https://www.facebook.com/107748250697619/

ដើមទុនជីវិត-Life capital, ភូមិផ្លូផ្លែម សង្កាត់គោករកា ខណ្ឌសែនសុខ រាជធានីភ្នំពេញ, Phnom Penh (2026)

19/02/2025

"រៀនផង ធ្វើការផង”

កាលពីកំពុងរៀនវិទ្យាល័យ ខ្ញុំចង់ចូលធ្វើការឱ្យឆាប់ៗ ដើម្បីបានលុយចាយខ្លួនឯង សម្រួលបន្ទុកគ្រួសារ។ លុះបានចូលធ្វើការ ទាំងដែលកំពុងរៀនវិទ្យាល័យ ពេលវេលាសម្រាប់ផ្ដោតលើការសិក្សាចាប់ផ្ដើមតិចជាងមុន រហូតដល់ចូលរៀនសកលវិទ្យាល័យ ការងារក៏ចាប់ផ្ដើមច្រើនជាងមុន។

ខ្ញុំធ្លាប់ប្រាប់ខ្លួនឯងថា ទោះមានការងារធ្វើ រកលុយបានហើយ ក៏មិនត្រូវចោលការរៀនដែរ ត្រូវរៀនឱ្យពូកែ ប៉ុន្តែការគិត ខុសពីការពិត ពីមួយ Semester ទៅមួយ Semester ឃើញថាខ្ញុំទៅរៀន ចេះតែគ្រូទេ ចំណែកឯខួរក្បាលខ្ញុំវិញទទេ គឺទទេ។ យ៉ាងណាក៏គិតថា នៅមានឆ្នាំក្រោយៗទៀតតែឆ្នាំក្រោយមកដល់ ទំនួលខុសត្រូវការកាន់តែខ្ពស់ ការសិក្សាក៏កាន់តែឌុនដាប។

ពេលខ្លះមានអារម្មណ៍ថា អន់ចិត្តនឹងខ្លួនឯងដែរ ព្រោះរៀនអត់សូវពូកែដូចមុន ប៉ុន្តែបើក្រឡែកមកខាងការងារក៏សប្បាយចិត្តខ្លាំងដែរ ព្រោះបានបទពិសោធន៍ច្រើន ហើយក៏ល្មមផ្គត់ផ្គង់តម្រូវការខ្លួនឯង និងជួយសម្រួលបន្ទុកគ្រួសារខ្លះបាន។

ណ្ហើយ មនុស្សយើងម្នាក់ៗ មានផ្លូវ និងពេលវេលាជីវិតខុសៗគ្នា គេរស់តាមគេ យើងរស់តាមយើង ហើយយើងម្នាក់ៗ ក៏មាន Talent ខុសៗគ្នាដែរ។ អញ្ចឹង! លែងតូចចិត្តតូចថ្លើមទៀត ព្យាយាមខិតខំរៀនឱ្យចប់ចុងចប់ដើម ហើយប្រឹងធ្វើការងារបន្ត។

16/01/2025

ទ្រព្យសម្បត្តិដ៏មហាសាលបំផុតក្នុងជីវិត!

16/01/2025

✍️វិធីហ្វឹកហាត់ចិត្តខ្លួនឯងឱ្យខ្លាំង
1- រឿងអ្វីក៏ដោយ មើលទៅលើលទ្ធផល តែកុំសួរពីមូលហេតុ៖ រឿងវាបានកន្លងហួសទៅហើយ ស្តីបន្ទោសក៏អត់ប្រយោជន៍ដែរ បើគេចង់និយាយគេនឹងនិយាយ មិនចាំបាច់អ្នកសួរនាំនោះទេ
2- គោរពការសម្រេចចិត្តរបស់អ្នកដទៃ៖ មនុស្សម្នាក់ៗសុទ្ធតែមានហេតុផល និងការសម្រេចចិត្តរៀងៗខ្លួន មិនមានខុស ឬត្រូវនោះទេ
3- អនុញ្ញាតឱ្យអ្វីគ្រប់យ៉ាងកើតឡើង៖ អ្វីគ្រប់យ៉ាងមិនមែនមកពីយើងទាំងអស់ទេ រឿងខ្លះយើងមិនអាចគ្រប់គ្រងបានឡើយ កុំបង្ខំ កុំបន្ទោស កុំគេចវេស
4- Block អ្វីគ្រប់យ៉ាងដែលធ្វើឱ្យប៉ះពាល់អារម្មណ៍៖ រស់ក្នុងសង្គម តែកុំរស់ក្នុងបណ្តាញសង្គម កុំអនុញ្ញាតឱ្យអ្នកណាម្នាក់បំផ្លាញក្តីសុខរបស់អ្នកឱ្យសោះ
5- កុំមានប្រតិកម្មលឿនពេក៖ រឿងខ្លះមិនអាក្រក់ដូចយើងគិតទេ ជួបរឿងអ្វីក៏ដោយ ត្រូវទុកពេលវេលាឱ្យវាបន្តិច។

14/01/2025

១- មនុស្សដើរខ្សែរលើ៖
មនុស្សខ្លះ មិនថាស្គាល់គ្នាច្រើនឆ្នាំយ៉ាងណាទេ តែចរិតខ្សែលើគឺនៅតែខ្សែលើ កេងចំណេញ។ មនុស្សបែបនេះ ចរិតនេះគឺ មិនសូវចេះគិត និងខ្លាចចិត្តអ្នកដទៃឡើយ។

២- មនុស្សមើលឃើញតែប្រយោជន៍៖
មនុស្សរាប់អានអ្នកឃើញតែប្រយោជន៍ លុះពេលដែលអ្នកអស់ប្រយោជន៍ គេប្រាកដជាទាត់ក្បាលអ្នកចោលមិនខានឡើយ ថាមិនត្រូវ មនុស្សបែបហ្នឹងអាចយកគុណសងទោសថែមទៀតផង។

៣- មនុស្សដែលឃើញមុខតែពេលមានបញ្ហា៖
អ្នកណាក៏គេមានបញ្ហាដែរ ជាមិត្តរាប់អានគ្នា ក៏គួរតែជួយគ្នាក្នុងគ្រាមានបញ្ហានេះហើយ។ ប៉ុន្តែមនុស្សខ្លះ ឃើញមុខមករកតែពេលខ្លួនឯងមានបញ្ហាតែប៉ុណ្ណោះ នាំតែរឿង នាំតែបញ្ហាមកឱ្យគិតឈឺក្បាល ថាមិនត្រូវអាចនាំគ្រោះឱ្យអ្នកថែមទៀត។

៤- មនុស្សដែលជួបមិត្តថ្មីក៏ទុកអ្នកចោល៖
មនុស្សបែបនេះគេហៅថា មនុស្សអែបអប ពេលបានជួបមិត្តថ្មី រាប់អានមិត្តថ្មី ក៏ទុកអ្នកចោល ឬក៏អាចបោះបង់អ្នកចោលផងដែរ។ បោះបង់អ្នក ធ្វើជាមិនស្គាល់អ្នកក៏មានដែរ។

៥- មនុស្សដែលនិយាយស្ដីមើលងាយអ្នក៖
អ្នកខ្លះគិតថា ធ្វើម៉េចបើគ្នាមាត់ត្រង់។ មនុស្សត្រង់ៗមិនចេះកុហក តែមនុស្សខ្លះគឺ និយាយស្ដីមិនចេះគិត។ ត្បិតថាជាមិត្ត អាចនិយាយលេងស្និតស្នាលបាន តែរឿងខ្លះមុននឹងនិយាយគឺ ត្រូវគិតទុកមុខមាត់ឱ្យគ្នាផងដែរ មិនមែនចេះតែមើលងាយ បំពាន ឬមិនឱ្យតម្លៃគ្នាឡើយ។

៦- មនុស្សមុខផ្សេងក្រោយខ្នងផ្សឹង៖
មនុស្សចរិតចាក់រុក ចរិតពស់ មនុស្សបែបហ្នឹងគឺ មិនគួរឱ្យទុកចិត្តនោះឡើយ។ ចរិតនៅនឹងមុខផ្សេង ក្រោយខ្នងផ្សឹង ពូកែចាក់រុក បំភ្លើសការពិត អែបអប យកមុខ និយាយដើមអ្នកក្រោយខ្នងមិនញញើតទេ។

៧- មនុស្សមិនចេះលើកទឹកចិត្ត ចេះតែជាន់ថែម៖
ពេលមានបញ្ហាណាមួយកើតឡើង មិនដែលលើកទឹកចិត្តឡើយ មានតែស្តីបន្ទោសជាន់បន្ថែម យករួចខ្លួនតែប៉ុណ្ណោះ។ មនុស្សបែបនេះ មិនអាចយកជាការបានឡើយ។

៨- មនុស្សដែលគ្មានភាពជឿជាក់លើអ្នក៖
មិនដែលជឿជាក់ និងទុកចិត្តលើអ្នកទេ ពេលមានរឿងអ្វីមួយ ឬអ្នកដទៃនិយាយអ្វីពីអ្នក តែងតែជឿសម្ដីអ្នកដទៃ ហើយស្ដីបន្ទោស ឬគុំខឹងនឹងអ្នកស្ងៀមស្ងាត់ មិនចេះសួរនាំឱ្យច្បាស់នោះឡើយ។

៩- មនុស្សដែលចាំចាប់តែកំហុស៖
មនុស្សមើលបំណាំ ចាំតែចាប់កំហុស មិនចេះជួយកែប្រែអ្នក ហើយចាំតែមើលអ្នកធ្វើប៉ុណ្ណោះ បើខុសគឺទម្លាក់លើអ្នកតែម្នាក់ឯង មនុស្សបែបនេះគ្មានចិត្តទេ ហើយនិងអត់ចិត្តបំផុត។

១០- មនុស្សដែលពឹងអ្វីមិនដែលបាន៖
ពឹងអ្នកបាន តែដល់ពេលអ្នកពឹងវិញ មិនដែលបានសូម្បីម្ដង។ បើទោះជារឿងអាចជួយអ្នកបាន ក៏មិនជួយដែរ។ មនុស្សបែបហ្នឹង បើសិនជាពេលណាមួយដែលពឹងអ្នក ហើយត្រូវអ្នកបដិសេធតែម្ដង ក៏គេនឹងចងគំនុំអ្នកដែរ ប៉ុន្តែពេលខ្លួនឯងវិញ មិនដែលនឹកឃើញទេ។

Cr: ImFINE.🐾

11/01/2025

💡ទន្សាយក៏រួច ត្រីរ៉ស់ក៏រួច

អត្ថបទទី១០ ហើយក៏ជាអត្ថបទចុងក្រោយ ព្រោះបើខ្ញុំមិនបញ្ចប់ វានឹងមិនចប់ឡើយ ព្រោះគំនិតច្រើនពេក ។ បន្តពីការបញ្ចប់ភាគ១ ខ្ញុំនឹងគិតលៃលកទៅភាគ២ទៀត ប៉ុន្តែប្រហែលជារយាលផុសផ្សាយបន្តិច ព្រោះមានភារៈ រីឯអត្ថបទដែលខ្ញុំសង្ខេបសម្រាប់ភាគ១នេះ ខ្ញុំនឹងរៀបជា File ចែកជូនអានលេងកម្សាន្តជាសរុបគំនិតតែម្តង ដូច្នោះសាធុជនប្រហែលត្រូវទ្រាំអានអត្ថបទខ្ញុំបន្តទៀត ។ តស់ឥឡូវសិក្សាគំនិតបញ្ចប់ខាងក្រោមទាំងអស់គ្នា៖

២៥- កំហុស មកពីភ័យ

អណ្តើរមន្ថរៈ គ្រាន់តែឮថា មានព្រះរាជាបោះទ័ព នៅក្បែរត្រពាំងដែលខ្លួនអាស្រ័យនៅក៏ភ័យភ្លាម មិនទាំងដឹងថា តើជាការពិតឬអត់ផង? ពេលភ័យមកដល់លែងជឿស្តាប់នរណា ពាក្យហេតុផលដូចម្តេច ក៏ស្តាប់លែងឮ ។ ពេលកំពុងជ្រួលច្របល់នោះ សត្វកណ្តុរបានឲ្យគំនិតទៅអណ្តើកថា “ទឹកជាកំពែងការពារវារីជាតិទាំងឡាយ, ប៉មជាកំពែងការពារអ្នកនៅក្នុងប៉ម, ទួលជាកំពែងការពារសត្វទាំងឡាយមានឆ្កែជាដើម, សែន្យានុភាពនៃព្រះរាជា ជាកំពែងការពារអរិន្ទរាជ” ។ ទោះជាយ៉ាងណា ក៏អណ្តើកស្តាប់មិនចូល នៅតែជម្នះវារចេញពីត្រពាំងនោះ ទីបំផុត គ្រាន់តែឡើងគោកមិនបានប៉ុន្មាន ក៏ព្រានព្រៃចាប់បានទៅ ។

ភ័យ តែងគ្របសង្កត់ចិត្តគំនិត ។ អ្នកធ្វើសឹកមុនចេញច្បាំង គេបំបាក់ទឹកចិត្ត គឺបំភ័យសត្រូវជាមុន ។ មុនធ្វើអ្វីក៏ដោយត្រូវគ្រប់គ្រងភ័យឲ្យបាន បើមានភ័យកុំទាន់សម្រេចចិត្តភ្លាម គួរស្វែងរកអ្នកប្រឹក្សាយោបល់ឲ្យបានច្រើន ច្រើនកាលណា ល្អកាលនោះ បើមិនដូច្នោះទេ ការសម្រេចចិត្តច្រើនតែខុស ព្រោះភ័យគ្របសង្កត់ ។

២៦- ទន្សាយក៏រួច ត្រីរ៉ស់ក៏រួច

ពាក្យខ្មែរយើងថា “ចាប់នេះ ចាប់នោះមិនឆ្ពោះត្រង់ណា” ឬថា ទន្សាយក៏រួច ត្រីរ៉ស់ក៏រួច គឺថាមិនប្រាកដចំពោះអ្វីដែលខ្លួនកំពុងមាន ដែលខ្លួនកំពុងធ្វើ ។ បុរសជាព្រានព្រៃ ចាប់បានអណ្តើកហើយ ឃើញសត្វប្រើសស្លាប់ទុកអណ្តើកចោល, ទម្រាំដើរដល់កន្លែងប្រើសស្លាប់ សត្វកណ្តុរលួចមកកកេរចំណងចងអណ្តើក, ចុងក្រោយអត់ទាំងប្រើស អត់ទាំងអណ្តើក ព្រោះសត្វទាំងប៉ុន្មាននេះ គឺរៀបល្បិច ដើម្បីជួយសត្វអណ្តើក ជាប់ចំណង។

បន្ទាប់ពីសំណាងរត់ចោលខ្លួនអស់ បុរសនោះបានពោលទូន្មានខ្លួនឯងថា “នរជនណាលះបង់របស់ទៀងទាត់ ទៅស្រវាយករបស់មិនទៀងទាត់វិញ របស់ដែលទៀងទាត់ក៏វិនាសបាត់សូន្យទៅ ឯរបស់ដែលមិនទៀងទាត់ក៏ហីនហោចបាត់ទៅថែមទៀតដែរ” ។

មុនសម្រេចចិត្តទៅចាប់យករបស់ថ្មី ត្រូវឲ្យច្បាស់លាស់របស់ដែលនៅក្នុងដៃសិន ដូចជាទុកដាក់ រៀបចំឲ្យបានត្រឹមត្រូវដោយប្រាកដថា វាសុវត្ថិភាព វាមិនបាត់បង់ បើមិនដូច្នោះ ទន្សាយក៏បាត់ ត្រីរ៉ស់ក៏បង់ ៕
..............................

ខ្ញុំនៅតែត្រូវការមតិយោបល់ពីសាធុជនចំពោះការសង្ខេប ព្រោះខ្លាចមានកំហុសឆ្គងផង ខ្លាចខ្វះចន្លោះ ។
សូមអរគុណចំពោះការគាំទ្រ!

ចប់!

11/01/2025

👩‍👩‍👧‍👧 ជីវិត ប្ដីប្រពន្ធធ្វើការស្មើគ្នា
ចំណាយ ហូបជុំគ្នា ចំណាយជាមួយគ្នា
ពេលមានកូន..ចំណាយ កិច្ចការផ្សេងៗនៅក្នុងផ្ទះ , យើងត្រូវចេះជួយគ្នា...

25/12/2024

ធ្វើខ្លួនឱ្យរវល់ ⏳

ត្រូវតែធ្វើខ្លួនឱ្យរវល់ កុំទុកពេលឱ្យទំនេរច្រើនពេក។ នៅពេលដែលអ្នកទំនេរ អ្នកចាប់ផ្តើមគិតច្រើន ចាប់ផ្តើមសង្ស័យច្រើន ចាប់ផ្តើមបង្កបញ្ហាមិនចាំបាច់ អារម្មណ៍ក៏តានតឹងដែរ។ មានតែធ្វើខ្លួនឱ្យរវល់នឹងការងារ រវល់តាមចាប់ក្តីសុបិនប៉ុណ្ណោះ ទើបធ្វើឱ្យយើងគ្មានពេលទៅគិតរឿងអវិជ្ជមានជាច្រើនដែលកើតឡើងក្នុងជីវិត។
—————

18/12/2024

ខឹងច្រើន!

17/12/2024

😘👌

17/12/2024

✍️❤️✍️

14/12/2024

ការប្រៀបធៀប!

14/12/2024

ពេលវេលាមិនទាន់មកដល់ មានតែចាំសិន!

ដើមទុនជីវិត-Life capital

19/02/2025

16/01/2025

16/01/2025

14/01/2025

11/01/2025

11/01/2025

25/12/2024

18/12/2024

17/12/2024

17/12/2024

14/12/2024

14/12/2024

Address

Website

Alerts

Shortcuts

Share

Category