24/10/2023
[សេចក្ដីស្រាយបំភ្លឺពាក់ព័ន្ធនឹងករណីថ្ងៃទី24 ខែតុលា ឆ្នាំ 2023 ]
យោងតាមសារព័ត៌មានចុះថ្ងៃទី24 ខែ តុលា ឆ្នាំ 2023 ស្ថិតនៅទីក្រុងភ្នំពេញ ផ្លូវ310 សង្កាត់បឹងកេងកង អគារការិយាល័យ ជាន់ទី09 ត្រូវបានកម្លាំងសមត្ថកិច្ចបានចុះឡោមព័ទ្ធ សង្ស័យពាក់ព័ន្ធការថតរឿង វីដេអូខុសច្បាប់។ ជាមួយគ្នានោះដែរ មានសារព័ត៌មានមួយចំនួន និងមហាជន បានយល់ច្រលំថាក្រុមហ៊ុន WOWNOW បានជាប់ពាក់ព័ន្ធនឹងករណីនេះដែរ។
ក្រុមហ៊ុនសូមធ្វើការស្រាយបំភ្លឺថា ចាប់ពីឆ្នាំ 2021 មកក្រុមហ៊ុនបានចុះកិច្ចសន្យាព្រមព្រៀងជួលជាមួយម្ចាស់អាគារបញ្ជាក់រួមមាន ជាន់ទី 05 ទី 11 និង ទី12 សរុបបីជាន់តែប៉ុណ្ណោះ ក្រៅពីនោះជាន់ផ្សេងៗទៀតមិនមានពាក់ព័ន្ធជាមួយនឹងក្រុមហ៊ុន WOWNOW នោះឡើយ។ ក្រុមហ៊ុន WOWNOW ក៏មានការភ្ញាក់ផ្អើលបន្ទាប់ពីទទួលលឺព័ត៌មានខាងលើដូចជាមហាជនទូរទៅដែរ។
ក្រុមហ៊ុនបានទំនាក់ទំនងជាមួយខាងម្ចាស់អគារដើម្បីបញ្ជាក់ និងបានស្វែងយល់អំពីព័ត៌មានខាងលើ។ ស្របពេលជាមួយគ្នានោះដែរ ក្រុមហ៊ុនសំណូមពរអោយខាងសារព័ត៌មាន ឬបុគ្គលដែលពុំទាន់យល់ច្បាស់ពីហេតុការណ៍ខាងលើ សូមបញ្ឈប់រាល់ការផ្សព្វផ្សាយព័ត៌មានមិនពិត ដែលធ្វើអោយប៉ះពាល់ដល់កេរ្ដ៍ឈ្មោះក្រុមហ៊ុន WOWNOW យើងខ្ញុំ។ សូមសារព័ត៌មានឬ បុគ្គលដែលចុះផ្សាយព័ត៌មានមិនពិតដែលធ្វើប៉ះពាល់ដល់ឈ្មោះក្រុមហ៊ុន WOWNOW សូមលុបចោលរាល់វីដេអូ និងរូបភាពទាំងអស់។ បើមិនដូចច្នេះ ក្រុមហ៊ុននឹងចាត់វិធានការតាមផ្លូវច្បាប់។
