23/01/2026
Ljóst má vera að staða barna með fjölþættan vanda hefur farið versnandi á undanförnum árum. Segja má að úrræðaleysið hafi verið algjört. Leggja ber áherslu á að við snúum af þeirri vegferð. Vonandi erum við komin á þann stað þar sem verkin verða látin tala. Ekki er ástæða til að skipa fleiri nefndir til að skoða hvað eigi að gera o.s.frv. Greiningar og tillögur liggja fyrir. Í grein stjórnar Farsældartúns er reynt að varpa ljósi á hversu alvarleg staðan er og hvað eigi að gera.
Mikið úrræðaleysi hefur verið í málefnum barna með fjölþættan vanda. Afleiðingarnar hafa ekki látið á sér standa. Við höfum séð á eftir efnilegum unglingum, fjölskyldur hafa sundrast, foreldrar orðið óvinnufærir, alvarlegar uppákomur hafa orðið á meðferðarheimilum, la...
