20/01/2021
Talnagreining
Árið 2021
Frelsi og Sjálfstæði
Heilbrigði - Hreinsun - Hugsjónir
Talan fimm er tala frelsis og sjálfstæðis. Hún er í senn ástríðufull og hugsjónarík og henni er ætlað að rækta heilbrigð gildi og stuðla að bæði líkamlegri og andlegri hreinsun. Fimman fylgir jafnan eigin sannfæringu, hún þolir illa málamiðlanir heldur fer eigin leiðir hvað sem tautar og raular, jafnvel í trássi við boð og bönn ríkjandi kennivalds.
Talan fimm er tala andstæðna, hún kann allt í senn að krauma niðri í kviku ólgandi eldfjalls um leið og hún speglar sig í lótusstellingu ógáraðrar náttúrulindar.
Öfgar fimmunnar geta hvort heldur leitt hana á braut ofurheilbrigðra lífsvenja sem og á tálar tortímandi fíkna.
Fimman er tala Íslands; tala óbilaðs drifkrafts og áræðni byggjenda óútreiknanlegra nàttúruváa en um leið óþrjótsndi tækifæra gjöfulla auðlinda.
Helstu eiginleikar og kostir fimmunnar: Hún er í senn frjáls og óháð, drífandi, opinská, hrein og bein, hugsjónarík og ástríðufull, praktísk, heilbrigð og andlega sinnuð.
Helstu víti til að varast: Öfgar af hvers kyns toga, fíknir og hömlulausar ástríður, óþreyja og óþolinmæði, öfgar í skapsmunum, óhlýðni og virðingarleysi gagnvart ríkjandi kennivaldi, , Hætta á að brenna út í of þróttmiklu lífsstarfi. Þarf að læra að slaka á og eða finna leiðir fyrir tilfinningalega útrás.
Talnaspá:
Árið 2021 verður ár hugmyndafræðilegra átaka og mikillar hreinsunar á hinum ýmsu sviðum. Ár uppgjörs þar sem sannleikurinn kemur upp á yfirborðið og réttlætið sigrar. Þeir spilltu og óheiðarlegu fá á sig dóm og fíknir taka völdin af hinum veikgeðja. Heilbrigður lífstíll fær byr undir báða vængi og sparnaðarsjónarmið taka við af framúrkeyrslu í meðferð fjármuna. Sjálfstæð þjóð mun rísa upp gegn kúgun ríkjandi valdhafa. Afburðafólk í íþróttum fangar heimsathygli.
