Hann hefur að miklu leiti séð um sína þjálfun sjálfur á þeim tíma, en einnig tekið tímabil þar sem hann er undir handleiðslu annara aðila, bæði til að geta einbeitt sér betur að því að æfa og einnig til þess að öðlast meiri þekkingu og meiri breidd í þjálfun og aðferðir. Sigfús hefur náð miklum árangri í sínum íþróttum. Sigfús útskrifaðist sem ÍAK einkaþjálfari vorið 2011, en hefur verið að vinna
við þjálfun og leiðsögn, bæði íþróttamanna og einstaklinga sem eru að stunda líkamsrækt fyrir eigin markmið og heilsu í að verða áratug með góðum árangri. Einnig er hann á þriðja ári í sálfræði við Háskólann á Akureyri. Það nám fer mjög vel saman við einkaþjálfunina og er hún nýtt í markmiðasetningu og fleira sem viðkemur þjálfuninni. Ingibjörg Óladóttir hefur æft sund, körfubolta og kraftlyftingar í gegnum árin, en er núna að æfa fyrir aflraunir, en hún hefur til dæmis keppt á sterkustu konu Íslands. Hún útskrifaðist sem ÍAK einkaþjálfari 2011 og hefur tekið sérstök námskeið í þjálfun óléttra kvenna og kvenna eftir barnsburð, ásamt því að vera búin að taka fyrsta stig í kraftlyftingaþjálfaranámi hjá ÍSÍ. Í fyrra fór hún einnig í gegnum „Þjálfum betur“ námskeiðið sem kennt er af Styrktarþjálfun.is. Ingibjörg hefur um árabil kennt hópatíma sem hún vinnur og setur saman sjálf, ásamt því að vinna sem einka- og fjarþjálfari. Ingibjörg greindist með sykursýki týpu 1 þegar hún var 6 ára og hefur því umtalsverða reynslu og þekkingu í að æfa og þjálfa með sjúkdómnum.
