڕێی ئەوەن کە یەکەم کەس بن دەستیان بە ئایفۆن ١٧ بگات، هەندێکیان مۆبایلەکانی ئێستایان بە تەواوی کاردەکات، پاترییەکەی تەندروستە و کامێراکە هێشتا جوانترین وێنەکان دەگرێت. بەڵام هێشتا، شتێک لەناویاندا دەڵێت، “ئەگەر ئێستا نەکڕیت، دوا دەکەویت.” لێرەدایە کە بەبازاڕکردنی ئەپڵ لە بەرهەمەکە تێدەپەڕێت و دەچێتە ناو بواری دەروونناسیدا.

ئەم چیرۆکە تەنها باسی مۆبایلێکی نوێ نییە. پەیوەندی بە پێویستی جیاوازبوونەوە هەیە، ترس لە لەدەستدان (FOMO: Fear of Missing Out)، و ئارەزووی سەر بە گروپێکی نوخبە بوونە. ئەپڵ بە شێوەیەکی وەستایانە ڕەنگ و زمان و کەمی (Scarcity) و سەڵماندنی کۆمەڵایەتی (Social Proof) بەکاردەهێنێت بۆ گۆڕینەوەی کڕینێک لە هەڵبژاردنێکی عەقڵانییەوە بۆ ئەزموونێکی سۆزداری. لە بنەڕەتدا ئەپڵ مۆبایل نافرۆشێت، بەڵکو “هەست” دەفرۆشێت.

🔹 ڕەنگ و ناوەکان: وروژاندنی نائاگایانە بۆ گۆڕانکارییە بچووکەکان

🔸 ڕەنگێکی نوێی شین یان پرتەقاڵی دەتوانێت فێل لە مێشک بکات و وا بیر بکاتەوە کە شتێکی تەواو نوێیە. ئەمە کاریگەری “Novelty Bias” ە لە دەروونناسیدا، کە دەبێتە هۆی ئەوەی مێشکمان گۆڕانکارییەکی بچووک وەک داهێنانێکی گەورە هەست پێبکات. کاتێک ئایفۆن ١٧ بە ڕەنگی نوێ دەخرێتە بازاڕەوە، هەستی “تازەیی” هەستی “پێویستی” زاڵ دەکات. بەکارهێنەر هەست دەکات کە بەرهەمەکە جیاوازە، تەنانەت ئەگەر گۆڕانکارییە ڕاستەقینەکانی سۆفتوێری بچووکیش بن.

🔹 کەمی یان دەستنەکەوتوویی دەستکرد: بۆچی ئەپڵ بە مەبەست هەموو پێداویستییەکان دابین ناکات؟ لە کاتێکدا توانای بەرهەمهێنانی سەرجەم پێداویستییەکانی هەیە.
🔸 ئەم ستراتیژە تێکەڵەیەک لە ئابووری ڕەفتار (Behavioral Economics) و دەروونناسی کۆمەڵایەتییەوە. مرۆڤەکان بەهای ئەو شتانە کە کەمن زیاتر لەوەی کە لە ڕاستیدا هەن، درکی پیدەکەن. ئەپڵ بە دروستکردنی ساتەکانی “Sold Out” نەک هەر بەهای بەرهەمەکە زیاد دەکات، بەڵکو جۆرێک لە “دڵسۆزی سۆزداری” (Emotional Loyalty) دروست دەکات. کڕیار هەست دەکات بەشێکە لە گروپێکی سنووردار و تایبەت و ئەم هەستەی سەر بە گروپێکی هەڵبژێردراویش دڵسۆزی درێژخایەن دەهێنێت.

🔹 سەلماندنی کۆمەڵایەتی: بۆچی بینینی سڕەکان گرنگترە لە بینینی تایبەتمەندییەکان؟

🔸 لە ڕۆژی خستنەبازاڕی ئایفۆن ١٧ وێنەی سڕەی درێژ لە میدیاکان بڵاوکرایەوە. ئەم دیمەنانە هەڕەمەکی نین. ڕۆڵی “سەلماندنی کۆمەڵایەتی” یان (Social Proof) دەگێڕن. مرۆڤەکان لە بنەڕەتدا بەدوای پشتڕاستکردنەوەی کەسانی دیکەدا دەگەڕێن. کاتێک هەزاران کەس دەبینن کە ئامادەن بۆ چەند کاتژمێرێک لە سڕەدا بوەستن، بە نائاگاییەوە دەگەنە ئەو ئەنجامەی کە بەرهەمەکە بەنرخە.
🔹 سیگنالی پێگە: بۆچی ئایفۆن تەنها ئامێرێکی پەیوەندیکردن نییە؟
کاتێک کەسێک ئایفۆنێکی نوێ دەکڕێت ئامانجی تەنها پەیوەندیکردن یان وێنەگرتن نییە. لە دەروونناسی کۆمەڵایەتیدا ئەم دیاردەیە پێی دەوترێت “Status Signaling”. هەبوونی ئایفۆنێکی نوێ بە کەسانی دیکە نیشان دەدات کە کەسەکە "ئاپدەیت"ە، "لە پێشەوەترە" و "سەر بە چینە هۆشیارەکانە". هەروەک چۆن مارکەیەکی جلوبەرگی لوکس لەبەر دەکەیت، ئایفۆن بووەتە نیشانەیەکی کۆمەڵایەتی.

💠 هەتا چەنێک لەگەڵ ئەم شیکارییە هاوڕایت؟

#کارسازی #کارساز #بزنس #بەڕێوەبردن #داهێنان


https://t.me/karsazichannel

12/10/2025

سێ جۆری سەرەکی مارکێتینگ

✍️ فیلیپ کۆتلەر لە کتێبی "کۆتلەر لە بەڕێوەبردنی بازاڕکردن" دەنووسێت:

🔺 بۆ ئەوەی باشتر لە مارکێتینگ تێبگەین، پێویستە زیاتر ئاشنا بین بە سێ جۆرە سەرەکییەکەی کە بریتین لە:
بۆ خوێندنەوەی ئەم بابتە تکایە کلیک لە سەر لینکی خوارەوە بکەن:

11/10/2025

ڕەفتاری مێگەلانە لە بەبازاڕکردندا چییە؟

🔸 سەیری وێنەی سەرەوە بکەن، ڕەوە مەڕێک لەوەڕگەیەک بەجێدەهێڵن کە سیاجێکی بەدەوریدا نییە، بەڵام بەو پێیەی گروپی یەکەم بە دەروازەکەوە تێپەڕیون، ئەوانی تریش هەمان شت دەکەن!

بۆ خوێندنەوەی ئەم بابەتە تکایە کلیک لە سەر لینکی خوارەوە بکەن:
https://t.me/karsazichannel/653