ការងារអត្តសញ្ញាណកម្មខេត្តកំពង់ឆ្នាំង

20/08/2026

បញ្ហាកំហុសទិន្នន័យក្នុងបញ្ជីអត្រានុកូលដ្ឋាន ជាមួយសំបុត្រអត្រានុកូលដ្ឋានច្បាប់ដើម សាមីខ្លួន ឬញាតិ អាចដាក់ពាក្យស្នើសុំកែតម្រូវបាន នៅសាលាក្រុង ស្រុក ខណ្ឌ ដែលតម្កល់ទុកគល់បញ្ជី ឬនៅនាយកដ្ឋានអត្រានុកូលដ្ឋាន។

12/08/2026

https://www.facebook.com/share/p/1BAMcJkUt3/?mibextid=wwXIfr

06/08/2026

🚨 BREAKING: New Investigation Confirms "Thailand Broke International Law" 🇰🇭

For months, the world treated the border conflict as "mutual blame." Now, a major investigation by The New York Editorial reveals the hard truth: While Cambodia may have lit the match, Thailand burned down the neighborhood.

The report, backed by international data, exposes how a border dispute was turned into an illegal war to win an election in Bangkok.

Key findings that every Cambodian needs to know:

Disproportionate Force: When a landmine injured one soldier, Thailand responded with F-16 fighter jets and airstrikes. The report calls this "wildly disproportionate."

Illegal Weapons: The investigation confirms Thailand used cluster munitions—weapons banned by most of the world—which tragically took the life of 10-year-old Sern Sovann in Preah Vihear.

Psychological Warfare: The report documents how Thai forces blasted "wailing ghost sounds" and funeral music at 3:00 AM into our villages to terrorize sleeping children.

Political Games: The evidence suggests the Thai government used our border and our lives as a campaign strategy to win their election.

The Hard Truth:
The report is fair—it does not let Cambodia off the hook. It highlights how the scam compounds and political decisions in Phnom Penh created the conditions for this crisis.

But the conclusion is clear: Creating a crisis is bad. Waging an illegal war against civilians is worse.

💔 As of today, nearly 98,000 of our people are still displaced.

👇 What are your thoughts? Do you think the international community will finally hold Thailand accountable? Drop a comment below.

04/08/2026

https://t.me/GDI_service_news/25140

សូមបងប្អូនប្រជាពលរដ្ឋ អញ្ជើញទស្សនាវីដេអូខ្លី ស្តីពីការចុះបញ្ជីកំណើតរស់ ដែលរៀបចំដោយ អគ្គនាយកដ្ឋានអត្តសញ.....

29/07/2026

ការកែតម្រូវទិន្នន័យអត្រានុកូលដ្ឋាន (បញ្ជីកំណើត បញ្ជីអាពាហ៍ពិពាហ៍ បញ្ជីមរណភាព) ឯកសារយោង និង ទីកន្លែងដាក់ពាក្យ

ក. ទិន្នន័យនៃបញ្ជីអត្រានុកូលដ្ឋានដែលអាចកែតម្រូវបានក្នុងសមត្ថកិច្ចអត្តសញ្ញាណកម្ម

១.ការខុសឆ្គងអក្ខរាវិរុទ្ធ នាមត្រកូល និង/ឬនាមខ្លួន ជាអក្សរខ្មែរ និងអក្សរឡាតាំង របស់សាមីខ្លួន ឬរបស់ឪពុក ឬរបស់ម្តាយ (មានន័យថាសូរសំឡេងដូចគ្នា ឬប្រហាក់ប្រហែលគ្នា ប៉ុន្តែការសរសេរខុសគ្នា)។
២.ការសរសេរខុស ភេទ នៅពេលចុះបញ្ជីដូចជា ភេទ ប្រុស តែសរសេរដាក់ថា ភេទ ស្រី ឬ ភេទស្រី តែសរសេរដាក់ថា ភេទ ប្រុស។
៣.ការចុះបញ្ជីដោយភាន់ច្រឡំលើថ្ងៃខែកំណើតរបស់សាមីខ្លួន ឬរបស់ឪពុក ឬរបស់ម្តាយ។
៤.ខុសថ្ងៃកំណើតសុរិយគតិ (ដូចជាថ្ងៃទី៣០ ខែកុម្ភៈ ឬថ្ងៃទី៣១ ខែមេសា)។
៥.ខុសថ្ងៃកំណើតច័ន្ទគតិ ដូចជាសរសេរចុះដាក់ថ្ងៃច័ន្ទ ទី១៣ ខែមេសា ឆ្នាំ១៩៧២ ប៉ុន្តែជាក់ស្តែងថ្ងៃទី១៣ ខែមេសា ឆ្នាំ១៩៧២ ជាថ្ងៃព្រហស្បតិ៍។
៦.ការភាន់ច្រឡំទីតាំងភូមិសាស្រ្តរដ្ឋបាល ដូចជាសរសេរដាក់ថា ស្រុកកំពង់សៀម ខេត្តកំពង់ស្ពឺ ប៉ុន្តែជាក់ស្តែង ស្រុកកំពង់សៀម ស្ថិតក្នុងខេត្តកំពង់ចាម។
៧.ខ្ទង់ទីកន្លែងកំណើត បានសរសេរខុសពីទីកន្លែងកំណើតដែលសាមីខ្លួនបានកើតជាក់ស្តែងរសេរខុសទីតាំងភូមិសាស្រ្តរដ្ឋបាលនាសម័យដែលបុគ្គលនោះកើត ឧទាហរណ៍បញ្ជីកំណើតរបស់បុគ្គលម្នាក់បានចុះថា កើតឆ្នាំ១៩៨៥ នៅស្រុកមង្គលបុរី ខេត្តបន្ទាយមានជ័យ ប៉ុន្តែក្នុងអំឡុងឆ្នាំ ១៩៨៥ ស្រុកមង្គលបុរី ស្ថិតនៅក្នុងខេត្តបាត់ដំបង ពីព្រោះមិនទាន់បង្កើតខេត្តបន្ទាយមានជ័យនៅឡើយ។
៨.ការខកខានមិនបានចុះព័ត៌មាននៅក្នុងបញ្ជីអត្រានុកូលដ្ឋាន លើកលែងតែការបន្ថែមទិន្នន័យព័ត៌មានណាដែលធ្វើឱ្យសាមីខ្លួនរួចផុតពីការទទួលខុសផ្លូវច្បាប់។
៩.សម្រេចមោឃភាពលើបញ្ជីអត្រានុកូលដ្ឋាន និងដកហូតសំបុត្រអត្រានុកូលដ្ឋានទាំងឡាយណាដែលបានចុះជាន់គ្នា ឬចុះខុសពីបែបបទនីតិវិធីនៃការងារអត្រានុកូលដ្ឋាន។
១០.កែតម្រូវទិន្នន័យអត្រានុកូលដ្ឋានតាមសេចក្តីសម្រេចរបស់តុលាការ។

ខ. សមត្ថកិច្ច និងទីកន្លែងដាក់ពាក្យ

១.ក្នុងឆ្នាំកំពុងអនុវត្ត ការកែតម្រូវទិន្នន័យ និងការធ្វើមោឃភាពបញ្ជីអត្រានុកូលដ្ឋាន ជាសមត្ថកិច្ចរបស់មន្ត្រីអត្រានុកូលដ្ឋាន ឃុំ សង្កាត់ ។
សាមីខ្លួន ឬអាណាព្យាបាល ឬញាតិជានីតិជនដែលនៅក្នុងផ្ទះជាមួយ អាចដាក់ពាក្យសុំកែតម្រូវនៅឃុំ សង្កាត់។

២.ក្នុងឆ្នាំកន្លងផុត ការកែតម្រូវទិន្នន័យ និងការធ្វើមោឃភាពបញ្ជីអត្រានុកូលដ្ឋាន ជាសមត្ថកិច្ចរបស់មន្ត្រីអត្រានុកូលដ្ឋានថ្នាក់ជាតិ។
សាមីខ្លួន ឬអាណាព្យាបាល ឬញាតិជានីតិជនដែលនៅក្នុងផ្ទះជាមួយ អាចដាក់ពាក្យសុំកែតម្រូវនៅនាយកដ្ឋានអត្រានុកូលដ្ឋាន នៃអគ្គនាយកដ្ឋានអត្តសញ្ញាណកម្ម ឬនៅសាលាក្រុង ស្រុក ខណ្ឌ នៃទីតាំងដែលបញ្ជីអត្រានុកូលដ្ឋានរបស់សាមីខ្លួនបាននឹងកំពុងរក្សាទុក។

៣.ករណីដែលមន្ត្រីអត្រានុកូលដ្ឋានថ្នាក់ជាតិមិនអាចកែតម្រូវទិន្នន័យព័ត៌មានដូចមានក្នុងចំណុចខាងលើ ជាសមត្ថកិច្ចរបស់តុលាការ។
សាមីខ្លួន ឬអាណាព្យាបាល ឬញាតិជានីតិជនដែលនៅក្នុងផ្ទះជាមួយ អាចដាក់ពាក្យសុំទៅសាលាដំបូងរាជធានី ខេត្ត ដើម្បីចេញសេចក្តីសម្រេច បង្គាប់មកមន្ត្រីអត្រានុកូលដ្ឋានឱ្យកែតម្រូវ។

គ.ឯកសារយោងសម្រាប់ស្នើសុំកែតម្រូវ ឬមោឃភាព

-បញ្ជី ឬសេចក្តីចម្លងអត្រានុកូលដ្ឋានដែលមានកាលបរិច្ឆេទក្នុងឆ្នាំប្រតិទិន ដែលត្រូវកែតម្រូវ ឬត្រូវមោឃភាព
-សំបុត្រអត្រានុកូលដ្ឋានច្បាប់ដើម (ករណីបាត់សំបុត្រអត្រានុកូលដ្ឋានច្បាប់ដើម សាមីខ្លួន ឬអាណាព្យាបាលត្រូវភ្ជាប់មកជាមួយនូវពាក្យបណ្តឹងពីប៉ុស្តិ៍នគរបាលរដ្ឋបាល)
-សៀវភៅស្នាក់នៅ និង/ឬសៀវភៅគ្រួសារ អត្តសញ្ញាណប័ណ្ណសញ្ជាតិខ្មែរ លិខិតឆ្លងដែន(បើមាន)
-ឯកសារពាក់ព័ន្ធផ្សេងៗទៀតដូចជា អត្តសញ្ញាណប័ណ្ណមន្ត្រីរាជការ សញ្ញាបត្រ។ល។

👉 យោង សេចក្តីណែនាំលេខ០៤៥ សណន ចុះថ្ងៃទី២៣ ខែធ្នូ ឆ្នាំ២០១៩ របស់ក្រសួងមហាផ្ទៃ ស្តីពីការបន្តដំណើរការកែតម្រូវ និងការធ្វើមោឃភាពទិន្នន័យនៃបញ្ជីអត្រានុកូលដ្ឋាន។

👉សម្រាប់ព័ត៌មានផ្សេងៗ សូមទំនាក់ទំនងផ្ទាល់នៅនាយកដ្ឋានអត្រានុកូលដ្ឋាន ដែលមានអាសយដ្ឋាននៅផ្លូវជាតិលេខ១ ទល់មុខបុរីប៉េង ហួត បឹងស្នោ ឬទាក់ទងមកមន្ត្រីប្រចាំការសេវាកម្មអត្តសញ្ញាណកម្ម និងប្រតិកម្មរហ័ស រៀងរាល់ម៉ោងធ្វើការ ពីថ្ងៃច័ន្ទ ដល់សុក្រ តាមរយៈលេខទូរស័ព្ទ ១២៧១/ ០១៧ ៨៩៨ ៩១៥។
សូមអរគុណ

#ក្រុមប្រចាំការសេវាកម្មអត្តសញ្ញាណកម្មនិងប្រតិកម្មរហ័ស
#ឧត្តមសេនីយ៍ឯកសាយម៉េងឈាង

#អគ្គនាយកដ្ឋានអត្តសញ្ញាណកម្ម
#អត្តសញ្ញាណកម្ម
#សំបុត្រកំណើត
#សំបុត្រអាពាហ៍ពិពាហ៍
#សំបុត្រមរណភាព
#អត្រានុកូលដ្ឋាន

16/07/2026

អំពីការផ្លាស់ប្តូរទីលំនៅ ការចុះបញ្ជីស្នាក់នៅ ទីកន្លែងទំនាក់ទំនង និងឯកសារដែលត្រូវមាន

ក-ការផ្លាស់ទីលំនៅចេញ
ប្រជាពលរដ្ឋដែលជាមេគ្រួសារ ឬសាមីខ្លួនត្រូវអញ្ជើញទៅប៉ុស្តិ៍នគរបាលរដ្ឋបាលឃុំ សង្កាត់ដែលកំពុងរស់នៅអចិន្ត្រៃយ៍ ដើម្បីបំពេញបែបបទផ្លាស់ទីលំនៅចេញដោយភ្ជាប់ជាមួយឯកសារ៖
-សៀវភៅស្នាក់នៅ
-សៀវភៅគ្រួសារ

ខ-ការផ្លាស់ចូល (ទីកន្លែងដែលទៅតាំងទីលំនៅថ្មី)
ប្រជាពលរដ្ឋដែលជាមេគ្រួសារ ឬសាមីខ្លួន ត្រូវយកឯកសារដែលទទួលបានពី ប៉ុស្តិ៍នគរបាលរដ្ឋបាលឃុំ សង្កាត់ចាស់ដែលអនុញ្ញាតឱ្យផ្លាស់ចេញ ទៅបង្ហាញប៉ុស្តិ៍នគរបាលរដ្ឋបាលឃុំ សង្កាត់ដែលខ្លួនមានបំណងទៅតាំងទីលំនៅថ្មី ដើម្បីចុះឈ្មោះ និងទទួលបានសៀវភៅស្នាក់នៅ ដោយភ្ជាប់ឯកសារបន្ថែម៖
-សៀវភៅស្នាក់នៅ ឬសេចក្តីចម្លងសៀវភៅស្នាក់នៅ
-សេចក្តីចម្លងសំបុត្រកំណើត ឬសេចក្តីចម្លងសំបុត្របញ្ជាក់កំណើត
-អត្តសញ្ញាណបណ្ណសញ្ជាតិខ្មែរ

👉សម្រាប់ព័ត៌មានបន្ថែម សូមDownload កម្មវិធី GDI eServices តាមរយៈApp Store និង Google Play ឬ ទាក់ទងតាមលេខទូរស័ព្ទ ១២៧១ / ០១៧ ៨៩៨ ៩១៥ រៀងរាល់ថ្ងៃច័ន្ទ ដល់សុក្រ ក្នុងម៉ោងធ្វើការ ដោយឥតគិតថ្លៃសេវាទូរស័ព្ទគ្រប់ប្រព័ន្ធ។ មន្ត្រីជំនាញរង់ចាំទទួល ផ្តល់ព័ត៌មាន និងដោះស្រាយជូន។
សូមអរគុណ
#ការផ្លាស់ទីលំនៅ
#ស្ថិតិប្រជាពលរដ្ឋ
#ក្រុមប្រចាំការសេវាកម្មអត្តសញ្ញាណកម្មនិងប្រតិកម្មរហ័ស
#ឧត្តមសេនីយ៍ឯកសាយម៉េងឈាង

06/07/2026

04/07/2026

អ្វីទៅជាសៀវភៅស្នាក់នៅ សៀវភៅគ្រួសារ ហើយពេលទៅស្នើសុំត្រូវមានឯកសារអ្វីខ្លះ?

កន្លងមកធ្លាប់មានប្រជាពលរដ្ឋមួយចំនួនមានចម្ងល់ និងខ្លះក៏ភាន់ច្រឡំ រវាងសៀវភៅស្នាក់នៅ និងសៀវភៅគ្រួសារ។ ដើម្បីបញ្ជាក់កាន់តែច្បាស់ជូនដល់ប្រជាពលរដ្ឋ លោកឧត្តមសេនីយ៍ឯក សាយ ម៉េងឈាង អគ្គនាយករងនៃអគ្គនាយកដ្ឋានអត្តសញ្ញាណកម្ម បានបង្ហោះខ្លឹមសារពន្យល់ពីសៀវភៅទាំងពីរនេះ រួមនឹងឯកសារត្រូវភ្ជាប់មកជាមួយនៅពេលទៅស្នើសុំ ក៏ដូចជាបញ្ជាក់ពីការស្នើផ្លាស់ទីលំនៅផងដែរ។

១-សៀវភៅស្នាក់នៅ

សៀវភៅស្នាក់នៅ ជាសៀវភៅសម្រាប់ស្រង់ព័ត៌មាន អំពីចំនួនមនុស្សដែលស្នាក់នៅក្នុងគេហដ្ឋាននីមួយៗ មិនសម្រាប់បញ្ជាក់អំពីញាតិភាព ឬសញ្ជាតិខ្មែរ នៃមនុស្សដែលមានឈ្មោះចុះក្នុងបញ្ជីសៀវភៅនេះឡើយ។

ដើម្បីស្នើសុំសាមីខ្លួនត្រូវយកលិខិតស្នាមមួយចំនួនដូចខាងក្រោម ទៅកាន់ប៉ុស្តិ៍នគរបាលរដ្ឋបាល៖

-សេចក្តីចម្លងសំបុត្រកំណើត ឬសេចក្តីចម្លងសំបុត្របញ្ជាក់កំណើត

-អត្តសញ្ញាណបណ្ណសញ្ជាតិខ្មែរ

-សំបុត្រអាពាហ៍ពិពាហ៍ (ប្រសិនបើមាន)

-លិខិតអនុញ្ញាតផ្លាស់ទីលំនៅពីនគរបាលប៉ុស្តិ៍រដ្ឋបាលទីកន្លែងចាស់ដែលសាមីខ្លួនធ្លាប់រស់នៅ (ប្រសិនបើមានការផ្លាស់ប្តូរទីកន្លែងស្នាក់នៅ)។

២-សៀវភៅគ្រួសារ

សៀវភៅគ្រួសារ ជាសៀវភៅប្រើប្រាស់សម្រាប់បញ្ជាក់ពីសមាជិកគ្រួសារ ដែលមានសញ្ជាតិខ្មែរ និងពីចំណងញាតិភាពនៃគ្រួសារនីមួយៗ រួមមាន សហព័ទ្ធ និងកូនបង្កើត ឬកូនសុំ។

ដើម្បីស្នើសុំសាមីខ្លួនត្រូវយកលិខិតស្នាមមួយចំនួនដូចខាងក្រោម ទៅកាន់ប៉ុស្តិ៍នគរបាលរដ្ឋបាល៖

-សៀវភៅស្នាក់នៅ

-សេចក្តីចម្លងសំបុត្រកំណើត ឬសេចក្តីចម្លងសំបុត្របញ្ជាក់កំណើត

-អត្តសញ្ញាណបណ្ណសញ្ជាតិខ្មែរ

-សំបុត្រអាពាហ៍ពិពាហ៍

-រូបថតមេគ្រួសារ ទំហំ ៤X៦ ចំនួន០៥សន្លឹក។

៣-ការផ្លាស់ប្តូរទីលំនៅ (ទីកន្លែងទំនាក់ទំនង និងឯកសារដែលត្រូវមាន)

ក-ការផ្លាស់ទីលំនៅចេញ

ប្រជាពលរដ្ឋដែលជាមេគ្រួសារ ឬសាមីខ្លួនត្រូវអញ្ជើញទៅប៉ុស្តិ៍នគរបាលរដ្ឋបាលឃុំ សង្កាត់ដែលកំពុងរស់នៅអចិន្ត្រៃយ៍ ដោយភ្ជាប់ជាមួយឯកសារដូចជា៖

-សៀវភៅស្នាក់នៅ

-សៀវភៅគ្រួសារ

ខ-ការផ្លាស់ចូល (ទីកន្លែងដែលទៅតាំងទីលំនៅថ្មី)

ប្រជាពលរដ្ឋដែលជាមេគ្រួសារ ឬសាមីខ្លួន ត្រូវយកឯកសារដែលទទួលបានពីប៉ុស្តិ៍នគរបាលរដ្ឋបាលឃុំ សង្កាត់ចាស់ដែលអនុញ្ញាតឱ្យផ្លាស់ចេញ ទៅបង្ហាញប៉ុស្តិ៍នគរបាលរដ្ឋបាលឃុំ សង្កាត់ដែលខ្លួនមានបំណងទៅតាំងទីលំនៅថ្មី ដើម្បីចុះឈ្មោះ និងទទួលបានសៀវភៅស្នាក់នៅ ដោយភ្ជាប់ឯកសារបន្ថែមដូចជា៖

-សៀវភៅស្នាក់នៅ ឬសេចក្តីចម្លងសៀវភៅស្នាក់នៅ

-សេចក្តីចម្លងសំបុត្រកំណើត ឬសេចក្តីចម្លងសំបុត្របញ្ជាក់កំណើត

-អត្តសញ្ញាណបណ្ណសញ្ជាតិខ្មែរ។

សម្រាប់ព័ត៌មានបន្ថែម សូមទាញយក(Download) កម្មវិធី GDI eServices តាមរយៈApp Store និង Google Play ឬ ទាក់ទងតាមលេខទូរស័ព្ទ ១២៧១ / ០១៧ ៨៩៨ ៩១៥ រៀងរាល់ថ្ងៃចន្ទដល់សុក្រ ក្នុងម៉ោងធ្វើការ ដោយឥតគិតថ្លៃសេវាទូរសព្ទគ្រប់ប្រព័ន្ធ។ មន្ត្រីជំនាញរង់ចាំទទួល ផ្តល់ព័ត៌មាន និងដោះស្រាយជូន៕
#សៀវភៅស្នាក់នៅ #សៀវភៅគ្រួសារ #ផ្លាស់ទីលំនៅ #សាយម៉េងឈាង #វិទ្យុវាយោ