NLP-Coaching Bruen

22/04/2020

4 - FERÐUMST HEIM!
KROSSGÖTUR á KÓRÓNUDÖGUM

ÓSKASPJALDIÐ
Þið ættuð nú að vera komin á þann stað að hafa sameiginlegan skilning á því sem er mikilvægt fyrir ykkur og hvert þið viljið stefna með sambandið ykkar. Þið hafið þannig ákveðnar óskir um þróun sambandsins í framtíðinni.

Þegar hér er komið eruð þið tilbúin fyrir síðasta verkefnið sem fjallar um að búa til myndræna framtíðarsýn.
Það gerið þið með því að byrja á að horfa fram á veginn og sjá fyrir ykkur hvernig sambandið er eftir 3 ár.

- Hvar erum við saman eftir þrjú ár?
- Hvernig lítur sambandið okkar út eftir 1 ár?
- Hvað erum við að gera saman eftir 6 mánuði?

Framtíðarsýn er hægt að gera á mismunandi vegu og fyrir ólík lífssvið. Þið ætlið að halda áfram að hafa fókus á sambandið og hvernig þið viljið láta það þróast.

Þess vegna ætlið þið nú saman að klippa orð og myndir sem myndrænt tjá það sem þið óskið að hafa í sambandinu.
Ef þið sem dæmi óskið að ferðast meira klippið þið myndir og orð sem tengjast ferðalögum, skíðamyndir ef þið viljið fara í skíðaferð eða dans og sólaströnd ef við á …

UNDIRBÚNINGUR: Blöð og tímarit, skæri, lím, A3 pappaspjald

FERLIÐ:

1) Þið byrjið á að klippa myndir og orð. Það má klippa allt sem þið hvort fyrir sig tengið við samning ykkar um óskasamband. Gott er að gefa þessu ferli góðan tíma.

2) Þegar þið hafið klippt og klippt og klippt, orð og myndir takið þið spjaldið ykkar og leggið á borðið.

3) Nú er komið að því að líma úrklippurnar á spjaldið ykkar og þar sem þetta er YKKAR ÓSKASPJALD FYRIR SAMBANDIÐ ER MIKILVÆGT AÐ VINNA VERKIÐ SAMAN 😊

21/04/2020

3 - FERÐUMST HEIM!
KROSSGÖTUR á KÓRÓNUDÖGUM

GERUM SAMBANDIÐ ENN BETRA
Nú er komið að þriðja sambands - verkefninu sem fjallar um HVERNIG gerum við sambandið enn betra. Eitt er að vita hvað við viljum og annað er að framkvæma og fylgja því eftir.

Þar sem ég geng út frá að þið séuð nú meðvituð um hvað er mikilvægt í sambandinu og hvers þið óskið bið ég ykkur að hafa sameiginlegu verðgildin ykkar við höndina þegar við nú höldum áfram í næsta verkefni.

Nú er það svo að margt er örugglega mjög gott sem þið hafið saman og því viljið þið auðvitað halda, annað er sem hægt er að bæta og gera enn betra og svo er hitt sem hugsanlega vantar og hægt er að bæta við.

Eins og þið vitið þá er ekki sjálfgefið að vera í góðu sambandi, það kostar sameiginlega vinnu þar sem báðir aðilar gefa og þiggja auk þess að vinna eftir sameiginlegri lífsstefnu.

Þar sem verðgildin stjórna því hvort við erum glöð og hamingjusöm eða leið og döpur er verðgildavinnan og sameiginlegur skilningur á hvað gerir okkur hamingjusöm mjög mikilvæg fyrir gott samband. Ef verðgildi mín eru ekki uppfyllt verð ég óánægð. Ef maki minn svarar ekki væntingum mínum get ég orðið reið og leið ...

En, hvernig eigum við að geta uppfyllt óskir hvors annars ef við vitum ekki sjálf hvað við viljum og meinum?
"Bara að þú skildir mig betur þá væri allt í lagi. Bara ef þú værir aðeins meira/ minna …"
Ég vil breyta þér og þú vilt breyta mér!

Nú ætlum við að vinna aðeins öðruvísi – þið ætlið að vinna enn betur saman. Með því að forgangsraða sameiginlegum verðgildum fyrir sambandið ykkar og hafa sameiginlegan skilning á hvors annars óskum getið þið nú sett sameiginlega stefnu og markmið fyrir sambandið sem þið vinnið bæði að.

FRAMKVÆMDAÁÆTLUN
Svarið eftirfarandi spurningum:

- Hvað höfum við nú þegar sem er gott í sambandinu?
- Hvernig getum við viðhaldið því?
- Hvað nákvæmlega gerum við til að svo verði?

- Hvað getur orðið betra í sambandinu okkar?
- Hvernig getum við bætt úr því?
- Hvað gerum við nákvæmlega til að svo verði?

- Hvað er enn ekki til staðar en við viljum hafa?
- Hvað getum við gert til að bæta úr því?
- Hvernig verður samband okkar betra við það?
- Hverju förum við frá þegar við gerum þessa breytingu?
- Hvað áhrif mun það hafa á okkur og aðra í kringum okkur?

- Hvað gerist ef við gerum þetta ekki?
- Hvað gerist ekki ef við gerum þetta?
- Hvað gerist ekki ef við gerum þetta ekki?
- Hvað gerist þegar við gerum þetta?

- Nákvæmlega hvað getum við byrjað að gera?
- Hvað gerum við svo?
- Hvernig verður samlíf okkar þá eftir 1 mánuð - 1 ár - 3 ár?

Fyrir morgundaginn er gott að vera búin að vinna öll verkefnin og hafa sambandsstefnu og fratíðarsýn tilbúna.
Þið megið einnig safna saman gömlum blöðum og tímaritum sem þið eigið, hafa skæri og lím við höndina ásamt tveimur lituðum spjöldum stærri en A4 …
Meira um hvernig við notum það á morgun.

Látum þetta nægja, gangi ykkur vel og eigið góðan dag

20/04/2020

2 - FERÐUMST HEIM!
KROSSGÖTUR á KÓRÓNUDÖGUM

GERUM SAMBANDIÐ ENN BETRA
Þegar þið hafið lokið verkefninu frá í gær ættuð þið að vera búin að skoða verðgildin ykkar og það sem skiptir ykkur máli í sambandi. Það ætti einnig að gefa ykkur betri innsýn í merkingu þeirra orða sem þið notið yfir verðgildin.

Ef þið hafið unnið verkefnið saman sem par hafið þið hugsanlega einnig komist að því að þið leggið mismunandi merkingu í orðin. Það kemur best fram ef einhver gilda ykkar bera sama nafn og þið segið hvort öðru hvaða merkingu þið leggið í orðin. Þá gæti komið í ljós að þið eruð í raun að tala um nokkuð ólíka upplifun.

Þannig getur til dæmis NÁND þýtt fyrir mig að maki minn haldi í höndina á mér þegar við göngum úti, haldi utan um mig, strjúki mér og keli við mig þegar við horfum á sjónvarpið.

NÁND fyrir maka minn merkir allt annað. Fyrir hann er nóg að vita af mér í næsta herbergi, ég er nálæg og til staðar. Fyrir honum er snerting og kelerí tengt orðinu KYNLÍF og að leiðast út hindrar hann í að ganga rösklega …

Þannig verður verðgildið NÁND ekki uppfyllt þar sem ég hef væntingar um snertingu og keleríi án þess að það endilega leiði til kynlífs, meðan NÁND fyrir honum er að vita af mér í næsta herbergi og snerting óþörf nema hún leiði til kynlífs.
Úpps, hvað gerum við þegar svo er komið?

Það er það sem við ætlum að leita svara við í dag.

SAMEIGINLEG VERÐGILDI
Nú setjist þið saman og skoðið 5 efstu verðgildin ykkar. það er komið að því að finna þau verðgildi sem þið eigið sameiginleg.

Byrjið á að fara yfir verðgildalistana og skrifið niður á nýtt blað þau orð sem eru eins hjá báðum t.d. ef bæði hafa: HEIÐARLEIKA, GÓÐ SAMSKIPTI og NÁN þá skrifið þið þau orð efst á sameiginlega listann merkt frá 1 – … 10.

Þannig koma sameiginlegu gildin ykkar efst og eins langt niður og þau eru mörg. Þegar sameiginlegu gildin eru komin bætið þið til skiptis þeim verðgildum sem eru ykkur mikilvægust þar til þið hafið lista yfir 10 sameiginleg verðgildi fyrir sambandið.

Dæmi:
1. HEIÐARLEIKI (sameiginlegt)
2. GÓÐ SAMSKIPTI (sameiginlegt)
3. NÁND (sameiginlegt)
4. … (mitt gildi)
5. … (þitt gildi)
6. … (mitt gildi)
7. … (þitt gildi)
8. …
9. …
10. …

Nú hafið þið sameiginlegan verðgildalist fyrir sambandið ykkar.

FORGANGSRÖÐUN SAMEIGINLEGRA VERÐGILDA
Nú skoðið þið Verðgildalistann ykkar og ræðið saman um merkinu orðanna og hvað af þessum 10 atriðum eru ykkur mikilvægust að hafa í sambandinu ykkar.

Ræðið um gildin þar til þið verðið sammála um hvað er mikilvægast fyrir ykkur bæði og hvaða gildi fara yfir á topp 5 listann ykkar.

Þegar sameiginlegu gildin eru orðin 5 velur hvort ykkar fyrir sig 1 verðgildi sem ekki er á listanum en sem skiptir ykkur máli. Þessi verðgildi merkið þið númer 6 og 7.

Dæmi:
1. HEIÐARLEIKI (sameiginlegt val)
2. GÓÐ SAMSKIPTI (sameiginlegt)
3. UMHYGGJA (sameiginlegt)
4. TRAUST (sameiginlegt)
5. HÚMOR (sameiginlegt)

6. KYNLÍF (ég)
7. FRELSI (þú)

SAMEIGINLEGUR SKILNINGUR
Nú byrjið þið á að ræða sameiginlegu verðgildin og finnið út hvernig þið getið búið til dýpri sameiginlegan skilning á hverju orði fyrir sig.
Þegar skilningur og samkomulag er komið skrifið þið aftan við orðið hvað þið eigið við með því.

- Hvað eigum við við þegar við …?
- Hvað eigum nákvæmlega við með …?
- Hvað meina ég og hvað meinar þú með …?

Þegar sameiginlegu gildin eru skír í hugum beggja snúið þið ykkur að þeim verðgildum sem ekki eru sameiginleg en skipta ykkur hvoru fyrir sig miklu máli.

Ég segi maka mínum hvað ég á við með orðinu KYNLÍF og hvers ég óska … maki minn segir mér hvað hann á við með orðinu FRELSI …

- Segðu mér hvað þú átt við með …?
- Hvað nákvæmlega átt þú við …?
- Er eitthvað meira sem þú vilt að ég viti …?

Þannig aukum við skilning á sameiginlegum þörfum og óskum okkar í sambandinu og fáum innsýn í hugsanlegar óuppfylltar óskir maka.

Látum þetta verkefni nægja í dag.

Á morgun er gott að þið hafið tilbúin 5 + 2 verðgildi fyrir sambandið ykkar því þá fer ég með ykkur í þriðja verkefnið sem fjallar um HVERNIG?

Gangi ykkur vel og eigið fallegan dag

19/04/2020

1 - FERÐUMST HEIM!
KROSSGÖTUR á KÓRÓNUDÖGUM

GERUM SAMBANDIÐ ENN BETRA
Ég vil byrja INNRA FERÐALAGIÐ á verkefni sem fjallar um samskipti í samböndum. Val mitt byggir á að nú eru margir „lokaðir inni“ með fjölskyldu sinni og þurfa á sama tíma að sinna vinnunni, mæta á fjarfundi og skila af sér verkefnum.
Á sama tíma kalla börnin úr einu horni og makinn úr hinu því allir þurfa sína athygli. Þú kemst ekki í ræktina, mátt ekki hitta félagana og getur ekki flúið.

Hugsanlega er þetta svona hjá einhverjum og hjá öðrum gæti það verið að öðruvísi eins og til dæmis hjónin sem nú sitja saman inn í stofu og uppgötva að þau þekkja ekki hvort annað lengur, vita ekki hvað meira þau eiga að tala um eða það sem verra er rifja upp gömul sár og leiðindi, ásaka hvort annað og lenda í neikvæðum vítahring.

Já það getur verið vandaverk að vera í góðu skapi, vera jákvæður og eiga góð samskipti alla daga hvað þá núna á þessum kórónudögum.

Oft eru erfiðleikar í samskiptum byggð á misskilningi.
Ég tel mig vera skírmælta og koma viðhorfum mínum og óskum vel frá mér og samt er fólk að misskilja mig.
En undarlegt sem það er þá verð ég reiðust þegar maki minn skilur ekki hvað ég á við. Ég læt hans skilningsleysi fara meira í taugarnar á mér en ef einhver Jón úti í bæ skilur mig ekki. Mér dettur ekki hug að rífast við hann Jón …

Það er sem betur fer hægt að finna leiðir til að skilja sjálfan sig og aðra betur. Aðferðin er einföld, skemmtileg og mjög áhrifarík. Þið getið unnið verkefnið ein og fyrir ykkur sjálf eða sem best er og skemmtilegast þegar þið sem par gefið sambandinu tíma og vinnið í því saman.

VERÐGILDAKÖNNUN
- Er ég svo skírmælt sem ég tel mig vera?
- Veit ég nákvæmlega hvað ég vil og meina?
- Get ég krafist þess að aðrir viti hvað orð mín merkja ef ég veit það ekki sjálf?

Það er einmitt þetta sem við ætlum að byrjum á.
Þegar ég nota orð yfir t.d. verðgildi mín sem spegla það sem er mikilvægt fyrir mig veit ég oft á tíðum ekki hvað ég á við sjálf og hvernig í ósköpunum eiga þá aðrir að vita það.

Ég hef sagt maka mínum að „NÁND, TRAUST, ÁST, KÆRLEIKUR, SAMHELDNI, UMHYGGJA, FRELSI …“ séu mikilvæg fyrir mig í sambandinu, en oftar en ekki finnst mér hann ekki skilja hvað ég á við. Ég verð óánægð og samskipti okkar verða stirð.

Hann til dæmis skilur ekkert í þegar ég fer í fýlu og loka hann „úti“ þegar ég upplifi að hann veiti mér ekki þá ÁST og UMHYGGJU sem ég hef þörf fyrir NÚNA!
Hugsanlega spyr hann mig hvað er að og ég svara um hæl að hann ætti nú að vita það sjálfur …
Hmmm… en hvað er ég EIGINLEGA AÐ BIÐJA HANN UM?

BEST AÐ BYRJA Á VERKEFNINU
Það fyrsta sem ég vil biða ykkur að gera er að hvort fyrir sig skrifar niður 10 mikilvægustu verðgildi sín í sambandi. Það er það sem er mikilvægt fyrir þig og þarf að vera í sambandinu svo þér líði vel. Þið skrifið verðgildin án þess að tala saman eða spyrja hvort annað ráða.

Finndu þín eigin svör og skrifaðu þau í bókina þína.
1)
Dæmi:
1. Heiðarleiki
2. Ást
3. Samheldni
4. Kynlíf
5. Nánd
6. Umhyggja
7. …
8. …
9. …
10. …

2)
Þegar 10 verðgildi eru komin á blaðið skoðar þú merkingu þeirra orða sem þú hefur notað vel og vandlega. Síðan velur þú 5 mikilvægustu verðgildin og skrifar þau niður eftir mikilvægi þar sem númer 1 er mikilvægast og síðan koll af kolli þar til 5 standa á blaðinu þínu.
1. …
2. …
3. …
4. …
5. …

3)
Nú setjist þið saman, skoðið verðgildin 5 og sjáið hve mörg gildanna bera sama nafn. Til dæmis eruð þið bæði með orðið NÁND, ÁST eða FRELSI?

EF svo er merkja þá orðin það sama fyrir ykkur bæði?
Þið ætlið að kanna merkinguna með því að spyrja hvort annað:
- Hvað áttu við með …?
- Segðu mér nánar frá því?
- Hvernig er þetta mikilvægt fyrir þig?

Það er gott að annar aðilinn segir frá nákvæmri merkingu sinna orða/ verðgilda og síðan tekur hinn við.

Hlustaður vel og leyfðu maka þínum að tala og segja þér frá hans eða hennar upplifun. Munið að hvorug upplifunin er betri en hin þið hafið bæði nákvæmlega rétta upplifun.

Markmiðið með æfingunni er í fyrsta lagi að hvort fyrir sig verði meðvitaðri um eigin þarfir og óskir í öðru lagi að auka færni í að hlusta og fá betri skilning á eigin upplifun og makans.
Látum þetta nægja í dag.

Á morgun segi ég ykkur betur frá hvernig þið vinnið áfram með þessa nýju innsýn og hvernig þið getið nýtt ykkur aðferðina til að bæta samskipti ykkar og verða enn samstilltari.

Ef einhverjar spurningar vakna er ykkur velkomið að deila þeim á vegginn og ég svara þannig að öllum gagnist.

Gangi ykkur vel og eigið fallegan dag

18/04/2020

FERÐUMST HEIM!
KROSSGÖTUR á KÓRÓNUDÖGUM

Eins og sum ykkar vita er ég að skrifa bók og væri það líklega ekki í frásögu færandi nema fyrir þær sakir að titill bókarinnar er: „KROSSGÖTUR, Steinn á Veginum“.

Bókin byggir á námskeiðum mínum; BREYTINGAR, TÆKIFÆRI og MARKMIÐ eða BTM eins og margir þekkja.
BTM námskeiðin hef ég haldið síðastliðin 20 ár fyrir fólk sem stendur á krossgötum eftir til dæmis að hafa misst vinnuna, heilsuna, maka sinn, ásvin, gengið gegnum skilnað eða aðrar stórar breytingar í lífinu. Sameiginlegt þessu fólki hefur verið óvissa um framtíðina, óvissa um næstu skref og lífsstefnu.

BTM fjallar um þrjár tegundir BREYTINGA sem verða í lífinu:
1. Þær breytingar sem ég vel sjálf
2. Breytingar sem aðrir velja fyrir mig
3. Breytingar sem verða án mannlegrar aðkomu.

Það fjallar um hvernig við sjáum TÆKIFÆRI:
1. Loka breytingarnar dyrum og er ekkert framundan?
2. Opna þær fyrir fleiri eða of marga valmöguleika?
3. Eru þær leið að nýju TÆKIFÆR?

Síðasti hlutinn fjallar um nýja lífsstefnu og MARKMIÐ.
4. Hvað er mikilvægt fyrir mig?
5. Hvert vil ég stefna?
6. Hvernig fer ég þangað?

EF EKKI NÚ HVENÆR ÞÁ?
Nú vitum við öll að BREYTINGAR hafa átt sér stað, ekki bara í mínu lífi og þínu heldur einnig flestra annarra í heiminum.
Við erum flest sammála um að gera okkar besta til að vinna með breytingunum þannig að við fáum sem fyrst gamla lífið okkar aftur. Við förum eftir reglum sem settar eru, gerum eins og okkur er sagt og vonum það besta.

En … nú er það svo að hver er sjálfum sér næstur.
Hvernig er staðan mín? Hvað verður um mig og mína stöðu? Held ég vinnunni? Heldur sambandið mitt? Missi ég fyrirtækið, húsið mitt eða fjölskylduna?

KROSSGÖTUR og erfiðir tímar hjá mörgum vöktu mig upp í dag og ég hugsaði: "Hvernig get ég orðið að liði"? Já vera með í liðinu, gera gott og vera uppbyggileg!

Ég komst að því að ég vil gjarnan vera með í liðinu og þess vegna datt mér í hug svona fyrir ykkur sem nennið ekki lengur að spila Lúdó eða horfa á þætti í sjónvarpinu að gefa ykkur tækifæri til að fara í smá SJÁLAFSSKOÐUNARFERÐ eða
INNRA FERÐALAG getum við kallað það 😊
FERÐAST HEIM

15/06/2019

Enneagram týpurnar gefa nýja innsýn í samskiptamynstur og viðbrögð

Markþjálfar, stjórnendur, kennarar og hjúkrunarfólk þurfa m.a. að hafa færni í samskiptum og hafa góða innsýn í eigið og annarra atferlismynstur til að vera faglega framúrskarandi. Það að hafa góða hæfni til að lesa og stjórna samtalinu eykur möguleika á bættum og markvissari samskiptum sem skilar enn betri árangri.

Samskipti geta stundum verið ögrandi og það eitt að ræða við fólk sem er á „annarri tíðni“ en ég getur tekið vel á. Viðmælandinn talar hægar, svarar seint og vinnur á öðrum hraða og þolinmæði, einbeiting og skilningur hverfur sjónum mínum.

Það getur líka verið vandaverk að ráða rétt fólk í rétt störf, setja saman teymi út frá eiginleikum og styrk hvers og eins þannig að teymið skili þeim árangri sem til er ætlast. Með kunnáttu um Enneagramm týpurnar 9 færð þú frábært verkfæri til að bæta samskipti þín, greina á milli ólíkra eiginleika fólks, nýta þá og ná enn betri árangri.

Flemming Christiansen er einn fremsti Enneagram markþjálfi og kennari á norðurlöndum. Auk þess að kenna og halda fyrirlestra víða um heim hefur hann skrifað fjölda bóka um Enneagramið, stjórnun og teymisvinnu. Allir stjórnendur, markþjálfar, kennarar, hjúkrunarfólk og þeir sem hafa áhuga á persónulegri þróun og vaxa í starfi ættu að nýta þetta einstaka tækifæri og vera með á þessu námskeiði.

Ég hef persónulega verið nemi hjá Flemming og gef honum mín allra bestu meðmæli. Hann er einstakur fyrirlesari, skemmtilegur, fræðandi og gefur vissulega ögrandi og fagleg verkefni sem nýtast áfram í lífinu.

Hrefna Birgitta Bjarnadóttir
NLP og Enneagram Master Coach Trainer
PCC stjórnenda markþjálfi

*This workshop is for those who want the understand the Enneagram, learn how to use the Enneagram in coaching and leadership-training and those who want to get inspired in a new way of working with the essential elements of our personality.

Flemming Christensen

"Du kan ikke lære et menneske noget.
Du kan kun hjælpe det til at opdage det i sig selv"
- Galileo Galilei

https://l.facebook.com/l.php?u=https%3A%2F%2Fsimenntunha.is%2Fnamskeid%2Fobject-relations-workshop-snemmskraningu-lykur-1-agust%2F%3Fplanned_course_id%3D103409%26fbclid%3DIwAR3ub81ab4nipBsBNRqGq91_NmZNAqz8dzzK-3xbNWwTepqh46D7-clWr_U&h=AT0yf7EMTcAlXpc-tDH8LFeK0CO-cC-6zPJM6FELfQ2Q93M3h4aK1dneiDQZHwha24bY8xsdD3W_HR_oqf05GnuXvzDyAG7nmcf9EpKUIELyiu0Rwktj6D_V3-q3fKqSwgM

Símenntun, í samstarfi við Flemming Christensen, heldur tveggja daga vinnustofu á Center Hotels í Reykjavík 13. og 14. september fyrir alla sem

27/02/2019

NLP MARKÞJÁLFUN Á VESTFJÖRÐUM!
Bruen með nokkur námskeið á Ísafirði í samstarfi við Fræðslumiðsöð Vestfjarða.

27/01/2019

COACHING/ MARKÞJÁLFUN EÐA MEÐHÖNDLUN?
Stundum getum við fengið tilfinningu af tilgangsleysi og það sé næstum ómögulegt að komast áfram í lífinu, sama hvernig við snúm okkur. Við upplifum læsta stöðu og finnum enga valmöguleika.
Reynsla mín í slíkri stöðu er að svaranna er yfirleitt að leita í fortíðinni. Þess vegna meina ég að það geti verið nytsamlegt að nota meðhöndlun og markþjálfun til skiptis eða saman.

Sumir halda því fram að þessum tveimur aðferðum eigi ekki að blanda saman. Reynsla mín sem meðhöndlari og markþjálfi síðustu 35 árin hefur sýnt mér annað.
Áhrifin verða enn áhrifaríkari og gleðilegri þegar ég nota hvorutveggja eins og NLP markþjálfun býður upp á.

Markþjálfun er aðferð með framtíðarmiðað ferli, þar sem markiðið er aðalatriðið og fókus er á framtíðina án þess að unnið sé með hindranir sem liggja í fortíð.

Meðhöndlun hins vegar beinir sjónum einnig að fortíðinni og því að leysa upp það sem hugsanlega hindrar persónuna í að komast áfram (lifa því lífi sem viðkomandi óskar).

Af fyrr nefndri reynslu get ég sagt að það er oft hárfín lína milli þessarra tveggja aðferða. Það getur verið ögrandi að finna út hvað þarf að gera til að viðkomandi komist áfram. Á að nota eingöngu markþjálfun, eða meðhöndlun eða meðhöndlun og markþjálfun saman?

Það er meira ”inn” í dag að hafa eigin markþjálfa. Fyrir suma er það ”fínna” að hafa markþjálfa en að segjast hafa meðhöndlara eða ganga til sálfræðings.

Fyrir mig skiptir engu máli, hvað það er kallað. Ég upplifi það sem styrk að geta veitt því fólki sem til mín leitar bæði markþjálfun og meðhöndlun. Það gefur mér tækifæri til að ná enn betri árangri í starfi.

Ég veit við erum öll "bara venjulegt fólk", sama hvaða nám við höfum að baki eða hvaða vinnutitil við berum ... við erum full af tilfinningum og lífsreynslu sem setur sín spor, góð og minna góð. Þessi reynsla flytur okkur annað hvort að óskuðu marki og nýjum árangri, eða hún hindrar okkur og stendur í vegi fyrir óskum okkar og því að við náum tilætluðum árangri.

-Hvað gæti hindrað þig í að upplifa það sem þú óskar?
-Hver gæti ástæðan verið?
-Hvað gerðir þú þegar þú náðir markmiði þínu?
-Hvernig getur þú nýtt þá reynslu núna?
-Hvað getur þú gert í dag til að ná markmiði þínu?
..og ef þú ert þar nú þegar - NJÓTTU ÞESS - þar til þú ert tilbúin/n að taka næsta skref :)

Eigðu fallegan dag