Prentmet Oddi

12/09/2026

🇭🇺🤝🇮🇸 Ungverskir prentiðnaðarmenn heimsóttu Prentmet Odda
Prentmet Oddi tók nýverið á móti um 16 sérfræðingum frá Sambandi ungverskra prent- og pappírsiðnaðarfyrirtækja(Federation of Hungarian Printers and Paper Makers). Gestirnir fengu kynnisferð um prentsmiðjuna, fræddust um starfsemina og skoðuðu framleiðsluna.
Í kjölfarið áttu hóparnir gott spjall um þróun prentiðnaðarins, sameiginleg áhugamál og áskoranir greinarinnar.
Heimsóknin var bæði fróðleg og ánægjuleg og skapaði tækifæri til að styrkja tengsl og efla faglegt samstarf milli Íslands og Ungverjalands. Ungversku fulltrúanir boðuðu að taka á móti fulltrúum Prentmet Odda í Ungverjalandi. Við þökkum þeim fyrir góð samskipti og heimsóknina og erum spennt að koma í heimsókn til þeirra. 💙

04/09/2026

Í dag héldum við upp á Treyjudaginn til stuðnings börnum með krabbamein og fjölskyldum þeirra ❤️
Við mættum í treyjum, tókum myndir og vöktum athygli á mikilvægu málefni - Við erum öll saman í liði ❤️

26/08/2026

Prentmet Oddi er komið í samstarf við fjarskiptafélagið Nova um net- og símamál. Með samstarfinu styrkjum við fjarskiptalausnir fyrirtækisins og tryggjum enn betri tengingar í daglegum rekstri.

Við hlökkum til samstarfsins — enda skiptir gott samband öllu máli! 🚀☎️😊

24/08/2026

🚀 Við erum að leita að öflugum prentara í offsetprentun!

Vegna mikils álags leitum við að prentara til starfa í offsetprentun hjá Prentmet Odda.

Prentmet Oddi er stærsti framleiðandi landsins á kartonumbúðum, almennu prentverki og bókum. Við eigum jafnframt í samstarfi við öfluga umbúðaframleiðendur víðs vegar um Evrópu og getum því boðið viðskiptavinum okkar heildarlausnir á sviði umbúða.

Í áratugi höfum við þjónustað mörg af kröfuhörðustu fyrirtækjum landsins – með hraða, gæði og persónulega þjónustu að leiðarljósi.

Ef þú hefur áhuga á fjölbreyttu og krefjandi starfi í öflugu umhverfi, þá viljum við heyra frá þér! 🖨️

👉 Nánari upplýsingar og umsókn eru á Alfreð.

Prentari óskast á offsetprentvélar

11/08/2026

Prentmet Oddi fjárfesti nýlega í 521 fm húsnæði fyrir útibú félagsins á Akureyri. Um er að ræða neðri hæðina á Furuvöllum 5 sem hýsti áður rekstur Ormsson á Akureyri. Reksturinn mun því halda óbreyttri mynd í nýju húsnæði en gefa frekari möguleika á að lagera ýmsar umbúðalausnir og þar með lækka sendingarkostnað og auka afhendingaröryggi fyrir fyrirtæki á Norðurlandi.

Sömuleiðis gekk félagið frá kaupum á 945 fm vöruhúsi í Hafnarfirði með um 10 metra lofthæð í hæsta punkti. Um er að ræða Straumhellu 12 og mun reksturinn geta lagerað þar yfir 1.500 vörubretti. Húsnæðið kemur því til með að styðja við öran vöxt félagsins á bylgjukössum og öðrum innfluttum umbúðum.

Í dag starfar félagið í alls 8.766 fm, þ.e. 8.045 fm á höfuðborgarsvæðinu, 521 fm á Akureyri og 200 fm á Selfossi.

Frétt frá Prentmet Odda

28/07/2026

Við óskum eftir því að bæta við bifreiðastjóra í okkar góða starfsmannahóp. Hvetjum alla áhugasama til þess að sækja um á ALFRED.IS 😊

Prentmet Oddi óskar eftir að ráða bifreiðastjóra til framtíðastarfa. Fyrirtækið er stærsti framleiðandi landsins í kartonumbúðum, almennu prentverki og bókum. Félagið vinnur sömuleiðis með mörgum af öflugustu umbúðaframleiðendum Evrópu til að veita fyrirtækjum heildarlau...

24/06/2026

Áhugaverð grein á mbl.is um ákvörðun skóla um að draga úr tölvunotkun og snúa aftur að bókum í námi.

„Stærstu faglegu rökin sem við höfum verið að tala um, og notum við þessa ákvörðun, eru að við trúum því og höfum bara verið að kynna okkur rannsóknir á því hvernig við lærum,“ segir Ómar.

„Við erum sammála þeim sálfræðipælingum að það hafi í raun í grundvallaratriðum ekkert breyst á síðustu árum hvernig maðurinn lærir og það eru bara ýmiss konar rannsóknir sem byggjast á hugmyndum um tengingu huga og handar, þá erum við að tala um ritun.“

Einnig bendir hann á að rannsóknir sýni að við lærum oft betur af lestri í bókum en af efni á skjá þar sem við skrunum niður efnið.

„Það tengist líka umræðunni um námsbækur og útgáfu námsbóka, sem því miður hefur færst svolítið á PDF-form sem hentar okkur ekki.“

Við hvetjum alla sem hafa áhuga á menntamálum og framtíð náms að lesa greinina 🙂📚🌱

„Við tökum alveg eftir því, eins og PISA-niðurstöður benda til, að lesskilningi og færni nemenda í tungumálinu hefur farið aftur og við viljum gera það sem við getum gert til þess að snúa því við,“ segir skólastjórinn, sem boðar breytingar í haust.

13/06/2026

Afmælisbarn dagsins er Kristján G. Kristjánsson viðskiptastjóri. Hann er 60 ára í dag🎉. Við fögnuðum með honum fyrir helgi áður en hann fór í sumarfrí. Innilega til hamingju með stórafmælið kæri Kristján okkar. Njóttu 😘🎉🎂

13/06/2026

Golfmót starfsmanna og maka Prentmets Odda fór fram síðdegis í dag á föstudaginn 12. júní á Garðavelli á Akranesi í blíðskapar sumarveðri. Mótið var bæði punktamót og höggleikur og voru veitt verðlaun fyrir besta skorið, lengsta upphafshögg karla og kvenna og veitt voru nándarverðlaun á 18 holu. Mótstjóri var Þórður Elíasson fyrrverandi útibústjóri á Akranesi og stjórnaði hann mótinu af stakri snilld eins og undanfarin ár. Prentmet Oddi á mikið af úrvalsgolfurum og sigurvegarar mótsins í ár voru :
Ágústa Sigurðardóttir fékk fyrstu verðlaun fyrir flesta punkta með forgjöf ásamt lengsta upphafshöggi kvenna. Annað sæti hlaut Guðmundur Ragnar Guðmundsson ásamt nándarverðlaunum á 18. holu. Guðmundur Óskar Óskarsson fékk verðlaun fyrir þriðja sæti punkta. Þórður Elíasson fékk verðlaun fyrir besta skorið. Rúnar Gunnarsson fyrir lengsta upphafshögg karla. Mótinu lauk með glæsilegum kvöldverði og verðlaunaafhendingu 😎⛳️🏌🏿‍♂️

01/06/2026

Í dag héldum við kveðjukaffi til heiðurs Þorkeli Svarfdal Hilmarssyni, sem er að ljúka starfsferli eftir 55 ára farsælt starf í prentiðnaðinum.

Þorkell hefur átt glæsilegan feril að baki og verið mikill fagmaður sem hefur lagt sitt af mörkum til greinarinnar í áratugi. Hann hóf störf hjá Geirsprenti árið 1971, starfaði hjá Ísafoldarprentsmiðju frá 1985 þar sem hann lærði offsetprentun, og hélt síðan áfram störfum hjá Prentsmiðju Árna Valdimarssonar árið 1994. Árið 1995 hóf hann störf hjá Steindórsprenti/Gutenberg sem síðar varð hluti af Prentsmiðjunni Odda árið 2000. Þegar Prentmet keypti Odda árið 2019 varð vinnustaðurinn að Prentmet Odda, þar sem Þorkell hefur starfað allt til dagsins í dag.

Við þökkum Þorkeli fyrir farsælt samstarf, ómetanlega reynslu og fagmennsku í gegnum árin. Nú tekur við nýr og spennandi kafli þar sem hann hyggst njóta lífsins með eiginkonu sinni, Hrafnhildi, ferðast, spila golf og verja dýrmætum tíma með fjölskyldunni.

Við óskum Þorkeli og fjölskyldu innilega til hamingju með þessi tímamót og velfarnaðar á komandi árum 😊💐🇮🇸