លីដា-MixicAuthor

លីដា-MixicAuthor ប្រលោមលោកកូនកាត់ខ្មែរ-បរទេស📚
និពន្ធដោយ៖លីដា🌸
ចេញផ្សាយដោយគ្រឹះស្ថាន៖ MIXIC-មេកហ្សិក🎀 សាកសួរព័ត៌មានលំអិតតាមរយះ 088 4 560 855
(2)

24/05/2026

ចាប់ពីភាគនេះទៅសាច់រឿង អេតមីននឹងបន្ថយអត់វែងៗដូចពេលដំបូងទេ ដោយសារអេតមីនជាប់រវល់ការងារច្រើនចឹងកែបានប៉ុណ្ណាផុសប៉ុណ្ណឹង សង្ឃឹមថាអ្នកតាមដាននឹងមិនអន់ចិត្តគិតថាអេតមីនកំណាច់អីចឹងណា៎😂😂

ភាគ៥💖🖤រនាំងស្នេហ៌ ក្រោមខ្សែជំនួញ💎«ស្អីគេ?! ត្រូវតែជាតំណែងលេខាអគ្គនាយកចឹងអ៎? លោកយកឯកសារឆ្គួតស្អីមកឲ្យខ្ញុំមើលទៅ?» ចុងប្រយ...
24/05/2026

ភាគ៥💖🖤
រនាំងស្នេហ៌ ក្រោមខ្សែជំនួញ💎

«ស្អីគេ?! ត្រូវតែជាតំណែងលេខាអគ្គនាយកចឹងអ៎? លោកយកឯកសារឆ្គួតស្អីមកឲ្យខ្ញុំមើលទៅ?» ចុងប្រយោគនាងឆ្លៀតបន្ទោសគេ ហើយក៏ទម្លាក់វាចុះទៅលើតុទាំងអារម្មណ៌មួម៉ៅ នាងពិតជាមិនដឹងពីការរៀបចំមួយនេះឡើយ ហើយលោកតារបស់នាង ក៏មិនបានប្រាប់នាងឲ្យច្បាស់ពីចំណុចនេះដែរ
«លោកតារបស់នាងប្រហែលជា ចង់ឲ្យនាងមកទាក់ទងលោកតារបស់ខ្ញុំទេដឹង? សំណាងហើយដែលគាត់រីសាញរួច និយាយតាមត្រង់ចុះ ខ្ញុំមិនដឹងថាលោកតានាងចង់យ៉ាងម៉េចជាមួយឡេនសឺ តែនាងកុំសង្ឃឹមថាធ្វើបានសម្រេចឲ្យសោះ»ពេលទទួលបានកិច្ចព្រមព្រៀងនេះលើកដំបូង គេក៏មិនស្រណុកក្នុងចិត្តដែរ កាលពីយប់មិញដោយសារតែរឿងរបស់នាងគេគិតឡើងដេកមិនលក់ពេញមួយយប់ ដល់ពេលនេះចម្ងល់របស់គេក៏នៅមិនទាន់អាចស្រាយ កាន់តែឃើញអាការមិនដឹងមិនលឺរបស់នាង គេក៏កាន់តែចម្លែកចិត្ត
«ណែ! មើលងាយគ្នាច្បាស់ពេកហើយណា៎ ពេលខ្លះអាចជាលោកតារបស់លោកទេដឹងដែលជំពាក់អ្វីគ្រួសាររបស់ខ្ញុំ!!»
«ហ៊ឹម! គ្រួសាររបស់នាងមានអីឲ្យ ឡេនសឺជំពាក់ទៅ?»
«ខ្ញុំម៉េចនឹងដឹងទៅ នោះគឺជារឿងរបស់មនុស្សចាស់ បើលោកចង់ដឹងម៉េចក៏មិនទៅសួរលោកតារបស់លោក លោកមកសួរខ្ញុំ ខ្ញុំទៅសួរនរណា?»
«លោកតារបស់នាងហ្នឹងហើយ!!» គេហកមិនឲ្យចាញ់ចិត្ត លុះពេលលឺដូច្នេះ ណាវីដាក៏ភ្លេចខ្លួនខាំមាត់សម្លក់មុខរបស់គេសឹងតែចង់ហែកស៊ី ប្រទះជូបចារឹកចាស់ម៉ាទីនក៏ញញឹមញាក់ចិញ្ចើមឌឺថែម ធ្វើឲ្យនាងក្ដាប់ដៃយ៉ាងណែនដើម្បីទប់កំហឹងមិនឲ្យហក់ទៅសម្លាប់គេ
«ខ្ញុំនឹងទៅបញ្ចាក់រឿងនេះជាមួយនឹងគាត់ លោកចាំតែមើលចុះ»
«បាន ខ្ញុំនឹងចាំមើល! តែពេលនេះនាងត្រូវតែដើរតាមហ្គេមរបស់ពួកគាត់ជាមួយនឹងខ្ញុំសិន»
«ហេតុអីក៏ខ្ញុំត្រូវធ្វើ?»
«ព្រោះនាងក៏គ្មានជម្រើសដូចតែខ្ញុំដែរហ្នឹង កុំមកធ្វើឯងខ្លាំងណេះ... កិច្ចសន្យាសាកល្បការងារបីខែដំបូង ស៊ីញ៉េទៅ!!»
«ហ៊ើម!! ពិតជាគួរឲ្យធុញមែន!» រុញឯកសារឲ្យហើយ គេក៏ទម្លាក់ប៊ិចលើវា ឃើញហើយនាងតូចក៏រអ៊ូទាំងដៃលើកវាមកបើកអានម្ដងទៀត មុននឹងស៊ីញ៉េ
«ចប់៣ខែនេះ ខ្ញុំអាចស្នើរពាក្យដូរដំណែងបានទេ?»
«អាស្រ័យលើសមត្ថភាព! បើ៣ខែដំបូងនាងធ្វើបានល្អ ខ្ញុំនិងអាចពិចារណាឲ្យនាងចូលជាបុគ្គលិកពេញសិទ្ធបាន ដល់ពេលនេះនាងអាចដាក់ពាក្យផ្លាស់ប្ដូរតួនាទី ទៅផ្នែកណាក៏បានតាមជំនាញនិងសមត្ថភាពដែលនាងមាន»
«ល្អហើយចឹង!» តបហើយនាងក៏ទម្លាក់ឯកសារដែលស៊ីញ៉េរួចទៅលើតុវិញ ឃើញឬកពានឿយណាយរបស់នាង ម៉ាទីនក៏ពោលបន្តទាំងចុងចិញ្ចើមលើកយ៉ាងខ្ពស់
«យ៉ាងម៉េច? ធ្វើការជាមួយខ្ញុំវាធ្វើឲ្យនាងតឹងចិត្តណាស់មែនទេ?»
«និយាយធ្វើដូចមិនដឹង!!» នាងឆ្លើយទាំងសំលេងលើកផ្កើន បណ្ដាលឲ្យអ្នកកំលោះកប់យោបល់ ភ្នែកគិតតែពីសម្លឹងមុខនាងមិនព្រេចហាក់បីដូចជាចង់មើលឲ្យធ្លុះដល់បេះដូង!
«បានហើយ! ខ្ញុំដឹងក៏បាន ពេលចេញទៅវិញខាបទ័រនិងប្រាប់នាងពីការងារដែលនាងត្រូវទទួលខុសត្រូវហើយ ធ្វើជាលេខាផ្ទាល់ខ្លួនខ្ញុំមិនសូវពិបាកទេ ឲ្យតែនាងខិតខំនាងនឹងបានចាកចេញពីខ្ញុំឆាប់ៗនេះជាមិនខាន»
«ហ៊ឹក! ល្អខ្លាំងណាស់ រីករាយដែលបានរួមការងារជាមួយនឹងលោកសាជាថ្មី លោកឡេនសឺ!» ក្នុងពេលដែលមិនអាចគេច នាងក៏សុខចិត្តទទួល រាងស្ដើងក្រោកឈរបោះដៃទៅរកគេមុនដោយស្នាមញញឹមរីករាយ ជាមួយនឹងកិច្ចសហការថ្មីលើកនេះ បើទោះបីជានាងមិនចង់ធ្វើការជាមួយនឹងគេក៏ដោយ តែចុងក្រោយនាងក៏គ្មានជម្រើស
«នាងជាបុគ្គលិកមិនមែនដៃគូសហការរបស់ខ្ញុំទេ! កុំមកវៃស្មើរ» ដៃរបស់នាងគេមិនទទួល ស្ដីរួចម៉ាទីនក៏ស្ទុះក្រោកឈរស្រវាចាប់ឯកសារមកកាន់ ហើយក៏បែរខ្លួនដើរទៅរកតុធ្វើការវិញ ឃើញដូច្នេះវីដាក៏បន្តសំណួរ
«ចឹងខ្ញុំអាចចាប់ផ្ដើមការងារថ្ងៃណាដែរលោកប្រធាន?»
«ស្អែក»
«ចាស៎! ចឹងខ្ញុំអស់ធុរះហើយ សុំលា» ឪកាសមកដល់ នាងក្រមុំក៏រួសរាន់ចាកចេញ រំពេចនោះស្រាប់តែ...
«ឈប់សិន!!»
«ចាស៎?!»
«នៅឲ្យខាបទ័រពន្យល់ការងារ និងប្រាប់ពីតួនាទីដែលនាងត្រូវធ្វើហើយចាំទៅ»
«ចាស៎! ខ្ញុំដឹងហើយ ជំរាបលាលោកប្រធាន»
«អឹម!!» ក្រហឹមតបតែប៉ុណ្ណឹង កែវភ្នែកដ៏សែនមុតស្រួចរបស់គេ ក៏តាមបាញ់សម្លឹងមើលកាយតូចធ្វើដំណើរដើរចេញពីបន្ទប់របស់គេយ៉ាងស្ងប់ស្ងាត់ បន្ទាប់ពីនាងក្រមុំចេញទៅបាត់ ម៉ាទីនក៏ញោចចុងមាត់ញញឹម ភ្នែកសំលឹងមើលហត្ថលេខារបស់នាងដែលមាននៅលើឯកសាររបស់គេយ៉ាងលាក់គំនួចក្នុងចិត្ត
«នៅតែអំណួតដូចដើម! ដល់ពេលដែលខ្ញុំត្រូបំបាក់អំណួតរបស់នាងហើយ ណាវីដា ហ្វ្រេម! នាងចាំតែមើលចុះ» នេះគឺជាពាក្យសំដីពិឃាតរបស់ស៊ីអ៊ីអូឈាមត្រជាក់ដូចជាគេ...

——————រង់ចាំតាមដានភាគបន្ត💜
អ្នកតាមដានសកម្មនិងមានឪកាសឈ្នះebookពេញមួយរឿងហ្វ្រីយកទៅអានយ៉ាងមានក្ដីសុខ🌸
⌛️⌛️⌛️⌛️⌛️⌛️
រៀបរៀងនិងនិពន្ធដោយ៖លីដា
ចេញផ្សាយដោយ: គ្រឹះស្ថាន MIXIC-មេកហ្សិក

មិនពេញចិត្តនឹងយកនាងមកធ្វើជាលេខា តែក៏មិនព្រមឲ្យនាងទៅបំរើនរណាក្រៅពីខ្លួន…គិតអីហ្នឹងលោកម៉ាទីន?🙄🤩 #រនាំងស្នេហ៌ក្រោមខ្សែជំនួញ...
24/05/2026

មិនពេញចិត្តនឹងយកនាងមកធ្វើជាលេខា តែក៏មិនព្រមឲ្យនាងទៅបំរើនរណាក្រៅពីខ្លួន…
គិតអីហ្នឹងលោកម៉ាទីន?🙄🤩
#រនាំងស្នេហ៌ក្រោមខ្សែជំនួញ
#ជូបគ្នាយប់នេះ☺️☺️

បិទភ្នែកស្រមៃ☺️😍
23/05/2026

បិទភ្នែកស្រមៃ☺️😍

អតីតកាល ធ្លាប់គប់សៀវភៅបិះត្រូវកណ្ដាលក្បាលបង ដោយសារតែបងគួរឲ្យស្រលាញ់ពេក🙄😆 #រនាំងស្នេហ៌ក្រោមខ្សែជំនួញ
23/05/2026

អតីតកាល ធ្លាប់គប់សៀវភៅបិះត្រូវកណ្ដាលក្បាលបង ដោយសារតែបងគួរឲ្យស្រលាញ់ពេក🙄😆
#រនាំងស្នេហ៌ក្រោមខ្សែជំនួញ

បើកលក់ E-book ជាផ្លូវការ🔥🔥តម្លៃពេញ 6$ បញ្ចុះសល់5.5$ ក្នុងរយះពេល៣ថ្ងៃដំបូង🔴សួស្ដីអ្នកអានទាំងអស់គ្នា💖ថ្ងៃនេះអេតមីនមានកត្តិ...
22/05/2026

បើកលក់ E-book ជាផ្លូវការ🔥🔥
តម្លៃពេញ 6$ បញ្ចុះសល់5.5$ ក្នុងរយះពេល៣ថ្ងៃដំបូង🔴

សួស្ដីអ្នកអានទាំងអស់គ្នា💖
ថ្ងៃនេះអេតមីនមានកត្តិយស បើកចេញលក់ E-Book (ហ្វាល់ pdf) ឬគេហៅថាសៀវភៅអេឡិចត្រូនិចជាផ្លូវការ សំរាប់រឿង៖ អំណាច ស្នេហ៌ របស់យើង🌸
ចំពោះការទិញហ្វាល់ លោកអ្នកទិញភ្លាមគឺផ្ញើបានភ្លាមតាមរយះ Telegram ហើយចំពោះសុពលភាពគឺអានបានជារៀងរហូត🖤
————————————
ដើម្បីទិញបាន លោកអ្នកគ្រាន់តែឆាតចូលផេក អេតមីននឹងរង់ចាំទទួលតបឆាត រីឯការបង់ប្រាក់ អេតមីននឹងផ្ញើ QR Code ឲ្យបន្ទាប់ពីការកុម្មង់ត្រូវបានបញ្ចប់! បញ្ជាក់ណា៎ អេតមីនអត់មានផុសQR នៅក្នុងផេកទេ ចឹងមុននឹងបាញ់លុយសូមប្រុងប្រយ័ត្ន
អេតមីននឹងរង់ចាំតបឆាតអ្នកទាំងអស់គ្នា
ដោយលោកអ្នកអាចឆាតមកកុម្មង់នៅផេកគ្រឹះស្ថាន MIXIC - មេកហ្សិក ក៏បាន អាចកុម្មង់នៅក្នុងផេកអ្នកនិពន្ធ លីដា-MixicAuthor ក៏បាន🥰

ខ្លួនជាចៅស្រីរបស់ម្ចាស់ជំនួញរីសតដ៏ធំម្នាក់នៅអាស៊ី🍀ជាអនាគតទីយាតស្នងដំណែងតែម្នាក់គត់របស់ ហ្វ្រេម គ្រុប 🌸តែសុខៗ រឿងដ៏នឹកស្ម...
21/05/2026

ខ្លួនជាចៅស្រីរបស់ម្ចាស់ជំនួញរីសតដ៏ធំម្នាក់នៅអាស៊ី🍀
ជាអនាគតទីយាតស្នងដំណែងតែម្នាក់គត់របស់ ហ្វ្រេម គ្រុប 🌸
តែសុខៗ រឿងដ៏នឹកស្មានមិនដល់មួយក៏បានកើតឡើង…
«នេះជាកិច្ចសន្យាការងារ ស៊ីញ៉េទៅ!»
«ខ្ញុំប្រាប់លោកហើយថាខ្ញុំមិនធ្វើជាលេខារបស់លោកទេ»
«នាងគ្មានជម្រើសទេ»

ភាគ៤💖🖤រនាំងស្នេហ៌ ក្រោមខ្សែជំនួញ💎«អេ៎!!»«មកតាមខ្ញុំ!!» គេអូសនាងរហូតមកដល់កន្លែងបាំងទើបកាយក្រាស់ក៏ព្រមបែរមកប្រឈម ធ្វើឲ្យវី...
20/05/2026

ភាគ៤💖🖤
រនាំងស្នេហ៌ ក្រោមខ្សែជំនួញ💎

«អេ៎!!»
«មកតាមខ្ញុំ!!» គេអូសនាងរហូតមកដល់កន្លែងបាំងទើបកាយក្រាស់ក៏ព្រមបែរមកប្រឈម ធ្វើឲ្យវីដាដកដង្ហើមធំលើកដៃច្រត់ចង្កេះមើលទៅគេទាំងទឹកមុខនឿយណាយ
អស់ពីមួយចូលមួយពិតមែន!!
«លោកឯងទៀតហើយអេ៎??»​
«ឯណាកិច្ចសន្យាការងាររបស់ខ្ញុំ?»លឺនាងត្អូញត្អែ ធ្វើដូចគេហ្នឹងជាមនុស្សរំខាន ម៉ាទីនក៏ចូលសាច់ការតែម្ដង តែចម្លើយដែលទទួលបាន ធ្វើឲ្យគេអស់សំណើចមើលមុខនាងដោយ ឬកពាស្មានមិនដល់ ស្រីម្នាក់នេះនៅតែខ្លាំងដាក់គេមិនប្រែ!
«ដុតចោលបាត់ហើយ»
«នាង!!»
«យ៉ាងម៉េច! ហេតុអីខ្ញុំត្រូវធ្វើតាមលោកដែរ?»
«ព្រោះនាងក៏គ្មានជំរើសដែរ»
«មានន័យថាម៉េច ​លោកទៅដឹងស្អីមក?»
«ចង់ដឹងថ្ងៃចន្ទពេលព្រឹកម៉ោងប្រាំពីរជូបគ្នាក្នុងការិយាល័យខ្ញុំ! ខ្ញុំនឹងត្រឹមកិច្ចសន្យាថ្មីដើម្បីរង់ចាំ...»ថាហើយគេក៏បែរខ្នងបំរុងនឹងចាកចេញ
«កុំសង្ឃឹមថាខ្ញុំទៅ»
«ភ្នាល់គ្នាទៅ»កាយបែរខ្នង តែមាត់ឆ្លៀតតវ៉ា លឺហើយវីដាសឹងតែទ្រាំមិនចង់បាន
«មនុស្សឡប់សតិ!!»ធ្វើអីមិនបាន នាងក៏ខ្ជិលតសំដី ឧទានរួចកាយតូចក៏បែរខ្លួនដើរបញ្ជ្រាស់ផ្លូវពីគេមកវិញ លុះពេលងាកឃើញដំណើរ ម៉ាទីនក៏ឆ្លៀតឧទានដោយទឹកមុខមិនល្អ
«នាងទើបតែមកមិនបានប៉ុន្មានផង ក៏មានអ្នកតាមដានហើយអ៎ យ៉ាង ណាវីដា? ហើយអារីឆាតម្នាក់នោះវាជានរណាឲ្យប្រកដទៅ?»
គេបានឲ្យខាបទ័រស៊ើបប្រវត្តិនាងរួចហើយ នាងជាចៅស្រីតែមួយគត់របស់ លោក ណាដេត ហ្វ្រេម ជាអ្នកជំនួញដ៏ឆ្នើមម្នាក់ប្រចាំទ្វីបអាស៊ីខាងផ្នែករីសតនិងសណ្ឋារគារ! នាពេលនេះគាត់កំពុងតែទំនុបបំរុងចៅស្រីតែម្នាក់ ឲ្យបន្តវេនទទួលមុខជំនួញពីត្រកូល ព្រោះតែប៉ារបស់នាងបានជូបគ្រោះថ្នាក់ចរាចរណ៌កាលពីពីរខែមុន ធ្វើឲ្យគាត់សន្លប់ក្លាយទៅជាមនុស្សរុក្ខជាតិលែងដឹងខ្លួនចាប់ពីពេលនោះមក ហើយដែលនាងមករៀនបន្ត និងចង់ចាប់ផ្ដើមធ្វើការយកបទពិសោធន៌នៅទីនេះក៏ដោយសារតែពេលរៀនចប់ទៅ នាងមានទំនួលខុសត្រូវគ្រប់គ្រងមុខជំនួញបន្តនោះឯង រឿងរ៉ាវដែលកើតឡើង វាសុទ្ធតែជារឿងដែលគេស្មានមិនដល់ព្រោះកាលនៅរៀនវិទ្យាល័យជាមួយគ្នា​ សឹងតែគ្មាននរណាដឹងពីប្រវត្តិពិតប្រកដរបស់នាង​ ហើយគេនៅតែមានអារម្មណ៌ថាវានៅមិនទាន់អស់អាថ៏កំបាំង ដោយសារតែនៅមានរឿងជាច្រើនដែលគេត្រូវស្វែងរកពីនាងមិនទាន់ឃើញនៅឡើយ...
«ខាប់ទ័រ!»
«បាទ បស»
«ស៊ើបពី រីឆាត គេរៀននៅ Oxford និស្សត្តិ Master Of Management យកលំអិត»
«បាទ»
ក្រោយពីនិយាយទូរស័ព្ទ ជាមួយកូនចៅជំនិតពីរបីម៉ាត់ហើយ ម៉ាទីនក៏ដើរសំដៅទៅថ្នាក់រៀនវិញដោយមិនបានសង្កេតថាមានអ្នកតាមដានគេពីក្រោយដូចគ្នា រាងខ្ពស់ក្រោយពីបានដឹងពីបំណងរបស់ម៉ាទីនហើយ គេក៏ញោចចុងមាត់ញញឹមលាក់គំនួច ក៏ព្រោះតែអ្នកដែលគេចង់ស៊ើបនោះជាអ្នករៀនក្នុងថ្នាក់ជាមួយគេនោះឯង មើលទៅរឿងនេះកាន់តែគួរឲ្យចាប់អារម្មណ៌ហើយ
«ណាវីដា ហ្វេ្រម! តើនាងជានរណា? ហេតុអីក៏អាចធ្វើឲ្យ ម៉ាទីនចាប់អារម្មណ៌ពីសាវត្តារបស់នាងខ្លាំងដល់ថ្នាក់នេះ?»........................................
សប្ដាហ៌ដំបូងនៃការសិក្សាត្រូវបានបញ្ចប់ ទីបំផុតនាងតូចណាវីដាក៏អាចដកខ្លួន ចេញពីភាពតានតឹងទាំងឡាយដែលបានកើតឡើងយ៉ាងច្រើន នាអំឡុងពេល២ថ្ងៃកន្លងទៅនេះបានដោយជោគជ័យ វាគឺជាសប្ដាហ៏ដ៏សែនតឹងទ្រូងបំផុតសំរាប់នាង។ នាពេលល្ងាចក្រោយពីធ្វើកិច្ចការសាលារួចរាល់នាងក្រមុំក៏បើកឡេបថប វីដេអូខលទៅកាន់អ្នកមានគុណដែលនាងនឹកជាទីបំផុត
«ជំរាបសួរអ្នកម៉ាក់!»
(ចាស៎កូន! យ៉ាងម៉េចហើយ សុខសប្បាយទេ?​ មានឈឺថ្កាត់អីអត់ហ្នឹង?) សំលេងពោរពេញទៅដោយក្ដីបារម្ភរបស់អ្នកម្ដាយធ្វើឲ្យនាងតូចញញឹម ទុក្ខកង្វល់ស្រាប់តែរលាយភ្លាមៗ
«ម៉ាក់កូនមិនអីទេ ម៉ាក់ឈឺមែនទេ ហេតុអីក៏មុខស្លេកស្លាំងយ៉ាងនេះ?» លឺសំណួរពីកូនស្រីអ្នកម្ដាយក៏លើកដៃអង្អែលថ្ពាល់របស់ខ្លួន គាត់ញញឹមស្រាលដាក់នាងបន្ទិចរួចក៏តប
(ម៉ាក់មិនអីទេ ចង់ឃើញប៉ាកូនទេ?)
«ចង់!» អ្នកម្ដាយក៏បង្វែរកាំមេរ៉ាទៅកាន់អ្នកដែលគេងលើគ្រែធំ ដោយមិនដឹងថ្ងៃណាក្រោក ឃើញរូបភាពរបស់ឪពុកលើកណាក្នុងទ្រូងរបស់នាងពិតជាតឹងណែនខ្លាំងណាស់
«ម៉ាក់ទៅពិសារបាយទៅណា៎ចាំកូនមើលប៉ាឲ្យ» បានឃើញរូបភាពឪពុកហើយ នាងក៏ញញឹមខ្សោយនិយាយជាមួយម្ដាយ លុះពេលលឺដូច្នេះគាត់ក៏ព្រមងក់ក្បាលទទួល
(ក៏បាន និយាយជាមួយប៉ាកូនចុះ ព្រោះគាត់នឹកកូនណាស់)
«ចាស៎!»នាងឆ្លើយរួចក៏ញញឹមដាក់អ្នកម្ដាយ ឃើញហើយគាត់ក៏បញ្ឈរទូរស័ព្ទចោលក្បែរខ្លួនអ្នកជំងឺ រួចក៏បែរកាយដើរចេញទៅយ៉ាងស្ងប់ស្ងាត់
ពេលលឺសំលេងទ្វារបិទ វីដាបន្ទាន់ខ្លួនយកដៃទាំងពីរទ្រចង្កានិយាយទៅកាន់ឪពុកដោយសំលេងស្រទន់
«ប៉ា!! ដានឹកប៉ាណាស់ ដាចង់ឲ្យប៉ាអោបកូន អង្អែលក្បាលកូន និងលើកទឹកចិត្តកូនដូចពីមុនណា៎ប៉ា»ទឹកភ្នែកកូនស្រីស្រក់ម៉ាត់ដោយភាពឈឺចាប់ ដែលឪពុករបស់ខ្លួនក្លាយជាបែបនេះ
«ប៉ាដឹងទេ? កូនជិតបានជំនួសការងារប៉ាហើយ ត្រឹមតែរយះពេលពីរឆ្នាំទៀតប៉ុណ្ណោះ កូនស្រីរបស់ប៉ាម្នាក់នេះនឹងក្លាយជាអគ្គនាយិកានៃក្រុមហ៊ុនហ្វ្រេមគ្រុបហើយ តើប៉ាសប្បាយចិត្តទេ? ពីមុនកូនធ្លាប់ប្រាប់ប៉ាថាកូនគ្រាន់តែចង់បើកហាងកាហ្វេតូចមួយប៉ុណ្ណោះ តែពេលនេះកូនប្ដូរចិត្តហើយ ត្រឹមសុំឲ្យប៉ាជា កូនសុខចិត្តទទួលខុសត្រូវលើហ្វ្រេមគ្រុបទាំងមូល ល្អទេ? ប៉ានឹងបានសំរាកលំហែកាយកាន់តែច្រើន ម៉ាក់ធ្លាប់និយាយថាចង់ទៅលេងស្វីស ប៉ាក៏យល់ព្រមហើយ កុំក្បត់សន្យាបានទេ? ហ៊ឹក... ហ៊ឹក... ប៉ាក្រោកឡើងមកបានទេ?» គ្មានប្រតិកម្មតបស្នង ធ្វើឲ្យអ្នកនិយាយអួលដើមកខ្ទប់មុខយំនឹងតុតែម្នាក់ឯងដោយក្ដីឈឺផ្សា នាងមិនបានដឹងឡើយថាម្ដាយរបស់នាងមិនបានទៅណាគាត់គ្រាន់តែគេចពីកាំមេរ៉ាមិនឲ្យនាងឃើញ លុះពេលលឺប្រយោគដ៏សែនឈឺចាប់របស់កូនបន្លឺចេញមកដូច្នេះ គាត់ក៏ខ្ទប់មាត់យំស្ទើរតែដាច់ដង្ហើម
គ្រប់យ៉ាងស្ងប់ស្ងាត់អស់ឡើងមួយសន្ទុះធំ លុះពេលប្រកដចិត្តងថាកូនឈប់យំ អ្នកម្ដាយក៏ធ្វើជាទាញទ្វារបើកដើម្បីបន្លឺ សំលេងប្រាប់នាង លឺហើយនាងតូចក៏ងើបមុខទៅមើលហើយក៏បានឃើញម្ដាយកំពុងតែដើរចូលមកដោយស្នាមញញឹម
«ម៉ាក់! យប់ជ្រៅហើយម៉ាក់ឆាប់សំរាកទៅណា៎» ឪពុកក៏នាងបារម្ភ ចំណែកអ្នកម្ដាយនាងក៏កាន់តែខ្វល់ខ្វាយ តាំងពីស្វាមីរបស់គាត់លែងដឹងខ្លួនមក គាត់ស្ទើរតែក្លាយទៅជាមនុស្សគ្មានវិញ្ញាណ នេះបើកុំតែមានកូនស្រីនៅលើកទឹកចិត្ត គាត់មិនដឹងថាខ្លួនឯងនឹងទៅជាយ៉ាងណាឡើយ
(ចាស៎​! កូនក៏ដូចគ្នា ឆាប់សម្រាកហើយត្រូវញុំាឲ្យទៀងទាត់ណា៎)
«ម៉ាក់ត្រូវថែខ្លួនកុំឲ្យឈឺណាម៉ាក់ណា៎ កូននឹងឆាប់ទៅវិញ»
(ចាស៎! ប៉ាម៉ាក់ស្រលាញ់កូន!)
«កូនក៏ស្រលាញ់ប៉ាម៉ាក់ ស្រលាញ់ខ្លាំងបំផុត» ពោលហើយនាងក៏ញញឹមស្រស់ដាក់ម្ដាយជាលើកចុងក្រោយ បន្ទាប់ពីបិទឡេបថបរួច នាងក៏ទៅលប់មុខម្ដងទៀតមុននឹងសំរាក...
ថ្ងៃថ្មី
ថ្ងៃនេះជាថ្ងៃចន្ទដើមសប្ដាហ៏ អ្វីដែលនាងមិនទាន់ជំរះគឺរឿងកិច្ចសន្យាជាមួយ Frozen រីសត នាងពិតជាមិនយល់ពិតមែនថាលោកតារបស់នាងចង់បានអីឲ្យប្រកដ ហើយនៅមានលក្ខខណ្ឌឆ្កួតៗរបស់នាយម៉ាទីននោះទៀត
«ថ្ងៃនេះត្រូវតែដោះស្រាយរឿងនេះឲ្យចប់ៗ មិនចឹងទេខួរក្បាលរបស់យើងអាចនឹងផ្ទុះជាក់ជាមិនខាន ហ៊ើម!»
វីដានិយាយទៅកាន់ខ្លួនឯងក្នុងកញ្ចក់ដោយភាពរឹងមាំ នាងងាកមើលរូបថតគ្រួសារដោយមានស្នាមញញឹមពេញដោយកម្លាំងចិត្ត ហើយនាពេលបន្ទាប់នាងក៏បែរខ្លួនដើរចាកចេញពីផ្ទះដើម្បីធ្វើដំណើរទៅរីសតមួយនោះតែម្ដង
មួយសន្ទុះក្រោយមក នាងក៏បានធ្វើដំណើរទៅដល់តាមពេលវេលាកំណត់
«អ្នកនាង ណាវីដា ហ្វ្រេម​មកដល់ហើយបស» សំដីរបស់ខាបទ័របានបន្លឺឡើង ធ្វើឲ្យអ្នកដែលកំពុងតែមមាញឹកនឹងការពិនិត្យឯកសារស្ដីតបមកកាន់គេវិញទាំងមិនងើបមុខ
«ហ៊ឹម! ឲ្យនាងចូលមក»
«បាទបស» តបរួចគេក៏បែរខ្លួនដើរចេញទៅបាត់ ២នាទីក្រោយវត្តមានរបស់មនុស្សម្នាក់ ក៏បានដើរចូលមកសារជាថ្មីដោយលើកនេះមិនមែនជាខាបទ័រទៀតឡើយ តែជានាង ណាវីដា ហ្វេ្រម អនាគតបុគ្គលិកថ្មីនិងពិសេសប្រចាំរីសតរបស់គេ
«ទៀងម៉ោងណាស់ណ៎» គ្រាន់តែស្រីតូចបង្ហាញវត្តមានចូលមកភ្លាមសំលេងស្វាគមន៏ដ៏សែនឌឺដងក៏ជះមកភ្លេត
«ពាក្យឌឺដងនេះមិនបានផលចំពោះខ្ញុំទេ» តបរួចវីដាក៏ដាក់ខ្លួនអង្គុយចុះលើសាឡុងកណ្ដាលបន្ទប់ធ្វើការរបស់គេដោយទឹកមុខមាំ ឃើញហើយម៉ាទីនក៏ដើរវាងតុធ្វើការដោយដៃមានសាម៉ីពណ៏ត្នោតមួយសំដៅមករកនាងដូចគ្នា
«នេះកិច្ចសន្យាការងារថ្មី!»
«ឲ្យខ្ញុំប្រាប់លោកប៉ុន្មានដងទៀតថា ខ្ញុំមិនធ្វើការជាមួយលោកទេ» នាងគិតច្បាស់ហើយថានឹងមិនទទួលដំណែងមួយនេះឡើយ វាធំពេកលើសពីសមត្ថភាពរបស់នាង ម្យ៉ាងនាងក៏មិនចង់រួមការងារជាមួយនឹងគេ លោកតារបស់នាងបានបញ្ជាឲ្យនាងមកធ្វើការនៅទីនេះ តែគាត់មិនបានបញ្ជាក់អំពីតួនាទី ចឹងនាងគ្រាន់តែបំពេញការងារនៅទីនេះទោះបីជាធ្វើនៅក្នុងផ្នែកណាក៏គ្មានបញ្ហា ចឹងរឿងអីដែលនាងត្រូវមកថាំចិត្តធ្វើជាលេខាឲ្យគេនោះ
«នេះគឺជាការព្រមព្រៀងរវាងលោកតារបស់នាង និងលោកតារបស់ខ្ញុំ» ឃើញនាងនិយាយពោរពេញដោយក្ដីជឿជាក់ម៉ាទីនក៏រាងអស់សំណើចបន្ទិចដែរ តែគេមិនហ៊ានព្រោះខ្លាចការងារមិនចប់ អ្នកកំលោះស្ដីទាំងដៃទម្លាក់ឯកសារមួយច្បាប់ទៀតដើម្បីបញ្ចាក់ពីការពិតដែលនាងមិនបានដឹង
«កិច្ចព្រមព្រៀងស្អីគេ?»
«មើលសិនទៅហ្នឹងដឹងហើយ!» ពោលហើយគេក៏តម្រេតកាយលើកដៃអោបទ្រូង ញាក់ចិញ្ចើមដាក់នាងយ៉ាងគួរឲ្យសង្ស័យ ឃើញដូច្នេះរាងស្ដើងក៏កញ្ឆក់ឯកសារមួយច្បាប់នោះយកមក បើកមើលទាំងចុងចិញ្ចើមជ្រួញចូលគ្នាមិនស្រាយ អាចដល់ពាក់កណ្ដាលនាងក៏ផ្លាត់មាត់ឧទានឡើងដោយសំលេងខ្លាំងៗ
«ស្អីគេ?! ត្រូវតែជាតំណែងលេខាអគ្គនាយកចឹងអ៎? លោកយកឯកសារឆ្គួតស្អីមកឲ្យខ្ញុំមើលទៅ?»

——————រង់ចាំតាមដានភាគបន្ត💜
អ្នកតាមដានសកម្មនិងមានឪកាសឈ្នះebookពេញមួយរឿងហ្វ្រីយកទៅអានយ៉ាងមានក្ដីសុខ🌸
⌛️⌛️⌛️⌛️⌛️⌛️
រៀបរៀងនិងនិពន្ធដោយ៖លីដា
ចេញផ្សាយដោយ: គ្រឹះស្ថាន MIXIC-មេកហ្សិក

យប់ហ្នឹង ម៉ាទីនចង់នាំកូនស្រីគេទៅណាណ៎?😒 #ភាគ៤
20/05/2026

យប់ហ្នឹង ម៉ាទីនចង់នាំកូនស្រីគេទៅណាណ៎?😒
#ភាគ៤

ភាគ៣💖🖤រនាំងស្នេហ៌ ក្រោមខ្សែជំនួញ💎« ហេឡូ! ជំរាបសួរលោកតា» ចូលមកដល់ក្នុងផ្ទះ រាងស្ដើងក៏ទម្លាក់កាបូបចុះ ស្រវាទូរស័ព្ទយកមកចុច...
19/05/2026

ភាគ៣💖🖤
រនាំងស្នេហ៌ ក្រោមខ្សែជំនួញ💎

« ហេឡូ! ជំរាបសួរលោកតា» ចូលមកដល់ក្នុងផ្ទះ រាងស្ដើងក៏ទម្លាក់កាបូបចុះ ស្រវាទូរស័ព្ទយកមកចុចខលទៅលោកតារបស់នាងដើម្បីសួរនាំពីរឿងនោះ ព្រោះថាការងារទាំងអស់នេះគឺគាត់ជាអ្នករៀបចំឲ្យនាង នាងចង់ដឹងថាគោលបំណងរបស់គាត់គឺជាអ្វីឲ្យពិតប្រកដ?
(ចៅដា! យ៉ាងម៉េចហើយចៅសុខសប្បាយទេ?)
«ចៅសុខសប្បាយ ចុះលោកតាវិញ? សុខភាពយ៉ាងម៉េចដែរ?»មុននឹងចូលសាច់រឿង នាងឆ្លៀតសួរនាំសុខភាពរបស់មនុស្សចាស់ដោយសំលេងស្រទន់
(តាមិនអីទេ ខលមកតាពេលនេះមានអីចង់សួរមែនទេ?)
«ចាស ខលទៅលេងលោកតាហើយក៏...»
(ប្រាប់តាមកមានរឿងអី?)
«ហេតុអ្វីលោកតាឲ្យខ្ញុំជ្រើសរើសធ្វើការនៅរីសតនោះ?»
(ព្រោះតាស្គាល់ម្ចាស់នៅទីនោះ)
«លោកហ្វាន់សេន ឡេនសឺ មែនទេ?»
(មែនហើយ! ចៅជូបសម្ភាសន៌ជាមួយគេផ្ទាល់ឬ?)
«គឺ... អត់ទេ តែលោកតាចុះបើចៅចង់ធ្វើនៅកន្លែងផ្សេង?»
(មិនបាន!!!) សំលេងគំហកធ្វើឲ្យនាងក្រមុំកាន់តែឆ្ងល់ថាតារបស់នាងមានអ្វីលាក់បាំង ហេតុអីក៏ត្រូវជាទីនោះ?
«ហេតុអីលោកតា??»
(ចៅដា! ចៅត្រូវតែចូលក្នុងរីសតនោះ ព្រោះតាបាននិយាយជាមួយគេរួចហើយថាចៅនឹងទៅរៀនការងារពីពួកគេ សំដីមនុស្សចាស់និយាយគ្នាគឺមិនអាចក្រលាស់បានទេណា៎ចៅ)ពេលដឹងថាខ្លួនប្រតិកម្មហួសហេតុពេក ទើបគាត់ចាប់ផ្ដើមសម្រួលសំលេងឲ្យធម្មតាវិញ ព្រោះចៅស្រីរបស់គាត់ម្នាក់នេះពូកែសង្ស័យខ្លាំងណាស់ ចឹងហើយគាត់ត្រូវតែប្រយ័ត្ន
«លោកតាក៏ដឹងថា​ ខ្ញុំមិនចូលចិត្តធ្វើអ្វីតាមខ្សែរយះនោះទេ​ ឬលោកតាមិនទុកចិត្តចៅ?» ស្ដាប់សំដីគាត់ទៅក៏រាងមានហេតុផល តែនាងនៅមិនយល់និងសង្ស័យដដែលថាគាត់មានអ្វីពាក់ព័ន្ធនឹងឡេនសឺ? តើគាត់មានគំរោងអ្វីដោះដូរជាមួយនឹងពួកគេមែនទេ?
(មិនមែនតាមិនទុកចិត្តចៅនោះទេ តាគ្រាន់តែចង់ឲ្យចៅរបស់តានៅធ្វើការកន្លែងដែលតាជឿជាក់ យ៉ាងណារីសតគេក៏ល្បីឈ្មោះប្រចាំទីក្រុង ចៅកុំភ្លេចថាចៅទៅដើម្បីអ្វី?)
«ចៅមិនដែលភ្លេចទេលោកតា»
(ចៅដា​! កុំធ្វើតាខកបំណងណា៎ ព្រោះតាមានតែចៅម្នាក់គត់ដែលជាទីយាត អនាគតនៃត្រកូលរបស់យើងគឺចៅជាអ្នកបន្តវេន ហេតុនេះចៅត្រូវតែព្យាយាមអត់ធ្មត់ បំពេញការងារឲ្យបានល្អ យកបទពិសោធន៌និងជំនាញត្រលប់មកវិញ យល់ដែរទេ?)
«ចាស៎! ចៅនិងព្យាយាមឲ្យអស់ពីសមត្ថភាព»
(ល្អណាស់!! ប៉ុណ្ណឹងចុះតាដល់ពេលសំរាកហើយ)​
«ចាស៎ ជំរាបលាលោកតា» ទោះបីជាមានរឿងខ្លះស្ដាប់មិនចូលត្រចៀក តែនាងក្រមុំក៏មិនគិតច្រើនព្រោះនាងដឹងថាតារបស់នាងធ្វើគ្រប់យ៉ាង ដើម្បីនាងនិងរីសតប៉ុណ្ណោះហេតុនេះនាងមិនអាចធ្វើឲ្យគាត់ខកចិត្តនោះឡើយ បើទោះបីជានាងដឹងច្បាស់ថាតទៅថ្ងៃមុខនាងនិងជូបរឿងអ្វីក៏ដោយ...
................................
«ហេតុអីក៏លោកតាឲ្យក្មេងស្រីរៀនទើបតែចប់ ដូចជានាងមកធ្វើការជាមួយខ្ញុំ ខ្ញុំគិតថានាងមិនសាកសមនឹងដំណែងនេះទេលោកតា?» មនុស្សចាស់លើកទទួលភ្លាម គេក៏ឧទានឡើងដោយមិនឲ្យយូរសាច់ការ ពេលបានលឺដូច្នេះមនុស្សចាស់ក៏ស្ដីតបដោយសំលេងមាំ ធ្វើឲ្យគេដឹងពីប្រតិកម្មរបស់គាត់នាពេលនេះបើទោះបីជាមិនបានឃើញមុខក៏ដោយ
(កុំវាយដំលៃនាងបែបហ្នឹង ធ្វើការជាមួយនាងសិនទៅ)
«ខ្ញុំថា...»
(បើឯងមិនព្រម យើងឲ្យនាងទៅធ្វើជាលេខាម៉ាណុបក៏បាន ព្រោះគេនឹងចូលកាន់ដំណែងអគ្គនាយករង នាសប្ដាហ៌ក្រោយនេះហើយ)
«ម៉ាណុប គេមកវិញហើយមែនទេ​ លោកតា?»
(អឹម!ឯងជួយមើលគេជំនួសតាផង)
«បាទ!​ តែសំរាប់រឿងលេខាមិនចាំបាច់រំខានគេទេ ខ្ញុំអាចចាត់ការរឿងនេះបាន ខ្ញុំជាប់ប្រជុំលាសិនហើយលោកតា»អ្នកកំលោះចុចផ្ដាច់ដោយមិនរង់ចាំចម្លើយ ហើយក៏ទម្លាក់ទូរស័ព្ទទំនើបចោលដោយមិនស្រណោះ គេលើកដៃក្ដោបក្បាលរបស់ខ្លួនដោយភាពតានតឹង ព្រោះមិនដឹងថាគួរចាត់ការរឿងនេះដោយរបៀបណា គេកំពុងតែមានអារម្មណ៌ថាសរសៃរក្បាលរបស់គេវាកំពុងឈឺខ្ទក់ៗ ដោយសារមេបញ្ហាខ្លួនតូចម្នាក់នោះហើយ
«ខ្ញុំនឹងស៊ើបទាល់តែដឹងថា នាងពាក់ព័ន្ធអីជាមួយនឹងក្រុមគ្រួសារខ្ញុំ ណាវីដា ​ហ្វ្រេម»...................................
Oxford University
ជាសកលវិទ្យាល័យមួយ ដែលមានភាពល្បីល្បាញនឹងឈានមុខគេ ទាំងតម្លៃសិក្សានឹងគុណភាពអប់រំធ្វើឲ្យសិស្សនិស្សតិរាប់ពាន់លាននាក់ មានក្ដីស្រមៃចង់ចូលរៀនឲ្យបានម្ដងក្នុងឆាកជីវិតនៃអ្នកសិក្សា
«វីដា! ណាវីដាមែនទេ?» សំលេងឧទានហៅបន្លឺឡើងម្ដងហើយម្ដងទៀត ធ្វើឲ្យ​ម្ចាស់ឈ្មោះដែលត្រូវបានគេហៅជាច្រើនដងក៏ងាកបែរក្រោយដើម្បីស្វែងរកប្រភពសំលេង
«រីឆាត!!»
«បាទ ខ្ញុំគឺរីឆាត» អ្នកកំលោះញញឹមពព្រាយពេលបានជូបមនុស្សដែលគេតាំងចិត្តថានឹងបានរៀនជាមួយ
«លោកមករៀនទីនេះដែរអ៎?» វីដាឧទានទាំងភ្ញាក់ផ្អើលព្រោះមិនស្មានថានឹងបានជូបគេនៅទីនេះ
«បាទ! ខ្ញុំជាប់អាហារូបករណ៏ផ្នែកគ្រប់គ្រង ចុះវីដារៀនផ្នែកអីដែរ?»លឺនាងសួរគេក៏ឆ្លើយដោយស្នាមញញឹមនៃអារម្មណ៌ល្អ បានជូបនាងនៅទីនេះគេពិតជាសប្បាយចិត្តខ្លាំងណាស់
«ទេសចរណ៌!»
«អ៎! អត់បានរៀនជាមួយគ្នាទេអ៎?»
«ចាស៎?»​ លឺចម្លើយបន្ទាប់ពីនាងមក រីឆាតក៏រាងធ្លាក់ទឹកមុខភ្លាមៗ តែគេបង្ហាញត្រឹមមួយភ្លេតប៉ុណ្ណោះស្នាមញញឹមស្រស់ក៏បញ្ជេញមកជាបន្ត ដែលរាងស្ដើងក៏សង្កេតឃើញ
«គ្មានអីទេ! តែថានាងរៀនជាប់ផ្នែកគ្រប់គ្រងចុះហេតុអីបែរជាមករៀនបន្តផ្នែកទេសចរណ៌ទៅវិញចឹង?»
«ខ្ញុំស្រលាញ់!» ចម្លើយបិទសំណួរបានធ្វើឲ្យរីឆាតនិយាយអីមិនចេញមួយខណះ តែគេក៏បន្តដើរបណ្ដើរនាងរហូតដល់ថ្នាក់រៀនទើបបំបែកផ្លូវ...
សំណើចសើចក្អាកក្អាយដែលបានបន្លឺឡើងចេញពីអ្នកទាំងពីដែលកំពុងតែដើរបណ្ដើរនិយាយបណ្ដើរនោះ បានធ្វើឲ្យអ្នកដែលទើបតែមកដល់ចងចញ្ចើម មុខក្រញូវភ្លាមពេលស្ដាប់បានពាក្យចុងក្រោយដែលនាងនិយាយ
«ស្រលាញ់!!!» ហ៊ើស... ស្រីម្នាក់នេះពិតជាចំមែន រាយស្នេហ៌បានគ្រប់កន្លែងតែម្ដងហើយណ៎!!!
«វីដា​ រៀននៅបន្ទប់នេះមែនទេ?»
«ចាស៎!»
«បន្ទប់ជាប់គ្នាតើ ចាំពេលសំរាកទៅញុំាអីជាមួយគ្នាណា៎»
«តែថា...» នាងតូចប្រុងហាមាត់បដិសេធតែគេក៏បែរខ្លួនដើរចូលថ្នាក់បាត់ដូចដឹងទាន់គំនិតនាង
«ខ្ញុំទៅហើយ បាយ​​ បាយ»
«ហ៊ើម!!» ដកដង្ហើមធំមួយភឺស កាយតូចក៏បន្តដំណើរចូលថ្នាក់រៀនរបស់ខ្លួន នាងដើរសំដៅទៅតុដែលទំនេររួចក៏ដាក់កាយអង្គុយទាំងខួរក្បាលវិលវល់ ចំពោះវត្តមានរបស់អតីតមិត្តរួមថ្នាក់ពីមុនរបស់នាង នាងពិតជាឆ្ងល់ខ្លាំងណាស់ថាហេតុអីក៏គេអាចមកដល់ទីនេះ ហើយថែមទាំងរាក់ទាក់ធ្វើដូចជាគេដឹងច្បាស់ថានាងកំពុងតែរៀននៅហ្នឹងថែមទៀត
«អារុណសួស្ដីនិស្សិត្តទាំងអស់គ្នា ស្វាគមន៏មកកាន់ Oxford University …»
កំពុងតែគិតដោយអារម្មណ៌រវើរវាយ ស្រាប់តែសំលេងរបស់លោកសាស្រ្តចារ្យក៏បានបន្លឺឡើង ធ្វើឲ្យនិស្សិត្តគ្រប់គ្នារួសរាន់ក្រោកឈរទទួល រំពេចនោះស្រាប់តែ
«អារុណសួស្ដី! លោកសាស្រ្តចារ្យ សុំទោសផងដែលខ្ញុំមកយឺត»
«អរុណសួស្ដី! លោកឈ្មោះអីដែរ?»
«ម៉ាទីន ឡេនសឺ»
«អូខេ! កុំមកយឺតទៀតណា៎»
«បាទ»
«រកកន្លែងអង្គុយចុះ»
«បាទ! អរគុណលោកសាស្រ្តចារ្យ»
«គ្រប់គ្នាសម្រួលឥរិយាបថបាន!»
«អរគុណលោកសាស្រ្តចារ្យ!!» ទទួលតបរួចនិស្សិត្តគ្រប់គ្នាក៏ដាក់កាយអង្គុយ ចំណែកវីដានាងក៏ទម្លាក់ខ្លួនអង្គុយដូចគ្នា តែពេលលេចវត្តមានរបស់គេ ដើរមកដាក់ខ្លួនអង្គុយក្បែរ នាងក៏ជ្រួញចិញ្ចើមស្រែកយ៉ៃយ៉ាងភ្លេចខ្លួន បណ្ដាលឲ្យមាននិស្សិត្តផ្សេងៗដែលអង្គុយក្បែរងាកមកមើលគ្រប់គ្នា
«អេ៎! តុម៉ាកគោកម៉េចមិនទៅអង្គុយ?» នាងភ្ញាក់ផ្អើលតាំងពីពេលលឺឈ្មោះរបស់គេម្ល៉េះហេតុអីគេត្រូវមករៀននៅទីនេះដែរ?​ ហើយកាន់តែឆោឡោពេលគេមកអង្គុយបៀតនាងទាំងដែលតុសល់ម៉ាគំនរ
«ខ្ញុំចង់អង្គុយនៅទីនេះ នាងចង់យ៉ាងម៉េច?»
«លោក!!» បានចម្លើយដ៏សែនឌឺដងហើយវីដាក៏ស្ទុះក្រោករើរុះរបស់របរនឹងសៀវភៅញាត់កាតាបបំរុងដើរចេញ តែក៏ត្រូវគេចាប់ដៃជាប់នាំឲ្យនាងចេញមិនរួច
«អង្គុយចុះ!!» គេហ៊ានបញ្ជានាង ត្រឹមនឹកដល់សំលេងមាំមួយហ្នឹង ធ្វើឲ្យវិវាតចាស់ៗផុសឡើងនៅក្នុងខួរក្បាលភ្លាមៗដូចគេចាក់សារកាសែត
«មិន! លែងដៃខ្ញុំភ្លាម» នាងព្យាយាមវាសដៃគេច តែអាចដោយសារក្នុងដៃកាន់សៀវភៅទើបនាងវាសមិនផុត
«វីដា មានអ្វីចង់សួរខ្ញុំមែនទេ?»
«អឺ! ចាស៎អត់ទេលោកសាស្រ្តចារ្យ»
«ចឹងអង្គុយចុះទៅ!»
«ចាស៎!» នាងក្រមុំចង់តែស្រែកដាក់មុខគេថាហេតុអីបានជាតាមចង់ពារនាងមិនឈប់បែបនេះ? តែក៏ធ្វើបានត្រឹមតែក្រលែងដៃពីការចាប់ ហើយទម្លាក់ខ្លួនអង្គុយដោយភាពមួម៉ៅ ដើម្បីកុំឲ្យក្លាយជាចំណាប់អារម្មណ៌របស់មិត្តរួមថ្នាក់ ចំណែកគេវិញ គិតតែពីអង្គុយញញឹមលើកចិញ្ចើមបែបអ្នកឈ្នះឡកឡឺយឲ្យនាងក្ដៅក្រហាយមិនឈប់ ទឹកមុខឌឺៗបែបនេះសមតែស៊ីកណ្ដាប់ដៃទើបត្រូវ នេះសំណាងហើយដែលសាស្រ្តចារ្យនៅ មិនចឹងទេនាងនឹងលែងឲ្យគេដឹងប្រឹងតែម្ដង
រយះពេលមួយម៉ោងកន្លះពេញនាងគ្មានទៅរៀនចូលសូម្បីតែមួយនាទី ព្រោះតែមុខមាត់គួរឲ្យរំខានរបស់អ្នកអង្គុយក្បែរខ្លួននេះឯង ម៉ោងសំរាកនាងក៏ត្រូវបានរីឆាតតាមមករំខានដល់មុខថ្នាក់ ធ្វើឲ្យចញ្ចើមដែលចងស្រាប់ហើយកាន់តែត្របាញ់គ្នាចូលគ្នាលើសដើម នេះជាថ្ងៃឆ្គួតស្អីរបស់នាងឲ្យប្រកដទៅ ហេតុអីក៏មកជូបរឿងផ្ទួនៗដូច្នេះ?
«តោះ វីដាទៅញុំាអី!»
«ចាស៎» ចម្លើយខ្លីៗរបស់នាងបានធ្វើឲ្យអារម្មណ៌បុរសពីរនាក់កន្ត្រាក់ភ្លាម រីឆាតញញឹមព្រព្រាយបណ្ដើរនាងចេញទៅរីឯអ្នកនៅក្នុងថ្នាក់វិញទេដែលគួរឲ្យបារម្ភ គេក៏កំពុងឆ្ងល់ខ្លួនឯង ហេតុអីត្រូវមកអារម្មណ៏មិនល្អដោយសារនាងបែបនេះដែរ?
«នាងស្នាក់នៅឯណាទៅ?»កុម្មង់អាហារញុំារួច ពួកគេក៏មកអង្គុយជជែកគ្នាកំដរបរិយាយកាស ជាញឹកញយដែលរីឆាតព្យាយាមសួរនាំពីការរស់នៅរបស់នាង តែនាងបែរជាបិទគេចមិនប្រាប់ដោយតបត្រឹមតែប្រយោគខ្លីៗ
«អ៎! ខ្ញុំនៅផ្ទះលោកតារបស់ខ្ញុំ»
«អឺ...»
«ខ្ញុំឆ្អែតហើយ»
«នាងទើបតែញុំាបានបន្ទិចហ្នឹង!!!»
«ខ្ញុំមានណាត់ជាមួយលោកនាយក លាសិនហើយ»រាងស្ដើងរកលេសគេច នាងមិនចង់និយាយអ្វីស៊ីជម្រៅជាមួយនឹងគេឡើយ...
«វី...» រីឆាតប្រុងឃាត់តែនាងក៏ដើរចេញបាត់ នេះគេប្រឹងតាមនាងប៉ុណ្ណឹងនាងនៅមិនយល់ទៀតអ៎ថា គេកំពុងតែគិតអ្វីលើនាង?
នៅតាមផ្លូវធ្វើដំណើរ វីដាដើរបណ្ដើរក្រលែកមើលក្រោយជារយះព្រោះខ្លាចគេតាមមករំខាននាងទៀត មិនមែនថានាងស្អប់គេ គ្រាន់តែមិនចូលចិត្តដែលត្រូវតាមរំខានស្ទើរគ្រប់ពេលវេលា ពេលប្រកដចិត្តថាគ្មានអ្នកតាមហើយនាងក្រមុំក៏លើកទូរស័ព្ទខលទៅមនុស្សម្នាក់ភ្លាម
(ហេឡូសំណប់ចិត្ត នឹកគ្នាមែនទេ?)
«នឹកណាស់!»ត្រឹមអ្នកម្ខាងទៀតលើកទទួល ស្នាមញញឹមស្រស់ស្រាយក៏បង្ហើរឡើងទាំងបបូរមាត់ឆ្លើយយ៉ាងពិរោះតបទៅវិញ ភ្លាមៗនាងក៏បានលឺសំលេងសើចចេញមក
(ខឹក ខឹក... មានអីចង់ប្រាប់គ្នាមែនទេ? និយាយមក!!)
«គឺនឹកហ្នឹងណា៎»
(អារឿងនឹកគ្នាដឹងហើយ តែសំលេងឯងវាមិនប្រក្រតី មានរឿងអីមែនទេ? ឆាប់និយាយមក គ្នាទំនេរតើ!)
«គ្មានស្អីធំដុំទេ គ្រាន់តែឆ្ងល់ថារីឆាតអាចមករៀននៅ Oxford​ បានយ៉ាងម៉េច?»
(អាក៎!)
«ថីឯង?»
(វ៉ាង រីឆាត នេះអេ៎ ទៅរៀននៅសាលា Oxford ?)
«មិនខុសទេ គ្នាជូបគេនៅសាលាពិតមែន»
(គេមានលុយឯណាច្រើនដល់ម្លឹង?)
«អីយ៉ា! ម៉ីលីនម៉េចក៏ឯងនិយាយបែបនេះ?»
(មិនមែនមើលងាយទេណា៎ឯង តែវាពិតជាស្មានមិនដល់ពិតមែន)
«គេថា គេជាប់អាហារូបករណ៌»
(អានឹងកាន់តែគួរឲ្យសង្ស័យ វីដានេះឯងទៅមិនទាន់ទាំងបានមួយខែផងហើយគេជាប់តាំងពីពេលណា?) ហ្នឹងហើយជាចំណុចដែលនាំឲ្យនាងគិតច្រើន ធ្លាប់រៀនជាមួយគ្នា នាងស្គាល់ស្ថានភាពគ្រួសាររបស់គេច្បាស់ណាស់...
«អើយ គ្នាក៏មិនដឹងដែរ ហើយមកលើកនេះតាមស្អិតដូចស្ករបែបនេះ! សំណាងហើយ... ដែលរៀនថ្នាក់ផ្សេងគ្នាបើរៀនជាមួយគ្នាទៀតគ្នាច្បាស់ជាប្រះទ្រូងស្លាប់មិនខាន»
(ហ៊ិ... ហ៊ិ... ហេតុតែនិស្ស័យគូរគេ)
«គូរខ្មោចយក៏អី»
«ណាឯង! ​យ៉ាងណាក៏រៀនជាមួយគ្នាបួនឆ្នាំហើយមិនចឹង ទ្រាំពីរឆ្នាំទៀតក៏ប្រហែលជាមិនអីទេដឹង ចាំគ្នាជួយស៊ើបឲ្យពីខាងនេះ អូខេណា៎! ពេលនេះគ្នាត្រូវដល់ម៉ោងចូលរៀនវិញហើយ បាយ បាយ»
«អឹម បាយ បាយ» លាមិត្តរួច នាងក្រមុំក៏ទម្លាក់ទូរស័ព្ទចុះ សញ្ជឹងគិតពីអ្វីដែលមិត្តបាននិយាយ រំពេចនោះរាងស្ដើងក៏ស្រាប់តែភ្ញាក់ព្រើតពេលមានដៃធំមួយចាប់ទាញនាងរត់
«អេ៎!!»
«មកតាមខ្ញុំ!!»

——————រង់ចាំតាមដានភាគបន្ត💜
អ្នកតាមដានសកម្មនិងមានឪកាសឈ្នះebookពេញមួយរឿងហ្វ្រីយកទៅអានយ៉ាងមានក្ដីសុខ🌸
⌛️⌛️⌛️⌛️⌛️⌛️
រៀបរៀងនិងនិពន្ធដោយ៖លីដា
ចេញផ្សាយដោយ: គ្រឹះស្ថាន MIXIC-មេកហ្សិក

19/05/2026

ភាគ៣ ចេញយប់នេះហើយ
អាន២ភាគហ្នឹង មានអារម្មណ៌យ៉ាងណាដែរ?

Address

Battambang
0200

Telephone

+855964751705

Website

Alerts

Be the first to know and let us send you an email when លីដា-MixicAuthor posts news and promotions. Your email address will not be used for any other purpose, and you can unsubscribe at any time.

Contact The Business

Send a message to លីដា-MixicAuthor:

Shortcuts

Share