Metamongkol printing shop

14/07/2026

11/07/2026

23/06/2026

20/06/2026

មេត្តាមង្គលបោះពុម្ព
មានបោះពុម្ពធៀបគ្រប់កម្មវិធីដែលមានថ្មីស្ឣាតៗរាប់រយម៉ូត និងមានការច្នៃតាមតម្រូវការ មានការផ្តល់ជូនពិសេស និងមានសេវាជួបដល់កន្លែង ទីតាំងខេត្តព្រះសីហនុ ពត៌មានបន្ថែម
Call and telegram 016 658 378 /070 207 267

21/05/2026

១៧ចំណុច ដែលមន្ត្រីនគរបាលជាតិដាច់ខាតត្រូវវៀរចាកក្នុងភារកិច្ចបម្រើប្រជាពលរដ្ឋ!

នាព្រឹកថ្ងៃទី១៩ ខែឧសភា ឆ្នាំ២០២៦ លោក ទូច សុឃៈ អ្នកនាំពាក្យរងក្រសួងមហាផ្ទៃ បានអធិប្បាយ ក្រើនរំលឹកដល់មន្ត្រីនគរបាលជាតិទាំងអស់ ត្រូវវៀរចាក និងដាច់ខាតមិនត្រូវប្រព្រឹត្តនូវអ្វីដែលជាការហាមឃាត់ទាំង ១៧ចំណុច ក្នុងការបំពេញតួនាទីភារកិច្ចបម្រើជាតិ និងប្រជាពលរដ្ឋ។ ចំណុចទាំង១៧ ដែលអ្នកនាំពាក្យរងក្រសួងមហាផ្ទៃ អធិប្បាយក្រើនរម្លឹកនោះ មានដូចខាងក្រោម៖

ទី១.មន្ត្រីទាំងអស់មិនត្រូវ ប្រព្រឹត្តអំពើទាំងឡាយណា ដែលធ្វើឱ្យអាប់ឱនដល់កិត្តិយស តម្លៃ និងសេចក្ដីថ្លៃថ្នូររបស់មន្ត្រីនគរបាលជាតិ ក្នុងការបំពេញអាជីពរបស់ខ្លួន។

ទី២.មិនត្រូវ ធ្វើឱ្យបាត់បង់មនសិការវិជ្ជាជីវៈក្នុងការបំពេញភារកិច្ច និងកាតព្វកិច្ចរបស់ខ្លួន ទោះស្ថិតក្នុងកាលៈទេសៈណាក៏ដោយ។

ទី៣.មិនត្រូវ ពាក់ព័ន្ធនិងឃុបឃិតជាមួយជនល្មើសក្នុងការប្រព្រឹត្តរាល់អំពើខុសច្បាប់ ក្នុងអាជីពជាមន្ត្រីនគរបាលជាតិ មានភារកិច្ចបង្ការ ទប់ស្កាត់ និងបង្ក្រាបបទល្មើសគ្រប់ប្រភេទ។

ទី៤.មិនត្រូវ យកម៉ោងរដ្ឋបាលទៅប្រកបមុខរបរផ្ទាល់ខ្លួន ដែលជាហេតុធ្វើឱ្យប្រសិទ្ធភាពការងារធ្លាក់ចុះ និងជះឥទ្ធិពលមិនល្អដល់សង្គមជាតិ។

ទី៥.មិនត្រូវ សម្លុតគំរាមកំហែងបំពានសិទ្ធិពលរដ្ឋ យកឥទ្ធិពល ឬអំណាចនៅក្នុងមុខងារ ឬយកមន្ត្រីនគរបាលជាតិ នៅក្រោមបង្គាប់របស់ខ្លួនទៅប្រើដើម្បីទាញយកផលប្រយោជន៍អ្វីមួយ។

ទី៦.មិនត្រូវ ចូលជាសមាជិកនៃក្រុមប្រឹក្សាភិបាល គ្រប់គ្រងក្រុមហ៊ុនឯកជន ឬធ្វើអាជីវកម្មដោយផ្ទាល់ ឬដោយប្រយោល ដែលជាហេតុធ្វើឱ្យមានទំនាស់ផលប្រយោជន៍។

ទី៧.មិនត្រូវ ប្រើមុខងារបំពេញភារកិច្ច និងប្រើប្រាស់មធ្យោបាយសម្ភាររបស់រដ្ឋ ដើម្បីបម្រើសកម្មភាព និងផលប្រយោជន៍គណបក្សនយោបាយ ឬប្រឆាំងនឹងគណបក្សនយោបាយណាមួយឡើយ។

ទី៨.មិនត្រូវ ប្រព្រឹត្តអំពើពុករលួយគ្រប់រូបភាព បទល្មើសពាក់ព័ន្ធនឹងគ្រឿងញៀន ល្បែងស៊ីសង និងប្រព្រឹត្តបទល្មើសគ្រប់ប្រភេទ។

ទី៩.មិនត្រូវ ទទួលទានគ្រឿងស្រវឹង ឬស្រវឹងក្នុងពេលម៉ោងរដ្ឋបាល ឬក្នុងពេលបំពេញបេសកកម្ម។

ទី១០.មិនត្រូវ សមគំនិត ឬផ្តល់មធ្យោបាយ ដើម្បីធ្វើសកម្មភាពអ្វីមួយ ដែលធ្វើឱ្យប៉ះពាល់សណ្តាប់ធ្នាប់សង្គម ផលប្រយោជន៍សាធារណៈ ឬផលប្រយោជន៍រួម។

ទី១១.មិនត្រូវ ថ្លែងឬបកស្រាយជាសាធារណៈអំពីកិច្ចការផ្ទាល់ខ្លួន ជំនឿ សាសនា គណបក្សនយោបាយ ឬការសម្ងាត់របស់នគរបាលជាតិ ដោយប្រើតួនាទីក្នុងអង្គភាពឬឈ្មោះអង្គភាព ទោះក្នុងឯកសណ្ឋានមន្ត្រីនគរបាលជាតិ ឬក្នុងឯកសណ្ឋានស៊ីវិល។

ទី១២.មិនត្រូវ លក់ឬផ្តល់រូបភាព វីដេអូ ខ្សែអាត់សំឡេង ព័ត៌មានទាក់ទងនឹងសកម្មភាព ឬកិច្ចការនគរបាលជាតិទៅឱ្យអ្នកដទៃ។

ទី១៣.មិនត្រូវ ធ្វើឱ្យមានការរអាក់រអួល ការយឺតយ៉ាវ ឬរាំងស្ទះដល់កិច្ចប្រតិបត្តិការ ឬការងារប្រចាំថ្ងៃរបស់អង្គភាព។

ទី១៤.មិនត្រូវ ប្រព្រឹត្ត ឬញុះញង់បណ្តាលឱ្យមានការធ្វើទារុណកម្ម ការប្រព្រឹត្តអំពើឃោឃៅ និងអមនុស្សធម៌ ឬទណ្ឌកម្មឯទៀត។

ទី១៥.មិនត្រូវ ពាក់សក្តិ គ្រឿងឥស្សរិយយស ឬសញ្ញាសម្គាល់ ដែលមិនបានផ្តល់ជូនដល់សាមីខ្លួន តាមសេចក្ដីសម្រេច ប្រកាស អនុក្រឹត្យ ឬព្រះរាជក្រឹត្យ ដោយមិនស្របច្បាប់ ឬមិនត្រឹមត្រូវតាមការកំណត់។

ទី១៦.មិនត្រូវ បង្កជម្លោះ ប្រើអំពើហិង្សាក្នុងអង្គភាព ឬក្នុងពេលបំពេញបេសកកម្ម និងទី១៧- មិនត្រូវ ធ្វើសកម្មភាព ឬផ្សព្វផ្សាយក្នុងអង្គភាព ទោះក្នុងរូបភាពណាក៏ដោយ ដែលនាំឱ្យបែកបាក់សាមគ្គីភាពផ្ទៃក្នុង និងប៉ះពាល់ដល់ទឹកចិត្តមន្ត្រីនគរបាលជាតិ។

គួរបញ្ជាក់ថា បម្រាម និងវិន័យដ៏ម៉ឺងម៉ាត់ទាំង១៧ចំណុចនេះ ត្រូវបានលោក ទូច សុឃៈ ដកស្រង់ចេញពីប្រកាសលេខ ៨៧៣ ស្តីពី បទវិន័យនគរបាលជាតិកម្ពុជា។ លោកសង្ឃឹមថា មន្ត្រីនគរបាលជាតិទាំងអស់ នឹងរួមគ្នាគោរព និងអនុវត្តតាមប្រកាសនេះឱ្យបានខ្ជាប់ខ្ជួនបំផុត ដើម្បីលើកកម្ពស់សេចក្តីថ្លៃថ្នូរ កិត្តិយសរបស់កងកម្លាំង ក៏ដូចជាពង្រឹងជំនឿទុកចិត្ត និងភាពកក់ក្តៅទ្វេដងជូនដល់ប្រជាពលរដ្ឋ និងសង្គមជាតិទាំងមូល៕
ទាញយកហ្វាល់ឯកសារមន្រ្តីរាជការស៊ីវិល t.me/civilservant3324
ទាញយកហ្វាល់ Pdf បានភ្លាម https://t.me/civilservantdoc_3562

19/04/2026

សព្វថ្ងៃការអានសៀវភៅនៅទីសាធារណៈបានក្លាយទៅជារឿងចម្លែក ចំណែកឯការអង្គុយផឹកសុីនៅទីកន្លែងនានា បានក្លាយទៅជារឿងសាមញ្ញ និងទទួលយកបាន។
សង្គមយើងមិនទាន់មានទម្លាប់ចាក់ឫសជ្រៅលើការអាននៅឡើយទេ។ ការអានច្រើនតែត្រូវបានគេភ្ជាប់ទៅនឹងការសិក្សានៅសាលា ឬការស្រាវជ្រាវប៉ុណ្ណោះ មិនមែនជាការកម្សាន្ត ឬការអភិវឌ្ឍខ្លួនប្រចាំថ្ងៃនោះទេ។
សព្វថ្ងៃ មនុស្សភាគច្រើនចំណាយពេលសម្លឹងមើលទូរសព្ទដៃ ដើម្បីមើលបណ្ដាញសង្គម ឬលេងហ្គេម។ ហេតុនេះ នៅពេលដែលមាននរណាម្នាក់កាន់សៀវភៅអាននៅហាងកាហ្វេ សួនច្បារ ឬចំណតឡានក្រុង វាបែរជាមើលទៅខុសគេ ចម្លែក និងក្លាយជាចំណុចចាប់អារម្មណ៍
ចំណែកឯការជួបជុំផឹកស៊ីត្រូវបានគេចាត់ទុកថាជាវិធីងាយស្រួលបំផុតក្នុងការរឹតចំណងមិត្តភាព ជជែកពិភាក្សាការងារ ឬអបអរសាទរកម្មវិធីផ្សេងៗ។ បើមិនចូលរួម ជួនកាលអាចត្រូវគេមើលមកថាជាមនុស្សមិនចុះចំណោមគេ។
ការផ្សាយពាណិជ្ជកម្មគ្រឿងស្រវឹងមានវត្តមានស្ទើរគ្រប់ទីកន្លែង ដែលបានបង្វែរផ្នត់គំនិតសង្គមឱ្យគិតថា ភាពសប្បាយរីករាយ និងភាពជោគជ័យ គឺតែងតែដើរទន្ទឹមគ្នាជាមួយនឹងការផឹកស៊ី។
ការជួបជុំសប្បាយ ឬផឹកគ្រឿងស្រវឹង មិនមែនជារឿងខុសច្បាប់នោះទេ ប៉ុន្តែអ្វីដែលគួរឱ្យសោកស្តាយ គឺការដែលសង្គមមើលរំលងតម្លៃនៃការអាន ហើយចាត់ទុកអ្នកអានថាជាមនុស្សប្លែក ខណៈដែលទម្លាប់នៃការសេពគ្រឿងស្រវឹងដោយសេរី បែរជាត្រូវបានលើកទឹកចិត្តដោយប្រយោលទៅវិញ។