01/07/2020
The founder and the inventor of VERDE - 2016
"طفولتي كانت عادية, كنت طفل هادي كثير وإجتماعي بنفس الوقت بركض لما يجو الضيوف لعنا لحتى أفتحلهم الباب وأستقبلهم أول واحد. كنت دايماً بفضل ألعب بالألعاب اليدوية مثل المعجون والصلصال, كنت كثير فضولي وبسأل أسئلة كثيرة لدرجة بتدايق الناس يلي كانوا حولّي! لما كبرت ووعيت أكثر, صرت ألاحظ وأنتبه على الأشياء يلي عم نستخدمها في حياتنا اليومية إنه بعض من هاي الأشياء ما عم تتطور مع إنه إحنا بنكون في أمّس الحاجة إلها مثل سلة المهملات وثقافة إعادة التدوير يلي أبداً مش منتشرة بالشكل الكافي عنا في الأردن. لهيك خطرت على بالي فكرة بسنة ال 2013 وحبيت أطبق هاي الفكرة وأبلش بمشروع خاص فيّي يلي كان فعلياً موجه للأطفال لحتى يهتموا ويتشجعوا عن طريق تسليط الضوء على ضرورة وضع المهملات في السلة وعدم رميها على الأرض. وفعلاً بلشت بالمشروع, وكان عبارة عن سلة إلها القدرة على تمييز نوع المهملات وتصنيفها على حسب الفئة يلي بتنتمي إلها بشكل آلي 100 % إن كانت من معادن, ورق أو من بلاستيك ويلي بتساهم كمان في إختصار الوقت والجهد في عمليات إعادة التدوير ونشر هاي الثقافة. دخلت ورشات عمل في مسابقة أصغر رجل أعمال وهاي الورشات كان إلها دور كبير في وضع خطة عمل واضحة لتطوير فكرتي للأفضل ويلي من خلالها كمان اتعرفت على مجموعة من الأصدقاء يلي ساعدوني على تنفيذ النموذج الأولي للفكرة. أهلي أكيد كان إلهم دور كبير وخصوصاً والدتي يلي شجعتني بإني أشارك بالمسابقة وتوجيهي للطريق الصح كونها مختصة في مجال الإرشاد المهني. صحيح ما فزت بس كنت من المشاركين المميزين وإن شاء الله القادم أفضل."
I had an ordinary childhood, I was a quiet kid and social as well. I'd run to the door when guests came over to visit to be the first to greet them. I used to love hand crafts like clay and plaster. I was a curious child with so many questions to the point where people would get annoyed. When I grew up, I got more aware of the things we use on daily basis and noticed that some things aren't evolving yet, it's crucial for our existence like the trash bins and recycling that is not spread widely in Jordan. In 2013, I had an idea and applied it through my own project targeting children to encourage them to stop throwing garbage in the streets by highlighting its importance. I created a container that is able to classify the material dumped in accurately if it's a 100% metallic, paper or plastic. This saves time and effort in recycling and spreading this culture to the society. I enrolled in many workshops one was "youngest business man competition" and it all helped me set my goals and write a solid business plan, also that's how I met new people who became my friends and helped me out playing a huge role in bringing the prototype to life. My parents and family gave me all the support I need specially my mom. She guided my way since she is a specialist in profession counseling. I didn't win then, but I hope the future will bring what's best
Taken by: Lina Temsah
