26/04/2024
ដំបូន្មានទាំង០៨ សម្រាប់អ្នកមានអាយុក្រោម២០ឆ្នាំ
១- ប្រសិនបើអ្នកនៅតែមិនទាន់ដឹងថាខ្លួនចង់ធ្វើអ្វី ចង់បានអ្វី ឬមិនទាន់មានគោលដៅជីវិតច្បាស់លាស់នៅឡើយទេ វាមិនមែនជាបញ្ហាអ្វីឡើយ កុំពិបាកចិត្តពេកអី ព្រោះមនុស្សដ៏ច្រើនក្នុងវ័យនេះអាចនឹងដូចអ្នក ចូរបន្តការខិតខំបន្តទៀត។
២- យើងមិនគួរប្រៀបធៀបជីវិតខ្លួនឯងជាមួយនឹងជីវិតអ្នកណាម្នាក់ឡើយ។ យើងមានលក្ខណៈពិសេសរៀងៗខ្លួន។ យើងត្រឹមតែធ្វើឱ្យថ្ងៃនេះប្រសើរជាងម្សិលមិញទៅបានហើយ។
៣- វាមិនមែនជារឿងគួរឱ្យចម្លែកទេដែលអ្នកមិនទាន់មានដៃគូស្នេហា(នៅលីវ)។ ប្រសិនបើមិត្តភក្តិ ឬអ្នកជិតខាងរបស់អ្នករៀបការ សូមអបអរសាទរពួកគេ។ អ្នកមានពេលដ៏រីករាយខណៈពេលដែលអ្នកនៅលីវ។ ចូរទទួលយកពេលវេលាដ៏មានតម្លៃនេះ។
៤- កុំព្យាយាមស្វែងរកក្រុមហ៊ុនល្អ ដើម្បីធ្វើការងារអី ចូរស្វែងរកមេល្អដើម្បីធ្វើការជាមួយវិញ មេល្អនឹងនាំអ្នកទៅកាន់វិថីជោគជ័យក្នុងជីវិត។
៥- គួរចាប់ផ្តើមរៀនសន្សំលុយ តាមអ្វីដែលអ្នកអាចធ្វើទៅបាន។ លុយមិនអាចទិញសុភមង្គលបានពិតមែន ប៉ុន្តែវាអាចទិញរបស់គ្រប់យ៉ាងដែលធ្វើឱ្យយើងរីករាយបាន។ រៀនវិនិយោគ ហើយរៀនបង្កើតប្រភពចំណូលបន្ថែមទៀត។
៦- កុំព្យាយាមផ្លាស់ប្តូរខ្លួនឯងដើម្បីផ្គាប់ចិត្តអ្នកដទៃ។ ប្រសិនបើមិត្តភក្តិរបស់អ្នកមិនចូលចិត្តអ្នក ព្រោះតែអ្នកខុសពីគេ អ្នកគួរតែនៅឱ្យឆ្ងាយពីពួកគេ មិត្តមិនពិតប្រាកដមិនអាចរាប់អានគ្នាបានយូរឡើយ។ រៀនរីករាយក្នុងការរស់នៅជាខ្លួនឯង។
៧- អានសៀវភៅឱ្យច្រើនតាមអ្វីដែលអាចធ្វើទៅរួច។ សៀវភៅនឹងបង្ហាញផ្លូវទៅកាន់អនាគតដែលអ្នកចង់បាន។ បើចង់ក្លាយជាមនុស្សមានចំណេះដឹង សូមអានសៀវភៅ បើចង់ក្លាយជាអ្នកមាន សូមអានសៀវភៅ បើចង់ក្លាយជាបុគ្គលជោគជ័យ សូមអានសៀវភៅ បើចង់សប្បាយ សូមអានសៀវភៅ។
៨- ត្រូវរៀនរស់ក្នុងសង្គម។ រៀនរីករាយក្នុងពិធីជប់លៀង។ រៀនច្រៀង រៀនរាំ រៀនផឹក (ប៉ុន្តែមិនច្រើនពេក) ប៉ុន្តែកុំជក់បារី និងកុំប្រើប្រាស់គ្រឿងញៀន។ មនុស្សដែលអ្នកជួបនៅក្នុងពិធីជប់លៀង អាចជាអនាគតប្តី ឬប្រពន្ធរបស់អ្នក ជាចៅហ្វាយនាពេលអនាគត ជាអ្នកណែនាំអ្នក ឬមិត្តភក្តិដែលនឹងជួយអ្នក។ អ្នកណាទៅដឹង? សូមបង្កើតបណ្តាញជាមួយពួកគេឱ្យបានច្រើនតាមដែលអាចធ្វើទៅបាន។
