Svarmi

27/02/2026

Lúpínan: Hvar er hún og hvert stefnir hún? 🌿

Þessari spurningu höfum við hjá Svarmi unnið að því að svara. Síðastliðið sumar lögðumst við í umfangsmikið verkefni, undir forystu Amir Hamedpour, þar sem við nýttum fjarkönnun (remote sensing) til að meta útbreiðslu lúpínu á öllu landinu.

📰 Baendabladid fjallar ítarlega um verkefnið. Blaðið er alltaf frábær lesning, en fyrir þá sem vilja hoppa beint í lúpínuna má finna greinina á bls. 52. Sjá nánar hér https://lnkd.in/d9VggV2G

Hér eru nokkrir punktar úr þessu verkefni:
- Við bárum saman útbreiðslu milli áranna 2020 og 2025.
- Ljóst er að lúpínan er að breiða verulega úr sér eða um 5% flatarmálsaukning á 5 ára tímabili.
- Náttúrufræðistofnun – Natural Science Institute of Iceland gerði síðast mjög ítarlega úttekt árið 2016

Það sem gerir aðferðafræði Svarma spennandi er að hún byggir fyrst og fremst á tölvukeyrslum á gervihnattagögnum. Það þýðir að hægt er að keyra nýja greiningu árlega með mjög litlum tilkostnaði og fylgjast þannig mun betur með þróuninni en áður hefur verið hægt.

Skýrslu um verkefnið má líka finna hér: svarmi.com/lupina

Niðurstöður í DATACT má svo skoða hér:
https://lnkd.in/dKU6fzVD

Endilega skoðið þetta og komið með athugasemdir þetta er ekki fullkomið og við viljum bæta þessa greiningu okkar og því allar ábendingar vel þegnar.

23/02/2026

Uppfært grunnkort í DATACT
Við hjá Svarma höfum nú opnað fyrir fyrsta áfanga nýrra loftmynda í hugbúnaðinum okkar, DATACT. Myndirnar eru afrakstur af umfangsmiklu loftmynda verkefni Náttúrufræðistofnunar (áður Landmælinga Íslands) sem er nú loksins að raungerast.

Hvers vegna skiptir þetta okkur öll máli? Þetta snýst um svo miklu meira en bara betri gögn fyrir okkur kortanördana. Þetta er kerfisbreyting sem er vonandi komin til að vera:

Betri grunnkort: Munurinn á gervihnattamyndum og þessum loftmyndum er gríðarlegur. Ef þú hefur einhvern tíma notað kort í stórborgum Evrópu og dáðst að upplausninni, þá er það líklega af því að viðkomandi land hefur opnað aðgengi að svona gögnum fyrir alla.

Betri gögn fyrir alla: Með því að gera gögnin opin aukast líkurnar á að þau rati inn í öppin sem við notum öll daglega. Þegar grunngögnin eru góð, batnar þjónustan við okkur öll.

Opin gögn = Almannahagsmunir: Í stað þess að mikilvægar upplýsingar um landið okkar séu í einkaeigu á bak við greiðsluveggi, eru þær nú að verða sameign okkar allra. Það tryggir jafnt aðgengi, aukið öryggi og heilbrigða samkeppni.

Vel gert Náttúrufræðistofnun! 👏 Við hjá Svarma styðjum þessa vegferð heils hugar. Við vitum að það fylgir því ákveðinn stormur í fjölmiðlum þegar rótgróinni einokunarstöðu er raskað, en staðreyndin er sú að þetta verkefni er gríðarlega mikilvægt fyrir samfélagið.

Að fara að fordæmi annara evrópuþjóða og bjóða út kortlagningu af öllu landinu er eina rétta leiðin. Með þessu móti geta öll sem vilja tekið þátt í útboðinu og útkoman verður opin gögn fyrir almenning, fyrirtæki og stofnanir og hagræðingin umtalsvert hvað kostnað varðar svo ekki sé talað um tækifæri í nýsköpun.

Í DATACT þarftu að velja gervihnatta þekjuna og svo bara þysja inn og nýjustu gögnin birtast sjálfkrafa. Munurinn á gamla grunnkortinu og því nýja má sjá á meðfylgjandi mynd.

́sland

22/05/2025

Við nýttum blíðviðrir síðastliðinn föstudag til að kortleggja þéttbýli Grundafjarðar, bæði með LiDAR og ljósmyndum. Mjög spennandi vegferð framundan en Svarmi og hafa nú skrifað undir 6 ára samstarfsamning um að kortleggja þéttbýlissvæðið einu sinni á ári og notkun á DATACT, hugbúnaði Svarma þar sem hægt er að skoða gögnin bæði í 2D og 3D.

Eins og segir í fréttinni frá Grundafjarðarbæ er hægt að nýta þessi gögn á marga vegu, bæði í skipulagsvinnu en ekki síður notkun þessara gagna í tengslum við verkefnið þeirra ICEWATER sem er mjög spennandi.

Á föstudaginn síðasta mátti sjá veglega dróna (flygildi) sveima um loftin yfir bænum. Þar var á ferðinni fyrirtækið Svarmi sem sérhæfir sig í loftmyndatöku í hárri upplausn. Svarmi var við myndatökur fyrir Grundarfjarðarbæ, en myndirnar munu gera okkur kleift að skoða og gre...