Mitt Hugskot - Markþjálfun

04/03/2026

Skugginn í herberginu

Það er skrýtin tilfinning að vera með góðan ásetning og samt lenda alltaf á sama stað.

Maður er búinn að ákveða sig. Á að taka til, klára, hreyfa sig, svara, mæta, standa við. Þetta er ekkert flókið á blaði. Svo kemur dagurinn. Eða vikan. Eða bara klukkan tvö á þriðjudegi þegar allt fer í skrúfuna. Og allt í einu er maður kominn í gamla módelið sitt.

Þarna er skugginn.

Ekki sem skrímsli eða dramatík, heldur sem kunnuglegt mynstur sem á það til að stíga inn í herbergið þegar maður er ekki alveg með stjórn á sér. Stundum birtist hann sem frestun. Stundum sem pirringur. Stundum sem það að fara í fullkomnunarham, gera allt að risaverkefni, svo maður hafi góða afsökun til að byrja ekki.

Flest okkar reyna að leysa þetta með því að skamma sig. Það virkar stundum í tvo daga. Svo fellur maður, skammast sín meira, og endar í sama hring. Þetta er eins og að reyna að keyra bíl með því að öskra á mælaborðið.

Skugginn er ekki endilega það versta í okkur. Hann er oft það sem við höfum ekki nennt að skilja.

Lestu nánar um skuggana þína, hlekkur í fyrstu athugasemd.

11/01/2026

Hugleiðing dagsins 🧠

Einn af nemendum Einsteins spurði hann: „Hvað merkir rökfræði“

Einstein svaraði: „Ég ætla að svara með spurningu. Segjum að tveir stromphreinsarar fari niður í sama stromp til að hreinsa hann. Annar kemur upp með skítugt andlit en hinn með hreint andlit. Hvor þeirra fer að þvo sér í framan“
Neminn svaraði strax, án þess að hika: „Auðvitað sá sem er skítugur í framan.“

Einstein sagði: „Svarið þitt er rangt. Sá sem fer að þvo sér er sá sem er með hreint andlit, því hann sér andlit samstarfsmannsins og ályktar að sitt eigið hljóti líka að vera skítugt. Sá sem er skítugur í framan fer ekki að þvo sér, af því að hann sér hinn hreina og heldur að hann sé sjálfur líka hreinn.“

Neminn sagði: „Þetta er satt og rökrétt.“

Einstein svaraði: „Nei, þetta er ekki satt, því spurningin sjálf er óskynsamleg. Það er ekki rökrétt að tveir menn fari á sama tíma niður í sama stromp og annar komi upp hreinn en hinn skítugur.“

Stundum er vandinn ekki svarið, heldur spurningin sem er gölluð.

06/01/2026

þegar taugakerfið fer yfir þolmörk lokast ég stundum af. Þagna. Hverf. Og það getur sært fólk.

ADHD og áfallastreita er mín ástæða, ekki afsökun. Ég ber ábyrgð á því sem ég skil eftir og ég er að læra að laga það sem hægt er að laga. Með verkum, ekki bara orðum.

Ef þú hefur staðið fyrir utan, þú mátt vera sár og setja mörk.

Ef þú þekkir þetta að innan, þú ert ekki ein eða einn, en við þurfum samt að taka ábyrgð.

En las mig til um þetta og skrifaði aðeins um þetta á Vísir - Hlekkur í kommenti.

28/10/2025

12 Lögmál Alheimsins: Leiðarvísir að Lífsgæðum og Jafnvægi

Í gegnum tíðina hafa margir einstaklingar leitað að því að skilja betur hvernig heimurinn virkar, og ein af þeim leiðum sem hafa fengið mikla athygli eru lögmál alheimsins. Þessi 12 lögmál eru dýrmætur leiðarvísir að betra lífi, jafnvægi og velgengni. Þau eru oft notuð í sjálfshjálp, markmiðasetningu og andlegum leiðtogum, með það að markmiði að leiðbeina fólki í átt að því að láta drauma sína rætast.

Á vefsðuni www.mitthugskot.is hef ég tekið saman smá yfirlit hvernig hægt er að ná markmiðum sínum með því að skoða hvert lögmál.

Ef þú hefur áhuga að skoða þetta en frekar og koma í markþjálfun þá er í boði að koma FRÍTT í prufu tíma og sjá hvort ég geti aðstoðað þig að ná ÞÍNUM markmiðum, þar sem ég blanda saman þessum lögmálum og markþjálfun, og aðstoða þig að finna svörinn innra með þér!

Hvað er að stopa þig að lifa lífiu sem þér langar?

12 Lögmál Alheimsins: Leiðarvísir að Lífsgæðum og Jafnvægi Í gegnum tíðina hafa margir einstaklingar leitað að því að skilja betur hvernig heimurinn virkar, og ein af þeim leiðum sem hafa fengið mikla athygli eru lögmál alheimsins. Þessi 12 lögmál eru dýrmætur leiðarvísi...

27/10/2025

Mitt Hugskot Markþjálfun - Vertu besta Útgáfan af Þér

Almenn markþjálfun er fyrir alla sem vilja ná árangri og verða besta útgáfan af sjálfum sér. Markþjálfun býður þér leiðsögn og stuðning til að takast á við áskoranir, setja markmið og framkvæma þau skref fyrir skref. Markþjálfi hjálpar þér að:

Setja skýr markmið: Byggðu framtíðarsýn sem endurspeglar drauma þína og langanir.

Auka sjálfsvitund: Uppgötvaðu styrkleika þína og veikleika til að taka upplýstari ákvarðanir.

Byggja upp sjálfstraust: Sigrastu á óöryggi og finndu þína leið til persónulegs og faglegs árangurs.

Stjórna streitu: Þróaðu aðferðir til að takast á við daglega streitu og lifðu með meiri vellíðan.

Frægir einstaklingar á borð við Oprah Winfrey, Bill Gates og Serena Williams hafa öll talað um hversu mikið markþjálfun hefur hjálpað þeim í lífinu. Með markþjálfun geturðu náð þínum markmiðum, hvort sem þau snúa að persónulegum árangri eða ferli.

"Allir þurfa markþjálfa. Það skiptir ekki máli hvort þú sért í körfubolta, tennis, tónlist, viðskiptum eða leiklist. Við þurfum öll fólk sem gefur okkur heiðarlega og sanna endurgjöf. Það er þannig sem við bætum okkur." - Bill Gates

Kynntu þér markþjálfun sem er í boði á www.mitthugskot.is

13/10/2025

Vikan byrjar hér!

Í mörg ár flækti ég lífið með því að vera nice gaur, var að rembast við að þóknast öllum og lagði eigin gildi og mörk til hliðar. Þar með lofaði ég upp í ermina og brenndi mig. Eftir mikla skuggavinnu síðustu tvö ár, þar sem ég horfðist í augu við djöfla og beinagrindur fortíðar, fattaði ég að það er grundvallarmunur á því að vera góður gaur og nice gaur.

Góður gaur stendur með sannleikanum þó hann sé óþægilegur. Nice gaur brosir og samþykkir og lætur svo sjálfan sig í annað sætið. Ég er hættur að leika þennan leik. Heiðarleiki og hreinskilni sparar orku. Breytir samskiptum og eldur áttavitanum rétt stiltum.

Mörk eru ekki múr heldur skýr lína. Þar endar ruglið og þar byrjar ábyrgðin. Þegar línan er skýr léttist pressan, tjáningin verður hreinni og vinnan fer að skila raunverulegu gildi. Það er engin hetjudáð að hlaupa í allar áttir. Hetjudáð er að standa kyrr þegar það á við.

Ég byrja vikuna á því að stilla hugarfarið. Engin sýndarmennska. Eitt skýrt áhersluatriði og raunveruleg framkvæmd. Gildin mín eiga að sjást í verki áður en þau sjást í orðum. Heiðarleiki. Ábyrgð. Virðing. Það er nóg.

Smá til ykkar sem eruð að taka til í eigin fókus. Það er í lagi að setja sjálfan sig í fyrsta sæti þegar það er gert af ábyrgð. Það er styrkur að kunna takmarkanir sínar og stilla væntingar eftir raunveruleikanum fremur en brjálæðislegum kröfum. Gildi eru áttaviti, ekki skraut. Þegar þau eru skýr verða ákvarðanir einfaldari og orkan fer í það sem skiptir máli.

Markmið þurfa ekki að vera stór til að vera sterk. Ein skýr ákvörðun getur hreyft við heilu viku. Bestu útgáfurnar af okkur verða ekki til á einni nóttu heldur með stöðugri æfingu. Við dettum, reisum okkur og lærum. Það er leikurinn.

Og já, ég er enn með ADHD. Ég gleymi hlutum og geri mistök. Það þýðir samt ekki að ég sé óáreiðanlegur. Heiðarleiki og hreinskilni halda mér mennskum, ég er ekki vél. Þegar ég klikka segi ég það og laga. Það heldur traustinu lifandi og skapar rými fyrir raunverulegan vöxt.

Svona byrjar mín vika. Jarðtengdur fókus, hreint samviskuspjald og skýr stefna. Minna hávaði, meiri merking. Ef þetta kveikir hjá þér einhvern lit að innan þá erum við þegar komin af stað.

Eigið fu***ng frábæra og uppbyggjandiviku. 🤘🏻❤️🤘🏻

10/10/2025

Skilaboð dagsins eru einföld. Við erum ekki fórnarlömb. Aðstæður geta verið erfiðar og ósanngjarnar, en við ráðum hvernig við mætum þeim. Við veljum að taka ábyrgð, segja hlutina beint út og standa við það sem við segjum. Þá færist fókusinn af suði yfir á lausnir og næsta skref verður sýnilegt.

Þakklæti er praktískt verkfæri, ekki tilfinningasýning. Við tökum eftir því sem virkar, viðurkennum það og byggjum ofan á. Það róar hugann og styrkir ákvörðunina um að gera gagn í dag.

Við lyftum samtalinu með virðingu og hjálpsemi, ekki dramatík. Við leiðréttum villur án þess að fara í vörn. Við sköpum rými þar sem fólk fær að standa upprétt og vinna sína vinnu. Slíkt kemur oft til baka með tímanum, en ástæðan er einfaldari. Svona viljum við hafa þetta.

Í dag veljum við framkvæmd fram yfir afsakanir, skýrleika fram yfir suð og manneskjulegt framlag fram yfir stæla. Það er takturinn. Þar byrjar betri dagur.

„Draumar þurfa ekki fullkomnar aðstæður, þeir þurfa bara að þú byrjir. Með hverju skrefi sem þú tekur, opnast nýjar leiðir og tækifæri sem þú sást ekki áður. Byrjaðu í dag, og sköpunarkrafturinn mun leiða þig lengra en þú bjóst við.“
- Steindór Þó.

30/08/2025

Endilega deilið 💔🕊️

Ég er orðinn þreyttur á að missa fólk sem mér þykir vænt um. Seint árið 2022 og fram á 2023 kom ég að tilraun vinar. Mánuði síðar keyrði náinn samstarfsmaður út í sjó. Tveimur mánuðum eftir það missti ég annan vin vegna neyslu. Eitthvað brast. Kerfið greip mig ekki.

04/12/2024

Gjafabréf í markþjálfun 🎁✨

Gefðu kraftmikla jólagjöf með gjafabréfi í markþjálfun hjá Mitt Hugskot! 🧠💡 Markþjálfunartíminn kostar nú aðeins 7.500 kr (venjulegt verð: 12.500 kr) sem hluti af jólatilboði okkar.

Það er líka allt í lagi að gefa sjálfum sér gjöf. 🎄💚 Allir sem skrá sig fá frítt netnámskeið með: „14 dagar í átt að þínum markmiðum.“ Steindór Þórarinsson markþjálfi leiðir þig í gegnum kenningar Napoleon Hill og 12 lögmál alheimsins, svo þú getur skapað lífið sem þú þráir. 🌟

Gefðu kraftmikla jólagjöf með gjafabréfi í markþjálfun hjá Mitt Hugskot! 🧠 Markþjálfunartíminn kostar nú aðeins 7.500 kr (venjulegt verð: 12.500 kr) sem hluti af jólatilboði okkar.

17/10/2024

Hugleiðing fyrir svefninn 🌿💤

Þó að ég sé orðinn fagmaður í ADHD og markþjálfun, þá er ég ennþá með ADHD. Það er engin töfralausn til eða "lækning" en það eru tól sem geta auðveldað okkur lífið. Einu sinni reif ég mig alltaf niður fyrir að detta í þessi þunglyndisköst. Einu sinni laug ég risa sögum til að þurfa ekki að segja sannleikann. Í dag segi ég einfaldlega: „Fyrirgefðu, lokaði mig af vegna þunglyndis, get ég gert eitthvað til að bæta það, eða kem með tillögu hvað ég get gert.“

Ég skammast mín ekki fyrir að vera ég og er búinn að sættast við þessa staðreynd í lífinu mínu. ADHD er samt bara ástæða en ekki afsökun. Ég er ekki að afsaka mig fyrir að „ghost-a“ fólk eða bara lífið almennt. Ég geri það ekki viljandi, en í svona lægðum er þetta bjargráð sem ég hef þróað með mér þegar ég skildi þetta ekki, og ég er stöðugt að vinna í að bæta það, því það er svo vont að bregðast fólki, að standa ekki við orð sín, þó ég vilji það svo einlæglega.

Markþjálfunin og lærdómsferð mín í ADHD markþjálfaævintýrinu er ótrúlega krefjandi en svoooo góð. Það er ótrúlegt að finna að með hverju skrefi verð ég betri, því markþjálfun snýst ekki um fullkomnun heldur framfarir. Sá sem ég er í dag miðað við fyrir aðeins einu ári t.d. er GRÍÐARLEGUR! Ég hef bætt mig meira á þessum 18 mánuðum eftir að ég tók föstum tökum á ADHD en nokkru sinni fyrr, eftir að ég fór að læra um minn veikleika, sem á sama tíma er líka minn styrkleiki.

Svo er það þetta með að fyrirgefa sjálfum sér. Í viðtali með Jay Shetty talaði Jelly Roll um fyrirgefningu á sjálfum sér. Hann lýsti því hversu erfitt það getur verið að fyrirgefa sjálfum sér fyrir fyrri mistök, sérstaklega þegar það snýst um sektarkennd og skömm yfir fortíðinni. Hann útskýrði að lykillinn að fyrirgefningu sé ábyrgð, að taka ábyrgð á mistökum sínum án þess að láta sektarkenndina eyðileggja framtíðina. Hann talaði um mikilvægi þess að aðgreina ábyrgð frá sjálfseyðandi hegðun og hvernig þessi ferli hjálpuðu honum að finna frið með sjálfum sér. Hann sagði einnig að það sé erfitt að horfa í eigin bakspegil og sjá allan skaðann sem maður hefur valdið, en þrátt fyrir það sé nauðsynlegt að fyrirgefa sjálfum sér til að geta haldið áfram og fundið tilgang í lífinu. Orð að sönnu!

Já, lífið krakkar… lífið. 🌿💚

Það er mikið talað um rauð flögg í dag, merki sem við þurfum að taka eftir til að vernda okkur. En hvað með græn flögg? Eftir smá andlega lægð síðustu ca. 10 daga +/- vegna ADHD hef ég ákveðið að beina meiri athygli að því jákvæða í lífinu, því sem lyftir mér upp og skiptir máli.

En svona til gamans þá eru hér eru nokkur græn flögg sem ég hef hugleitt um í dag, og það er svo mikilvægt að umkringja sig af góðu fólki, að sjálfsögðu þurfum við að varast rauð flögg, en ég er hættur að hugsa "hvers vegna gerði viðkomandi þetta, og hugsa frekar hvað ætli hafi komið fyrir hjá þessari manneskju" og set mörk og fjarlægjist svo manneksjuna. Mörk eru mikilvæg, en ekki síður að setja orku og fókus að sjá það góða í þeim sem eru kirngum okkur líka. Því það getur veitt okkur styrk og loka á þá einstaklinga sem valda okkur en meiri skaða, en opna á samsktipi við fólkið sem vill okkur vel.

Brotið fólk brýtur fólk, en við berum ALLTAF ábyrgð á hegðun okkar. Fólk getur líka verið brotið og verið gott fólk, við þurfum bara að læra setja mörk, en mikilvægt er líka að finna fallegu sálirnar í lífi mans og gefa þeim til baka góða orku.

💚 Þegar einhver tekur eftir því að þú ert stressaður og sér um litlu hlutina til að létta þér byrðina.

💚 Þegar einhver leggur sig fram við að minna þig á hversu ómetanlegur þú ert í þeirra lífi.

💚 Þegar einhver heldur áfram að vera forvitinn um þig löngu eftir að nýjungin hverfur.

💚 Þegar einhver hvetur þig til að panta „franskar fyrir borðið“ en veit að þær eru í raun bara fyrir þig.

💚 Þegar einhver býðst til að fara í göngutúr með þér því hann veit að það hreinsar hugann þinn.

💚 Þegar einhver les bókina eða horfir á þáttinn sem þú mælir með, því það skiptir hann máli af því það skiptir þig máli.

💚 Þegar einhver man eftir einhverju tilviljanakenndu sem þú sagðir fyrir mánuðum og kemur þér á óvart með því.

💚 Þegar einhver getur tekist á við ágreining án þess að gera það að spurningu um sigur eða tap.

Við höfum öll okkar rauðu flögg, en það eru grænu flöggin sem gera lífið fallegt. 🌱✨