Eygló Austurland

29/06/2026

Skráning er hafin fyrir Startup Landið og er umsóknarfrestur til fyrsta september.

Startup Landið er nýsköpunarhraðall fyrir verkefni af landsbyggðinni sem vilja fá stuðning við að ná lengra í sínu ferli með stuðningi frá sérfræðingum.

Við hvetjum eindregið til þess að íbúar Austurlands láti drauma sína rætast og sækji um sína verkefnahugmynd.
Ef ykkur vantar aðstoð við ferlið má alltaf heyra í starfsmanni Eyglóar eða Páli hjá Austurbrú fyrir leiðbeiningar.

Frumkvöðlar og nýsköpunarteymi á Austurlandi geta nú sótt um þátttöku í Startup Landinu 2026. Hraðallinn býður upp á leiðsögn sérfræðinga, vinnustofur og öflugt tengslanet sem hjálpar þátttakendum að þróa hugmyndir sínar áfram og færa verkefni sín á næsta stig. Umsó...

10/04/2026

Okkur langar að minna íbúa á köldum svæðum innan Múlaþings að nú fer að styttast í að lokað verður fyrir skráningar fyrir heimsókn ráðgjafa frá Hagvarma, varðandi uppsetningu á varmadælukerfum.

Síðasti sjens til skráningar er 20 apríl og er skráning íbúum að kostnaðarlausu!

Frekari upplýsingar smá sjá á vef HEF.

HEF veitur bjóða íbúum á köldum svæðum í Múlaþingi, utan veitusvæðis HEF, ráðgjafaþjónustu varðandi uppsetningu varmadælukerfa. Heimsóknir verða skipulagða

09/03/2026

Við tókum saman nokkrar algengar spurningar sem komu fram á fundunum okkar fyrr í vetur og settum saman hér á eina síðu.
Hér má sömuleiðis finna gagnlega tengla um málefnið.

Takk kærlega fyrir mætinguna og áhugann sem fundarröðin hefur fengið. Við höldum svo samtalinu áfram.

Spurningarnar rigndu inn á fundunum Hlýtt heimili og við tókum saman helstu svörin um varmadælur, styrki og niðurgreiðslur, ásamt gagnlegum tenglum.

09/01/2026

Í gær var síðasti fundurinn í “Hlýtt heimili” fundarröðinni okkar og erum við einstaklega ánægð með góða mætingu og auðsýndan áhuga fólks á málefninu.

Við héldum átta fundi frá Vopnafirði til Djúpvogs og í heildina mættu yfir 250 manns og hlýddu á erindi frá verkefnastjóra Eyglóarverkefnisins hjá Austurbrú og sérfræðinga frá Umhverfis- og Orkustofnun. Allstaðar sköpuðust líflegar og skemmtilegar umræður og ljóst að margir fóru heim með nýjar hugmyndir og þekkingu.

Á næstu dögum munum við taka saman helstu upplýsingar og spurningar sem komu fram á fundunum og birta á heimasíðu Austurbrúar.

Takk kærlega fyrir frábærar viðtökur og gott samtal og við viljum þakka Axel og Hörn hjá Umhverfis- og Orkustofnun ásamt Búnaðarsambandi Austurlands kærlega fyrir samstarfið.

11/12/2025

Frétt um fyrri hluta fundaraðarinnar "Hlýtt heimili" hefur verið birt á heimasíðu Austurbrúar.

Fyrri hluti fræðslufundaraðarinnar „Hlýtt heimili“ er nú yfirstaðinn, en fundirnir eru samstarfsverkefni Eyglóarverkefnis Austurbrúar, Búnaðarsambands Austurlands og Umhverfis- og orkustofnunar. Á fjórum fundum – frá Vopnafirði til Djúpavogs – var fjallað um hvernig heimili geta dregið úr húsh*tunarkostnaði og valið hagkvæmar, umhverfisvænar lausnir. Fræðslufundunum verður framhaldið í byrjun næsta árs.

Hlekkur á frétt í athugasemd.

05/12/2025

Okkur langar að vekja athygli á sértæku styrkjakalli sem er í gangi hjá Loftslags- og orkusjóði þar sem hægt er að styrkja kaup á tækjum og búnaði sem dregur úr losum vegna notkunar á tilbúnum áburði í landbúnaði.

Hörn Halldóru- og Heiðarsdóttir var þátttakandi í “Hlýtt heimili” fundarröðinni síðustu daga og sagði þar frá þessu styrktækifæri ásamt fleirum sem eru í boði í Loftslags- og orkusjóði.

Styrkurinn nær til kaupa á búnaði til að auka nákvæmni í áburðardreifingu, til kaupa á niðurfellingartækjum, drónum og fleiru sem getur nýst við að draga úr losun í þessum þætti landbúnaðar.

Hámarksstyrkur er 10 milljónir, en þó aldrei meiri en 40% af heildarupphæð. Nánari upplýsingar má finna hér: https://island.is/styrkir-til-loftslagsvaenna-taeknilausna-i-landbunadi

Eygló mælir einnig með að fólk kynni sér aðra styrki sem eru í boði hjá Loftslags- og orkusjóði en lista yfir þá alla má finna á heimasíðu sjóðsins www.orkusjodur.is

Loftslags- og orkusjóður, í daglegu tali nefndur Orkusjóður, styður aðila sem ýmist vinna að verkefnum sem minnka losun gróðurhúsalofttegunda, binda slíkar lofttegundir varanlega eða nýta innlenda vistvæna orku betur.