Hvort sem um er að ræða gluggamerkingar, bílamerkingar, ljósaskilti , auglýsingaskilti innan- eða utandyra þá finnur þú lausnina hjá Merkingu. Hjá Merkingu starfar fagfólk með áratuga reynslu sem leggur metnað sinn í vandaða vinnu og faglegar lausnir. Þú pantar og við framleiðum og afhendum ýmist uppsett eða ekki, allt eftir þínum óskum. Umferðarmerki, umhverfismerkingar hverskonar svo og öryggismerkingar er eitt af sérsviðum okkar. Þær eru framleiddar ýmist eftir sérþörfum hvers og eins eða þeim stöðlum sem við eiga hverju sinni. Á heimasíðunni er hægt að finna upplýsingar um nánast allar slíkar merkingar og hægt að panta þar. Ljósmyndadeildin er vaxandi hluti af okkar starfsemi. Þar getur þú valið um myndir límdar á ál, foam, MDF eða plexígler. Einnig er hægt að panta stækkanir hér í gegnum heimasíðuna án þess að setja upp sérstakt forrit.
Á málmsmíðaverkstæðinu okkar smíðum við hvers kyns ljósaskilti sem og önnur skilti. Einnig höfum við yfir að ráða öflugum fræsara svo og fullkomnum sprautuklefa. Síðast en ekki síst ræður Merking yfir fimm öflugum prentvélum, en sú stærsta getur prentað á allt að 5 metra breiðan flöt í einu. Merking var stofnuð árið 1979 og hefur verið leiðandi á sínu sviði allar götur síðan. Við erum stolt af okkar viðskiptamannahópi og ekki síður af starfsfólki okkar. Við bjóðum þig velkominn í hópinn og leggjum okkur öll fram við að vekja athygli á þér!
