29/12/2025
ឯកឧត្តមបណ្ឌិត សួន រិនឌី លេខាធិការគណៈកម្មការសិទ្ធិមនុស្ស ទទួលពាក្យបណ្តឹង និងអង្កេត និងអធិការកិច្ច នៃរដ្ឋសភា និងជាតំណាងរាស្ត្រមណ្ឌលរាជធានីភ្នំពេញ និងជាប្រធានក្រុមប្រឹក្សាភិបាលសមាគមសហព័ន្ធវិនិយោគិនកម្ពុជា និងលោកជំទាវ បានអញ្ជើញចែកអំណោយជូនជនភៀសសឹក ចំនួន ១២០០គ្រួសារ នៅខេត្តពោធិ៍សាត់ កាលពីព្រឹកថ្ងៃទី២៧ ខែធ្នូ ឆ្នាំ២០២៥
…………………………………
ពិធីចែកអំណោយជូនជនភៀសសឹក ចំនួន ១២០០គ្រួសារ ក្រោមអធិបតីភាព ឯកឧត្តមបណ្ឌិត សួន រិនឌី លេខាធិការគណៈកម្មការសិទ្ធិមនុស្ស ទទួលពាក្យបណ្តឹង និងអង្កេត និងអធិការកិច្ច នៃរដ្ឋសភា និងជាតំណាងរាស្ត្រមណ្ឌលរាជធានីភ្នំពេញ និងជាប្រធានក្រុមប្រឹក្សាភិបាលសមាគមសហព័ន្ធវិនិយោគិនកម្ពុជា និងលោកជំទាវ ដោយមានការចូលរួមពី ឯកឧត្តម ខូយ រីដា អភិបាល នៃគណៈអភិបាលខេត្តពោធិ៍សាត់ និងឯកឧត្តមឧកញ៉ាសាស្ត្រាចារ្យសមូហកបណ្ឌិត ឡី សុភាព ប្រធានសហគមសហព័ន្ធវិនិយោគិនកម្ពុជា និងជាប្រធានសមាគមសហព័ន្ធយុវជនសេដ្ឋកិច្ចកម្ពុជា ព្រមទាំងថ្នាក់ដឹកនាំ សមាជិក សមាជិកា សមាគម
ចែកអំណោយជូនជនភៀសសឹក ចំនួន ១២០០គ្រួសាររួមមាន៖
១-អង្ករ ចំនួន ១២០០កញ្ចប់ (៦តោន)
២-ថ្នាំពេទ្យ ចំនួន ១២០០ កញ្ចប់
៣-ត្រីឆ្អើរ ចំនួន ១២០០ កញ្ចប់
៤-សម្ភារៈសិក្សា ចំនួន ១២០០ កញ្ចប់
៥-ក្រមា ចំនួន ១២០០ ក្រមា
៦-នំស្រួយ ចំនួន ១២០០ កញ្ចប់
៧-ទឹកសុទ្ធ Dasani ចំនួន ១២០០ យួរ
ដែលសរុបជាទឹកប្រាក់ចំនួន ៣៥,៩៤០ ដុល្លារអាមេរិក ព្រមទាំងបានឧបត្ថម្ភជាទឹកប្រាក់មួយចំនួន ជូនទៅ សាលាខេត្តពោធិ៍សាត់ចំនួនទឹកប្រាក់ ប្រាំបីលានរៀល និងជូនសាលាក្រុងពោធិ៍សាត់ចំនួនទឹកប្រាក់ មួយលានរៀល។ ឆ្លៀតក្នុងឱកាសនោះ ឯកឧត្តមបណ្ឌិត សួន រិនឌី បានថ្លែងអំពីប្រវត្តិសាស្រ្ត និងការឈ្លានពានរបស់ថៃមកលើកម្ពុជារហូតមកដល់សព្វថ្ងៃ ព្រមទាំងបានកោតសរសើដល់ថ្នាក់ដឹកនាំខេត្តពោធិ៍សាត់ទាំងមូលរវាង លោកអភិបាលខេត្ត និងប្រជាពលរដ្ឋនៅមូលដ្ឋាន បានចូលរួមសហការគ្នាបានល្អណាស់ចំពោះមុខ ក្នុងការណីមាននរណាម្នាក់ខ្វះអាហារ ថ្នាក់ដឹកនាំខេត្ត ព្យាយាមដោះស្រាយជូនភ្លាមៗ។
ឯកឧត្តមបណ្ឌិត សួន រិនឌី បានសម្តែងការកោតសរសើរនូវការដឹកនាំ ដ៏ឈ្លាសវៃ របស់ ឯកឧត្តម ខូយ រីដា អភិបាល នៃគណៈអភិបាលខេត្តពោធិ៍សាត់ ដែលបានខិតខំយកចិត្តទុកដាក់ និងលះបង់អស់ពីកម្លាំងកាយចិត្ត ប្រាជ្ញា ស្មារតី ដើម្បីជួយដោះស្រាយជូនប្រជាជននៅមូលដ្ឋានរបស់ខ្លួនទាន់ពេលវេលាចំពោះមុខ ដូចជាជនភៀសសឹកនៅពេលនេះ។
