Seyha-Estate Consultant

14/08/2022

17/10/2021

ចំណូលពីការជួលប្រហែល$1,500/ខែ

06/10/2021

អបអរពីធីបុណ្យភ្ជុំបិណ្ឌប្រពៃណីជាតិខ្មែរ🙏🙏🙏
CamEstate ប្រឹក្សា​ និងសេវាកម្មទិញលក់ជួលអចលនទ្រព្យ

30/08/2021

#វិនិយោគផ្ទះប្រភេទណាទេីបចំណេញខ្ពស់?
មុននឹងចែករំលែកអំពីវិធីសាស្ត្រវិនិយោគអចលនទ្រព្យប្រភេទផ្ទះ ខ្ញុំសូ​មបញ្ជាក់ថា​ បងប្អូនត្រូវញែកឲ្យដាច់សិនរវាង​ "ទិញផ្ទះសម្រាប់វិនិយោគ​ និងទិញផ្ទះសម្រាប់រស់នៅ"​ ព្រោះវាជាគោលដៅ២ផ្សេងគ្នា​ដែលមិនអាចប្រេីវិធីសាស្ត្ររួមគ្នាបានឡេីយ។

ការវិនិយោគទៅលេីអចលនទ្រព្យប្រភេទផ្ទះ​ យេីងត្រូវគិតទៅលេីកត្តាសំខាន់3គឺ​ ១.កំណេីនថ្លៃដេីម(Capital Gain) ២.ចំណូលត្រឡប់ប្រចាំខែ​(ជួល) ៣.ឱកាសលក់ចេញ។ ដូច្នេះដោយយោងតាមកត្តាទាំង3ខាងលេី​ ខ្ញុំសូមណែនាំនូវផ្ទះមួយប្រភេទដែលស័ក្កិសមបំផុតនោះគឺ​ "ផ្ទះអាជីវកម្ម"។ ប៉ុន្តែបងប្អូនច្បាស់ជាគិតថា​ ផ្ទះអាជីវកម្មជាប្រភេទផ្ទះមានតម្លៃថ្លៃ​ ចឹងបេីមានលុយតិចគឺពិបាកនឹងវិនិយោគណាស់។ ត្រឹមត្រូវ! ប្រភេទផ្ទះអាជីវកម្មតែងតែមានតម្លៃថ្លៃ​ ក៏ប៉ុន្ដែសម័យនេះបងប្អូនដឹងហេីយថា​ យេីងមិនចាំបាច់មានលុយទាំងដុលទៅវិនិយោគក៏បានដែរ​ យេីងអាចបង់រំលស់ជាមួយគម្រោងផ្ទាល់​ ឬរំលស់ជាមួយធនាគារ​ តែអ្វីដែលសំខាន់នោះគឺ​ អ្នកវិនិយោគត្រូវសិក្សាឲ្យបានច្បាស់ជាមុនអំពីលទ្ធភាពរបស់ខ្លួនក្នុងការបង់រំលស់ប្រចាំខែ​។ ផ្ទុយពីផ្ទះអាជីវកម្ម​ ប្រសិនបេីបងប្អូនចង់វិនិយោគជាមួយផ្ទះដែលអាចត្រឹមតែរស់នៅ​(មិនអាចប្រកបអាជីវកម្ម) នោះបងប្អូនគួរកុំវិនិយោគវិញល្អជាង​ ព្រោះឱកាសចំណេញតិចណាស់ ហេីយក៏ពិបាកលក់ចេញវិញទៀតផងនៅពេលបងប្អូនត្រូវការលក់បន្ទាន់។
កត្តាទាំង3នេះនឹងពន្យល់ប្រាប់បងប្អូនពីមូលហេតុដែលគួរវិនិយោគទៅលេី​ "ផ្ទះអាជីវកម្ម"៖

1️⃣កំណេីនថ្លៃដេីម​(Capital Gain)៖​ ចំនុចនេះបងប្អូនត្រូវចងចាំថា​ អចលនវត្ថុដែលមានអត្រាកំណេីនថ្លៃដេីមខ្ពស់គឺស្ថិតនៅតំបន់ជាយក្រុង​ដែលកំពុងអភិវឌ្ឍ មិនមែនជាតំបន់កណ្ដាលទីក្រុងនោះទេ​ ព្រោះតំបន់ដែលនៅកណ្ដាលទីក្រុងបានឈានដល់កម្រិតពិដានតម្លៃ(តម្លៃខ្ពស់ដល់កំពូលដែលមិនងាយឡេីងទៀត)រួចទៅហេីយ​ ពិសេសតំបន់Commercial Zoneដូចជាខណ្ឌបឹងកេងកងជាដេីម​(តំបន់នេះស័ក្កិសមសម្រាប់តែសាងសង់ខុនដូ​ ឬអគារពាណិជ្ជកម្មខ្ពស់ៗប៉ុណ្ណោះ)។ ត្រឡប់មកនិយាយអំពីផ្ទះអាជីវកម្ម​(តំបន់ជាយក្រុង) បងប្អូនគួរស្វែករកគម្រោងណាដែលមានសក្តានុលដោយមេីលទៅលេី​ តំបន់ទីតាំង​ ផ្លូវ​ កេរ្តិ៍ឈ្មោះ​គម្រោងឬម្ចាស់គម្រោង​ គុណភាពនិងរចនាបទសំណង់អគារ​ ព្រោះកត្តាទាំងអស់នេះវាជះឥទ្ធិពលខ្លាំងទៅដល់កំណេីនថ្លៃដេីមរបស់ផ្ទះ។ ឧទាហរណ៍​៖​ ផ្ទះអាជីវកម្មនៅក្នុងបុរីពិភពថ្មីចំការដូង១​ មានកំណេីនថ្លៃដេីមជាមធ្យម20%ក្នុងមួយឆ្នាំ​ បែបនេះបេីបងប្អូនវិនិយោគជាមួយកម្ចីធ​នាគារដោយការប្រាក់ជាមធ្យម8%ក្នុងមួយឆ្នាំ​ នោះមានន័យថាបងប្អូនអាចចំណេញបាន12%​។ ហេីយបេីវិនិយោគដោយបង់រំលស់ផ្ទាល់ជាមួយគម្រោងគឺ1%/ខែ​ និង​ 12%/ឆ្នាំ​ បងប្អូននឹងអាចចំណេញបាន8%ក្នុងមួយឆ្នាំ។ ចំណែកឯផ្ទះដែលអាចត្រឹមតែរស់នៅ(មិនអាចប្រកបអាជីវកម្ម) គឺមានកំណេីនថ្លៃដេីមទាបពេក​ បេីធៀបទៅនឹងអត្រាការប្រាក់បង់រំលស់។ កាន់តែល្អជាងនេះទៀត​ បងប្អូនគួរវិនិយោគនៅពេលគម្រោងកំពុងតែបុកគ្រឹះ​សាងសង់ ព្រោះតម្លៃតែងធូរថ្លៃជាងផ្ទះដែលសង់រួចរាល់​ ដែលអាចឲ្យបងប្អូនមានឱកាសចំណេញកាន់តែច្រេីន។ បេីផ្ទះតម្លៃ​ $120,000 អត្រាកំណេីន20% = $24,000 ឯការប្រាក់8% = $9,600 ដូច្នេះ​ $24,000 - $9,600 = $14,400 (ចំណេញក្នុងមួយឆ្នាំ​)។ តែបេីបង់រំលស់ជាមួយគម្រោងផ្ទាល់​ ការប្រាក់12% គឺចំណេញបាន​ $9,600 ក្នុងមួយឆ្នាំ។

2️⃣ចំណូលត្រឡប់(ជួល)៖​ ផ្ទះអាជីវកម្មគឺជាប្រភេទផ្ទះដែលអាចដាក់ជួលបានថ្លៃ​ ហេីយក៏ងាយស្រួលរកអ្នកជួលផង​ដែរ។ បងប្អូនគួរជ្រេីសរេីសគម្រោងណាដែលមានផ្ទះអាជីវកម្មស្ថិតនៅចំផ្លូវធំល្អ​ ឬក៏ផ្លូវកែងទៀត​កាន់តែល្អ ដែលអាចរំពឹងថានឹងមានអាជីវកម្មរីកដុះដាលច្រេីន​នៅពេលគម្រោងសាងសង់រួច ព្រោះលក្ខខណ្ឌផ្ទះប្រភេទនេះអាចដាក់ជួលបានតម្លៃខ្ពស់អាចស្មេីនឹងថ្លៃបង់រំលស់ធនាគាវិញផងក៏មានដែរ។ តែបេីបងប្អូនវិនិយោគជាមួយផ្ទះដែលមា​នតម្លៃ​ទាប តែមិនអាចប្រកបអាជីវកម្មបាន​ នោះបងប្អូននឹងមិនអាចដាក់ជួលបានថ្លៃ​ ហេីយថែមទាំងពិបាករកអ្នកជួលទៀតផង។ ដូច្នេះបន្ថែមពីលេីអត្រាចំណេញថ្លៃដេីម​ បងប្អូនទទួលបានចំណូលដេីម្បីបង់ត្រឡប់ទៅធនាគារវិញទៀត។

3️⃣ឱកាសលក់ចេញ៖​ បងប្អូនត្រូវដឹងថា​ អចលនទ្រព្យមិនមែនជាផលិតផលដែលងាយស្រួលលក់​ដូចឡេ និងលក់បានលឿនដូចចិត្តនោះទេ​ ប៉ុន្តែអចលនទ្រព្យប្រភេទផ្ទះអាជីវកម្ម​ គឺមានអតិភាពជាងប្រភេទផ្ទះដទៃទៀត ហេីយបេីស្ថិតនៅចំផ្លូវដែលមានសកម្មភាពអាជីវកម្មច្រេីន​ផង នោះតម្រូវការផ្ទះប្រភេទនេះតែងតែមានជានិច្ច​ មិនថាស្ថិតក្នុងស្ថានភាពវិបត្តិសេដ្ឋកិច្ច​ ឬវិបត្តិកូវីដនេះក៏ដោយ។ ប៉ុន្តែសម្រាប់ផ្ទះប្រភេទផ្សេង​វិញ ស្ថិតក្នុងស្ថានភាពកូវីដបែបនេះ​ ពិតជាមិនងាយស្រូលលក់ចេញនោះទេ​ បេីករណីបងប្អូនត្រូវការលក់បន្ទាន់ដោយសារបញ្ហាណាមួយ​ នោះបងប្អូនពិតជាពិបាកហេីយ។

សរុបមកវិញ​ "ផ្ទះអាជីវកម្ម"​ ដែលស្ថិតនៅតំបន់ដែលមានសក្តានុពល​ គឺជាជម្រេីសដ៏ល្អបំផុតសម្រាប់បងប្អូនដែលមានបំណង់ចង់វិនិយោគ​។ ទី១​កំណេីនថ្លៃដេីមខ្ពស់​ ទី២​ដាក់ជួលបានថ្លៃ​ និងទី៣ងាយស្រួលលក់ចេញ។​ ចុះបេីសម្រាប់បងប្អូនដែលមានចំណូលទាបគ្មានលទ្ធភាពបង់រំលស់គួរវិនិយោគអ្វី?​ តាមយោបល់របស់ខ្ញុំ​ បងប្អូនគួរងាកមកវិនិយោគលេីខ្លួនឯងជាមុនសិន​ វិនិយោគបង្កេីនសមត្ថភាព​ បង្កេីនចំណេះដឹង​ ​និងបង្កេីតជំនាញច្បាស់លាស់ណាមួយ​ដេីម្បីរកលុយឲ្យបានច្រេីនសិន​ ចាំវិនិយោគអចលនទ្រព្យ​ ទេីបមិនសូវមានហានិភ័យខ្ពស់។

អរគុណសម្រាប់ការចំណាយពេលវេលាដ៏មានតម្លៃមកអានអត្ថបទចែករំលែកមួយនេះ។

ស្រាវជ្រាវ​ និង​រៀបរៀងដោយ៖​ សុវត្ថិ​ ចាន់សីហា

27/08/2021

#វិធីសាស្ត្រ២យ៉ាងក្នុងការវិនិយោគដីធ្លីទទួលបានផលចំណេញខ្ពស់
ការវិនិយោគក្នុងវិស័យអចលនទ្រព្យមានច្រេីនបែបច្រេីនយ៉ាង​ដូចជាការវិនិយោគដីធ្លី​ ផ្ទះ​ ខុនដូ​ ឬអគារផ្សេងៗជាដេីម។​ រីឯរយះពេលនៃការវិនិយោគវាអាស្រ័យទៅតាមគោលបំណងរបស់អ្នកវិនិយោគ​ កត្តាដេីមទុន និងទីតាំង។ ថ្ងៃនេះខ្ញុំនឹងនាំបងប្អូនមកស្វែងយល់អំពីការវិនិយោគអចលនទ្រព្យប្រភេទដី។ ប៉ុន្តែវិធីសាស្ត្រ​វិនិយោគខាងក្រោមនេះគឺសម្រាប់តែអ្នកដែលមានដេីមទុនច្រេីន​គួរសម និងមានចំណូលកម្រិតមធ្យមឡេីងទៅប៉ុណ្ណោះ​ ព្រោះវិធីសាស្ត្រនេះត្រូវការពេលវេលាច្រេីនបន្តិច។

🔸ទិញដីនៅជាប់ផ្លូវលំដែលជាផ្លូវរដ្ឋសំខាន់​៖​ ដោយសារប្រទេសកម្ពុជាយេីងស្ថិតក្នុងដំណាក់កាលជាប្រទេសកំពុងអភិវឌ្ឍ​ ដូច្នេះវិស័យហេដ្ឋារចនាសម្ព័ន្ធក៏កំពុងធ្វេីការអភិវឌ្ឍន៍ដូចគ្នាដែរ​ ជាពិសេសផ្លូវថ្នល់ដែលតភ្ជាប់ទៅតំបន់សក្តានុពលនានា។ យេីងឃេីញថានៅមានផ្លូវរដ្ឋសំខាន់ៗជាច្រេីនដែលមិនទាន់ត្រូវបានអភិវឌ្ឍ​នៅឡេីយ ក៏ប៉ុន្ដែយេីងគួរស្វែងយល់ថាប្រទេសកម្ពុជាយេីងកំពុងស្ថិតនៅក្នុងសម័យកាលអភិវឌ្ឍរីកចំរេីនយ៉ាងលឿនក្នុងវិស័យសេដ្ឋកិច្ចនារយះពេលប៉ុន្មានឆ្នាំចុងក្រោយនេះ​(មុនសម័យកូវីដ) ដែលអាចមកពីកត្តាស្ថិរភាពនយោបាយក្នុងប្រទេស។ ត្រង់ចំនុចនេះខ្ញុំចង់ពន្យល់ថា​ បេីវិស័យសេដ្ឋកិច្ចរីកចំរេីន​ នោះរាល់ហេដ្ឋារចនាសម្ព័ន្ធផ្លូវថ្នល់នឹងត្រូវទទួលបានការអភិវឌ្ឍន៍ទៅមុខបន្ថែមទៀតជាក់ជាមិនខាន​ បេីអញ្ចឹងផ្លូវលំដែលតភ្ជាប់ពីតំបន់សំខាន់មួយទៅតំបន់សំខាន់មួយច្បាស់ជាត្រូវបានអភិវឌ្ឍទៅជាផ្លូវកៅស៊ូ​ ឬក៏ផ្លូវបេតុងក្នុងពេលឆាប់ៗនេះដូចគ្នា។ វាគឺជាឱកាសដែលបងប្អូនអាចពិចារណាស្វែងរកមេីលដីធ្លីដែលនៅជាប់ផ្លូវលំប្រភេទនេះ​ ព្រោះថាតម្លៃដីកំពុងស្ថិតក្នុងកម្រិតទាបនៅឡេីយ ប៉ុន្ដែលុះដល់ពេលផ្លូវលំត្រូវបានអភិវឌ្ឍទៅជាផ្លូវកៅស៊ូ​ នោះតម្លៃដីធ្លីច្បាស់ជាហក់ឡេីងខ្ពស់ជាមិនខាន​ ឬក៏គ្រាន់តែដំណឹងនៃការអភិវឌ្ឍន៍ផ្លូវលេចចេញមក​ តម្លៃដីចាប់ផ្ដេីមកក្រេីកបាត់ទៅហេីយ​ ឧទាហរណ៍​ដូចជាផ្លូវលេខ៥២ដែលភ្ជាប់ស្រុកឧដុង្គពីផ្លូវជាតិលេខ៥ទៅតំបន់ភ្នំឱរ៉ាល់ កាលពីប៉ុន្មានឆ្នាំមុនដែលមិនទាន់ក្លាយជាផ្លូវកៅស៊ូ​ ពេលនោះដីដែលជាប់នឹងផ្លូវមួយនេះមានតម្លៃមិនដល់10$/m2ផង​ ប៉ុន្ដែឥឡូវក្រោុយពីការអភិវឌ្ឍន៍ជាផ្លូវកៅស៊ូរួចរាល់​ តម្លៃដីហក់ឡេីងចន្លោះពី50$ដល់100$ក្នុងុ1/m2។ ដូច្នេះសម្រាប់បងប្អូនដែលមានចំណូលមធ្យមឡេីងទៅគួរចាប់ឱកាសមួយនេះឲ្យបាន។

🔸ទិញដីបេីកក្បាលជាប់ផ្លូវ​ រួចទិញបន្ថែមដីជាប់ពីក្រោយ៖​ យុទ្ធសាស្ត្រមួយនេះត្រូវបានអ្នកវិនិយោគដីធ្លីមានបទពិសោធន៍ជាច្រេីន​បានធ្វេីកន្លងមក​ រួមទាំងអ្នកអភិវឌ្ឍដីឡូតិ៍ផងដែរ។ ធម្មតាដីដែលជាប់នឹងផ្លូវរដ្ឋសំខាន់ៗតែងមានតម្លៃខ្ពស់​ រឯដីដែលនៅពីក្រោយដែលមិនជាប់ផ្លូវគឺមានតម្លៃទាប​ ដូច្នេះយេីងអាចទិញដីដែលជាប់ផ្លូវរដ្ឋដេីម្បីបេីកមុខជាមួយតម្លៃខ្ពស់​(ទំហំក្បាលដីធំល្មម និងជម្រៅរាក់បានហេីយ) រួចបន្តទិញយកដីដែលនៅពីក្រោយក្នុងតម្លៃទាប​ បន្ទាប់មកបង្រួមប្លង់កម្មសិទ្ធិមកត្រឹមមួយប័ណ្ណបានហេីយ។ ធ្វេីដូចនេះបងប្អូនអាចដាក់លក់ផ្គួបដីទាំងអស់ក្នុងតម្លៃស្មេីគ្នាបាន​ មានន័យថាដីក្រោយមានតម្លៃស្មេីដីមុខដែរ។

វិធីសាស្ត្រទាំង២ខាងលេីនេះគ្រាន់តែជាចំណែកតូចមួយនៃវិធីសាស្ត្រល្អៗទាំងឡាយប៉ុណ្ណោះ​ ហេីយវាក៏មិនស័ក្កិសមសម្រាប់អ្នកវិនិយោគដែលមានដេីមទុនតិចតួចនោះដែរ​ បេីបងប្អូនមានដេីមទុនតិចគួរជ្រេីសរេីសវិធីសាស្ត្រវិនិយោគដែលខ្ញុំធ្លាប់បានណែនាំកាលពីអត្ថបទមុនៗបាន។

អរគុណសម្រាប់ការវិនិយោគពេលវេលាដេីម្បីស្វែងយល់ចំណេះដឹងតាមរយះអត្ថបទចែករំលែកមួយនេះ។ បេីមានចំនុចខ្វះខាតកន្លែងណាសូមជួយCommentកែតម្រូវផង។

ស្រាវជ្រាវ​ និងរៀបរៀងដោយ៖​ សុវត្ថិ​ ចាន់សីហា

24/08/2021

នៅពេលនិយាយដល់ការទិញលក់អចលនវត្ថុ​(ផ្ទះ​ ដី​ សំណង់អគារ) យេីងតែងតែឮគេលេីកឡេីងអំពីបញ្ហា​"ប្លង់"​ ជារឿងសំខាន់​ "ប្លង់រឹង​ ប្លង់ទន់"​ ឫភាសាបច្ចេកទេសហៅថា​"ប័ណ្ណកម្មសិទ្ធិ"។ ប៉ុន្ដែតេីបងប្អូនបានយល់ដឹងអ្វីខ្លះអំពីប័ណ្ណកម្មសិទ្ធិអចលនវត្ថុ?

ចាប់តាំងពីរបបខ្មែរក្រហមបានដួលរលំនៅឆ្នាំ១៩៧៩​ រហូតមកទល់នឹងពេលបច្ចុប្បន្ន​នេះ ប្រទេសកម្ពុជាយេីងបានឆ្លងកាត់នូវរបបដឹកនាំ២សម័យកាលបន្តទៀត​ មុននឹងក្លាយជាព្រះរាជាណាចក្រទី២។ ហេីយរដ្ឋាភិបាលក្រោយឆ្នាំ១៩៧៩​ ក៏បានផ្ដល់របបសិទ្ធិកាន់កាប់ដីធ្លីដល់ប្រជាពលរដ្ឋសម្រាប់ជាទីលំនៅ​ និងប្រកបរបរកសិកម្មដូចជាធ្វេីស្រែចំការជាដេីម។​ ដោយសារតែស្រុកទេសមិនទាន់មានសន្ដិភាពពេញលេញ​ រដ្ឋាភិបាលសម័យមុនមិនទាន់បានរៀបចំប្រព័ន្ធច្បាប់ច្បាស់លាស់ស្ដីអំពីកម្មសិទ្ធិដីធ្លីនៅឡេីយ​ រហូតដល់ឆ្នាំ២០០១ទេីប​"ច្បាប់ភូមិបាល"នៃព្រះរាជាណាចក្រកម្ពុជាត្រូវបានអនុម័តឲ្យប្រេីប្រាស់ជាផ្លូវការ។

•ប្រវត្តិនៃប័ណ្ណសម្គាល់សិទ្ធិកាន់កាប់ដីធ្លី៖​ អំឡុងទសវត្សរ៍៨០ដល់៩០​ អាជ្ញាធរដែលផ្ដល់ប័ណ្ណកាន់កាប់ប្រេីប្រាស់ដីធ្លី​ គឺការិយាល័យកសិកម្មស្រុក/ខណ្ឌ​ ខេត្ត/ក្រុង​ រីឯមន្ទីររៀបចំដែនដី​ នគរ​រូបនីយកម្ម​ និងសំណង់​ សម័យនោះក៏ស្ថិតនៅជាចំនុះឲ្យក្រសួងកសិកម្មផងដែរ។ ប័ណ្ណសម្គាល់សិទ្ធិកាន់កាប់ទាំងនោះមានដូចជា​៖ បង្កាន់ដៃស្នេីសុំកាន់កាប់ដីធ្លី​, វិញ្ញាបនប័ត្រសម្គាល់ម្ចាស់អចលនវត្ថុ(ប្លង់សេអុីCI សម្រាប់ផ្ទះច្រេីនជាន់ក្នុងភូមិសាស្ត្ររាជធានីភ្នំពេញ) និងប័ណ្ណសម្គាល់សិទ្ធិកាន់កាប់ប្រេីប្រាស់ដីធ្លី(ប័ណ្ណស្លាបមាន់​ ឬប័ណ្ណភោគៈ)។ ប័ណ្ណសម្គាល់សិទ្ធិទាំងអស់នោះក៏បានប្រែក្លាយទៅជា​ "លិខិតផ្ទេរសិទ្ធិកាន់កាប់អចលនទ្រព្យមិនទាន់ចុះបញ្ជី"​ ក្រោយពីមានការទិញលក់ពីម្ចាស់មួយទៅម្ចាស់មួយ​ទៀត (ចំណាំ៖​ ករណីម្ចាស់ប័ណ្ណសម្គាល់សិទ្ធិមិនបានធ្វេីការលក់ដូរ​ ឬផ្ទេរសិទ្ធិ​ទេ​ នោះប័ណ្ណដេីមចាស់ៗនៅតែមានប្រេីរហូតមកដល់បច្ចុប្បន្ន​ ដូចជាប័ណ្ណស្លាប់មាន់ជាដេីមក៏ឃេីញនៅមានប្រេីខ្លះនៅឡេីយ)។

•ប្លង់ទន់៖​ សំដៅដល់ប័ណ្ណសម្គាល់សិទ្ធិកាន់កាប់អចលនវត្ថុទាំងឡាយដែលមិនទាន់ត្រូវបានចុះបញ្ជីដោយមន្ទីរសូរិយោដីនៃក្រសួងដែនដី​ នគររូបនីយកម្ម​ និងសំណង់។ សិទ្ធិកាន់កាប់ប្រភេទនោះត្រូវបានហៅថា​ "សិទ្ធិភោគៈ"​ ជាសិទ្ធិកាន់កាប់​ និងប្រេីប្រាស់​ ប៉ុន្ដែមិនទាន់ស៊ុបជាម្ចាស់កម្មសិទ្ធិតាមផ្លូវច្បាប់ពេញលេញនៅឡេីយ។ ប័ណ្ណទាំងនោះមានការទទួលស្គាល់តាមកម្រិតដូចជា​ កម្រិតឃុំសង្កាត់​ និងកម្រិតស្រុកខណ្ឌ។ គុណវិបត្តិ​នៃប័ណ្ណសម្គាល់សិទ្ធិកាន់កាប់(ប្លង់ទន់)ប្រភេទនេះ​ គឺអាចមានហានិភ័យក្នុងការទិញលក់​ បេីករណីដីធ្លីមានវិវាទព្រុំដី​ ឬម្ចាស់សិទ្ធិកាន់កាប់មានច្រេីនហេីយមិនឯកភាពគ្នាក្នុងការលក់ដូរ។ រីឯគុណសម្បត្តិគឺមានភាពងាយស្រួល​ ឆាប់រហ័ស​ និងចំណាយតិចក្នុងការផ្ទេរសិទ្ធិ​នៅពេលធ្វេីការទិញលក់។

•ប្លង់រឹង៖​ សំដៅដល់​ "វិញ្ញាបនបត្រសម្គាល់ម្ចាស់អចលនវត្ថុ"​ ដែលត្រូវបានចុះបញ្ជីដោយមន្ទីរសូរិយោដីនៃក្រសួងដែនដី​ នគររូបនីយកម្ម​ និងសំណង់។ ប័ណ្ណប្រភេទនេះគឺជាកម្មសិទ្ធិស្របច្បាប់ពេញលេញជាម្ចាស់​ គឺសិទ្ធិកាន់កាប់​ សិទ្ធិអាស្រ័យផល​ និងសិទ្ធិក្នុងការលក់ដូរ។ ក្រោយច្បាប់ភូមិបាលឆ្នាំ២០០១​ ចេញជាធរមាន​ ក្រសួងដែនដី​ នគររូបនីយកម្ម​ និងសំណង់បានធ្វេីការចុះបញ្ជីដីធ្លីជូនប្រជាពលរដ្ឋតាមដំណាក់កាល​ និងតាមផែនការរបស់ក្រសួង។ រហូតមកដល់ពេលនេះ​ ការចុះបញ្ជីដីធ្លីមិនទាន់សម្រេចបាន១០០%នោះទេ​ ដូច្នេះហេីយទេីបយេីងឃេីញនៅតែមានការប្រេីប្រាស់ប័ណ្ណសម្គាល់សិទ្ធិឬប្លង់ទន់នៅឡេីយ។ ការចុះបញ្ជីត្រូវបានធ្វេីឡេីងជា២ប្រភេទ​ ទី១ការចុះបញ្ជីជាប្រព័ន្ធ៖​ ក្រសួងចុះធ្វេីតាមផែនការ​ តាមដំណាក់កាល​ និងទី២ការចុះបញ្ជីដាច់ដោយដុំ៖​ ម្ចាស់សម្គាល់សិទ្ធិកាន់កាប់អចលនវត្ថុមិនទាន់ចុះបញ្ជី ស្នេីទៅក្រសួងដេីម្បីចុះបញ្ជីដាច់ដោយឡែកដោយត្រូវបង់ថ្លៃសេវានៃការចុះបញ្ជីនោះ។ គុណសម្បត្តិ​នៃកម្មសិទ្ធិប្លង់រឹងគឺ​ សុវត្ថិភាព​១០០%ក្នុងការកាន់កាប់​ និងលក់ដូរ។ រីឯគុណវិបត្តិគឺ​ ការផ្ទេរកម្មសិទ្ធិមានភាពសាំញាំ​ ចំណាយពេលយូរ​ និងថ្លៃសេវាខ្ពស់ជាងប្លង់ទន់។

អរគុណសម្រាប់ការចំណាយពេលវេលាដ៏មានតម្លៃមកស្វែងយល់ពីចំណេះដឹងលេីវិស័យអចលនទ្រព្យជាមួយខ្ញុំ​បាទ។ ហេីយខ្ញុំបាទនឹងព្យាយាមស្វែងរកចំណេះដឹង​ និងអ្វីៗដែលមានប្រយោជន៍មកចែករំលែកដល់បងប្អូនបន្ថែមទៀត​ ប្រសិនបេីបងប្អូនផ្ដល់ការគាំទ្រ។
ស្រាវជ្រាវ​ និងរៀបរៀងដោយ៖​ សុវត្ថិ​ ចាន់សីហា

12/08/2021

#៤ចំនុចពីវិស័យអចលនទ្រព្យដែលអ្នកគួរដឹង
បេីសិនជាបងប្អូនមានបំណងចង់វិនិយោគលេីវិស័យ​អចលនទ្រព្យ ឬកំពុងវិនិយោគក្ដី​ សូមចំណាយពេលវេលាបន្តិចដេីម្បីអានអត្ថបទចែករំលែកមួយនេះ​ ព្រោះវាអាចជួយខ្លះៗដល់ការវិនិយោគរបស់បងប្អូនបាន។

១. សន្ទុះកេីនឡេីងនៃតម្លៃដីធ្លីគឺប្រៀបបីដូចជាពពុះសាប៊ូ៖​ ជាធម្មតា​ពពុះសាប៊ូនៅពេលវារីកមាឌខ្លាំងដល់កម្រិត​ វានឹងផ្ទុះបែក​ភ្លាម រីឯតម្លៃដីធ្លីក៏តែងមានការវិវដ្ដតាមលំនាំបែបនេះដូចគ្នា។ ឧទាហណ៍ដូចជាកាលពីឆ្នាំ២០០៧​ ២០០៨តម្លៃដីធ្លីនៅប្រទេសកម្ពុជាបានហក់ឡេីងយ៉ាងគំហុក​ រួចហេីយក៏ធ្លាក់ដាំក្បាលចុះភ្លាមៗទៅវិញនៅចុងឆ្នាំ២០០៨នោះដដែល។ ឧទាហណ៍មួយទៀត​ កាលពីប៉ុន្មានឆ្នាំមុន​ តម្លៃដីធ្លីនៅក្រុងព្រះសីហនុក៏កេីនឡេីងស្រឺតៗដែរ​ ដោយសារតែសន្ទុះហូរចូលនៃវិនិយោគរបស់ចិន​ ប៉ុន្ដែបន្ដិចក្រោយមកតម្លៃដីក៏បានធ្លាក់មកវិញបន្ទាប់ពីការចាកចេញជាច្រេីននៃជនជាតិចិនទាំងនោះ។ បទពិសោធន៍ទាំងនេះបានបង្ហាញថា​ ការកេីនឡេីងខ្ពស់ដល់កម្រិតកំពូល​គឺជាសញ្ញា​នៃការរៀបធ្លាក់ចុះទៅវិញ​នៃតម្លៃដីធ្លី ដូច្នេះអ្នកវិនិយោគអចលនទ្រព្យគួរសម្រេចចិត្តឲ្យទាន់សភាពការណ៍ក្នុងការលក់ចេញ​ មុនពេលពពុះសេដ្ឋកិច្ចផ្ទុះបែក។ ការធ្លាក់ចុះនៃតម្លៃដីធ្លីអាចបណ្ដាលមកពីកត្តាដូចជា​ វិបត្តិ​សេដ្ឋកិច្ច​ វិបត្តិនយោបាយ​ ការដកចេញភ្លាមៗនៃវិនិយោគបរទេស​ និងការផ្គត់ផ្គង់លេីសតម្រូវការជាដេីម។

២. កម្ពុជាទេីបដេីរមកដល់ចំនុចចាប់ផ្ដេីមនៃការរីកចម្រេីនលេីវិស័យអចលនទ្រព្យ៖​ បេីប្រៀបធៀបជាមួយប្រទេសជិតខាងក្នុងតំបន់អាស៊ាន​ យេីងហាក់ដេីរក្រោយគេប៉ុន្មានជំហ៊ានលេីវិស័យអចលនទ្រព្យ​។ វិស័យដីធ្លីនៅកម្ពុជាយេីងមានដំណេីររបះរបេីកអស់រយះពេលជាច្រេីនទសវត្សរ៍មកហេីយដោយសារ​បញ្ហាសង្គ្រាម​សុីវិល​ វិបត្តិនយោបាយ​ និងវិបត្តិសេដ្ឋកិច្ច​ ប៉ុន្តែរយះពេលប្រហែលកន្លះទសវត្សរ៍ចុងក្រោយនេះ​ វិបត្តិនយោបាយក៏មានសភាពស្ងប់ស្ងាត់​ ហេីយសេដ្ឋកិច្ចប្រទេសកម្ពុជាចាប់ផ្ដេីមមានកំណេីនជាមធ្យម៧%​។ កត្តាទាំងអស់នេះបានជម្រុញឲ្យវិស័យអចលនទ្រព្យចាប់ផ្ដេីមមានការរីកចំរេីនគួរឲ្យកត់សម្គាល់។ ទោះបីជារយះពេលជិត២ឆ្នាំកន្លងមកនេះកម្ពុជារួមទាំងពិភពលោកទាំងមូលកំពុងរង់ការញាំញីពីវិបត្តិកូវីដ១៩យ៉ាងណាក្តី​ ក៏វិស័យអចលនទ្រព្យនៅកម្ពុជាបច្ចុប្បន្នមិនមានការជាប់គាំងដូចពីអតីតកាលឡេីង​ បេីទោះជាការទិញលក់មានអត្រាធ្លាក់ចុះក៏ដោយ​ ក៏តម្លៃដីធ្លីមានការប្រែប្រួលតិចតួចប៉ុណ្ណោះ។ វាគឺជាសញ្ញាមួយបង្ហាញថាកម្ពុជាចាប់ផ្ដេីមមានភាពចាស់ទុំលេីវិស័យមួយនេះ ព្រោះប្រជាជនខ្មែរហាក់មានការយល់ដឹងច្រេីនជាងមុនពីវិស័យអចលនទ្រព្យ។ ដូច្នេះបងប្អូនដែលមានបំណងចង់វិនិយោគអចលនទ្រព្យត្រូវដឹងថា​ យេីងនៅមានឧកាសវែងឆ្ងាយទៀតណាស់ដេីម្បីទាញយកផលប្រយោជន៍ពីវិស័យមួយនេះ ឯតម្លៃដីធ្លីក៏នៅសល់គម្លាតច្រេីនទៀតសម្រាប់ការកេីនតម្លៃផងដែរ។

៣. ការអភិវឌ្ឍន៍ទីក្រុងរបស់ប្រទេសនីមួយៗឆ្លងកាត់២ដំណាក់កាល៖​ គំរូស្រាប់នៃការអភិវឌ្ឍន៍ទីក្រុងរបស់ប្រទេសក្នុងតំបន់អាសុី​ បែងចែកជា២ដំណាក់កាល​។ ដំណាក់កាលទី១ហៅថាការអភិវឌ្ឍន៍​Horizontal ដែលជាការអភិវឌ្ឍន៍ទិសដៅបែរទៅរកតំបន់ជុំវិញទីក្រុង រហូតដល់ចម្ងាយសមស្របមួយ។ ប្រទេសកម្ពុជាយេីងគឺកំពុងស្ថិតនៅក្នុងដំណាក់កាលនេះនៅឡេីយ​ ជាហេតុដែលយេីងឃេីញថារដ្ឋាភិបាលកំពុងអនុវត្តផែនការពង្រីកទីក្រុងទៅរកទិសទាំង៤ជុំវិញរាជធានីភ្នំពេញ។ ដំណាក់កាលទី២ហៅថាការអភិវឌ្ឍន៍​ Vertical វាគឺជាការអភិវឌ្ឍន៍ទិសដៅឡេីងទៅលេី​ ដែលជាការអភិវឌ្ឍន៍របស់ប្រទេសសេដ្ឋកិច្ចរីកចំរេីនមួយចំនួននៅអាសុីដូចជា​ ចិន​ សឹង្ហបុរី​ ទីក្រុងឌូបៃជាដេីម ដែលយេីងបានឃេីញអាគារខ្ពស់ៗច្រូងច្រាំងជាច្រេីន​តាមបណ្ដាទីក្រុងនៃប្រទេសទាំងនោះ។ នៅពេលការអភិវឌ្ឍន៍​ Horizontal មានចម្ងាយកាន់តែឆ្ងាយ​ នោះការធ្វេីដំណេីរក្នុងទីក្រុងក៏កាន់តែឆ្ងាយដូចគ្នា​ ដូច្នេះការអភិវឌ្ឍន៍​ Vertical ក៏ចាប់ផ្ដេីមបន្ដវិញម្ដង។ តាមប្រភពពត៌មានអំពីប្លង់មេនៃការអភិវឌ្ឍន៍ទីក្រុងភ្នំពេញឆ្នាំ២០៣៥​ ការអភិវឌ្ឍន៍​ Horizontal នឹងបន្តរហូតដល់៣០គីឡូម៉ែត្រ​ជុំវិញ។ ចំណេកឯ​ការអភិវឌ្ឍន៍​ Vertical នៅទីក្រុងភ្នំពេញ​ ទេីបតែចាប់ផ្ដេីមជំហ៊ានដំបូងប៉ុណ្ណោះ។ ត្រង់ចំណុចនេះសម្រាប់បងប្អូនដែលចង់វិនិយោគដីធ្លី​ គួរសម្លឹងមេីលឧកាសនៅតំបន់ខេត្តជុំវិញជាប់ជាយក្រុងភ្នំពេញឲ្យហេីយទៅ។

៤. មានដេីមទុនតិចគួរវិនិយោគផ្ទះមុនដី៖​ ការប្រេីកម្ចីធនាគារមកវិនិយោគលេីអចលនវត្ថុប្រភេទផ្ទះគឺជាជម្រេីសដែលល្អនឹងសុវត្ថិភាពជាងការទិញដីទុក​ សម្រាប់អ្នកមានដេីមទុនវិនិយោគតិច​តួច ទោះបីជាដីមានអត្រាកំណេីនថ្លៃដេីមខ្ពស់ជាងផ្ទះច្រេីនដងក៏ដោយ​។ ផ្ទះមានកំណេីនថ្លៃដេីមតិច​ ប៉ុន្ដែផ្ទះអាចដាក់ជួលបានចំណូលប្រចាំខែ​ត្រឡប់មកវិញ ដែលជួយសម្រួលដល់ការបង់រំលស់របស់បងប្អូន​ ខុសពីដីដែលមិនងាយនឹងដាក់ជួល​ បេីជួលបានក៏ក្នុងតម្លៃទាបដែរ។ បែបនេះ​បេីបងប្អូនវិនិយោគលេីដីមុន​ នោះបងប្អូនអាចនឹងត្រូវកប់លុយនៅជាមួយដីច្រេីនឆ្នាំ​ ព្រោះការវិនិយោគដីតែងត្រូវការពេលវេលាច្រេីនបន្ដិច។ ផ្ទុយទៅវិញបេីបងប្អូនជាអ្នកមានចំណូលខ្ពស់​ ដែលមិនមានបញ្ហាច្រេីនរឿងលុយកាក់​ នោះការវិនិយោគដីគឺជាកំណប់ទ្រព្យដ៏មហាសាល។ អញ្ចឹងហេីយទេីបយេីងតែងតែឃេីញថា​ អ្នកក្រវិនិយោគដីមិនងាយចំណេញច្រេីនដូចអ្នកមាននោះទេ​ ព្រោះអ្នកក្រពេលខ្វះខាត់ឬទាល់រឿងលុយកាក់​ គឺច្បាស់ជាលក់ដីនោះយកមកដោះស្រាយសិនជាក់ជាមិនខាន ទោះជាចំណេញតិចឬមិនចំណេញក៏ដោយ។

សង្ឃឹមថាការចែករំលែករបស់ខ្ញុំនេះអាចមានប្រយោជន៍ដល់បងប្អូនដែលចាប់អារម្មណ៍លេីការវិនិយោគក្នុងវិស័យអចលនទ្រព្យ។ អរគុណសម្រាប់ការវិនិយោគពេលវេលាអានមកដល់ចំណុចនេះ៕
ស្រាវជ្រាវ​ និងរៀបរៀងដោយ៖​ សុវត្ថិ​ ​ចាន់សីហា

08/07/2021

ធ្វេីយ៉ាងណាដេីម្បីក្លាយជាអ្នកពូកែវិនិយោគលេីវិស័យអចលនទ្រព្យ?
ត្បិតការវិនិយោគលេីវិស័យអចលនទ្រព្យកំពុងមានការពេញនិយមជាខ្លាំងនៅក្នុងប្រទេសកម្ពុជានាពេលបច្ចុប្បន្ន​ ប៉ុន្តែក៏មានមនុស្សជាច្រេីនបានកំពុងតែវិនិយោគជាមួយភាពមិនច្បាស់លាស់​ ស្មានៗតាមគ្នីតាមគ្នា​ មិនមានចំណេះដឹងគ្រប់គ្រាន់ក្នុងការវិនិយោគលេីវិស័យដ៏មានសក្ដានុពលមួយនេះ។
ថ្ងៃនេះ​ខ្ញុំ​នឹងធ្វេីការចែករំលែកនូវគោលគំនិតខ្លះៗដល់បងប្អូនដែលមានបំណងចង់វិនិយោគលេីវិស័យអចលនទ្រព្យ​ និងកំពុងតែវិនិយោគក្ដី​ ដេីម្បីធ្វេីឲ្យការវិនិយោគរបស់បងប្អូនមានភាពប្រាកដនិយមជាងមុន។

ខាងក្រោមនេះគឺជាអ្វីដែលបងប្អូនគួរធ្វេីដេីម្បីជួយដល់ការវិនិយោគ៖
1. ដាក់ផែនការ​ និងគោលដៅវិនិយោគជាដំណាក់កាលទៅតាមកម្រិតប្រាក់ចំណូលរបស់ខ្លួន​ (ឧទាហរណ៍​៖​ ដំណាក់កាលទី១​វិនិយោគលេីផ្ទះ​ ទី២វិនិយោគលេីដី​ ទី៣វិនិយោគខុនដូ​...)
2. រៀបចំផែនការហិរញ្ញវត្ថុសម្រាប់ការវិនិយោគ​ តាមរយះកញ្ចប់ប្រាក់សន្សំដេីម្បីវិនិយោគឲ្យបានច្បាស់លាស់។
3. ស្វែងយល់អំពីចំណេះដឹងហិរញ្ញវត្ថុដូចជា​ ការគ្រប់គ្រងលម្ហូរសាច់ប្រាក់​ គោលការណ៍នៃការប្រាក់កម្ចី​ឥណទាន​ និងអតិផរណាជាដេីម​ ព្រោះចំណេះដឹងទាំងនេះនឹងជួយឲ្យការវិនិយោគរបស់បងប្អូន​ទទួលបានផលចំណេញខ្ពស់ជាងអ្នកដែលមិនសូវមានចំណេះដឹងហិរញ្ញវត្ថុ។
4. តាមដានជាប្រចាំនូវពត៌មានទាក់ទងនឹងទិសដៅអភិវឌ្ឍរបស់រាជរដ្ឋាភិបាល​ ការវិនិយោគ​និងការអភិវឌ្ឍន៍វិស័យឯកជន​ ពត៌មានសេដ្ឋកិច្ច​ (ស្ថានភាពសេដ្ឋកិច្ចតែងតែផ្សារភ្ជាប់នឹងទីផ្សារអចលនទ្រព្យ) ពត៌មាននយោបាយ​ (ស្ថានភាពនយោបាយនឹងធ្វេីឲ្យតម្លៃអចលនទ្រព្យប្រែប្រួល)
5. ចំណាយពេល​វេលាដេីរមេីលអចលនទ្រព្យនានាឲ្យបានច្រេីនតាមដែលអាចធ្វេីទៅបាន​ ដេីម្បីស្វែងយល់ពី ប្រភេទអចលនវត្ថុ​ តម្លៃអចលនទ្រព្យ​ សក្ដានុពលនៃតំបន់នីមួុយៗ​ (ក្រោយពេលដេីរមេីលនិងស្គាល់អចលនទ្រព្យបានច្រេីន​ បងប្អូននឹងចេះវិភាគ​ និងវាយតម្លៃអចលនវត្ថុដោយស្វ័យប្រវត្តិតាមរយះបទពិសោធន៍នៃការដេីរមេីលទាំងនោះ)។
6. សិក្សាពីតំបន់ណាមួយឲ្យបានច្បាស់លាស់​ ដោយប្រមូលពត៌មាន​ ឬទិន្នន័យច្បាស់ការណ៍​ កុំចាប់យកតំបន់ច្រេីនពេកក្នុងពេលតែមួយ។ ស្វែងរកឲ្យបានពត៌មានអភិវឌ្ឍច្បាស់ការណ៍របស់រាជរដ្ឋាភិបាល​ និងឯកជនដូចជា​ ហេដ្ឋារចនាសម្ព័ន្ធ​ តំបន់សេដ្ឋកិច្ចពិសេស​ ឬគម្រោងអភិវឌ្ឍសក្ដានុពលនានា​ ហេីយធ្វេីការវិនិយោគឲ្យបានមុនការអភិវឌ្ឍន៍នោះមកដល់។
7. សេពគប់ជាមួយបុគ្គលដែលមានបទពិសោធន៍ច្រេីនលេីវិស័យអចលនទ្រព្យ​ ហេីយរៀនសូត្រពីបទពិសោធន៍ជោគជ័យ​ និងបរាជ័យរបស់ពួកគាត់ក្នុងវិស័យនេះ។
8. រៀនសូត្រពីចំណេះដឹងអចលនទ្រព្យតាមរយះការអានសៀវភៅ​ តាមWebsite ឬនៅលេីYoutubeជាដេីម​ ដេីម្បីធ្វេីឲ្យខ្លួនក្លាយជាបុគ្គលដែលមានចំណេះដឹង​ និងពត៌មាន​ច្រេីនក្នុងដៃ។
***ក្នុងវិស័យអចលនទ្រព្យគេច្រេីននិយាយថា​ "ពត៌មានគឺជាចំណុចស្លាប់រស់ក្នុងការវិនិយោគ" ពត៌មានច្បាស់​ និងត្រូវពេលវេលាគឺចំណេញ!​ ពត៌មានមិនច្បាស់​ និងខុសពេលវេលាគឺកប់លុយ។
នៅមានចំនុចល្អៗជាច្រេីនទៀតដែលខ្ញុំនឹងព្យាយាមយកមកចែករំលែកដេីម្បីជួយជម្រុញការវិនិយោគអចលនទ្រព្យរបស់បងប្អូនឲ្យមានភាពរីកចម្រេីន។

✳️អរគុណសម្រាប់ការចំណាយពេលវេលាដ៏មានតម្លៃអានមកដល់ចំណុចនេះ!​ សូមបងប្អូនជួយComment​ OK ដេីម្បីឲ្យខ្ញុំបានដឹងថាមានបងប្អូនប៉ុន្មាននាក់ដែលចូលចិត្តស្វែងរកចំណេះដឹងដាក់ខ្លួនតាមរយះការអាន។
រៀបរៀងដោយ៖​ សុវត្ថិ​ ចាន់សីហា

28/05/2021

វិធីសាស្ត្រ៥យ៉ាងដើម្បីវិនិយោគអចលនទ្រព្យឲ្យទទួលបានផលចំណេញពិតប្រាកដ!
ដោយ៖ CamEstate

21/05/2021

កម្មសិទ្ធិអចលនទ្រព្យនៅក្នុងប្រទេសកម្ពុជាមានប៉ុន្មានប្រភេទ និងអ្វីខ្លះ?

03/05/2021

អ្វីទៅជាឧស្សាហកម្ម 4.0?
តោះ! រៀនសូត្រស្វែងយល់ពីចំណេះដឹងទូទៅជាមួយខ្ញុំ ក្នុងកំឡុងពេលLockdownនេះ ដើម្បីកុំឲ្យពេលវេលាកន្លងទៅដោយឥតប្រយោជន៍។
មុននឹងយើងនិយាយអំពីឧស្សាហកម្ម 4.0 សូមមកដឹងសិនថាតើបដិវត្ដន៍ឧស្សាហកម្មគឺជាអ្វី ហើយនិងប្រវត្ដិខ្លះៗអំពីបដិវត្ដន៍ឧស្សាហកម្មទាំងឡាយចាប់តាំងពីឧស្សាហកម្ម 1.0មក។
បដិវត្ដន៍ឧស្សាហកម្ម គឺជារបទនៃរបកគំហើញថ្មី ដូចជាការរកឃើញ និងប្រើប្រាស់នូវថាមពលណាមួយ ការបង្កើតគ្រឿងចក្រ ឧបករណ៍ បច្ចេកវិទ្យា ដែលបម្រើក្នុងវិស័យឧស្សាហកម្ម ហើយរាល់បដិវត្ដន៍នីមួយៗ បានផ្លាស់ប្ដូរទាំងស្រុង ឬមួយចំនួននៃបែបផែនការងារ សេដ្ឋកិច្ច និង ជីវភាពរស់នៅរបស់មនុស្សជាតិ។
● ឧស្សាហកម្ម 1.0: ចាប់ផ្ដើមពីការបង្កើតឡើងនូវថាមពលចំហាយទឹកក្នុងវិស័យកម្មន្ដសាល និងគ្រឿងចក្រមួយចំនួន នាសតវត្សរ៍ទី១៨។
● ឧស្សាហកម្ម 2.0: ចាប់ផ្ដើមពីការបង្កើតឡើងនូវថាមពលអគ្គីសនី គ្រឿងចក្រដើរដោយប្រេងឥធ្ធនៈ និងថាមពលពីឧស្ម័នមួយចំនួន នាចុងសតវត្សរ៍ទី១៩។
● ឧស្សាហកម្ម 3.0: ចាប់ផ្ដើមពីការបង្កើតឡើងនូវឧបករណ៍អេឡិចត្រូនិក បច្ចេកវិទ្យាពត៌មាន និងគ្រឿងយន្ដស្វ័យប្រវត្ដិមួយចំនួន នាកំឡុងទស្សវត្សរ៍ឆ្នាំ១៩៦០។
● ចំណែកឯឧស្សាហកម្ម 4.0 ដែលត្រូវបានគេស្គាល់នាកំឡុងឆ្នាំ២០១១ គឺស្រដៀងគ្នាទៅនឹងឧស្សាហកម្ម 3.0ដែរ ប៉ុន្ដែវាមានលក្ខណៈឆ្លាតវ័យជាង ធំធេងជាង និងលឿនរហ័សជាង មានដូចជា៖
-បច្ចេកវិទ្យាAI ឬហៅថា “បញ្ញាសប្បនិម្មិត” ដែលបានយកមកប្រើប្រាស់ក្នុងកម្មវិធី ឬឧបករណ៍ឆ្លាតវ័យជាច្រើនក្នុងការវិភាគ និងប្រតិកម្មតបដោយស្វ័យប្រវត្ដិ។
-បច្ចេកវិទ្យា5G ដែលផ្ដោតលើល្បឿននៃការបញ្ជូនទិន្នន័យរហ័ស និងទំហំធំ (Big Data) ហើយក៏ចាំបាច់បំផុតសម្រាប់ Smart Connected Devices និង បច្ចេកវិទ្យាស្វ័យប្រវត្ដិមួយចំនួនឧទាហរណ៍ដូចជា ឡានបើកបរដោយស្វ័យប្រវត្ដិជាដើម។
-Robotឆ្លាតវ័យជំនាន់ថ្មី ដែលប្រើប្រាស់ក្នុងវិស័យផលិតកម្ម និងសេវាកម្ម។
-Internet Of Things (IOT) ឧបករណ៍ប្រើប្រាស់កាន់តែច្រើនឡើងត្រូវបានតភ្ជាប់ជាមួយប្រព័ន្ធInternet។
សរុបមក យើងគួររំលឹកឡើងវិញថា រាល់បដិវត្ដន៍ឧស្សាហកម្មនីមួយៗ សុទ្ធតែបានផ្លាស់ប្ដូរជីវិតរស់នៅរបស់មនុស្សជាតិ និងអភិវឌ្ឍសេដ្ឋកិច្ចពិភពលោកផងដែរ។ សម្រាប់ឧស្សាហកម្ម 4.0នេះ បានជួយជំរុញយ៉ាងខ្លាំងនូវប្រសិទ្ធភាពការងារនៅក្នុងគ្រប់វិស័យ ដោយជួយពន្លឿងសង្វាក់ផលិតកម្ម កាត់បន្ថយថ្លៃដើម និងកាន់តែមានភាពងាយស្រួលឡើង។ ក៏ប៉ុន្ដែអ្វីៗគ្រប់យ៉ាងតែងមានគុណសម្បត្តិ និងគុណវិបត្ដិដោយជៀសមិនផុត។ ចំពោះគុណវិបត្តិនៃបដិវត្តន៍ឧស្សាហកម្ម 4.0 គឺការបាត់បង់កន្លែងការងារសម្រាប់មនុស្សជាច្រើន ពីព្រោះការងារមួយចំនួនត្រូវបានជំនួសដោយគ្រឿងយន្ដស្វ័យប្រវត្តិ(Robot)។ ផលប៉ះពាល់លក្ខណៈជីវសាស្រ្ត និងបរិស្ថាន។ ធ្វើអោយមនុស្សលែងសូវមានភាពស្និទស្នាល ហើយនិងធ្វើអោយមនុស្សកាន់តែខ្ចិលទៅៗ ព្រោះមានឧបករណ៍ជំនួយសព្វបែបយ៉ាង។
ហេតុអ្វីយើងត្រូវយល់ដឹងអំពីបដិវត្តន៍ឧស្សាហកម្ម? ព្រោះវាជាផ្នែកមួយនៃជីវិតរស់នៅរបស់យើង ដែលវាជះឥទ្ធិពលដល់ភាពរីចំរើនរបស់យើង។ ការយល់ដឹងអំពីបដិវត្តន៍ឧស្សាហកម្ម អាចឲ្យយើងចេះទាញយកអត្ថប្រយោជន៍ពីវា និងជម្រុញយើងអោយចេះដើរទាន់សម័យកាលទៀតផង។
អរគុណសម្រាប់អ្នកអានដល់ចំណុចនេះ ដែលបង្ហាញថាអ្នកគឺជាមនុស្សចង់ចេះចង់ដឹង និងចេះវិនិយោគពេលវេលា។ ជួយCommentពាក្យ OK ដើម្បីអោយខ្ញុំបានដឹងថាមានអ្នកចាប់អារម្មណ៍អំពីចំណេះដឹងប៉ុន្មាននាក់ បើមានអ្នកចាប់អារម្មណ៍ ខ្ញុំនឹងស្រាវជ្រាវយកមកចែករំលែកបន្ដទៀត។ សូមអរគុណ!
អត្ដបទស្រាវជ្រាវចំរុះដោយ៖ សុវត្ថិ ចាន់សីហា

14/04/2021

សួស្ដីឆ្នាំថ្មី​ ជូនពរប្រជាជនខ្មែរគ្រប់ៗគ្នា​ គេចផុតពីមេរោគរាតត្បាតចង្រៃកូវីដ១៩នេះ​ នឹងសូមអោយស្ថានភាពវិលទៅរកប្រក្រតីវិញក្នុងពេលឆាប់នេះ!
ហេីយសូមកុំភ្លេចចូលរួមទប់ស្កាត់​ដោយ​ ៣កុំ​ ៣ការពារទាំងអស់គ្នា!