01/02/2021
ការជួបជុំ ក្រុមឥន្ទ្រី The Eagles Meet Up លើទី 2 ពិតជាចំណេញច្រើនដល់អ្នកចូលរួម
ជំនួបលើកទី 2 របស់ក្រុមឥន្ទ្រី The Eagles Meet Up ដែលមានអ្នកជំនាញក្នុងវិស័យជុំនួញ និងឯកជនជាច្រើននាក់បានផ្តល់កិត្តិយសចូលរួម។ ក្រុមឥន្ទ្រី The Eagles Meet Up នេះបង្កើតឡើងដោយ មជ្ឈមណ្ឌលសំរាប់ ការអភិវឌ្ឍន៍ និង ភាពជាអ្នកដឹកនាំ (Leadership and Development Center) ដែលមានលោក ខេន ស៊ីម ជាអគ្គនាយកគ្រប់គ្រង ក្នុងគោលដៅដើម្បីបង្កើតការជួបជុំរវាងម្ចាស់អាជីវកម្ម និងបណ្តាប្រធានក្រុមហ៊ុនធំៗជាច្រើនផ្សេងៗទៀត ដើម្បីអោយម្ចាស់អាជីវកម្មថ្មីៗបានរៀនពីភាព ជោគជ័យលើអាជីវកម្ម ដូចជា ឲ្យចេះបង្កើតក្រុមហ៊ុន ចេះគ្រប់គ្រងក្រុមហ៊ុនស្របច្បាប់ បង់ពន្ធត្រឹមត្រូវ ចេះគ្រប់គ្រងហរិញ្ញវត្ថុ ចេះរកប្រាក់បណ្តាក់ទុនរួមគ្នា និងឈានដល់ទីផ្សារភាគហ៊ុនដែលហៅកាត់ថា IPO ។
សម្រាប់ការជួបជុំលើកទី 2 របស់សមាជិក Eagles 101 នេះ ក៏មានការផ្តល់កិត្តិយសចូលរួមដោយលោក Eric TAN ដែលលោកជា ប្រធានក្រុមប្រឹក្សាភិបាល តំបន់សេដ្ឋកិច្ចភ្នំពេញពិសេស (PPSEZ) ហើយលោកបានជួយចែករំលែកពី អភិបាលកិច្ចសាជីវកម្ម (Corporate Governance of the listed company) ហើយរួមគ្នាផងដែរនោះក៍មានការអញ្ជើញចូលរួមដោយ Mr. KT Han – Managing Director at Yuanta Securities និង Mr. Joshua HONG - Associate at OOCTANE CAMBODIA លើសពីនេះទៅទៀតក៏មានការចូលចែករំលែកបទពិសោធន៍ដោយអ្នកជំនាញមកពីក្រុមហ៊ុន Yak Capital PLC, QMED Capital PLC, Fourmi Rouge PLC និង Ta**us Captital PLC ផងដែរ ដូច្នេះម្ចាស់អាជីវកម្មដែលបានចូលរួម ទទួលបានបទពិសោធន៍ដ៏ច្រើន និងសំខាន់ៗសម្រាប់ដំណើរការរបស់ក្រុមហ៊ុន ឬអាជីវកម្មរបស់ពួកគេ។
ការជួបជុំនេះប្រារព្ធឡើងនៅថ្ងៃទី 22 ខែកមរា ឆ្នាំ 2021 ចាប់ពីវេលាម៉ោង 5 កន្លះល្ងាច ដល់ម៉ោង 9 យប់ នៅសណ្ឋាគារ Raffles Hotel Le Royal ។ សម្រាប់បងប្អូនដែលមិនបានចូលរួមការជួបជុំលើកនេះ អាចរង់ចាំចូលរួមលើកក្រោយទៀតបាន។
