Khoun Piseth រៀនសន្សំ

16/06/2023

25/04/2023

ប្រធានបទទី7៖ អតិផរណា ភាគ1
_____________________________________________

▶️តើអ្វីជាអតិផរណា?
អតិផរណា គឺជាពិពណ៌នាអំពីការកើនឡើងតំលៃទំនិញ/សេវាកម្មបន្តិចម្តងៗ និងការធ្លាក់ចុះនៃអំណាចទិញនៃប្រាក់របស់អ្នក នៅក្នុងកំឡុងពេលណាមួយ។ ឬ

អតិផរណាគឺជាពិពណ៌នាអំពីបរិមាណទំនិញ/សេវាកម្មនៅដដែល និងបរិមាណលុយក្នុងទីផ្សារកើនឡើង នៅក្នុងកំឡុងពេលណាមួយ។

▶️តើអតិផរណាដំណើរការយ៉ាងដូចម្តេច?
អតិផរណា កើតឡើងនៅពេលដែលតំលៃទំនិញ/សេវាកម្មបានកើនឡើងនៅទូទាំងសេដ្ឋកិច្ច(សកម្មភាពទិញលក់) ហើយបានកាត់បន្ថយអំណាចទិញនៃប្រាក់របស់អ្នក។

ឧទាហរណ៍ កាលពី១០ឆ្នាំមុន តំលៃប្រេងសាំង១លីត្រត្រឹមតែជាង២០០០រៀលប៉ុណ្ណោះ បច្ចុប្បន្នឡើងជាង៦០០០រៀល។ ប្រាក់ខែពីមុនតែ២០០ដុល្លារក្នុងមួយខែគឺគ្រប់គ្រាន់ ប៉ុន្តែបច្ចុប្បន្នទាល់តែមានប្រាក់ខែ៦០០ដុល្លារក្នុងមួយខែទើបគ្រប់គ្រាន់។
ដូច្នេះ ក្នុងរយះពេល១០ឆ្នាំនេះ ការចំណាយកើនឡើង ៣ដង អតិផរណាកើនឡើងជាង ២០០% ឬស្មើនឹងជាង ២០%ក្នុង១ឆ្នាំ។

អតិផរណាអាចក្លាយជាកម្លាំងបំផ្លិចបំផ្លាញនៅក្នុងសេដ្ឋកិច្ច ប្រសិនបើវាត្រូវបានអនុញ្ញាតអោយចេញពីដៃ ហើយកើនឡើងយ៉ាងខ្លាំង។

អតិផរណាដែលមិនអាចត្រួតពិនិត្យបាន អាចផ្តួលរំលំសេដ្ឋកិច្ចរបស់ប្រទេសមួយបាន។

ឧទាហរណ៍ឆ្នាំ ២០១៨ នៅពេលដែលអត្រាអតិផរណារបស់ប្រទេសវ៉េណេស៊ុយអេឡាឡើងដល់ជាង១លានភាគរយ ក្នុងមួយខែ ដែលបណ្តាលឱ្យសេដ្ឋកិច្ចដួលរលំ និង បង្ខំពលរដ្ឋរាប់មិនអស់ឱ្យភៀសខ្លួនចេញពីប្រទេស។

12/04/2023

មោទនភាពជាតិខ្មែរ❤️🇰🇭❤️

10/04/2023

ប្រធានបទទី6៖ តើអ្វីជាកំណើនសេដ្ឋកិច្ច/សេដ្ឋកិច្ចរីកចំរើន?
_____________________________________________

នៅក្នុងមេរៀនទី១ សេចក្តីនៃសេដ្ឋកិច្ច នៃមុខវិជ្ជាមីក្រូសេដ្ឋកិច្ច កំណើនសេដ្ឋកិច្ចមានន័យថា ប្រជាជនមានសិទ្ធទទួលបាននូវការប្រើប្រាស់ទំនិញ/សេវាកម្មទាំងបរិមាណ និងគុណភាព។

មនុស្សទូទៅនិយាយថា បើចង់បានសេដ្ឋកិច្ចរីកចំរើននោះ គប្បីយើង អភិវឌ្ឍន៍វិស័យសេដ្ឋកិច្ចអោយរីកចំរើន មានដូចជា ខំប្រឹងរកស៊ីអោយខ្លាំង, ប្រឹងអភិវឌ្ឍន៍វិស័យសេវាកម្មអោយល្អ, ឬប្រឹងអភិវឌ្ឍន៍វិស័យឧស្សាហកម្មអោយឈានមុខគេ ឬបច្ចេកវិទ្យាថ្មីៗជាដើម។ល។

តាមពិត មតិខាងលើនេះវាមិនទាន់ត្រឹមត្រូវទាំងស្រុងនៅឡើយទេ ជាការពិតសេដ្ឋមានកំណើន ឬសេដ្ឋកិច្ចរីកចំរើន វាសំដៅទៅលើការអភិវឌ្ឍន៍នូវផ្នែកខាងក្នុងរបស់ប្រជាជនជាមុនសិន ពោលគឺផ្នត់គំនិត។

លោក លី ក្វាន់យូរ បីតាស្ថានិករបស់ប្រទេសសឹង្ហបូរី បាននិយាយថា ចង់អោយប្រទេសសឹង្ហបូរីរីកចំរើន គឺយើងត្រូវអភិវឌ្ឍន៍ខួរក្បាលរបស់ប្រជាជនជាមុនសិន។

▶️ការអភិវឌ្ឍន៍នូវផ្នត់គំនិតរបស់មនុស្ស រួមមាន ការចេះគោរពច្បាប់, គោរពវិន័យ, និងចេះជួយយកអាសារគ្នាទៅវិញទៅមក នោះវាធ្វើអោយវិស័យទាំងអស់ ដែលយើងបានរៀបរាប់ខាងលើ គឺអាចកើតមានឡើងដោយស័្វយប្រវត្តិ និងមានភាពរឹងមាំបានយូរអង្វែងផងដែរ។

ឧទាហរណ៍
ប្រទេសជប៉ុន បានកសាងទំលាប់របស់ប្រជាជនគេ ចេះគោរពវិន័យ និងគោរពច្បាប់បានល្អ ។ ក្រោយសង្រ្កាមលោកលើកទី២ ជប៉ុនបានកសាងប្រទេសអោយរីកចំរើន។

▶️សេដ្ឋកិច្ចអោយរីកចំរើន សំដៅទៅលើពលរដ្ឋដែលរស់នៅក្នុងសង្គមនោះចេះសាមគ្គីគ្នា, ចេះគោរពច្បាប់ និងមានវិន័យល្អ ពោលគឺសង្គមដែលមនុស្សចេះយកអាសារគ្នាវិញទៅមក ទើបធ្វើអោយសេដ្ឋកិច្ចមានការរីកចំរើនទៅមុខបានឆាប់រហ័ស។

ឧទាហរណ៍ករណីនៅប្រទេសអាមេរិក
នៅចន្លោះឆ្នាំ ១៩២៩ ដល់ ១៩៣៩ ប្រទេសអាមេរិកក៏ធ្លាប់ជួបវិបត្តិសេដ្ឋកិច្ចធ្ងន់ធ្ងរផងដែរ ប្រជាជនប្រហែល១៥លាននាក់ ឬស្មើ២៥%គ្មានការងារធ្វើ ពោលជំនាន់នោះ គឺលំបាកខ្លាំងណាស់ ដែលធ្វើអោយពលរដ្ឋអាមេរិកកើតជំងឺបាក់ទឹកចិត្តខ្លាំង។

ប៉ុន្តែក្រោយពីពលរដ្ឋរបស់គេចេះរួបរួមគ្នា ក្នុងការកែប្រែច្បាប់ថ្មី គឺវាជួយដល់ពលរដ្ឋអាមេរិក និងសេដ្ឋកិច្ចអាមេរិកអាចងើបឡើងវិញផងដែរ។ ការកែប្រែច្បាប់ថ្មីនេះបាន ដោយជោគជ័យ ដោយសារពលរដ្ឋបានផ្លាស់ប្តូរនូវផ្នត់គំនិតចាស់ៗចោល ហើយចាប់យកនូវផ្នត់គំនិតថ្មីៗដើម្បីអោយប្រទេសរីកចំរើន។

🌏សូមមើលការគណនាជាទិន្នន័យ រវាងសេដ្ឋកិច្ចធ្លាក់ចុះនិងសេដ្ឋកិច្ចរីកចំរើនដូចខាងក្រោម៖

ការគណនាសេដ្ឋកិច្ច និងចំណូល

1️⃣សេដ្ឋកិច្ចអាមេរិកធ្លាក់ចុះ↘️
(អត្រាពន្ធ=20%)
ចំណូល =1 000 000$ និងចំណាយ=200 000$
▶️ចំណូល-ចំណាយ= 1 000 000$-200 000$
=800 000$

2️⃣នៅពេលសេដ្ឋកិច្ចរីកចំរើន↗️
(អត្រាពន្ធ=40%)
ចំណូល =2 000 000$ និងចំណាយ=800 000$
▶️ចំណូល-ចំណាយ= 2000 000$-800 000$
=1 200 000$

▶️ដូច្នេះ រវាងសេដ្ឋកិច្ចធ្លាក់ចុះនិងសេដ្ឋកិច្ចរីកចំរើនឬ
កើនលុយពី 800 000$ ទៅ 1 2000 000$ គឺយើងកើនលុយបាន400 000$បន្ថែមទៀត។

29/03/2023

ផ្នត់គំនិតរបស់មនុស្ស នៅពេលសេដ្ឋកិច្ចធ្លាក់ចុះ !...

1️⃣បញ្ហា៖
ផលប៉ះពាល់ដែលមនុស្សជួបប្រទះក្នុងវិបត្តិសេដ្ឋកិច្ចនាពេលបច្ចុប្បន្នមានដូចជា ៖

1_ការបាត់បង់ការងារ
2_ក្រុមហ៊ុនបិទទ្វារ ឬក្ស័យធន
3_វិបត្តិអចលនទ្រព្យ
4_វិបត្តិធនាគារ
5_វិបត្តិសង្គម៖ អតិផរណានៅអាមរិក អឺរ៉ុប ឬសង្រ្គាមរុស្សី-អ៊ុយក្រែនជាដើម។

សកម្មភាពទិញលក់ជាប់គាំងនៅក្នុងលំហូរសេដ្ឋកិច្ចដោយសារមនុស្សភាគច្រើននៅមានភាពភ័យខ្លាច និងមិនសូវចាយលុយ ។

🧭សកម្មភាពភាពទិញលក់ត្រូវបានកាត់បន្ថយ
🧭មិនសិក្សារៀនសូត្របន្ថែម
🧭មិនសូវផ្សព្វផ្សាយការលក់
🧭មិនបានតាមដានពត៍មានជាប្រចាំ
🧭កាត់បន្ថយក្រុមការងារ
🧭បាត់បង់ចំណូលដែលធ្លាប់មាន
🧭មនុស្សភាគច្រើន ផ្តោតតែលើការបារម្មណ៍ពីនេះពីនោះ។
⏩️ចំណុចខាងអស់លើនេះ នឹងធ្វើអោយអ្នកធ្លាក់ចុះប្រាក់ចំណូល។

2️⃣ដំណោះស្រាយ៖
👉គ្រប់គ្រងអារម្មណ៍ ស្វែងរកចំណេះដឹង និងគំនិតថ្មីៗ
👉រៀនសូត្រចិត្តសាស្រ្តទិញលក់ និងបន្តបង្កើតបញ្ញាផ្នែកហិរញ្ញវត្ថុ
👉បង្កើនការផ្សព្វផ្សាយលក់អោយខ្លាំងជាងមុន
👉តាមដានពត៍មានជាប្រចាំ
👉ពង្រឹងសមត្ថភាពក្រុមការងារអោយខ្លាំង
👉បង្កើតប្រភពចំណូលបន្ថែមពីលើចំណូលចាស់របស់យើង។
⏩️នោះអ្វីៗនឹងល្អប្រសើរសំរាប់អ្នក។

🙏សំណូរ៖ តើពេលណាដែលធ្វើអោយអាជីវកម្ម ឬមុខរបរការងាររបស់អ្នករីកចំរើន?

20/03/2023

ហេតុអ្វីបានជាអ្នកខ្លះចូលចិត្តទឹកសុទ្ធ ជាងកូកា? ឬ
ហេតុអ្វីបានជាអ្នកខ្លះចូលចិត្តIphone ជាងSamsung?

_____________________________________________
វគ្គនេះសុំនិយាយពីទឹកសុទ្ធ និងកូកាជាឧទាហរណ៍។ ក្នុងការវិភាគជម្រើសរបស់អ្នកប្រើប្រាស់ អ្នកសេដ្ឋកិច្ចសន្មត់ថា អ្នកទិញគេមានហេតុផលរបស់គេ ហើយគេមានគោលដៅច្បាស់លាស់ ក្នុងការទទួលបានអត្ថប្រយោជន៍ផ្ទាល់ខ្លួនពីការទិញទំនិញ និងសេវាកម្មនោះ។

មុននឹងចូលដល់សាច់រឿង៖
យើងគួរដឹងអ្វីទៅជាអ្នកប្រើប្រាស់ និងទ្រឹស្តីអ្នកប្រើប្រាស់

អ្នកប្រើប្រាស់
សំដៅទៅលើបុគ្គលក្នុងគ្រួសារ ដែលទិញទំនិញ/សេវាកម្មសំរាប់ប្រើប្រាស់ក្នុងការបំពេញសេចក្តីត្រូវការចាំបាច់ ដើម្បីទទួលបានប្រយោជន៍អតិបរមា។

ទ្រឹស្តីអ្នកប្រើប្រាស់
ជាទ្រឹស្តីដែលពិពណ៍នា ពីរបៀបដែលអ្នកប្រើប្រាស់បែងចែក ចំណូលរបស់ខ្លួនក្នុងចំណោមទំនិញ/សេវាកម្មផ្សេងៗពីគ្នា ដើម្បីទទួលបានប្រយោជន៍អតិបរមា។

🌏យើងអាចដឹងពីឥរិយាបថអ្នកប្រើប្រាស់តាមរយះ៖
-ចំណង់ចំណូលចិត្តអ្នកប្រើប្រាស់
-កំរិតនៃថវិការ
-ជំរើសអ្នកប្រើប្រាស់

▶️១-ចំណង់ចំណូលចិត្តអ្នកប្រើប្រាស់
បែបផែន ឬនិន្នាការរបស់មនុស្ស ដែលចូលចិត្តផលិតផលមួយខ្លាំងជាងផលិតផលមួយផ្សេងទៀត ដោយសារប្រយោជន៍(គុណតំលៃ)នៃផលិតផលនោះ។
ឧទា មនុស្សខ្លះចូលចិត្តញាំទឹកសុទ្ធជាងកូកាកូឡា។

▶️២-កំរិតនៃថវិការ
បន្ទាប់មកទៀតចូលចិត្តទំនិញនោះហើយ អ្នកប្រើប្រាស់នឹងពិចារណាទៅលើតំលៃដែលត្រូវទិញនោះ រួមផ្សំនិងថវិការរបស់គេ។
ឧទា ប្រសិនបើគាតញំទឹក គាតត្រូវទឹកណាមួយដែលត្រូវនឹងចំណូលរបស់គាត់។

▶️៣-ជម្រើសអ្នកប្រើប្រាស់
តាមរយះចំណង់ចំណូលចិត្ត គួបផ្សំជាមួយប្រាក់ចំណូលមានកំណត់ផងនោះអ្នកប្រើប្រាស់ត្រូវមានជម្រើសក្នុងការទិញនូវបន្សំនៃផលិតផលណាមួយ ដែលគាតពេញចិត្តអតិបរមាផងដែរ។
ឧទា ប្រសិនបើគាតចង់ញំទឹក គាតអាចរើសយកទឹកម៉ាក A ទឹកម៉ាកB, ឬទឹកម៉ាកC។

🌏ដូច្នេះ ប្រសិនបើយើងដើរតួជាអ្នកលក់វិញ យើងត្រូវពិចារណាទៅលើកក្តានីមួយៗអោយបានច្បាស់ជាមុនសិន៖

▶️ចំណុចទី១ អំពីចំណង់ចំណូលចិត្តអ្នកប្រើប្រាស់៖
យើងត្រូវបង្កើតនូវអត្ថប្រយោជន៍នៃផលិតអោយបានច្រើន តាមតែអាចធ្វើទៅបាន។

▶️ចំណុចទី២ អំពីកំរិតនៃថវិការ៖
យើងត្រូវពិចារណាពីមូលហេតុ ដែលអ្នកប្រើប្រាស់តែងត្រូវមានបញ្ហាប្រឈមមុខជាមួយប្រាក់ចំណូលដែលមានកំណត់ ហើយគាតត្រូវទិញនៅត្រឹមកំរិតណាមួយ។

▶️ចំណុចទី៣ អំពីជម្រើសអ្នកប្រើប្រាស់៖
ការយល់ដឹងពីជម្រើសអ្នកប្រើប្រាស់ នឹងជួយអោយយើងយល់ដឹងពីតម្រូវការរបស់អ្នកប្រើប្រាស់នៃផលិតផលណាមួយ ផ្អែកលើតំលៃរបស់វា។

16/03/2023

ចំណេះដឹងសេដ្ឋកិច្ចខ្លីៗ៖

សំនួរ៖ តើនៅពេលណា ដែលអ្នកលក់គួរតែតំឡើងតំលៃ ឬបញ្ចុះតំលៃទំនិញ/សេវាកម្ម ដើម្បីបង្កើនចំណូលសរុបរបស់ខ្លួន?
_____________________________________________

ចំលើយនៃសំនួរនោះ គឺគេប្រើប្រាស់ភាពយឺតថ្លៃនៃតម្រូវការ ដើម្បីវាស់វែងទៅលើសកម្មភាពសេដ្ឋកិច្ច។

ភាពយឺតថ្លៃនៃតម្រូវការ គឺជាវាស់វែងដោយអត្រាការប្រែប្រួលថ្លៃ(ការឡើងថ្លៃឬចុះថ្លៃ)នៃទំនិញ/សេវាកម្មមួយ ទៅនឹងអត្រានៃបរិមាណទំនិញ/សេវាកម្មនោះ។

តម្រូវការទំនិញ/សេវាកម្ម នៅពេលមានការប្រែប្រួលថ្លៃនឹងបណ្តាលអោយមានការប្រែប្រួលបរិមាណ(ការកើនឡើង ឬថយចុះ)ទំនិញតាមសមាមាត្រ ឬមានភាគរយខ្ពស់ជាងការប្រែប្រួលថ្លៃ។ ដោយសន្មត់កក្តាផ្សេងៗនៅថេរដែល។

វាមានន័យថា វាជាផលធៀបរវាងការប្រែប្រួលតំលៃទំនិញមានចំនួនតិច ចំណែកការប្រែប្រួលបរិមាណទំនិញនោះ មានចំនួនច្រើន។

▶️នៅក្នុងករណីស្ថានភាពមានភាពយឺតនេះ គឺអ្នកលក់មិនគួរតំឡើងតំលៃទំនិញនោះទេ ព្រោះការតំឡើងតំលៃទំនិញ វានឹងធ្វើអោយចំណូលសរុបរបស់អ្នកលក់ធ្លាក់ចុះ។

ឬគេអាចសរសេរ Px↗️TR↘️ និង Px↘️TR↗️

ឧទាហរណ៍ គេលក់ ភីហ្សា តំលៃ0.4$/បន្ទះ ហើយលក់បានចំនួន2000បន្ទះ ហើយប្រាក់ចំណូលសរុបរបស់អ្នកលក់គឺ 800$។
▶️0.4$X2000=800$

ផ្ទុយទៅវិញ បើគាតចង់តំឡើងថ្លៃភីហ្សា0.6$/បន្ទះ ហើយបើបរិមាណលក់មិនថយចុះគឺមិនអីទេ ប៉ុន្តែនេះបរិមាណលក់បានថយចុះនៅត្រឹម1200បន្ទះ ហើយចំណូលសរុបរបស់អ្នកលក់គឺ720$។
▶️0.6$X1200=720$

គឺមានន័យថា៖
ចំណូលសរុបរបស់អ្នកលក់ពីមុនគឺ 800$។
ចំណូលសរុបរបស់អ្នកលក់បច្ចុប្បន្នគឺ 720$។

ដូច្នេះ ក្នុងនាមជាអ្នកលក់គឺ យើងមិនគួរតំលើងតំលៃទេ បើពុំនោះចំណូលសរុបនឹងធ្លាក់ចុះ។

13/03/2023

ចំណេះដឹងសេដ្ឋកិច្ចខ្លីៗ៖

សំនួរសួរថា តើនរណាជាអ្នកកំណត់តំលៃនៃទំនិញ ឬសេវាកម្មនៅលើទីផ្សារ?
_____________________________________________

ចំលើយនៃសំនួរនោះ គឺអ្នកលក់និងអ្នកទិញជាអ្នកកំណត់តំលៃទំនិញឬសេវាកម្មនៅលើទីផ្សារនោះ ដែលគេហៅថាសមតាទីផ្សារ។

សមតាទីផ្សារ គឺមានន័យថា អ្នកលក់ និងអ្នកទិញបានព្រមព្រៀងគ្នាដោះដូរទំនិញ ឬសេវាកម្មជាមួយគ្នា ត្រង់តំលៃណាមួយ ឬមានន័យថា បរិមាណតម្រូវការ និងបរិមាណផ្គត់ផ្គងស្មើគ្នា នៅក្នុងទីផ្សារនោះ។

ឧទាហរណ៍ ហាងលក់ម៉ូតូមួយ គេលក់ម៉ូតូមួយគ្រឿងតំលៃ2400$។ ក្នុងហាងនោះ មានម៉ូតូចំនួន9គ្រឿង ហើយអ្នកទិញត្រូវការចំនួន9គ្រឿង។

តាមឧទាហរណ៍ខាងលើ មានន័យថា អ្នកលក់ និងអ្នកទិញជាអ្នកកំណត់តំលៃនៅលើទីផ្សារ។ គឺអ្នកលក់ និងអ្នកទិញកំណត់តំលៃត្រឹម2400$នេះ (នេះគេហៅថាតំលៃមិនប្រែប្រួល)។

ក្នុងករណី បរិមាណតម្រូវការកើនឡើង លើសបរិមាណផ្គត់ផ្គង ឬមានអ្នកទិញច្រើនជាងអ្នកលក់ នោះតំលៃទំនិញនៅលើទីផ្សារនឹងកើនឡើង ឬទំនិញនឹងឡើងថ្លៃ។
ផ្ទុយទៅវិញ បើបរិមាណតម្រូវការតិចជាងបរិមាណផ្គត់ផ្គង ឬមានអ្នកទិញមានចំនួនតិចជាងអ្នកលក់ នោះតំលៃទំនិញនៅលើទីផ្សារនឹងធ្លាក់ចុះ ឬទំនិញចុះថោក។

ដូច្នេះ ប្រសិនបើយើងដើរតួជាអ្នកលក់វិញ យើងគួរមើលទៅលើការផ្គត់ផ្គង និងតម្រូវការ និងចេះចាប់យកឳកាស ដើម្បីទទួលផលចំណេញពីកក្តាទាំងពីរ។

09/03/2023

ចំណេះដឹងសេដ្ឋកិច្ចខ្លីៗ៖ ច្បាប់នៃតម្រូវការ

_____________________________________________

នៅក្នុងទ្រឹស្តីមីក្រូសេដ្ឋកិច្ច ច្បាប់នៃតម្រូវការចែងថា បរិមាណតម្រូវការនៃទំនិញ ឬសេវាកម្មណាមួយ វាមានទំនាក់ទំនងផ្ទុយគ្នាជាមួយថ្លៃនៃទំនិញឬសេវាកម្មនោះ ហើយកក្តាផ្សេងៗមិនប្រែប្រួល។

កក្តាផ្សេងៗ មិនប្រែប្រួលសំដៅទៅលើចំណង់ចំណូលចិត្តរបស់អ្នកទិញ, ចំណូលរបស់អ្នកទិញ, ទំនិញជំនួស។ល។

បើយើងនិយាយអោយចំ បើតំលៃនៃទំនិញ ឬសេវាកម្មមួយកើនឡើង វាធ្វើអោយបរិមាណតម្រូវការនៃទំនិញ ឬសេវាកម្មនោះធ្លាក់ចុះ ហើយផ្ទុយទៅវិញ បើថ្លៃនៃទំនិញ ឬសេវាកម្មមួយធ្លាក់ចុះ វាធ្វើអោយបរិមាណតម្រូវការនៃទំនិញ ឬសេវាកម្មនោះកើនឡើងដែរ។

មូលហេតុ ដែលច្បាប់នៃតម្រូវការ ចែងបែបនេះ ដោយសារឥទ្ធិពលទំនិញជំនួស និងឥទ្ធិពលចំណូល។

១-ឥទ្ធិពលជំនួស៖
ឧទាហរណ៍ ប្រសិនបើសាច់គោឡើងថ្លៃ នោះអ្នកទិញអាចជ្រើសរើសសាច់ត្រី ឬសាច់មាន់ជំនួសសាច់គោវិញ។

២-ឥទ្ធិពលចំណូល៖
វាជាប់ទាក់ទងទៅលើទំនិញធម្មតានិងទំនិញអន់។

ឧទាហរណ៍ ប្រសិនបើសាច់គោឡើងថ្លៃ នោះអ្នកទិញដែលមានចំណូលខ្ពស់ គេអាចជ្រើសរើសសាច់គោដែលមានគុណភាពល្អជាងនេះ។

ដូច្នេះ ប្រសិនបើយើងដើរតួជាអ្នកលក់ យើងត្រូវមើលទៅលើទំនិញជំនួស និងចំណូលរបស់អ្នកទិញ ទើបយើងអាចលក់ចំគោលដៅបាន។

07/03/2023

ចំណេះដឹងសេដ្ឋកិច្ចខ្លីៗ៖

សំនួរសួរថា ហេតុអ្វីបានជាអ្នកលក់គេដឹងថា គេលក់ទំនិញអ្វីមួយត្រូវនឹងតម្រូវការរបស់អ្នកទិញ?

_____________________________________________

ចំលើយនៃសំនួរនោះ គឺដោយសារអ្នកលក់ដឹងពីបំរែបំរួលតម្រូវការនៅលើទីផ្សារ។

បំរែបំរួលតម្រូវការ គឺមានន័យថា តម្រូវការរបស់អ្នកទិញ វាប្រែប្រួលដោយសារកក្តាមួយចំនួនដូចខាងក្រោម៖
១-អ្នកលក់គេដឹងពីចំណង់ចំណូលចិត្តរបស់អ្នកទិញ
គឺអ្នកលក់ គេលក់ទំនិញណាដែលអ្នកទិញគេពេញនិយម។
ឧទាហរណ៍ បើអ្នកទិញចូលចិត្តសំលៀកបំពាក់រិបរាង អ្នកលក់ គេលក់សំលៀកបំពាក់រិបរាងនោះ។

២-អ្នកលក់គេដឹងពីចំណូលរបស់អ្នកទិញ
គឺអ្នកលក់ គេលក់ទំនិញទៅតាមចំណូលរបស់អ្នកទិញ។
ឧទាហរណ៍ បើអ្នកទិញមានចំណូលច្រើន អ្នកលក់ គេលក់ទំនិញមានគុណភាពល្អ។

៣-អ្នកលក់គេដឹងពីចំនួនអ្នកទិញក្នុងទីផ្សារ
គឺអ្នកលក់ គេលក់ទំនិញដោយដឹងពីតម្រូវការរបស់អ្នកប្រើប្រាស់។
ឧទាហរណ៍ នៅពេលចូលឆ្នាំចិន អ្នកលក់ គេលក់អីវ៉ាន់របស់ជនជាតិចិន។

៤-អ្នកលក់គេដឹងពីការរំពឹងទុករបស់អ្នកទិញ
គឺអ្នកលក់ គេលក់ទំនិញដោយដឹងពីការរំពឹងទុករបស់អ្នកប្រើប្រាស់។
ឧទាហរណ៍ សម័យកូវីដ អ្នកលក់គេត្រៀមទំនិញបំរុងណាដែលចាំបាច់ហើយអ្នកទិញគេប្រើប្រាស់ប្រចាំថ្ងៃ ទុកលក់ច្រើនជាងមុន។

ដូច្នេះ ប្រសិនបើយើងដើរតួជាអ្នកលក់វិញ យើងគួរលក់ទំនិញ អោយស្របទៅតាមតម្រូវការជាក់ស្តែងរបស់អ្នកទិញ។

01/03/2023

ស្វាគមន៍ ខែមិនាឆ្នាំ2023