KLAK - Icelandic Startups

29/05/2026

Sjálfbærni og hringrás í Hörpu 🌍

Lokadagur Hringiðuhraðalsins 2026 fór fram í Björtuloftum þar sem öflug teymi kynntu grænar framtíðarlausnir fyrir fullu húsi fjárfesta og gesta. Það var ótrúlega gaman að fagna þessum áfanga saman í sólinni á svölum Hörpu!

Lokadagur Hringiðu var haldinn þann 20. maí og markaði lok Hringiðuhraðalsins 2026. Þar fengu gestir að kynnast teymunum sem tóku þátt í hraðlinum og sjá hvernig hugmyndir hafa þróast áfram síðustu vikur og orðið að fyrirtækjum. Viðburðurinn var haldinn í Björtuloftum í H...

29/05/2026

Strákar og stálp í HR 🚀
Yfir 1.200 nemendur í 9. bekk heimsóttu Háskólann í Reykjavík þar sem þau fengu að kynnast fjölbreyttum tækifærum í námi, atvinnulífi og nýsköpun.

KLAK tók þátt með gagnvirkum vinnustofum í frumkvöðlastarfi og þróun viðskiptalíkana fyrir um 60 nemendur – þar sem hugmyndir kviknuðu, lausnir spruttu fram og framtíðarfrumkvöðlar stigu sín fyrstu skref.
Vonandi sjáum við sem flestar hugmyndir skila sér áfram í Gulleggið 🎉

Takk fyrir frábæran dag

Frétt í fyrstu athugasemd

29/05/2026

Þann 3. júní n.k. munu sérfræðingar frá ADVEL bjóða upp á Office Hours fundi í Grósku.

Office Hours er viðbótarþjónusta KLAK VMS, þar sem fyrrum þátttakendur viðskiptahraðla KLAK geta bókað fundi með reyndum sérfræðingum úr hópi mentora eða samstarfsaðila KLAK VMS, sér að kostnaðarlausu.

Birgitta Saga Jónsdóttir, lögmaður hjá ADVEL, mun hitta frumkvöðla og ræða ýmis álitaefni tengd hluthafasamkomulögum og fjármögnun nýsköpunarfyrirtækja.

28/05/2026

KLAK tók þátt í viðburðinum Strákar og stálp í háskóla sem haldinn var í Háskólanum í Reykjavík síðastliðinn föstudag fyrir nemendur í 9. bekk grunnskóla. Alls heimsóttu 1.242 ungmenni skólann til að kynnast fjölbreyttum möguleikum í bæði háskólanámi og atvinnulífi. 🚀

Fyrir hönd KLAK leiddu verkefnastjórarnir Anna Schalk Sóleyjardóttir og Jenna Björk Guðmundsdóttir vinnustofur í nýsköpun og þróun viðskiptalíkana fyrir um 60 nemendur. Þar fengu þátttakendur tækifæri til að þróa eigin hugmyndir og kynna spennandi nýsköpunarlausnir í lok dags.

Það var virkilega ánægjulegt að sjá þann áhuga, metnað og skapandi kraft sem þátttakendur sýndu í vinnustofunum. Það vakti athygli hvernig þátttakendur blómstruðu í skapandi og lausnamiðaðri hugsun og mátti greinilega sjá frumkvöðla framtíðarinnar mótast! ✨

KLAK þakkar Háskólinn í Reykjavík kærlega fyrir frábært samstarf og mikilvægt framtak í þágu framtíðar ungs fólks!

25/05/2026

Fullt hús á Klúðurkvöldi Startup SuperNova 2026 – hlátur, einlægni og ómetanlegur lærdómur fyrir frumkvöðla á öllum stigum.

Reyndir frumkvöðlar frá Humble, Hopp, Keeps og PaxFlow deildu sögum af mistökum, óvæntum áskorunum og því hvernig klúður getur orðið að dýrmætum vexti. Rauði þráðurinn var skýr: mistök eru óumflýjanlegur hluti af frumkvöðlaferðalaginu, en þegar við ræðum þau opinskátt verða þau að sameiginlegri auðlind fyrir allt vistkerfið.

Takk öll sem mættu, sögðu sögur, spurðu spurninga og tóku þátt í að styrkja íslenskt nýsköpunarsamfélag 🙏

Frétt í fyrstu athugasemd 👇

20/05/2026

Hvernig skerpa frumkvöðlar á kynningunum sínum rétt fyrir lokadag?

Sprotarnir í Hringiðu 2026 tóku nýverið þátt í Shark Tank viðburði hjá Faxaflóahöfnum þar sem teymin kynntu hugmyndir sínar fyrir dómnefnd og fengu uppbyggilega endurgjöf til að fínpússa pitchið fyrir lokadag í Hörpu 20. maí.

Bestu þakkir til Faxaflóahafna fyrir frábærar móttökur og öflugt bakland fyrir græna nýsköpun – og til teymanna : Araxni, E-Lísa, IORDEN, Loopable, Ratatag, Soil Lagoon og Thermal Beets Records 💡🌱

Hringiða er viðskiptahraðall á vegum KLAK – Icelandic Startups sem styður við sprotafyrirtæki sem þróa sjálfbærar lausnir fyrir framtíðina.

19/05/2026

Kynnumst teymunum í Hringiðu 2026 🍃

Thermal Beets Records framleiðir sjálfbærar vínylplötur úr sykurrófum í stað hefðbundins PVC-plasts með íslenskri grænni orku.

Markmiðið er að gera tónlistarútgáfu umhverfisvænni og byggja upp nútímalega plötupressun hér á landi✨

Meira um teymin á hringida.is 🚀

19/05/2026

Ratatag í Morgunútvarpinu 🎧

Hringiðu-sprotinn Ratatag mætti í Morgunútvarpið á Rás 2 í morgun og sagði frá því hvernig lausnin þeirra tengir saman eigendur og "finnendur" týndra muna með einföldu QR-kóðakerfi. Með því lengja þau líftíma fatnaðar og búnaðar og draga úr óþarfa nýkaupum.

Við erum ótrúlega stolt af Ratatag og öllum teymunum í Hringiðu 2026 – það er nákvæmlega svona hugvit og sjálfbær hugsun sem byggir upp sterkara nýsköpunarumhverfi á Íslandi. 💡

Viðtalið er í fyrstu athugasemd

19/05/2026

Kynnumst teymunum í Hringiðu 2026 🍃

Araxni vefur nýja framtíð úr líftækniframleiddu köngulóarsilki í stað plasts fyrir sjávarútveg, textíliðnað og fleiri geira.

Lausnin einfaldar framleiðsluferlið, lækkar kostnað og dregur verulega úr umhverfisáhrifum.

Meira um teymin á hringida.is 🚀

18/05/2026

Kynnumst teymunum í Hringiðu 2026 🍃

IORDEN er hagkvæmur og sjálfvirkur gæðastjóri sem gerir smærri matvælaframleiðendum kleift að halda utan um sína framleiðslu á einum stað.

Kerfið samþættir vélbúnað og hugbúnað með vélmálstækni til að fækka villum og auka gagnsæi.

Meira um teymin á hringida.is 🚀

18/05/2026

Kynnumst teymunum í Hringiðu 2026 🍃

Soil Lagoon áformar byggingu fyrstu jarðvegshreinsistöðvar Íslands sem nýtir jarðhitavatn til að hreinsa mengaðan jarðveg.

Þessir innviðir gera kleift að vinna bug á umhverfisvanda innanlands í stað þess að flytja jarðveg úr landi til förgunar.

Meira um teymin á hringida.is 🚀