Creatrix sinnir aðallega verkefnum sem tengjast menntun, menningu og nýsköpun. Í því felst verkefnastjórnun, fræðsla, vinnustofur og skapandi vinna af ýmsu tagi. Signý er með MA gráðu í menningarstjórnun og hefur starfað sem stjórnandi í menntageiranum, heilbrigðisgeiranum og í opinberri stjórnsýslu svo eitthvað sé nefnt. Creatrix býður upp á verkefnastjórnun og fræðslu sérsniðna að þörfum fyrirtækja, sveitarfélaga og stofnana. Aðferðir og humyndafræði Creatrix gengur út á það að styrkja einstaklinga til skapandi verka með því að byggja upp kjark og vilja til að sýna frumkvæði í þróun hugmynda og verkefna. Mikið er lagt upp úr samvinnu og sameiginlegum árangri sem og að efla vitund einstaklinga á menningarlegum og samfélagslegum þáttum sem hafa áhrif á samskipti innan skipulagsheilda. Lengd og skipulag fræðslu fer eftir þörfum hverju sinni.
