26/10/2026
Ritari er fyrirmyndarfyrirtæki í rekstri 2026 🏆
Við erum afar ánægð og stolt af því að Ritari sé í hópi þeirra fyrirtækja sem hljóta viðurkenninguna Fyrirmyndarfyrirtæki í rekstri 2026 hjá Viðskiptablaðinu og Keldunni.
Viðurkenningin er veitt fyrirtækjum sem uppfylla ströng skilyrði um traustan og ábyrgan rekstur, fjárhagslegan styrk og jákvæða afkomu.
Aðeins um 5,4% fyrirtækja á Íslandi komast á þennan lista, og því er það okkur sérstakt ánægjuefni að vera í þessum hópi.
Þessi viðurkenning er okkur mikils virði og staðfesting á þeim metnaði og þeirri vinnu sem lögð er í að byggja upp öflugt og traust fyrirtæki.
Stærstu þakkirnar fær okkar frábæra starfsfólk, sem á stóran þátt í þessum árangri, og ekki síður viðskiptavinir okkar fyrir traustið og gott samstarf í gegnum árin.
Við höldum stolt áfram að byggja upp Ritara af fagmennsku, góðri þjónustu og ánægju viðskiptavina að leiðarljósi.
