17/08/2026
Viðreisn birti fyrir skemmstu þessa mynd þar sem æðruleysisbænin er tekin og henni breytt í pólitískan brandara um krónuna og evruna.
Burtséð frá allri pólitík finnst mér þetta ósmekklegt og langt yfir mörkin.
Æðruleysisbænin er ekki bara einhver texti til að leika sér með. Hún hefur fylgt ótrúlega mörgum í gegnum erfiðustu stundir lífsins. Hún hefur veitt fólki styrk þegar það hefur staðið frammi fyrir fíkn, sorg, vanmætti og jafnvel baráttu upp á líf og dauða.
Ég er alveg fyrir kaldhæðni og húmor — en húmor má ekki vera særandi. Þegar brandari gerir lítið úr einhverju sem hefur svo djúpa og jafnvel heilaga merkingu fyrir fjölda fólks, þá hefur brandarinn einfaldlega fallið um sjálfan sig.
Færslan hefur nú verið fjarlægð eftir að athygli Viðreisnar var vakin á henni.
