PlastGarðar ehf.

24/04/2022

Ótrúlegt ferðalag sem Hey!rúlla verkefnið hefur gengið í gegnum síðustu 2 ár og nú í maí hefst framleiðsla á 100 margnota heyrúllupokum fyrir sumarið. Ferlið hefur verið mjög krefjandi en gefandi á sama tíma en þvílíkt tækifæri sem sköpun á Hringrásarhagkerfi innan landbúnaðarins er og verður spennandi að sjá hvert þetta ferðaleg fer.

Í boði er að taka þátt í því ferðalagi með að skrá sig frítt fyrir 2-3 pokum til að prufa í sumar og veita ómetanlega gagrýni til að taka þetta verkefni alla leið.
Einnig er í boði að vera með í að framleiða pokana nú í maí þegar endurunnið dúkaefni, einstefnuventlar og festingar koma upp í Kísiliðjuna í Mývatnssveit, áhugasamir geta haft samband í [email protected] - ath. þetta er launað og hægt að ráða vinnutíma :)

Hey!rúlla hefur nú þegar komist í Bændablaðið, fengið umfjöllun á N4 Sjónvarp og í kvöld, 24.apríl 2022, klukkan 20:00 er það Landinn - frétta- og þjóðlífsþáttur sjálfur sem kom í heimsókn um daginn.
https://www.ruv.is/frett/2022/04/25/hannar-fjolnota-poka-fyrir-heyrullur

PlastGarðar vill þakka öllum velunnurum s.b. Íslandsbanki, Guðmundur Ingi Guðbrandsson, félagsmála- og vinnumarkaðsráðherra, Norðanátt, Umhverfis-, orku- og loftslagsráðuneytið, Landsvirkjun, Svava Björk Ólafsdóttir, Sesselja Ingibjörg Barðdal Reynisdóttir

13/03/2022

Skútustaðahreppur og PlastGarðar ehf  hafa undirritað yfirlýsingu um samstarf við uppbyggingu hringrásarhagkerfis Mývatnssveitar og  tækifæri til að draga úr umhverfisáhrifum af matvælaframleiðslu svæðisins.

20/12/2021

Verkefnið ,,Hey!rúlla" fær inni í jólablað Bændablaðsins :)👏👍🎅

08/12/2021

Takk Landsvirkjun!

Hey!rúlla fær inni í Bjarnarflagi

Landsvirkjun og fyrirtækið PlastGarðar ehf. hafa undirritað samning um aðstöðu fyrir verkefnið Hey!rúlla í skrifstofuhúsnæði Landsvirkjunar við Bjarnarflag í Mývatnssveit. Þetta verkefni PlastGarðars snýst um að vinna að þróun og hönnun á margnota heyrúllupokum, með það að markmiði að skipta út einnota heyrúlluplasti í landbúnaði fyrir margnota lausn sem er bæði betri og umhverfisvænni. Þegar fyrstu pokarnir eru tilbúnir verða þeir prófaðir samhliða hefðbundnum geymsluaðferðum á heyi í heyrúllum.
Garðar Finnsson, eigandi PlastGarðars, stofnaði fyrirtækið fyrir skömmu. Hann tók nýlega þátt í verkefninu Vaxtarrými, sem var fyrsti viðskiptahraðallinn á Norðurlandi, átta vikna hraðall með áherslu á sjálfbærni, mat, vatn og orku. Einn þeirra aðila sem kom að Vaxtarrými var Eimur, samstarfsverkefni nokkurra aðila um bætta nýtingu orkuauðlinda á Norðurlandi. Landsvirkjun er einn bakhjarla Eims.
Garðar Finnsson, eigandi PlastGarðars ehf: „Hey!rúlla ætlar að skapa hringrásahagkerfi landbúnaðarplasts innan Íslands. Markmið okkar er að margnota heyrúllupokar endist í allt að 15 ár og verði svo að fullu endurunnir í nýja poka. Það er mikilvægt fyrir þróun og vöxt fyrirtækisins að fá góða aðstöðu og ég er bjartsýnn á framhaldið.“
Jóna Bjarnadóttir, framkvæmdastjóri Samfélags og umhverfis hjá Landsvirkjun: „Við hjá Landsvirkjun fögnum því að fá tækifæri til að hlúa að enn einum vaxtarsprotanum, nú með því að hýsa PlastGarðar í Bjarnarflagi. Hlutverk Landsvirkjunar er að hámarka verðmæti þeirra endurnýjanlegu orkulinda sem fyrirtækinu er trúað fyrir, með sjálfbærni og hagkvæmni að leiðarljósi. Liður í því er að styðja við nýsköpun af ýmsum toga, um leið og við eflum samskipti við nærsamfélagið og styðjum við hringrásarhagkerfið.“
Á myndinni eru Jóna og Garðar, en hann heldur á frumgerð heyrúllupoka, í fimmtungi þeirrar stærðar sem fyrirhuguð er.

27/11/2021

Ætla að framleiða 100 Hey!rúlla poka í fullri stærð fyrir sumarið 2022 - Endilega skráið ykkur á https://plastgardar.is/ ef þið viljið vera með 👩‍🌾💪🌏☀️🌨🐮🐴🐑

26/11/2021

Heimasíðan er klár 🥳💪

23/11/2021

PlastGarðar ehf. tekur þátt í Vaxtarrými!

Garðar Finnsson þróar Hey!rúlla, heyrúllupokana sem hægt er að nota ár eftir ár og skapa þannig hringrásarhagkerfi landbúnaðarplasts.

20/11/2021

Hey!rúlla verkefnið er búið að vera á fullu síðustu 7 vikur í Vaxtarými - Viðskiptahraðall á vegum RATA, Eimur, NÍN, SSNV og SSNE.
Það má með sanni segja að PlastGarðar hefur þurft að hlaupa hraðar þennan tíma en loka kynning fer fram 26.nóvember í beinu streymi - Meira um það í næstu viku ásamt fleiri fréttum.

Hey!rúlla er komið með nýtt logo og heimasíðan er að verða til :)

29/09/2021

Hey!Rúlla komst inn í Vaxtarými ásamt 7 öðrum góðum verkefnum. Næstu 2 mánuðir verða fullir af fyrirlestrum, ráðgjöf og vinnusmiðjum sem endar með lokaviðburði á Akureyri 26.nóv!

Byrjum 4.okt og hlökkum til!
https://www.ssnv.is/is/moya/news/atta-thatttokuteymi-i-vaxtarrymi?fbclid=IwAR23QbEp6krOcBoXx5nQa0A5mB965Phkk0B0v0NIiYoX8PacE6YLhWIY7LY

Átta kraftmikil nýsköpunarteymi af Norðurlandi hafa verið valin til þátttöku í viðskiptahraðalinn Vaxtarrými sem mun hefja göngu sína 4. október næstkomand

21/09/2021

Allt að verða klárt fyrir veturinn og framleiðslu á prufupokum. Iðnaðarsaumavélin (WF-3955 AUT) er mætt og plastsuðuvélin komin í flutningaskipið (Digital 3D Welder JC-A320-GP)!
Einnig er kominn nettur þrívíddarprentari (Prusa Mini+ 2021) frá 3dverk.is til að gera smellur, handheldur iðnaðar blásari til að sjóða plast saman (Hot Air Welding Gun JC-1600A-HG) og hitahnífur til að sníða plastið (Hot Cutter JC-100A-HC).
Riflex frá Svíþjóð hefur sent á okkur PVC plast til framleiðslu á pokunum en þau nota eingöngu endurunnið PVC plast í þeirra framleiðslu.

Viðræður um aðstöðu eru enn í gangi, meira um það seinna.

Loks viljum við þakka Umhverfis- og Auðlindaráðuneytinu fyrir styrkinn um daginn sem gerir það að verkum að við höfum fullfjármagnað fyrsta hlutann sem snýr að frumgerð poka, prufanir og hönnun á búnaði til að klæða heyrúllur í pokana.
Ekki leiðinlegur félagsskapur sem Hey!Rúlla lendir í með öðrum Hringrásarhagkerfisstyrkþegum.

Eftirfarandi verkefni hlutu nýsköpunarstyrk:

Nafn umsækjanda Heiti verkefnis Upphæð
Fræ til framtíðar SnjallRæktun 1.700.000 kr
XYZ Prent ehf. Þrívíddarprentun í stórum stærðum með endurunnu Íslensku plasti. 3.000.000 kr
Plastgarðar Hey!Rúlla, margnota heyrúllupokar 6.100.000 kr
Veitur ohf. Endurnýting sands úr skólphreinsun 5.000.000 kr
Jorth ehf Broddmjólk frá förgun til framleiðslu 6.100.000 kr
Vistorka ehf. Leifur Arnar - minni matarsóun 1.000.000 kr
Bone & Marrow Hringrásarhagkerfið og landbúnaður Fullnýting hliðarafurða 2.700.000 kr
Colas Ísland Aukning á endurunnu malbiki í slitlög. 4.400.000 kr
30.000.000 kr
https://globalsew.com/product/wf-3955-dd/
https://jc-tool.com/p/digital-3d-welder-jc-a320-gp/
https://www.prusa3d.com/original-prusa-mini/
https://jc-tool.com/p/hot-air-welding-gun-jc-1600a-hg/
https://jc-tool.com/p/hot-cutter-jc-100a-hc/

09/07/2021

Umhverfis- og auðlindaráðherra kynnti í dag 31 verkefni sem fá úthlutun úr sjóði vegna styrkja til verkefna sem stuðla að eflingu hringrásarhagkerfis á Íslandi og eru hæstu styrkir sem veittir eru til einstakra verkefna 20 milljónir króna.