NorCon ehf

NorCon ehf Ráðgjöf í innleiðingu og rekstri stjórnunarstaðla
ISO 9001, ISO 14001, 45001, IEnvA Nor Con is a flexible organization free from geographical locations.

NorCon er ráðgjafafyrirtæki sem hefur sérhæft sig í innleiðingu og mati á stjórnunarkerfum. NorCon aðstoðar fyrirtæki við innleiðingu á stjórnunaraðferðum og þá aðallega í samræmi við kröfur til gæðastjórnunar, umhverfisstjórnunar og öryggisstjórnunar. NorCon starfar einnig við úttektir á stjórnunarháttum, sérstaklega í samræmi við alþjóðlegar kröfur til stjórnunarstaðla. NorCon er óháð fyrirtæki

með aðstöðu í Reykjavík, Herning í Danmörku og Varberg í Svíþjóð. Nor Con assists businesses achieving competitiveness to international standards and regulations as ISO 9001, ISO 14001, and OHSAS: 18001 as well as integrated management system requirements. Nor Con is a independent Nordic-based Company specialized in implementation and assessment of management systems.NorCon has facilities in Reykjavik Iceland, Herning Denmark and Varberg Sweden.

18/02/2022

í kjölfar þvingaðrar fjarvinnu eru menn loksins að átta sig á því að það þurfa ekki allir alltaf að hafa fasta skrifstofu.

Tímabundin vinnuaðstaða og fjölbreytileiki í staðsetningum er raunveruleiki margra í dag og sá hópur fer ört stækkandi. Margar starfsstéttir geta nú þegar nýtt sér það að viðskiptavinir þeirra og verkefni eru ekki alltaf á sama stað. Þessi hópur kallar á nýja nálgun þegar kemur að aðstöðu. Sum verkefni krefjast viðveru hjá viðskiptavini og önnur ekki. Heimaskrifstofan er til staðar en það skortir oft aðgang að vinnurými eða möguleika á að koma sér eina og eina dagstund fyrir á fjarskrifstofu.

Vestfirðingar eru fyrir löngu búnir að átta sig á þessu og bera þar af staðir eins og Blábankinn á Þingeyri og Skúrin á Flateyri. Ef ég man rétt þá eru samskonar staðir líka annarsstaðar á landsbyggðinni.

Hvernig er þetta í póstnúmerum undir 200?

Fyrir ca. 12 árum síðan var ég í úttekt í fyrirtæki í Danmörku sem hafði flutt hluta af framleiðslunni til Póllands. Við...
11/02/2022

Fyrir ca. 12 árum síðan var ég í úttekt í fyrirtæki í Danmörku sem hafði flutt hluta af framleiðslunni til Póllands. Við undirbúning úttektar komst ég að því að verkstjórinn í Pólandi og stjórnendur í Danmörku voru með nýjustu iPhone símana og töluðu saman í mynd. Vá… hvað mér þótti þetta sniðugt.
Þetta skyldi notað í úttektinni. Þegar á staðinn var komið, fékk ég lánaðan síma hjá framleiðslustjóranum í Danmörku og hringdi í verkstjórann í Pólandi. Í samtalinu bað ég hann um að snúa símanum og sýna mér ýmislegt ásamt því að ræða við hann fékk ég að tala við nokkra af starfsmönnum verksmiðjunnar (á ensku).
Eins og mér fannst þetta sniðugt og hversu hrikalega montin ég var að hafa notað þessa nýju tækni reyndist þrautin þyngri að sannfæra faggildingar baklandið um notkun farsíma við úttektir.
Það besta við þetta allt saman var samt það að ég slapp við að keyra 1400 km ferð til Póllands í úttektina sem ég hafði gert nokkru sinnum áður.
Í dag er þetta talið sjálfsagt og margir farnir að rýna í reynslubankann eins og félagar mínir hjá DQS sem nýlega birtu „Remote Auditing Tips“ í fréttablaði sínu.

Það er allt of langt síðan við hjá NorCon höfum póstað eitthvað hér á síðuna. Búið að vera viðburðarríkur tími síðan síð...
04/05/2021

Það er allt of langt síðan við hjá NorCon höfum póstað eitthvað hér á síðuna. Búið að vera viðburðarríkur tími síðan síðast og ekki er neitt útlit fyrir rólegheit á næstunni. Í þetta sinn eru skórnir komnir á hilluna eftir daginn í vinnu á vinnustað sem sem við vinnum ekki hjá en bara á.

Þegar ekki er ráðlagt að framkvæma úttektir á staðnum eða að vera mikið í fyrirtækjaheimsóknum, er gott að vera búinn að...
19/03/2020

Þegar ekki er ráðlagt að framkvæma úttektir á staðnum eða að vera mikið í fyrirtækjaheimsóknum, er gott að vera búinn að taka próf í „fjar-úttektum“

Given the escalation of the COVID-19 outbreak, and it is no longer advisable to conduct on-site auditing. It is nice to have completed and passed training in remote audits.

26/10/2018

Vissir þú að:..........Kyotosáttmálinn er alþjóðasamningur sem gekk í gildi árið 2005. Undirritendur komu sér saman um að hlýnun jarðar væri raunveruleg. Loftslagið væri að hlýna og ástæðan væri aukning gróðurhúsalofttegunda.

Til að sporna við þessari þróun þyrfti að draga úr losun gróðurhúsalofttegunda og þar með hnattrænni hlýnun.

Bandaríkin og Kína samþykktu ekki þennan sáttmála og þar sem þessi tvö lönd stuðla að hvað mestri mengun á heimsvísu þótti sáttmálinn aldrei ná sínum tilgangi.

Kýótósáttmálinn gildir til ársins 2020 en þá er gert ráð fyrir að Parísarsáttmálinn (samkomulagið) taki við.

Parísarsáttmálinn átti að taka gildi þegar minnst 55 lönd sem bera ábyrgð á 55% af útblæstri gróðurhúsalofttegunda hafa fullgilt hann (undirritað).

Um 40% af öllum útblæstri gróðurhúsalofttegunda er í tveimur löndum, Bandaríkjunum og Kína, sem bæði fullgiltu sáttmálann árið 2016..........eeeeen Bandaríkin drógu síðan þátttöku sína til baka árið 2017.

Markmið Parísarsáttmálans er að stöðva aukningu í útblæstri gróðurhúsalofttegunda á heimsvísu og ná að halda hnattrænni hlýnun innan við 2°C. Samkomulagið gerir ráð fyrir að aðildarríki meti stöðu sína á 5 ára fresti. Fyrsta matið á að fara fram árið 2023.

Það er í raun fyrst með Parísarsáttmálanum að komist er að samkomulagi um að gera eitthvað á heimsvísu við hnattrænni hlýnun.

14/07/2017

NorCon er í öflugri samvinnu við vottunarstofurnar DNV-GL og Bureau Veritas. Við höfum verið að sinna margvíslegum verkefnum á sviði eftirlits og úttekta fyrir þessi fyrirtæki og notið góðs af tengslaneti þeirra. Margt fróðlegt kemur fram þegar svona stór fyrirtæki eru annars vegar.

Nýlega birti DNV-GL niðurstöður könnunar sem framkvæmd var árin 2014 og 2017. Til samanburðar var skoðað hvort umhverfismál skiptu fyrirtæki einhverju máli og þá hvað og hversvegna og her væri munurinn á árunum 2014 og 2017. Þar kom í ljós að einn stærsti hvatinn er lagaumhverfið (77%) og óskir viðskiptavina (50%). Þrýstingur frá viðskiptavinum hefur aukist um 15% síðan 2014 og einn stærsti áhættuþáttur í umhverfismálum tengist förgun úrgangs.

Einnig kom í ljós að 71% þeirra fyrirtækja sem teljast leiðandi fyrirtæki lögðu áherslu á öflug samskipti við hagaðila, en eingöngu 29% annarra fyrirtækja töldu það skipta máli.

80% þeirra fyrirtækja sem könnunin náði yfir og 95% stjórnenda töldu að skipuleg stjórnun á umhverfismálum í samræmi við ISO 14001 og vottun umhverfisstjórnunar væru virðisaukandi.

Með skipulagi og fyrirbyggjandi aðgerðum töldu fyrirtækin sig ná bestum árangri við fækkun slysa, bættum samskiptum við eftirlitsaðila stjórnvöld ásamt fjárhagslegum sparnaði.

Það þarf náttúrulega ekki að taka það fram að þessi könnun var framkvæmd erlendis.

Address

Engjateigur 17
Reykjavík
105

Telephone

+3546151913

Website

Alerts

Be the first to know and let us send you an email when NorCon ehf posts news and promotions. Your email address will not be used for any other purpose, and you can unsubscribe at any time.

Shortcuts

Share

Category