15/06/2023
ស្វែងយល់អំពី «យុទ្ធសាស្រ្តពាណិជ្ជកម្មសំខាន់ៗ» ដែលធានាប្រសិទ្ធផលខ្ពស់ក្នុងការប្រកបអាជីវកម្មនាសម័យទំនើប…
Branding
នៅក្នុងភាសាខ្មែរត្រូវបានហៅថា «យុទ្ធសាស្រ្តកសាងយីហោ» គឺពាក់ព័ន្ធនឹងការកំណត់គុណតម្លៃ ការរចនាគុណលក្ខណៈប្រេនដ៍ និងកសាងកេរ្តិ៍ឈ្មោះល្អ សម្រាប់អាជីវកម្ម ផលិតផល និងបុគ្គលតំណាងអាជីវកម្មណាមួយ។
យុទ្ធសាស្រ្តនេះ គឺជាឧបករណ៍ជំនួយដ៏ចាំបាច់បំផុតដល់ការទាក់ទាញដួងចិត្ត ជះឥទ្ធិពលទៅលើការសម្រេចចិត្តទិញរបស់អ្នកទិញ និងអ្នកប្រើប្រាស់ និងរក្សាភក្តីភាពអតិថិជនចំពោះម៉ាកយីហោផងដែរ។
យុទ្ធសាស្ត្រម៉ាកយីហោ (Brand Strategy) ជាទូទៅ ត្រូវបានគិតគូសរៀបចំមុនគេបង្អស់ តាំងពីពេលអាជីវកម្មបង្កើតឡើងដំបូង ឬមុនពេលដាក់លក់ផលិតផលនៅលើទីផ្សារ។
Marketing
យុទ្ធសាស្រ្តទីផ្សារ ឬត្រូវបានហៅថាជាទូទៅថា កិច្ចទីផ្សារ ឬ ការធ្វើទីផ្សារ គឺត្រូវបានរៀបចំឡើងដើម្បីរុញច្រានផលិតផល ឬសេវាកម្ម របស់អាជីវកម្មណាមួយអោយបានទៅដល់ការដឹងលឺរបស់អតិថិជនគោលដៅ តាមរយៈការបង្កើតចំណងទាក់ទងល្អជាមួយអតិថិជននៅក្នុងទីផ្សារ និងដើម្បីសម្រេចបាននូវការលក់ដែលជាគោលដៅចុងក្រោយនៃការធ្វើអាជីវកម្ម។ យុទ្ធសាស្រ្តទីផ្សារដែលមានប្រសិទ្ធិភាព គឺជាការរៀបចំទម្រង់ការផ្សព្វផ្សាយពាណិជ្ជកម្មដែលចំគោលដៅ ត្រូវទីកន្លែងដែលអតិថិជនមាននៅ ព្រមទាំងត្រូវនឹងអធ្យាស្រ័យការចូលចិត្តរបស់អតិថិជន និងអ្នកប្រើប្រាស់ផងដែរ ទើបពួកគេអាចសម្រេចចិត្តក្នុងការទិញផលិផលនោះដោយមិនស្ទាក់ស្ទើ។ នាសម័យបច្នុប្បន្ន យុទ្ធសាស្រ្តទីផ្សារបណ្ដាញសង្គម (Social Media Marketing) គឺជាទំនោរពេញនិយម ដោយសារតែការផ្លាស់ប្តូររស់និយមរបស់សង្គមសកលលោកទៅលើការប្រើប្រាស់ Internet និងបច្ចេកវិទ្យាទំនើប។
Promotion
យុទ្ធសាស្រ្តកម្មវិធីជំរុញការលក់ គឺជាមធ្យោបាយទីផ្សារមួយដែលត្រូវបានប្រើប្រាស់ដើម្បីទាក់ទាញចំណាប់អារម្មណ៍ជាពិសេសពីទីផ្សារ។ អ្នកលក់អាចទាក់ទាញការទិញបន្ថែមដោយការរៀបចំជាកម្មវិធីបញ្ចុះតម្លៃ ការទិញថែមជូន និងប្រើឱកាសពិសេសផ្សេងៗ ដើម្បីធ្វើ Promotion ផលិតផល ឬសេវាកម្ម។ នៅពេលធ្វើ Promotion ថ្វីត្បិតតែកម្រិតប្រាក់ចំណេញដុល ត្រូវបានកាត់បន្ថយក៏ពិតមែន ប៉ុន្តែបរិមាណនៃការលក់គឺកើនឡើងច្រើនជាងមុន ដែលនៅតែអាចធានានូវការការបង្កើនដល់ប្រាក់ចំណេញអនាគតផងដែរ។
ដើម្បីអោយយុទ្ធសាស្រ្តកម្មវិធីជំរុញការលក់មានប្រសិទ្ធិផលខ្ពស់ អាជីវកម្មក៏ត្រូវមាន យុទ្ធសាស្រ្តម៉ាកយីហោល្អ និងយុទ្ធសាស្រ្តធ្វើទីផ្សារដ៏មានប្រសិទ្ធភាព រួចជាស្រេចផងដែរ។
Public Relation (PR)
យុទ្ធសាស្រ្តបង្កើនប្រជាប្រិយភាពសង្គម សម្រាប់ស្ថាប័នអាជីវកម្ម ឬបុគ្កលតំណាងអាជីវកម្មណាមួយ។ PR ពេលខ្លះ គឺសំដៅទៅដល់ Public Release ដែលជាការរៀបចំអោយមានការចុះផ្សាយព័ត៌មានល្អអំពីអាជីវកម្មផងដែរ។ ជាការផ្តល់កិច្ចគាំទ្រដល់សង្គម ដូចជា ការឧបត្ថមកម្មវិធីផ្សព្វផ្សាយការអប់រំ កម្មវិធីមនុស្សធម្ម ការផ្តល់ជំនួយសប្បុរសធម្ម និងការចែករំលែកផ្សេងៗ ដែលជួយទៅដល់ការរីកចម្រើននៃសង្គមមនុស្សជាតិ និងពិភពលោក ទៅតាមជំនាញរបស់អាជីវកម្មរបស់ខ្លួនផងដែរ។
យុទ្ធសាស្រ្តបង្កើនប្រជាប្រិយភាពសង្គម ជួយលើកកម្ពស់គុណតម្លៃអាជីវកម្មទាំងមូល និងជួយអោយយុទ្ធសាស្រ្តពាណិជ្ជកម្មផ្សេងទៀត ដូចជា Branding, Marketing & Promotion កាន់តែមានភាពជោគជ័យទ្វេឡើងផងដែរ។
មាតិកាស្រាវជ្រាវដោយ ៖ កេរ៍តិគុណ
សម្រាប់ការយល់ដឹងបន្ថែមអំពីកិច្ចការពាណិជ្ជកម្មនាសម័យបច្ចេកវិទ្យា
សូម Follow 👍 page និង Share បន្តផងណា ✅
សូមអរគុណ 🌷
