27/01/2021
ហើយបើចង់ទិញផ្ទាល់ពីចិន ដោយមានការជួយសម្រួលជាច្រើនលើ រយៈពេលដឹក ការជួយទិញ ជួយបង់ប្រាក់ប្រកបដោយទំនុកចិត្ត ថា បានឥវ៉ាន់ពិតៗ អាចទំនាក់ទំនងមកយើងខ្ញុំបាន Tel: 086 32 78 45
អ្នកទាំងអស់គ្នាប្រហែលជាធ្លាប់លឺពី website ទាំង2នេះហើយ ថាវាជា website ដែលជួយអោយយើង ទិញទំនិញពីប្រទេសចិនក្នុងតម្លៃថោកដោយខ្លួនឯង។ បើទោះជាអ្នកខ្លះទិញពី Taobao ដោយសារនៅប្រទេសយើងមានភ្នាក់ងារជួយទិញទំនិញច្រើន ដែលអាចនាំទំនិញមកក្នុងរយៈពេលខ្លីជាងទិញពី AliExpress ឬ Alibaba ក៏ទទួលស្គាល់ថាទិញតាម គេហទំព័រទាំងពីរនេះវាស្រួលជាង ដោយយើងមិនចាំបាច់ចេះភាសារចិនក៏ទិញបាន ហើយអាចទំនាក់ទំនងជាមួយអ្នកលក់ និង យល់ពីព័ត៌មានផលិតផលបានច្បាស់ជាងដែរ។ ហើយបើទោះជាយើងមិនដែលលឺពីវា ក៏ប្រជាជនភាគច្រើនសុទ្ធតែធ្លាប់លឺឈ្មោះលោក ជេក ម៉ា (Jack Ma) ដែលជាស្ថាបនិកគេហទំព័រទាំងពីរនេះដែរ។
បើទោះជាស្គាល់ឬមិនស្គាល់ ថ្ងៃនេះយើងមកមើលអំពីវាទាំងអស់គ្នា ដើម្បីដឹងថាគួរទិញទំនិញតាមគេហទំព័រមួយណាអោយត្រូវតាមអ្វីយើងចង់បាន និង ដើម្បីដឹងពីគម្រូអាជីវកម្មរបស់វាផងដែរ។
Alibaba:
គឺសម្រាប់អោយម្ចាស់អាជីវកម្មឬអតិថិជន ទិញទំនិញដុំ ពីអ្នកផលិតនៅទូទាំងអាស៊ី និង ជាពិសេសពីប្រទេសចិនផ្ទាល់។ គេហទំព័រនេះ ផ្សារភ្ជាប់អ្នកផ្គត់ផ្គង់ទៅអោយអាជីវកម្មផ្សេង ស្របពេលដែលជួយរកអតិថិជនអោយអ្នកផ្គត់ផ្គង់ផងដែរ។ ដោយគោលបំណងវាគឺដើម្បីលក់ដុំបែបនេះហើយ ទើបអ្នកឃើញគេច្រើនតែមានចំនួនកំណត់ថាអោយទិញយ៉ាងតិចប៉ុណ្ណេះប៉ុណ្ណោះតាមអ្នកលក់កំណត់។ Alibaba ក៏បានឌីហ្សាញគេហទំព័រខ្លួនអោយងាយស្រួលប្រើសម្រាប់អតិថិជន ដែលជាចំណុចលក់ដ៏ល្អមួយផងដែរ។ ចំណុចលក់មួយទៀតគឺ ដោយសារតែអ្នកលក់និងអ្នកទិញអាចទាក់ទងគ្នាបាន អ្នកទិញអាចទាក់ទងអ្នកលក់សុំគម្រូមកមើលសិន សុំដាក់ផ្លាកយីហោរខ្លួនលើឥវ៉ាន់កុម្ម៉ង់ និង តថ្លៃបានទៀតផង។ រីឯការបង់ប្រាក់វិញក៏មានវិធីជាច្រើនដែលអតិថិជនអាចជ្រើសរើសបានផងដែរ។ គេហទំព័ររបស់ Alibaba គឺ www.alibaba.com
AliExpress
វាស្រដៀងគ្នាទៅនឹង Alibaba ដែរ តែវាសម្រាប់អ្នកចង់លក់និងទិញរាយ។ វាគឺជាគេហទំព័រពាណិជ្ជកម្មលេខ២នៅលើពិភពលោក។ អ្នកអាចរកផលិតផលជាច្រើនក្នុងតម្លៃថោក ហើយមិនមានកំណត់ចំនួនអោយទិញអប្បបរមាដូច Alibaba នោះទេ។ នៅលើគេហទំព័រនេះ អ្នកក៏អាចទំនាក់ទំនងជាមួយអ្នកលក់ និង បង់ប្រាក់តាមជម្រើសជាច្រើនផងដែរ។ ជាទូទៅ គេច្រើនប្រើ Visa ឬ Master កាតដើម្បីទិញទំនិញពីគេហទំព័រនេះ ដែលកាតទាំងពីរនេះអ្នកអាចបង្កើតជាមួយធនាគារណាក៏មាននៅប្រទេសកម្ពុជា។ ដើម្បីសុវត្ថិភាពធនាគារខ្លះក៏មានសេវា virtual card ដែលជាកាតនៅលើអ៊ីនធឺរណេត ដែលអ្នកអាចដាក់លុយចូលរួចកំណត់ចំនួនអាចចាយបានសម្រាប់មួយថ្ងៃៗនៅលើវា។ ហេតុនេះបើអ្នកប្រើកាតប្រភេទនេះ អ្នកមិនសូវបារម្ភថាមានគេលួចប្រើនោះទេ ព្រោះបើគេលួចបាន គេក៏ប្រើបានត្រឹមចំនួនតិចតាមដែលអ្នកកំណត់ផងដែរ គឺហានិភ័យវាទាបជាងកាតពិតឆ្ងាយ។ សម្រាប់ព័ត៌មានលម្អិតនិងរបៀបប្រើប្រាស់កាត អ្នកអាចធ្វើការសាកសួរទៅធនាគារណាមួយដែលអ្នកមានគណនី ឬ បង្កើតគណនីថ្មីក៏បាន។ មួយវិញទៀត ចូរអ្នកប្រុងប្រយ័ត្នចំពោះថ្លៃដឹក និង រយៈពេលដឹក ពីព្រោះជួនកាលទំនិញខ្លះតម្លៃថោកទេ ប៉ុន្តែថ្លៃដឹកថ្លៃ ហើយរយៈពេលដឹកយូរ។ ការទិញទំនិញពីគេហទំព័រនេះមកប្រទេសកម្ពុជា អាចចំណាយពេលរហូតដល់ជាង ២ ខែក៏មាន។ គេហទំព័ររបស់វាគឺ https://www.aliexpress.com/
និយាយអញ្ចឹង អ្នកទាំងអស់គ្នាមានបទពិសោធន៍ទិញទំនិញពីគេហទំព័រខាងលើឬទេ?
