Idea Business

Name: Idea Business
Address: Phnom Penh, KH
Telephone: +85595566009
Price range: $

Home
Cambodia
Phnom Penh
Idea Business

Call Directions Website

Idea Business

សូមស្វាគមន៍មកកាន់WERead សង្ខេបសៀវភៅជាសម្លេងដោយលោក Bun Park!!!
សៀវភៅមួយក្បាលត្រឹមរយៈពេល 20នាទីទាក់ទងនិងចំណេះដឹងទូទៅ អាជីវកម្ម ធុរកិច្ច ការគ្រប់គ្រង ហិរញ្ញវត្ថុ ភាពជាអ្នកដឹកនាំ និងការអភិវឌ្ឍខ្លួន!!!!

∆ សមាជិកធម្មតាស្តាប់សៀវភៅសាកល្បងដោយឥតគិតថ្លៃ ចុះឈ្មោះស្ដាប់នៅទីនេះ
https://www.weread.asia/ #/login?code=9Iz45P
••••••••••••••••••••••••••••••
∆ ក្លាយជាសមាជិកVIP នៅថ្ងៃនេះអ្នកនឹងទទួលបានអត្ថប្រយោជន៍ដូចខាងក្រោម៖
•តម្លៃ 5$/១ខែ
•តម្លៃ 20$/៦ខែ
•តម្លៃ 30$/១ឆ្នាំ
អត្ថប្រយោជន៍៖
+++ស្ដាប់បានសៀវភៅទាំងអស់
+++សៀវភៅទាំងអស់សរុបចំនួន១២០ក្បាល/១ឆ្នាំ
+++សៀវភៅថ្មីនឹងបន្ថែម១០ក្បាលរៀងរាល់ខែ
+++បញ្ចុះតម្លៃ៥០%លើមេរៀនពិសេសៗ
+++បានចូលក្លឹបVIPដើម្បីទទួលចំណេះដឹងបន្ថែម។
••••••••••••••••••••••••••••••
»ចូលគ្រុបTelegrm ចំណេះដឹងទូទៅ៖ https://t.me/WEReadCambodia
»សម្រាប់ព័ត៌មានបន្ថែមសូមផ្ញើសារមកកាន់ពួកយើង ឬទំនាក់ទំនងលេខទូរស័ព្ទ 095 566 009

08/07/2025

សញ្ញាបង្ហាញថាអ្នកកំពុងដើរលើផ្លូវក្លាយជាអ្នកដឹកនាំ
បច្ចុប្បន្ននេះ សង្គមហាក់ដូចជាផ្ដោតសំខាន់ទៅលើការបណ្ដុះភាពជាអ្នកដឹកនាំដល់មនុស្សជំនាន់ក្រោយជាពិសេស គឺបានបញ្ចូលនូវជំនាញ ក៏ដូចជាមុខវិជ្ជាសិក្សាមួយចំនួនពាក់ព័ន្ធទៅនឹងភាពជាអ្នកដឹកនាំនេះទៅកាន់យុវវ័យដែលជាអ្នកបន្តវេន។ ភាពជាអ្នកដឹកនាំសម្រាប់មនុស្សម្នាក់មិនចាំបាច់ទាល់តែបុគ្គលនោះបានកាន់តួនាទីធំនៅក្នុងក្រុមហ៊ុនស្ថាប័ន ឬក៏អង្គភាពណាមួយនោះទេ ទោះបីជានៅក្នុងក្រុមការងារតូចមួយក៏គេចាំបាច់ត្រូវតែបណ្ដុះផ្នត់គំនិតនៃភាពជាអ្នកដឹកនាំទៅកាន់សមាជិកក្រុមម្នាក់ៗដែរ ព្រោះផ្នត់គំនិតនៃភាពជាអ្នកដឹកនាំបានធ្វើឱ្យបុគ្គលម្នាក់ ផ្សារភ្ជាប់ខ្លួនទៅនឹងទម្លាប់នៃការអភិវឌ្ឍ ការចូលរួមជួយការងារនិងបំផុសគំនិត ដើម្បីលទ្ធផលជារួមដ៏ប្រសើរមួយ។

ខាងក្រោមនេះនឹងបង្ហាញអ្នកពីសញ្ញាមួយចំនួនដែលអ្នកអាចកត់សម្គាល់ថា ខ្លួនអ្នកកំពុងតែមានការវិវឌ្ឍនិងដើរលើវិថីមួយឆ្ពោះទៅរកភាពជាអ្នកដឹកនាំពិតប្រាកដនាពេលអនាគត។
1. អ្នកចូលចិត្តធ្វើនៅការងារដែលពិបាក
នៅក្នុងសង្គមរស់នៅក៏ដូចជាសង្គមការងារ គេបែងចែកមនុស្សជាពីរប្រភេទធំៗ គឺអ្នកដឹកនាំ និងអ្នកដើរតាម (leader and follower)។ បុគ្គលដែលមានអត្តចរិត និងការគិតបែបអ្នកដឹកនាំ គឺតែងតែចូលចិត្តជំនះនូវបញ្ហានានា ចូលចិត្តធ្វើការងារ ឬក៏សាកល្បងនៅកិច្ចការដែលលំបាក ចូលចិត្តជំនះ ដើម្បីទទួលបានលទ្ធផលការងារថ្មីមួយ។ ស្របពេលជាមួយគ្នានេះគេក៏ចូលចិត្តធ្វើជាមនុស្សម្នាក់ដែលដឹកនាំអ្នកដទៃផ្សេងទៀតដើម្បីសម្រេចការងារដែលពិបាកមួយនេះផងដែរ។

2. ចូលចិត្តជួយអ្នកដទៃ ហើយអ្នកដទៃក៏ចូលចិត្តរត់មករកជំនួយពីអ្នក
ព្រោះអ្នក គឺជាមនុស្សម្នាក់ ដែលមិនចូលចិត្តបដិសេធការជួយនរណាម្នាក់នៅពេលដែលគេជួបទុក្ខលំបាក អាចថានេះ គឺជាគុណវិបត្តិមួយរបស់អ្នកដែរ ព្រោះពេលខ្លះវាអាចជាការនាំទុកដាក់ខ្លួនដល់អ្នកនៅពេលដែលអ្នកចូលចិត្តជួយអ្នកដទៃបែបនេះ។ ក៏ប៉ុន្តែដោយសារអ្នកដទៃជុំវិញខ្លួនទុកចិត្តលើសមត្ថភាព និងភាពខ្លាំងរបស់អ្នកទើបគេចូលចិត្តរត់មកសុំជំនួយពីនាក់ ហើយអ្នកក៏តែងតែបានផ្ដល់នូវលទ្ធផល ឬ ដំណោះស្រាយដ៏ល្អទៅកាន់ពួកគេវិញផងដែរ។

3. អ្នកត្រូវបានគេជ្រើសរើសឱ្យបំផុសគំនិតថ្មីៗ
អ្នកអាចសង្កេតមើលថា នៅពេលមានគម្រោងថ្មីអ្វីមួយ ឬ ការងារថ្មីណាមួយនៅក្នុងក្រុមហ៊ុនអ្នកតែត្រូវបានគេចាត់តាំងឱ្យបញ្ចេញ ឬ ចូលរួមជួយបំផុសគំនិតថ្មីៗឡើង ហើយគំនិតរបស់អ្នកតែងត្រូវបានគេចាប់អារម្មណ៍ និងជ្រើសយកទៅពិចារណាជាញឹកញាប់។

4. ចៅហ្វាយនាយទុកចិត្តឱ្យអ្នកកាន់ការងារធំ
មិនមែនមនុស្សគ្រប់គ្នាសុទ្ធតែទទួលបានឱកាសនៃការទុកចិត្តពីចៅហ្វាយនាយ ឬ អ្នកដឹកនាំឱ្យកាន់ការងារធំៗនោះទេ នេះបណ្ដាលមកពីអ្នកជាមនុស្សដែលមានសមត្ថភាព ហើយគេក៏កំពុងសម្លឹងចង់បានអ្នកឱ្យកាន់តំណែងថ្មីណាមួយខ្ពស់ជាងមុន ឬចង់ឱ្យអ្នកសន្សំបទពិសោធន៍ ដើម្បីក្លាយជាអ្នកដឹកនាំនាពេលខាងមុខឆាប់ៗនេះឯង។

ដោយ៖ Clara
ប្រភព៖ www.themuse.com

📚ស្តាប់សៀវភៅសង្ខេបជាភាសាខ្មែរ200ក្បាលជាងនៅលើ WEREAD 📚ចូលស្តាប់ និងអានអត្ថបទចំណេះដឹងទូទៅឥតគិតថ្លៃ✅️
👉ចុះឈ្មោះនៅទីនេះ៖ https://www.weread.asia/ #/login?code=9Iz45P
ជម្រើសកាត VIP 3 ជម្រើសដូចខាងក្រោម៖
✅️ កាត VIP 1 ខែ 5$ ស្តាប់សាកល្បងមួយខែសិន
✅️ កាត VIP 1 ឆ្នាំ 30$ ទិញមួយឆ្នាំ ថែមជូនមួយឆ្នាំ
✅️ កាត VIP ♾ 50$ បង់ប្រាក់តែម្តង ស្តាប់បានរហូត
👉ចូលគ្រុបTelegram WERead Cambodia😊៖ https://t.me/WEReadCambodia

07/07/2025

អាចដឹងថាមេកំពុងស្អប់អ្នកតាមរយៈសញ្ញាទាំងនេះ
មិនថាអ្នកធ្វើការនៅកន្លែងណានោះទេ ឋានៈតូច ឬក៏ឋានៈធំ ការដែលមិនចុះសម្រុងជាមួយនឹងក្រុមការងារ និងការដែលមេមិនពេញចិត្ត គឺជារឿងមួយពិបាកបំផុត វាអាចប៉ះពាល់ទៅដល់ដំណើរការការងារប្រចាំថ្ងៃរបស់អ្នក ហើយក៏អាចប៉ះពាល់ទៅដល់អាជីពការងារមួយនេះសម្រាប់អ្នកទៅថ្ងៃអនាគតផងដែរ។ ប្រសិនបើអ្នកធ្វើការនៅក្នុងក្រុមហ៊ុន ឬក៏ស្ថាប័នណាមួយ ហើយអ្នកសង្កេតឃើញសញ្ញាទាំងនេះពីចៅហ្វាយនាយ ឬ មេរបស់អ្នក មានន័យថាគាត់កំពុងស្អប់អ្នកដោយសារហេតុផលណាមួយជាមិនខាន។

1. អ្នកត្រូវបានគាត់គ្រប់គ្រងខ្លាំង និងតាមដានគ្រប់ជំហាន
មនុស្សអាចនឹងមានចរិតខុសគ្នា ប៉ុន្តែប្រសិនបើសុខៗអ្នកហាក់ទទួលបានការគ្រប់គ្រងបែបផ្ដាច់ការ ត្រូវបានគេតាមដានគ្រប់សកម្មភាពទាំងអស់ វាអាចបង្ហាញបានថាអ្នក គឺជាមនុស្សដែលគេខ្វះទំនុកចិត្តជាមួយ ឬ គេកំពុងព្យាយាមចាប់កំហុសអ្នកជាក់ជាមិនខាន។

2. អ្នកមិនដែលទទួលបានការកែលម្អលើការងារ
ក្នុងនាមជាអ្នកដឹកនាំ ឬក៏ជាអ្នកគ្រប់គ្រង មិនថាកូនចៅរបស់ខ្លួនធ្វើការងារបានល្អខ្លាំងកម្រិតណានោះទេអ្នកគ្រប់គ្រងដ៏ល្អតែងតែផ្ដល់ជាមតិកែលម្អ ឬ មតិរិះគន់ក្នុងន័យស្ថាបនាណាមួយ ដើម្បីអភិវឌ្ឍសមត្ថភាពការងាររបស់បុគ្គលិក ឬក៏អ្នកនៅក្រោមបង្គាប់ខ្លួនជានិច្ច។ ក៏ប៉ុន្តែប្រសិនបើមេរបស់អ្នកមិនដែលបានផ្ដល់ជាមតិកែលម្អទៅលើការងាររបស់អ្នក មិនថាអ្នកបានសាងកំហុស ឬ សមត្ថភាពការងារនៅខ្វះខាតខ្លាំងប៉ុនណា នោះមានន័យថាគាត់គ្មានចេតនាចង់ឱ្យអ្នករីកចម្រើនឡើយ។

3. គំនិតយោបល់របស់អ្នកគ្មានតម្លៃ
ធម្មតាការធ្វើការងារនៅក្នុងក្រុមតែងតែទាមទារឱ្យបុគ្គលម្នាក់ៗ ដែលជាសមាជិកក៏ដូចជាអ្នកដឹកនាំមានការបញ្ចេញមតិ ដើម្បីដោះស្រាយបញ្ហាណាមួយ ឬឱ្យជាយោបល់ទៅលើគម្រោងអ្វីមួយជាដើម ធ្វើយ៉ាងណាអាចយកគំនិតយោបល់ទាំងនោះទៅដោះស្រាយបញ្ហា ឬអនុវត្តគម្រោងថ្មីនោះឱ្យទទួលបានលទ្ធផលល្អ។ ស្របពេលជាមួយគ្នានេះ ប្រសិនបើការលើកឡើងជាមតិយោបល់របស់អ្នកតែងតែត្រូវបានគេបដិសេធ ឬត្រូវបានគេកាត់មិនឱ្យអ្នកនិយាយ នោះមានន័យថាគេមិនបានផ្ដល់តម្លៃទៅដល់ការបញ្ចេញមតិរបស់អ្នកឡើយ។

4. អ្នកត្រូវបានគេដកចេញពីការប្រជុំសំខាន់ៗ
នេះបង្ហាញឱ្យឃើញច្បាស់ថាគេមិនចង់ឱ្យអ្នកពាក់ព័ន្ធទៅនឹងការងារសំខាន់ៗរបស់គម្រោងណាមួយ ឬក៏ការងារនៅក្នុងស្ថាប័នឡើយ។ វាជាសញ្ញាគ្រោះថ្នាក់បំផុតសម្រាប់អ្នកដែលមានចៅហ្វាយនាយមិនពេញចិត្តហើយគេព្យាយាមបញ្ចេញនៅសញ្ញាទាំងអស់នេះឱ្យអ្នកឃើញ។

អ្វីដែលអ្នកត្រូវធ្វើ គឺទៅពិនិត្យឡើងវិញថាខ្លួនឯងមានបានសាងនូវកំហុសអ្វីមួយចំពោះក្រុម ឬចំពោះស្ថាប័នដែរឬទេទើបធ្វើឱ្យមេមានការមិនពេញចិត្តបែបនេះ។ ក៏ប៉ុន្តែប្រសិនបើអ្នកដឹងច្បាស់ថាខ្លួនឯងមិនបានសាងនូវកំហុសធ្ងន់ធ្ងរទេនោះអ្នកអាចពិចារណាឡើងវិញថាគួរបន្តចំពោះការងារមួយនេះទាបដែរឬទេ។

ដោយ៖ Clara
ប្រភព៖ www.themuse.com

📚ស្តាប់សៀវភៅសង្ខេបជាភាសាខ្មែរ200ក្បាលជាងនៅលើ WEREAD 📚ចូលស្តាប់ និងអានអត្ថបទចំណេះដឹងទូទៅឥតគិតថ្លៃ✅️
👉ចុះឈ្មោះនៅទីនេះ៖ https://www.weread.asia/ #/login?code=9Iz45P
ជម្រើសកាត VIP 3 ជម្រើសដូចខាងក្រោម៖
✅️ កាត VIP 1 ខែ 5$ ស្តាប់សាកល្បងមួយខែសិន
✅️ កាត VIP 1 ឆ្នាំ 30$ ទិញមួយឆ្នាំ ថែមជូនមួយឆ្នាំ
✅️ កាត VIP ♾ 50$ បង់ប្រាក់តែម្តង ស្តាប់បានរហូត
👉ចូលគ្រុបTelegram WERead Cambodia😊៖ https://t.me/WEReadCambodia

05/07/2025

អាវុធសម្ងាត់យកឈ្នះការលំបាកក្នុងអាជីព និងអាជីវកម្ម
មិនថានិយោជិតដែលកំពុងតែបម្រើការងារ ឬក៏បុគ្គលដែលបានឈានមួយកម្រិតក្លាយទៅជាម្ចាស់អាជីវកម្ម សុទ្ធតែមានគោលដៅរួមគ្នាមួយនោះ គឺទទួលបានជោគជ័យដែលខ្លួនប៉ងប្រាថ្នា។ ប៉ុន្តែទោះជាយ៉ាងណាក៏ដោយម្នាក់ៗក៏សុទ្ធតែជួបការលំបាកទៅតាមការងារ និងភាពទទួលខុសត្រូវរៀងៗខ្លួន។ អត្ថបទនេះនឹងបង្ហាញប្រាប់អ្នកទាំងអស់គ្នា ពីអាវុធសម្ងាត់ដែលអ្នកត្រូវតែមាន ដើម្បីយកឈ្នះនូវការលំបាកទាំងនោះ។

1. ផ្ដោតការយកចិត្តទុកដាក់
វាគឺជារឿងមួយដែលសំខាន់បំផុតដែលអ្នកត្រូវផ្ដោតយកចិត្តទុកដាក់ទៅលើការងារចំពោះមុខដែលអ្នកត្រូវធ្វើ។ អ្នកត្រូវផ្ដោតទៅលើការអភិវឌ្ឍសមត្ថភាពខ្លួនឯង អ្នកត្រូវផ្ដោតទៅលើការបំពេញការងារ និងតួនាទីឱ្យបានល្អ អ្នកត្រូវផ្ដោតទៅលើការកែលម្អចំណុចខ្វះខាត និងចំណុចខ្សោយដែលអ្នកមាន។ ទាំងនេះសុទ្ធតែជាការផ្ដោតការយកចិត្តទុកដាក់សំខាន់ៗដែលអ្នកត្រូវអនុវត្តជាប្រចាំ ប្រសិនបើអ្នកចង់ឱ្យគោលដៅរបស់អ្នកសម្រេចបានពិតប្រាកដមែននោះ។

2. ចាប់យកអ្វីដែលជាអាទិភាព
បើនិយាយពីរឿងសំខាន់នៅក្នុងជីវិត មានរឿងច្រើនណាស់ដែលសុទ្ធតែជារឿងសំខាន់សម្រាប់យើងទាំងអស់គ្នា ប៉ុន្តែអ្នកដឹងហើយថានៅក្នុងការបំពេញភារកិច្ច និងតួនាទីប្រចាំថ្ងៃរបស់យើងម្នាក់ៗត្រូវចេះបែងចែកឱ្យដាច់ពីការងារសំខាន់ និងការងារអាទិភាព។ ក៏ប៉ុន្តែនៅត្រង់ចំណុចនេះ គឺយើងត្រូវចេះចប់យកអ្វីដែលជាអាទិភាពដែលអាចធ្វើឱ្យយើងងាយនឹងចាប់យកគោលដៅបន្ទាប់ និងអាចអភិវឌ្ឍខ្លួនឯង អាជីពការងារ និងអាជីវកម្មឱ្យបានកាន់តែប្រសើរជាងមុន។ ហេតុដូច្នេះហើយអ្នកត្រូវរកឱ្យឃើញនៅការងារអាទិភាពសម្រាប់ខ្លួនឯងអ្នក។

3. ចេះបែងចែក និងកំណត់គោលដៅ
ទោះជាយ៉ាងណាគោលដៅធំជារួមរបស់មនុស្សម្នាក់ៗគឺ ភាពជោគជ័យ។ ប៉ុន្តែគោលដៅក៏ត្រូវបានបែងចែកទៅតាមផ្នែកនីមួយៗផងដែរដែលមានដូចជា៖ គោលដៅក្នុងការរៀនសូត្របង្កើនសមត្ថភាព គោលដៅនៃការអភិវឌ្ឍន៍អាជីព និងគោលដៅផ្ទាល់ខ្លួនជាដើម។

គោលដៅទាំងនេះអ្នកត្រូវកំណត់ឱ្យបានច្បាស់ថា អ្នកនឹងចំណាយពេលប៉ុន្មាន ដើម្បីសម្រេចបាននូវគោលដៅនីមួយៗ ហើយអ្នកនឹងបង្កើតជាផែនការសកម្មភាពបែបណា ដើម្បីឆ្លើយតបទៅតាមគោលដៅនីមួយៗដែលអ្នកចង់ឱ្យវាសម្រេចបាននោះ។ ជាមួយគ្នានេះផងដែរសម្រាប់អាជីវកម្មក៏មិនខុសគ្នាដែរ ការកំណត់គោលដៅជាដំណាក់កាលពីតូចទៅធំវាអាចធ្វើឱ្យអ្នកកាត់បន្ថយនូវសម្ពាធមួយចំនួនបានយ៉ាងមានប្រសិទ្ធភាព។

ឧទាហរណ៍ថា ប្រសិនបើអ្នកទើបតែចាប់ផ្ដើមបើកអាជីវកម្មថ្មីថ្មោង ផែនការរបស់អ្នកអាចនឹងដាក់ចេញត្រឹមរយៈពេល 3 ខែ 6 ខែទៅមួយឆ្នាំដំបូងសិន។ បីខែដំបូងតើអ្នកនឹងធ្វើអ្វី ដើម្បីចាប់ផ្ដើមដំណើរការអាជីវកម្មមួយនេះ។ 6 ខែបន្ទាប់តើអ្នកចង់ទទួលបានលទ្ធផលអ្វីត្រឡប់មកវិញ តើជាការលក់ ឬជាការទទួលស្គាល់ពីអតិថិជន ហើយរយៈពេលមួយឆ្នាំតើអ្នកនឹងសម្រេចថាទទួលបានលទ្ធផលនៃការលក់បានប៉ុន្មាន។ នេះហើយដែលហៅថាការរៀបចំគោលដៅជាដំណាក់កាល ហើយការធ្វើបែបនេះវានឹងជួយឱ្យអ្នកកាត់បន្ថយនៅសម្ពាធជាច្រើនដែលនឹងទទួលបានពីដំណើរការអាជីវកម្មមួយនេះ។ នៅពេលដែលអ្នករៀបចំផែនការរយៈពេលខ្លីជាដំណាក់កាលបែបនេះ មិនមែនមានន័យថាអ្នកខ្វះសមត្ថភាព ឬមានចក្ខុវិស័យខ្លីនោះទេ។ ត្រូវចាំថា ដើម្បីសម្រេចអ្វីមួយបានត្រឹមសមត្ថភាព និងភាពខ្លាំងដែលអ្នកមាននៅមិនទាន់គ្រប់គ្រាន់នៅឡើយទេ វាទាមទារឱ្យអ្នកមានចំណេះដឹង និងភាពឆ្លាតវៃ ដែលជាអាវុធនាំអ្នកជំនះរាល់ការលំបាកនានាបាន ហើយកាត់បន្ថយនូវភាពស្មុគស្មាញចំពោះមុខ។

ដោយ៖ Clara
ប្រភព៖ www.themuse.com
📚ស្តាប់សៀវភៅសង្ខេបជាភាសាខ្មែរ200ក្បាលជាងនៅលើ WEREAD 📚ចូលស្តាប់ និងអានអត្ថបទចំណេះដឹងទូទៅឥតគិតថ្លៃ✅️
👉ចុះឈ្មោះនៅទីនេះ៖ https://www.weread.asia/ #/login?code=9Iz45P
ជម្រើសកាត VIP 3 ជម្រើសដូចខាងក្រោម៖
✅️ កាត VIP 1 ខែ 5$ ស្តាប់សាកល្បងមួយខែសិន
✅️ កាត VIP 1 ឆ្នាំ 30$ ទិញមួយឆ្នាំ ថែមជូនមួយឆ្នាំ
✅️ កាត VIP ♾ 50$ បង់ប្រាក់តែម្តង ស្តាប់បានរហូត
👉ចូលគ្រុបTelegram WERead Cambodia😊៖ https://t.me/WEReadCambodia

04/07/2025

កុំប្រើពាក្យទាំងនេះនៅកន្លែងធ្វើការ
ការសន្ទនានៅកន្លែងការងារជារឿងសំខាន់បំផុត ដើម្បីអាចឱ្យអ្នកសម្រេចលទ្ធផលការងារជាក្រុមបាន និងអាចបង្កើតអ្វីថ្មីៗជាច្រើនទៀតបាន។ ការប្រាស្រ័យទាក់ទងគ្នានេះទៀតសោតក៏មិនមែនមានតែនៅក្នុងក្រុមហ៊ុនក្នុងក្រុមការងាររបស់យើងដែរ ព្រោះមានពេលខ្លះអ្នកក៏នឹងត្រូវជួបជជែកពិភាក្សាការងារជាមួយដៃគូសហការក្រុមហ៊ុន អតិថិជន ឬ អ្នកដទៃផ្សេងទៀតក៏ថាបាន។ ក្នុងកិច្ចការងារប្រសិនបើអ្នកមិនចេះប្រើពាក្យសម្ដីឆ្លើយតបទៅនឹងការងារឱ្យបានល្អទេ អ្នកដទៃរួមទាំងក្រុមការងារយើងនេះអាចវាយតម្លៃថាយើងជាមនុស្សដែលគ្មានសមត្ថភាពធ្វើការបាន។

ខាងក្រោមនេះជាអ្វីដែលអ្នកគួរប្រុងប្រយ័ត្ន និងយកចិត្តទុកដាក់៖
1. និយាយឃ្លាថា «ខ្ញុំមិនដឹងទេ»
វាជារឿងពិតដែលអ្នកមិនបានដឹងពីការងារអ្វីមួយ ឬ មិនចេះធ្វើអ្វីមួយ ព្រោះគ្មាននរណាម្នាក់ដែលអាចចេះសព្វមុខឡើយ ក៏ប៉ុន្តែពេលអ្នកផ្ដល់ចម្លើយតែមួយម៉ាត់ថាអ្នកមិនដឹង មិនចេះ វាហាក់ដូចជាអ្នកគ្មានចេតនាចង់ធ្វើការងារ គ្មានបទពិសោធ ឬព្យាយាមឆ្លើយយករួចខ្លួន។ អ្នកអាចជំនួសដោយឃ្លាដូចជា៖ ការពិតទៅខ្ញុំអត់បានកាន់ការងារហ្នឹងទេ តែខ្ញុំអាចនាំអ្នកទៅជួបអ្នកកាន់ការងារនេះផ្ទាល់តែម្ដងស្រួលកុំឱ្យខាតពេល ហើយបានព័ត៌មានលម្អិតទៀត។

2. ទាល់តែមេឱ្យធ្វើបានខ្ញុំធ្វើ
មិនខុសទេក្នុងការដែលត្រូវឆ្លងកាត់ការសម្រេចចិត្តពីមេ ដើម្បីអ្នកធ្វើការងារអ្វីមួយ តែស្មារតីក្នុងការធ្វើការងារជាក្រុមទាមទារឱ្យមានការសហការគ្នាទៅវិញទៅមក។ ប្រសិនបើអ្នកមិនហ៊ានសម្រេចចិត្តថាទទួលយកការងារមួយនោះមុនពេលទទួលបានការអនុញ្ញាតពីអ្នកគ្រប់គ្រងទេនោះ អ្នកគួរផ្ដល់ចម្លើយបែបនេះវិញ៖ ខ្ញុំគិតថាវាជាឱកាសល្អមួយដែរសម្រាប់ខ្ញុំ តែយ៉ាងណាខ្ញុំសុំជម្រាបមេខ្ញុំជាមុនសិន ដើម្បីឱ្យគាត់បានដឹងពីការងាររបស់ខ្ញុំ។

3. ខ្ញុំទំនេរគ្រប់ពេលសម្រាប់ការប្រជុំជាមួយអ្នក
ច្បាស់ណាស់ថាអ្នកកំពុងត្រូវការជួបភាគីម្ខាងទៀត ដើម្បីលក់ផលិតផល ឬជជែកពិភាក្សាពីគម្រោងសំខាន់មួយ តែកុំព្យាយាមផ្ដល់ភាពមិនច្បាស់លាស់ ឬ ជម្រើសឱ្យភាគីម្ខាងទៀត ដើម្បីកំណត់ច្រើនពេកអីទោះបីជាអ្នកពិតជាទំនេរអាចជួបគេបានគ្រប់ពេលក៏ពិតមែន ព្រោះវាហាក់បង្ហាញពីចំណុចខ្សោយរបស់អ្នកទៅវិញ។ ប្រសិនបើអ្នកចង់ណាត់ពេលវេលាសម្រាប់ការប្រជុំអ្នកគួរកំណត់ថា៖ ខ្ញុំអាចជួបលោកបាននៅថ្ងៃអាទិត្យសប្ដាហ៍នេះ ពេលរសៀលម៉ោង ២ នៅហាងកាហ្វេម្ដុំបឹងកេងកង Brown ក៏បាន Starbucks ក៏បាន។

4. ប្រាប់អ្នកដទៃពីតួនាទីរបស់អ្នក
ការប្រាប់ពីតួនាទីរបស់ខ្លួនទៅកាន់អ្នកដទៃក្នុងការសន្ទនាវាអាចមានផលវិជ្ជមាន និងអវិជ្ជមាន មិនថានៅក្នុងក្រុមហ៊ុន ឬទំនាក់ទំនងនៅក្រៅក្រុមហ៊ុននោះទេ។ ប្រសិនបើឋានៈយើងខ្ពស់ជាងភាគីម្ខាងទៀត នៅពេលដែលអ្នកព្យាយាមសម្ញែងពីតួនាទី វាហាក់បីដូចអ្នកកំពុងព្យាយាមអួតអាងប្រើអំណាចនោះ ដើម្បីប្រយោជន៍នៃការសន្ទនាពេលនេះ។ តែបើឋានៈតួនាទីអ្នកតូចជាងភាគីម្ខាងទៀត វាក៏នឹងធ្វើឱ្យអ្នកគ្មានឥទ្ធិពលគ្រប់គ្រាន់ក្នុងការសន្ទនានេះដែរ។ ដូច្នេះជាជម្រើសល្អអ្នកគ្រាន់តែលើកឡើងពីការងារដែលអ្នកត្រូវដោះស្រាយ និងបញ្ជាក់ពីក្រមហ៊ុនរបស់អ្នកឱ្យបានច្បាស់ទៅបានហើយ។ ឧទាហរណ៍៖ ខ្ញុំបាទវិបុល កាន់ការងារផ្នែកទីផ្សារនៅក្រុមហ៊ុន ABC ដែលនឹងត្រូវជជែកការងារលើគម្រោងផ្សព្វផ្សាយពាណិជ្ជកម្មជូនក្រុមហ៊ុនលោកស្រី។

ដោយ៖ Clara
ប្រភព៖ www.themuse.com

📚ស្តាប់សៀវភៅសង្ខេបជាភាសាខ្មែរ200ក្បាលជាងនៅលើ WEREAD 📚ចូលស្តាប់ និងអានអត្ថបទចំណេះដឹងទូទៅឥតគិតថ្លៃ✅️
👉ចុះឈ្មោះនៅទីនេះ៖ https://www.weread.asia/ #/login?code=9Iz45P
ជម្រើសកាត VIP 3 ជម្រើសដូចខាងក្រោម៖
✅️ កាត VIP 1 ខែ 5$ ស្តាប់សាកល្បងមួយខែសិន
✅️ កាត VIP 1 ឆ្នាំ 30$ ទិញមួយឆ្នាំ ថែមជូនមួយឆ្នាំ
✅️ កាត VIP ♾ 50$ បង់ប្រាក់តែម្តង ស្តាប់បានរហូត
👉ចូលគ្រុបTelegram WERead Cambodia😊៖ https://t.me/WEReadCambodia

03/07/2025

គុណសម្បតិ្ត និងគុណវិបត្តិនៃការផ្ដល់ Bonus ដល់បុគ្គលិក
ការផ្ដល់ប្រាក់រង្វាន់លើកទឹកចិត្ត ឬហៅថា Bonus ដល់បុគ្គលិកជាការជម្រុញមួយ ដើម្បីបង្កើនតម្លៃដល់ការងារបុគ្គលិកក្នុងក្រុមហ៊ុនលើសពីប្រាក់ខែ ប្រាក់ម៉ោងដែលគេទទួលបានពីការបំពេញការងាររបស់គេ។ ម្យ៉ាងវិញទៀត ការផ្ដល់ប្រាក់លើកទឹកចិត្តក៏អាចជាឈ្នាន់មួយប្រើ ដើម្បីទាក់ទាញបុគ្គលិកឱ្យបង្កើនកម្លាំងចិត្តធ្វើការ ធ្វើយ៉ាងណាបង្កើនផលិតភាពការងាររបស់ពួកគេកាន់តែខ្លាំង ហើយលើសពីនេះក៏នឹងអាចជាគន្លឹះឱ្យពួកគេបង្កើនឆន្ទៈស្រលាញ់ការងារទ្វេដង ក៏ដូចជាតបស្នងនូវការខិត្តខំប្រឹងប្រែងរបស់បុគ្គលិកបំពេញក្រុមហ៊ុនផងដែរ។ ចុះសួរវិញថា បើក្រុមហ៊ុនចំណាយលើការផ្ដល់ប្រាក់លើកទឹកចិត្តដល់បុគ្គលិកបែបនេះ តើវាមានគុណសម្បត្តិ និងគុណវិបត្តិដូចម្ដេចខ្លះ?

ក. គុណសម្បត្តិ
1. បង្កើនការលើកទឹកចិត្ត
ការផ្តល់ប្រាក់រង្វាន់អាចជំរុញឱ្យបុគ្គលិកខិតខំប្រឹងប្រែង និងរួមចំណែកចូលរួមអភិវឌ្ឍក្រុមហ៊ុនកាន់តែច្រើន។

2. កាត់បន្ថយអត្រាលាឈប់របស់បុគ្គលិក
នៅពេលដែលក្រុមហ៊ុនមួយផ្ដល់អត្ថប្រយោជន៍ដល់បុគ្គលិកបន្ថែមលើសពីប្រាក់ខែ ដូចជាប្រាក់លើកទឹកចិត្តប្រចាំឆ្នាំ ថ្លៃធានារ៉ាប់រង និងការឧបត្ថម្ភផ្សេងៗទៀត អាចជាការបង្ហាញឱ្យឃើញពីការយកចិត្តទុកដាក់ដល់សុខទុកបុគ្គលិក អាចចងចិត្តបុគ្គលិកឱ្យធ្វើការងារក្នុងក្រុមហ៊ុនបានយូរ និងអាចកាត់បន្ថយអត្រានៃការលាឈប់ពីការងារដែលបណ្ដាលមកពីការខកចិត្តនានាចំពោះក្រុមហ៊ុនជាដើម ចំណុចនេះក៏អាចនាំឱ្យក្រុមហ៊ុនចំណេញបន្ថែមទៀតទៅលើពេលវេលា និងការបណ្ដុះបណ្ដាលបុគ្គលិកថ្មី។

3. កសាងកិច្ចសហការក្នុងក្រុមបានល្អ
ការងារក្រុមមួយ ឬ គម្រោងមួយកាន់តែងាយទទួលបានភាពជោគជ័យនៅពេលដែលការខិតខំប្រឹងប្រែងរបស់សមាជិតក្រុមម្នាក់ៗអាចទទួលបានជាផលប្រយោជន៍ដ៏សមរម្យត្រលប់មកវិញ។ ឧទាហរណ៍ថា ក្រុមហ៊ុនទីផ្សារតាមប្រព័ន្ធឌីជីថលមួយ មានកម្មវិធីប្រកួតប្រជែងការបង្កើតសាច់រឿងអប់រំខ្លីទៅដល់ក្រុមការងាររបស់ពួកគេ ក្នុងប្រធានបទកុមារ និងការថែទាំពីអាណាព្យាបាល ដែលអនុញ្ញាតឱ្យមានការចូលរួមប្រកួតជាក្រុម ជ័យលាភីពីការប្រកួតនឹងទទួលបានទឹកប្រាក់៣លានរៀល និងវគ្គសិក្សាខ្លីលើការជំនាញថតរយៈពេលមួយសប្ដាហ៍។ តាមរយៈការផ្ដល់នូវការលើកទឹកចិត្តនេះ ក្រុមនីមួយៗច្បាស់ជាខិតខំប្រឹងប្រែងសហការគ្នាបង្កើតផលិតជាសាច់រឿងអប់រំដែលល្អ ដើម្បីដណ្ដើមយកជ័យលាភី។

4. បង្កើតឱ្យមានការប្រកួតប្រជែងដោយស្មោះត្រង់ និងស្មើភាព
ដូចជាឧទាហរណ៍អំបាញ់មិញ ឱកាសដែលក្រុមហ៊ុនផ្ដល់ឱ្យមានទាំងការបញ្ចេញសមត្ថភាព ការបង្កើតភាពច្នៃប្រឌិត និងការរិះរកវិធីសាស្រ្តយ៉ាងណាបង្កើតលទ្ធផលការងារយ៉ាងល្អប្រសើរមួយ ដើម្បីប្រកួតប្រជែងជាមួយក្រុមដទៃទៀត ហើយក៏ជាការប្រកួតដោយស្មើភាព និងមានភាពស្មោះត្រង់។

ខ. គុណវិបត្តិ
1. បង្កើតជាទម្លាប់មិនល្អ
ប្រសិនបើក្រុមហ៊ុនមួយចង់ប្រើគោលការណ៍ចែកប្រាក់រង្វាន់លើកទឹកចិត្តដល់បុគ្គលិក លុះត្រាតែជាក្រុមហ៊ុនដែលមាំជើងនៅលើទីផ្សារ មានការលក់ល្អមិនឡើងចុះខ្លាំងពេកដែលអាចពិបាកដល់ការព្យាករណ៍ទុកចំណូលសម្រាប់ ៦ខែ ទៅមួយឆ្នាំបន្ទាប់។ តែបើក្រុមហ៊ុនតូចៗចង់លើកទឹកចិត្តបុគ្គលិកហើយសន្យាផ្ដល់ជាប្រាក់លើកទឹកចិត្តនោះ វាមិនខុសពីការដែលអ្នកយកខ្សែពួរមកចង ក ខ្លួនឯងឡើយ ព្រោះគ្មានបុគ្គលិកណាម្នាក់ដែលនឹងដាក់បំពេញការងារចេញពីឆន្ទៈ ដើម្បីក្រុមហ៊ុនទេ។

2. ការប្រកួតប្រជែងខាងក្នុងអាចនឹងផ្ដល់ផលមិនសូវល្អ
ការបង្កើតឱ្យមានការប្រកួតប្រជែងនេះវាល្អក៏ពិតមែន តែក៏អាចនឹងបង្កើតឱ្យមានជាការថ្នាំងថ្នាក់ចំពោះគ្នារវាងអ្នកឈ្នះ និងអ្នកចាញ់ ក្រុមដែលមិនបានជ័យជំនះអាចនឹងគិតថាលទ្ធផលដែលបានមកលម្អៀង មានចិត្តច្រណែន និងកើតជាការមិនពេញចិត្តគ្នាជាដើម។

3. បង្កើនការចំណាយ
ក្រុមហ៊ុននឹងត្រូវបង្កើនចំណាយបន្ថែមទៀតក្រៅតែពីប្រាក់ខែបុគ្គលិក ដែលនាំឱ្យការសន្សំសម្រាប់ក្រុមហ៊ុនមានតិច ហើយវាកាន់តែពិបាកសម្រាប់ក្រុមហ៊ុនតូចៗ ដើម្បីអភិវឌ្ឍន៍ខ្លួន៕

ដោយ៖ Clara
ប្រភព៖ www.themuse.com
www.getbravo.io

📚ស្តាប់សៀវភៅសង្ខេបជាភាសាខ្មែរ200ក្បាលជាងនៅលើ WEREAD 📚ចូលស្តាប់ និងអានអត្ថបទចំណេះដឹងទូទៅឥតគិតថ្លៃ✅️
👉ចុះឈ្មោះនៅទីនេះ៖ https://www.weread.asia/ #/login?code=9Iz45P
ជម្រើសកាត VIP 3 ជម្រើសដូចខាងក្រោម៖
✅️ កាត VIP 1 ខែ 5$ ស្តាប់សាកល្បងមួយខែសិន
✅️ កាត VIP 1 ឆ្នាំ 30$ ទិញមួយឆ្នាំ ថែមជូនមួយឆ្នាំ
✅️ កាត VIP ♾ 50$ បង់ប្រាក់តែម្តង ស្តាប់បានរហូត
👉ចូលគ្រុបTelegram WERead Cambodia😊៖ https://t.me/WEReadCambodia

02/07/2025

តើគួរធ្វើអ្វីខ្លះចំពោះជីវិត?
តើអ្នកស្គាល់ខ្លួនឯងច្បាស់ដែរទេ? តើចំណុចអ្វីខ្លះដែលអាចបង្ហាញថាអ្នកបាននិងកំពុងស្គាល់ខ្លួនឯង? និយាយដល់ពាក្យថាស្គាល់ខ្លួនឯងមនុស្សមួយចំនួនអាចនឹងគិតថា វាមិនអាចទៅរួចដែលមនុស្សម្នាក់មិនស្គាល់ខ្លួនឯង តែអត្ថន័យពិតប្រាកដវាមិនដូច្នោះទេ។ មនុស្សដែលស្គាល់ខ្លួនឯងជាមនុស្សដែលដឹងថា គេមានអត្តចរិតបែបណា មាននិស្ស័យយ៉ាងណា ខ្លួនឯងចង់បានអ្វី មិនចូលចិត្តអ្វី អ្វីជាចំណុចខ្លាំង និងចំណុចខ្សោយរបស់ខ្លួនឯង។ ការស្គាល់ខ្លួនឯងក៏នឹងអនុញ្ញាតឱ្យអ្នកអាចដឹងថានឹងត្រូវធ្វើយ៉ាងណាចំពោះដំណើរជីវិតបន្ទាប់ទៀត។

1. បង្កើតការប្រាស្រ័យទាក់ទងជាមួយមនុស្សនៅជុំវិញខ្លួន
មនុស្សម្នាក់ៗកើតមកមិនអាចខ្វះញាតិបានទេ ហើយការបង្កើតទំនាក់ទំនងជាមួយមនុស្សជុំវិញខ្លួននេះរឹតតែមិនអាចខ្វះបាន។ បង្កើតទំនាក់ទំនងល្អអ្នកអាចមានឱកាសទទួលបានការកែលម្អ ការដាស់តឿន ការណែនាំពីមនុស្សល្អៗជុំវិញខ្លួនដែលមានចេតនាចង់ឱ្យអ្នករីកចម្រើន និងដកចេញនូវចំនុចមិនល្អពីទម្លាប់ និងទង្វើបស់អ្នក។ ទំនាក់ទំនងនេះមិនមែនទាល់តែមិត្តភក្ដិក្នុងសាលា ឬ មិត្តរួមការងារទេ គឺរាប់ចាប់តាំងពីសមាជិកក្នុងគ្រួសារឡើង ព្រោះមនុស្សមួយចំនួនមិនសូវជាចុះសម្រុងជាមួយអ្នកផ្ទះឡើង។

2. ចាប់ផ្ដើមធ្វើរឿងដែលល្អសម្រាប់ខ្លួនឯង
អ្នកអាចនឹងដឹងថាខ្លួនឯងចង់បានអ្វី អ្នកស្រលាញ់អ្វី ចង់បានអនាគតបែបណា ដូច្នេះហើយអ្នកត្រូវដៅគោលមួយឱ្យជីវិត ហើយរាយផ្លូវដើរទៅរកគោលដៅមួយនោះឱ្យបាន។ ជាមួយគ្នានេះ អ្នកក៏គួរបើកចិត្តទទួលយកការណែនាំពីមនុស្សនៅជុំវិញខ្លួន ជាពិសេសមនុស្សដែលឆ្លងកាត់បទពិសោធជីវិតមុនអ្នក ធ្លាប់ដើរលើផ្លូវខុសមុនអ្នក នោះអ្នកនឹងអាចទទួលបានមេរៀនមួយដែលល្អបំផុតសម្រាប់ជាភ្លើងបំភ្លឺផ្លូវដល់អ្នក។

3. ប្រមូលផ្ដុំនូវការជម្រុញទឹកចិត្តពីមជ្ឍដ្ឋានខាងក្រៅ
មនុស្សម្នាក់ៗ មិនថាអ្នករឹងមាំយ៉ាងណាក៏នៅតែត្រូវការការលើកទឹកចិត្តដែរ តែការលើកទឹកចិត្តខ្លះអ្នកមិនអាចរង់ចាំអ្នកដទៃមកលើកអ្នករហូតទេ ហេតុដូច្នេះហើយស្មារតីរលឹកដឹងត្រូវជាញាណដែលត្រូវមានតោងជាប់ខ្លួនជានិច្ច។ អ្នកត្រូវចេះប្រមូលទុកនូវការលើកទឹកចិត្ដផ្សេងៗពីមជ្ឍដ្ឋានជុំវិញខ្លួន អាចជាសារលើកទឹកចិត្ដខ្លួនឯង អាចជាទម្លាប់ ឬទង្វើដែលអ្នកត្រូវអនុវត្ត ដើម្បីអភិវឌ្ឍន៍ខ្លួនឯង យកវាមកចងក្រងទុក រួចអនុវត្ត ដើម្បីសម្រេចគោលដៅដែលអ្នកមាន។

4. នាំខ្លួនឯងទៅដើរកម្សាន្ដ
មិនមែនជារឿងខុសទាស់អ្វីទេដែលគ្រាន់តែអនុញ្ញាតឱ្យខ្លួនឯងមានពេលវេលារីករាយ ឬលម្ហែអារម្មណ៍ខ្លះបន្ទាប់ពីអ្នកត្រូវស្មុគស្មាញជាមួយការងារនោះ។ យល់ថាស្ថានភាពមនុស្សម្នាក់ៗមិនដូចគ្នាទេទាំងបញ្ហាហិរញ្ញវត្ថុ បញ្ហាសុខភាព និងភាពក្លាហានជាដើម តែអ្នកគួរបង្កើតពេលវេលាមួយសម្រាប់ខ្លួនឯង នាំខ្លួនឯងទៅដើរលេង ហ៊ានទៅម្នាក់ឯង ព្រោះវានឹងជួយឱ្យអ្នកកាន់តែរឹងមាំទាំងការរៀបចំផែនការហិរញ្ញវត្ថុ ការចេះថែទាំសុខភាព និងបង្កើនភាពក្លាហានដល់ខ្លួនឯងកាន់តែខ្លាំងពេលអ្នកអាចដើរទៅទីឆ្ងាយតែម្នាក់ឯង៕

ដោយ៖ Clara
ប្រភព៖ www.themuse.com

📚ស្តាប់សៀវភៅសង្ខេបជាភាសាខ្មែរ200ក្បាលជាងនៅលើ WEREAD 📚ចូលស្តាប់ និងអានអត្ថបទចំណេះដឹងទូទៅឥតគិតថ្លៃ✅️
👉ចុះឈ្មោះនៅទីនេះ៖ https://www.weread.asia/ #/login?code=9Iz45P
ជម្រើសកាត VIP 3 ជម្រើសដូចខាងក្រោម៖
✅️ កាត VIP 1 ខែ 5$ ស្តាប់សាកល្បងមួយខែសិន
✅️ កាត VIP 1 ឆ្នាំ 30$ ទិញមួយឆ្នាំ ថែមជូនមួយឆ្នាំ
✅️ កាត VIP ♾ 50$ បង់ប្រាក់តែម្តង ស្តាប់បានរហូត
👉ចូលគ្រុបTelegram WERead Cambodia😊៖ https://t.me/WEReadCambodia

01/07/2025

រឿងដែលអ្នកត្រូវចរចាពេលសម្ភាសន៍ការងារ
នៅពេលទៅសម្ភាសន៍ការងារ រឿងមួយដែលអ្នកសម្ភាសន៍សួរអ្នកក្រៅតែពីការតេស្ដសមត្ថភាព ចំណេះដឹងនិងបទពិសោធ នោះគឺប្រាក់ខែរំពឹងទុករបស់អ្នក ព្រោះគេដឹងថាការដែលអ្នកដាក់ពាក្យមកធ្វើការនៅក្រុមហ៊ុនគេនេះហេតុផលសំខាន់បំផុត គឺបានប្រាក់ខែត្រលប់ទៅវិញ។ តែទោះជាយ៉ាងណាវាក៏នៅមានរឿងមួយចំនួនទៀតដែលអ្នកត្រូវដឹង ត្រូវចរចាបន្ថែមពីលើប្រាក់ខែ ព្រោះវាក៏ជាអត្ថប្រយោជន៍ដែលអ្នកត្រូវទទួលបាន។
1. ពេលវេលាធ្វើការដែលអាចបត់បែនបាន
កាលពីមុនមនុស្សអាចនឹងមិនសូវជាគិតលើភាពបត់បែននៃពេលវេលាធ្វើការទេ តែបច្ចុប្បន្ននេះប្រសិនបើកន្លែងការងារអាចផ្ដល់ឱកាសឱ្យបុគ្គលិកធ្វើការងារដោយមានភាពបត់បែនម៉ោងពេលវេលាបាន គឺជារឿងមួយប្រសើរបំផុត។ វាអាចបណ្ដាលមកពីកត្ដាចរាចរណ៍តាមដងផ្លូវ បន្ទុកក្នុងគ្រួសារ ឬ កត្ដាផ្សេងៗទៀតជាដើម។ តែទោះជាយ៉ាងណា នេះមិនមែនលេស ដើម្បីឱ្យអ្នកគេចម៉ោងការងារឡើយ ព្រោះភាពបត់បែននៃម៉ោងពេលធ្វើការនេះយកល្អ គឺអ្នកកំណត់ខ្លួនឯងថាធ្វើយ៉ាងណាធ្វើការឱ្យបានគ្រប់ ៨ម៉ោងក្នុងមួយថ្ងៃ។ ឧទាហរណ៍ថា អ្នកទៅធ្វើការយឺតមួយម៉ោងដោយសារជាប់ស្ទះចរាចរណ៍ ដូច្នេះអ្នកអាចនៅធ្វើការដល់ល្ងាច ឬ យប់បន្ដិច ដើម្បីបង្គ្រប់ម៉ោងវិញជាដើម។

2. ឱកាសក្នុងការរៀនសូត្រ
ក្រៅពីទទួលបានចំណូលប្រចាំខែដែលជាប្រាក់ខែ អ្នកក៏ត្រូវគិតបន្ថែមដែរលើឱកាសស្វែងរកចំណេះដឹងដែលធ្វើឱ្យអ្នកអភិវឌ្ឍខ្លួនឯងបានកាន់តែខ្លាំង។ ពេលសម្ភាសន៍ការងារអ្នកគួរសួរគេដែរពីឱកាសដែលអ្នអាចទទួលបានពីកន្លែងគេ សួរថាគេផ្ដល់ឱកាសឱ្យអ្នកបានសិក្សារៀនសូត្របន្ថែមលើជំនាញអ្នកដែរទេ ឬ អ្នកអាចទទួលបានឱកាសបណ្ដុះបណ្ដាលជំនាញអ្វីផ្សេងទៀតដែរអត់។ ជាមួយគ្នានេះ ឱកាសក្នុងការទទួលបានការណែនាំការងារពីអ្នកគ្រប់គ្រងក៏សំខាន់ដែរដែលអ្នកត្រូវទទួលបាន បើមិនដូច្នោះទេអ្នកក៏មិនអាចបំពេញការងារបានល្អ និងទទួលបានឱកាសអភិវឌ្ឍន៍អាជីពខ្លួនបានល្អជាងមុនឡើយ។

៣. ធានារ៉ាប់រង និងការលើកទឹកចិត្ត (Bonus)
មិនខុសទេដែលអ្នកត្រូវសួរនាំពីធានារ៉ាប់រងដែលអ្នកគួរទទួលបានដូចជា ធានារ៉ាប់រងសុខភាព ធានារ៉ាប់រងលើការធ្វើដំណើរ ឬ ធានារ៉ាប់រងយានយន្ដជាដើម។ អត្ថប្រយោជន៍ដែលអ្នកទទួលបានជាផ្នែកមួយនៃការលើកទឹកចិត្តដល់ការងាររបស់អ្នក ជួយបំពេញចិត្តលើការទទួលយកការងារមួយនេះ ហើយវាក៏ជាសិទ្ធិដែលអ្នកគួរទទួលបានក្នុងនាមជាបុគ្គលិកម្នាក់ផងដែរ៕

ដោយ៖ Clara
ប្រភព៖ www.themuse.com
www.mediabistro.com
📚ស្តាប់សៀវភៅសង្ខេបជាភាសាខ្មែរ200ក្បាលជាងនៅលើ WEREAD 📚ចូលស្តាប់ និងអានអត្ថបទចំណេះដឹងទូទៅឥតគិតថ្លៃ✅️
👉ចុះឈ្មោះនៅទីនេះ៖ https://www.weread.asia/ #/login?code=9Iz45P
ជម្រើសកាត VIP 3 ជម្រើសដូចខាងក្រោម៖
✅️ កាត VIP 1 ខែ 5$ ស្តាប់សាកល្បងមួយខែសិន
✅️ កាត VIP 1 ឆ្នាំ 30$ ទិញមួយឆ្នាំ ថែមជូនមួយឆ្នាំ
✅️ កាត VIP ♾ 50$ បង់ប្រាក់តែម្តង ស្តាប់បានរហូត
👉ចូលគ្រុបTelegram WERead Cambodia😊៖ https://t.me/WEReadCambodia

30/06/2025

ធ្វើរឿងទាំងនេះបើអ្នកមិនចង់បាត់បង់ការគោរពពីអ្នកដទៃ
មិនថានៅក្នុងជីវិតរស់នៅសព្វថ្ងៃ ឬ ជីវិតការងារនោះទេមនុស្សម្នាក់ៗ ត្រូវការការផ្ដល់តម្លៃការគោរពពីអ្នកដទៃជុំវិញខ្លួនបើទោះបីជាឋានៈអ្នកតូចទាបប៉ុនណាទេ ហើយក្នុងនាមជាមនុស្សក៏ដូចគ្នា ការដែលចេះគោរពឱ្យតម្លៃអ្នកដទៃជាគុណធម៌ដ៏សំខាន់បំផុត។ នៅពេលដែលអ្នកចេះគោរពអ្នកដទៃ គេក៏នឹងគោរពឱ្យតម្លៃអ្នកវិញដូចគ្នា។ បើនិយាយពីការងារវិញ ការដែលអ្នកអាចធ្វើខ្លួនឱ្យចុះសម្រុងជាមួយមិត្តរួមការងារ បង្កើតទំនាក់ទំនងល្អជាមួយមនុស្សគ្រប់គ្នា ជាផ្នែកមួយដែលអ្នកបើកឱកាសឱ្យខ្លួនឯងរកផ្លូវអភិវឌ្ឍខ្លួនបានកាន់តែល្អ ហើយអ្នកក៏នឹងទទួលបានទំនាក់ទំនងដ៏ពិតប្រាកដមួយដែរ។

ក្នុងអត្ថបទនេះនាងខ្ញុំនឹងលើកយកពីរឿងរ៉ាវ និងទំលាប់មួយចំនួនដែលអ្នកគួរធ្វើនៅកន្លែងការងារ។
1. ឱ្យក្រេឌីតទៅអ្នកពាក់ព័ន្ធ
យើងដឹងហើយថាការងារជាក្រុមមិនអាចសម្រេចបានទេបើគ្មានការចូលរួមចំណែកពីសមាជិកម្នាក់ៗក្នុងក្រុម។ នៅពេលការងារក្រុមអាចសម្រេចបានលទ្ធផលល្អ វាគឺជាភាពជោគជ័យមួយដែលនាំឱ្យគ្រប់គ្នារីករាយ និងពេញចិត្ត ហើយម្នាក់ៗដែលបានចូលរួមធ្វើការងារមួយនេះច្បាស់ជាចង់បានត្រលប់មកវិញនូវការសរសើរ ឬ ការទទួលស្គាល់ស្នាដៃនៃការងារនេះ។ បើអ្នកជាប្រធានក្រុមដឹកនាំក៏បានអ្នកគួរនិយាយពាក្យនេះ៖ «នេះជាសមិទ្ធផលរួមរបស់យើង គ្រប់គ្នាសុទ្ធតែបានខិតខំប្រឹងប្រែងលើការងារមួយនេះ ប្រសិនបើគ្មានការលះបង់ពីអ្នកទាំងអស់គ្នា យើងក៏មិនអាចសម្រេចវាបានដែរ»។ អ្នកក៏អាចនិយាយក្នុងនាមជាសមាជិកក្រុមម្នាក់ដោយបែបនេះថា៖ «អរគុណសម្រាប់ការជួយរបស់ដេនី មែនទែនទៅការងារនេះបើឱ្យខ្ញុំធ្វើម្នាក់ឯងប្រាកដជាចំណាយពេលយូរជាងនេះមិនខាន»។ ដូច្នេះវាមិនខុសទាស់អ្វីនោះទេដែលអ្នកគ្រាន់តែនិយាយ ឬផ្ដល់ក្រេឌីតដល់អ្នកពាក់ព័ន្ធ ឬអាចនិយាយបានថាចេះដឹងគុណពេលគេជួយក៏ថាបាន។

2. កំណត់ព្រំដែនការងារ
មិនមែនឱ្យអ្នកកំណត់ព្រំដែនហើយមិនជួយការងារអ្នកដទៃ ធ្វើជាមនុស្សអាត្មានិយមទេ តែការចេះកំណត់ព្រំដែននេះ គឺកុំធ្វើអ្វីហួសដែនសមត្ថកិច្ចរបស់អ្នក កុំព្យាយាមលូកដៃលើការងារអ្នកដទៃទាំងដែលគ្មានការអនុញ្ញាត ឬក៏ជាការងារដែលអ្នកមិនចេះឱ្យសោះ។ ម្យ៉ាងវិញទៀត អ្នកក៏អាចរៀនបដិសេធលើការងារមួយចំនួនដែលមិនមែនជាតួនាទី ភារកិច្ចទទួលខុសត្រូវរបស់អ្នក ការងារដែលលើសពីសមត្ថភាព ការងារដែលធ្វើទៅហើយអាចទទួលនូវគុណវិបត្តិច្រើនជាងគុណសម្បត្តិ និងប៉ះពាល់ដល់អ្នកនាពេលខាងមុខ។

3. ចេះគ្រប់គ្រងអារម្មណ៍ និងបញ្ហាដែលកើតមានឱ្យបានសមរម្យ
គ្មានការងារណាមួយដែលមិននាំបញ្ហាមកឱ្យអ្នកទេ ហើយក៏គ្មានការងារដែលមិនធ្វើឱ្យអ្នកឈឺក្បាលខូចអារម្មណ៍សោះនោះដែរ។ តែអ្វីដែលសំខាន់ពេលជួបបញ្ហាហើយ តើអ្នកនឹងដោះស្រាយវាដោយរបៀបណា ហើយអ្នកនឹងគ្រប់គ្រងអារម្មណ៍ខ្លួនឯងយ៉ាងដូចម្ដេច ដើម្បីឆ្លើយតបនឹងបញ្ហានោះ។ មិត្តរួមការងារភាគ ច្រើនតែងកើតមានបញ្ហាទាស់សម្ដីគ្នា ខ្នាំងខ្នាក់ចិត្តជាមួយគ្នានៅពេលដែលកើតមានការខ្វែងគំនិតយោបល់លើការងារ និងការដែលមិនចេះគ្រប់គ្រងកំហឹងរបស់ខ្លួននេះឯង។ មនុស្សដែលមានសមត្ថភាពឆ្លើយតបនឹងកំហឹងរបស់ខ្លួនឯង និងកំហឹងរបស់អ្នកទៃបានល្អ ឆ្លើយតបដោយសន្ដិវិធីបូកផ្សំជាមួយសមត្ថភាពបំពេញការងាររបស់គេផង ជាមនុស្សម្នាក់ដែលស័ក្ដិសមក្លាយខ្លួនជាអ្នកដឹកនាំនាពេលអនាគត។

ទាំងនេះជាគន្លឹះតិចៗ តែវាផ្ដល់ផលធំដល់ការងាររបស់អ្នករួមទាំងអនាគតអ្នកទាំងមូលតែម្ដង៕

ដោយ៖ Clara
ប្រភព៖ www.themuse.com

📚ស្តាប់សៀវភៅសង្ខេបជាភាសាខ្មែរ200ក្បាលជាងនៅលើ WEREAD 📚ចូលស្តាប់ និងអានអត្ថបទចំណេះដឹងទូទៅឥតគិតថ្លៃ✅️
👉ចុះឈ្មោះនៅទីនេះ៖ https://www.weread.asia/ #/login?code=9Iz45P
ជម្រើសកាត VIP 3 ជម្រើសដូចខាងក្រោម៖
✅️ កាត VIP 1 ខែ 5$ ស្តាប់សាកល្បងមួយខែសិន
✅️ កាត VIP 1 ឆ្នាំ 30$ ទិញមួយឆ្នាំ ថែមជូនមួយឆ្នាំ
✅️ កាត VIP ♾ 50$ បង់ប្រាក់តែម្តង ស្តាប់បានរហូត
👉ចូលគ្រុបTelegram WERead Cambodia😊៖ https://t.me/WEReadCambodia

28/06/2025

ចំណាយលើការវិនិយោគទាំងនេះ ដើម្បីអភិវឌ្ឍអាជីព និងអនាគតដ៏ល្អ
បើនិយាយពាក្យថាការវិនិយោគ មនុស្សភាគច្រើននឹងគិតដល់ការចំណាយដើមទុនយកទៅរកស៊ី បណ្ដាក់ទុនដើម្បីទទួលបានផលមកវិញមិនថាជាដាក់ទុកបើកអាជីវកម្មខ្លួនឯង ឬ ការចំណាយលុយទៅហើយឱ្យគេយកទៅរកស៊ីជំនួសហើយម្ចាស់ចាំទទួលផល ឬជាការវិនិយោគលើភាគហ៊ុន អចលនទ្រព្យជាដើម។ តែនៅក្នុងអត្ថបទមួយនេះនាងខ្ញុំនឹងលើកឡើងពីការវិនិយោគលើខ្លួនឯង ហើយខ្ញុំជឿថាអ្នកទាំងអស់គ្នាដែលកំពុងស្ដាប់នេះប្រាកដជាធ្លាប់បានដឹងបានឮពីការវិនិយោគលើខ្លួនឯងជាក់ជាមិនខាន។

1. វិនិយោគលើការរៀនជំនាញថ្មីៗ
ការរៀនសូត្រ គឺគ្មានដែនកំណត់ទេសម្រាប់មនុស្ស កាន់តែរៀនអ្នកកាន់តែឆ្លាត កាន់តែរៀនអ្នកកាន់តែមានសមត្ថភាព។ ឈានដល់ដំណាក់កាលមួយដែលអ្នកចាប់យកអាជីពការងារមួយហើយ យ៉ាងហោចណាស់អ្នកត្រូវរកឱ្យឃើញថាខ្លួនឯងអ្នកស្រលាញ់អ្វី ចង់បានអ្វី ទើបមិនធ្វើឱ្យអ្នកចំណាយពេលវេលាហើយទៅធ្វើការងារដែលខ្លួនគ្មានទាំងជំនាញ និងមិនស្រលាញ់វាទៀតព្រោះវាមិនបានធ្វើឱ្យអ្នកអភិវឌ្ឍសមត្ថភាពបានល្អនោះទេ។

ប្រសិនបើការងារដែលអ្នកធ្វើរាល់ថ្ងៃជាការងារដែលអ្នកពេញចិត្ត អ្នកក៏គួរតែព្យាយាមពង្រឹងសមត្ថភាពបន្ថែម ធ្វើយ៉ាងណាឱ្យអ្នកអាចរៀនសូត្រពីការងារមួយនេះឱ្យបានច្រើនតាមដែលអាចធ្វើទៅបាន។ បន្ថែមជាមួយជំនាញថ្មីៗដែលចាំជួយគាំទ្រការងារប្រចាំថ្ងៃរបស់អ្នក អាចធ្វើឱ្យអ្នកមានសមត្ថភាពផ្ដល់ ឬផ្ទេរចំណេះទាំងនេះទៅកាន់អ្នកដទៃបាន នោះអ្នកនឹងងាយទទួលបានឱកាសឡើងតំណែង ឬទទួលចំណូលច្រើនជាងពេលនេះ។

2. វិនិយោគលើការថែរក្សាសុខភាព
ការថែរក្សាសុខភាព គឺជារឿងចាំបាច់បំផុតដែលអ្នកត្រូវគិតគូរនិងយកចិត្តទុកដាក់ឱ្យបានខ្លាំង។ ស្ថិតនៅក្នុងវ័យដែលជាយុវវ័យចន្លោះពី ២០ ទៅ ៣០ ឆ្នាំអ្នកអាចនឹងគិតថាសុខភាពអ្នកនៅល្អរឹងមាំវាមិនមានជាបញ្ហាអ្វីចោទនោះទេ។ ក៏ប៉ុន្តែប្រសិនបើអ្នកមិនបានគិតគូរថែរក្សាសុខភាព ឬតាមដានសុខភាពឱ្យបានជាប្រចាំទេនៅក្នុងវ័យនេះវាអាចធ្វើឱ្យអ្នកប្រឈមមុខនឹងបញ្ហាយ៉ាងច្រើននៅក្នុងវ័យចាប់ពី ៤០ ទៅ ៥០ ឆ្នាំ។ អ្នកគួរចំណាយពេលគិតគួរទៅលើសុខភាពខ្លួនឯងដូចជា ការធ្វើលំហាត់ប្រាណ រៀបចំរបបអាហារឱ្យបានត្រឹមត្រូវ និងចំណាយពេលវេលាខ្លះធ្វើការតាមដានសុខភាពមួយឆ្នាំម្ដង ឬយ៉ាងហោចណាស់ ២ទៅ៣ ឆ្នាំម្ដង។ បង្កើតទម្លាប់ទាំងអស់នេះ ដើម្បីទទួលបានផលប្រយោជន៍សុខភាពដែលល្អនាពេលអនាគត។

3. កាត់បន្ថយ និងកម្ចាត់ទម្លាប់អាក្រក់ចេញ
ចូររកឱ្យឃើញនៅអ្វីដែលជាទម្លាប់អាក្រក់ដែលរារាំងអ្នក ឬទាញអ្នកឱ្យនៅឆ្ងាយពីគោលដៅដែលអ្នកចង់បាន។ ទម្លាប់អាក្រក់ដែលអ្នកគួរកាត់បន្ថយ ឬជម្រុះចោលមានដូចជា ទម្លាប់ពន្យារពេលក្នុងការបំពេញការងារមួយ ទម្លាប់គ្មានភាពទទួលខុសត្រូវលើការងាររបស់ខ្លួន ទម្លាប់មើលបំណាំការងារជាមួយអ្នកដទៃ ក៏ដូចជាទម្លាប់មិនចង់អភិវឌ្ឍន៍សមត្ថភាពខ្លួនឯងឱ្យរីកចម្រើនជាដើម។ រកវាឱ្យឃើញ ហើយក៏ត្រូវហ៊ានទទួលស្គាល់ថាអ្នកពិតជាមានវាជាប់ខ្លួន ធ្វើបែបនេះទើបអ្នកអាចដាក់ចិត្តកែប្រែវាចេញបាន បន្ទាប់មកចូរបំពេញមកវិញនូវចំណុចល្អៗ ដែលនឹងនាំអ្នកឱ្យមានអនាគតដ៏ភ្លឺស្វាងមិនថាអ្នកនៅកំពុងស្ថិតក្នុងដំណាក់កាលបណ្ដុះជំនាញអាជីព ឬកំពុងដើរលើវិថីជាសហគ្រិននោះទេ ទាំងនេះសុទ្ធសឹងជាចំណុចដែលអ្នកគួរវិនិយោគ ដើម្បីខ្លួនឯងឱ្យមានការរីកចម្រើនទៅថ្ងៃអនាគត៕

ដោយ៖ Clara
ប្រភព៖ www.themuse.com

📚ស្តាប់សៀវភៅសង្ខេបជាភាសាខ្មែរ200ក្បាលជាងនៅលើ WEREAD 📚ចូលស្តាប់ និងអានអត្ថបទចំណេះដឹងទូទៅឥតគិតថ្លៃ✅️
👉ចុះឈ្មោះនៅទីនេះ៖ https://www.weread.asia/ #/login?code=9Iz45P
ជម្រើសកាត VIP 3 ជម្រើសដូចខាងក្រោម៖
✅️ កាត VIP 1 ខែ 5$ ស្តាប់សាកល្បងមួយខែសិន
✅️ កាត VIP 1 ឆ្នាំ 30$ ទិញមួយឆ្នាំ ថែមជូនមួយឆ្នាំ
✅️ កាត VIP ♾ 50$ បង់ប្រាក់តែម្តង ស្តាប់បានរហូត
👉ចូលគ្រុបTelegram WERead Cambodia😊៖ https://t.me/WEReadCambodia

27/06/2025

ចំណាយលើការវិនិយោគទាំងនេះ ដើម្បីអភិវឌ្ឍអាជីព និងអនាគតដ៏ល្អ
បើនិយាយពាក្យថាការវិនិយោគ មនុស្សភាគច្រើននឹងគិតដល់ការចំណាយដើមទុនយកទៅរកស៊ី បណ្ដាក់ទុនដើម្បីទទួលបានផលមកវិញមិនថាជាដាក់ទុកបើកអាជីវកម្មខ្លួនឯង ឬ ការចំណាយលុយទៅហើយឱ្យគេយកទៅរកស៊ីជំនួសហើយម្ចាស់ចាំទទួលផល ឬជាការវិនិយោគលើភាគហ៊ុន អចលនទ្រព្យជាដើម។ តែនៅក្នុងអត្ថបទមួយនេះនាងខ្ញុំនឹងលើកឡើងពីការវិនិយោគលើខ្លួនឯង ហើយខ្ញុំជឿថាអ្នកទាំងអស់គ្នាដែលកំពុងស្ដាប់នេះប្រាកដជាធ្លាប់បានដឹងបានឮពីការវិនិយោគលើខ្លួនឯងជាក់ជាមិនខាន។

1. វិនិយោគលើការរៀនជំនាញថ្មីៗ
ការរៀនសូត្រ គឺគ្មានដែនកំណត់ទេសម្រាប់មនុស្ស កាន់តែរៀនអ្នកកាន់តែឆ្លាត កាន់តែរៀនអ្នកកាន់តែមានសមត្ថភាព។ ឈានដល់ដំណាក់កាលមួយដែលអ្នកចាប់យកអាជីពការងារមួយហើយ យ៉ាងហោចណាស់អ្នកត្រូវរកឱ្យឃើញថាខ្លួនឯងអ្នកស្រលាញ់អ្វី ចង់បានអ្វី ទើបមិនធ្វើឱ្យអ្នកចំណាយពេលវេលាហើយទៅធ្វើការងារដែលខ្លួនគ្មានទាំងជំនាញ និងមិនស្រលាញ់វាទៀតព្រោះវាមិនបានធ្វើឱ្យអ្នកអភិវឌ្ឍសមត្ថភាពបានល្អនោះទេ។ ប្រសិនបើការងារដែលអ្នកធ្វើរាល់ថ្ងៃជាការងារដែលអ្នកពេញចិត្ត អ្នកក៏គួរតែព្យាយាមពង្រឹងសមត្ថភាពបន្ថែម ធ្វើយ៉ាងណាឱ្យអ្នកអាចរៀនសូត្រពីការងារមួយនេះឱ្យបានច្រើនតាមដែលអាចធ្វើទៅបាន។ បន្ថែមជាមួយជំនាញថ្មីៗដែលចាំជួយគាំទ្រការងារប្រចាំថ្ងៃរបស់អ្នក អាចធ្វើឱ្យអ្នកមានសមត្ថភាពផ្ដល់ ឬផ្ទេរចំណេះទាំងនេះទៅកាន់អ្នកដទៃបាន នោះអ្នកនឹងងាយទទួលបានឱកាសឡើងតំណែង ឬទទួលចំណូលច្រើនជាងពេលនេះ។

2. វិនិយោគលើការថែរក្សាសុខភាព
ការថែរក្សាសុខភាព គឺជារឿងចាំបាច់បំផុតដែលអ្នកត្រូវគិតគូរ និងយកចិត្តទុកដាក់ឱ្យបានខ្លាំង។ ស្ថិតនៅក្នុងវ័យដែលជាយុវវ័យ ឬ ចន្លោះពី ២០ ទៅ ៣០ ឆ្នាំអ្នកអាចនឹងគិតថាសុខភាពអ្នកនៅល្អរឹងមាំវាមិនមានជាបញ្ហាអ្វីចោទនោះទេ។ ក៏ប៉ុន្តែប្រសិនបើអ្នកមិនបានគិតគូរថែរក្សាសុខភាព ឬតាមដានសុខភាពឱ្យបានជាប្រចាំទេនៅក្នុងវ័យនេះវាអាចធ្វើឱ្យអ្នកប្រឈមមុខនឹងបញ្ហាយ៉ាងច្រើននៅក្នុងវ័យចាប់ពី ៤០ ទៅ ៥០ ឆ្នាំ។ អ្នកគួរចំណាយពេលគិតគួរទៅលើសុខភាពខ្លួនឯងដូចជា ការធ្វើលំហាត់ប្រាណ រៀបចំរបបអាហារឱ្យបានត្រឹមត្រូវ និងចំណាយពេលវេលាខ្លះធ្វើការតាមដានសុខភាពមួយឆ្នាំម្ដង ឬយ៉ាងហោចណាស់ ២ ទៅ ៣ ឆ្នាំម្ដង។ បង្កើតទម្លាប់ទាំងអស់នេះ ដើម្បីទទួលបានផលប្រយោជន៍សុខភាពដែលល្អនាពេលអនាគត។

3. កាត់បន្ថយ និងកម្ចាត់ទម្លាប់អាក្រក់ចេញ
ចូររកឱ្យឃើញនៅអ្វីដែលជាទម្លាប់អាក្រក់ដែលរារាំងអ្នក ឬទាញអ្នកឱ្យនៅឆ្ងាយពីគោលដៅដែលអ្នកចង់បាន។ ទម្លាប់អាក្រក់ដែលអ្នកគួរកាត់បន្ថយ ឬជម្រុះចោលមានដូចជា ទម្លាប់ពន្យារពេលក្នុងការបំពេញការងារមួយ ទម្លាប់គ្មានភាពទទួលខុសត្រូវលើការងាររបស់ខ្លួន ទម្លាប់មើលបំណាំការងារជាមួយអ្នកដទៃ ក៏ដូចជាទម្លាប់មិនចង់អភិវឌ្ឍន៍សមត្ថភាពខ្លួនឯងឱ្យរីកចម្រើនជាដើម។ រកវាឱ្យឃើញ ហើយក៏ត្រូវហ៊ានទទួលស្គាល់ថាអ្នកពិតជាមានវាជាប់ខ្លួន ធ្វើបែបនេះទើបអ្នកអាចដាក់ចិត្តកែប្រែវាចេញបាន បន្ទាប់មកចូរបំពេញមកវិញនូវចំណុចល្អៗ ដែលនឹងនាំអ្នកឱ្យមានអនាគតដ៏ភ្លឺស្វាងមិនថាអ្នកនៅកំពុងស្ថិតក្នុងដំណាក់កាលបណ្ដុះជំនាញអាជីព ឬកំពុងដើរលើវិថីជាសហគ្រិននោះទេ ទាំងនេះសុទ្ធសឹងជាចំណុចដែលអ្នកគួរវិនិយោគដើម្បីខ្លួនឯង ដើម្បីឱ្យមានការរីកចម្រើនទៅថ្ងៃអនាគត៕

ដោយ៖ Clara
ប្រភព៖ www.themuse.com

📚ស្តាប់សៀវភៅសង្ខេបជាភាសាខ្មែរ200ក្បាលជាងនៅលើ WEREAD 📚ចូលស្តាប់ និងអានអត្ថបទចំណេះដឹងទូទៅឥតគិតថ្លៃ✅️
👉ចុះឈ្មោះនៅទីនេះ៖ https://www.weread.asia/ #/login?code=9Iz45P
ជម្រើសកាត VIP 3 ជម្រើសដូចខាងក្រោម៖
✅️ កាត VIP 1 ខែ 5$ ស្តាប់សាកល្បងមួយខែសិន
✅️ កាត VIP 1 ឆ្នាំ 30$ ទិញមួយឆ្នាំ ថែមជូនមួយឆ្នាំ
✅️ កាត VIP ♾ 50$ បង់ប្រាក់តែម្តង ស្តាប់បានរហូត
👉ចូលគ្រុបTelegram WERead Cambodia😊៖ https://t.me/WEReadCambodia

Address

Phnom Penh

Telephone

+85595566009

Website

https://www.weread.asia/#/login?code=9Iz45P

Alerts

Be the first to know and let us send you an email when Idea Business posts news and promotions. Your email address will not be used for any other purpose, and you can unsubscribe at any time.

Idea Business

08/07/2025

07/07/2025

05/07/2025

04/07/2025

03/07/2025

02/07/2025

01/07/2025

30/06/2025

28/06/2025

27/06/2025

Address

Telephone

Website

Alerts

Shortcuts

Share

Category

Listing takedown request