21/11/2023
#អន្ទង់ស
- #លក្ខណៈរុក្ខជាតិ: ចុល្លព្រឹកកម្ពស់ពី2-7ម៉ែត្រ មិនសូវបែកមែក មានរោមច្រើនកន្លែង។
- #ស្លឹក៖ រូបស្លាប មានស្លឹកពី10-36គូរ រាងពងក្រពើ ខាងលើមានពណ៌បៃតងរលោង ខាងក្រោមពណ៌ស ដុះទល់ទងគ្នា។
- #ផ្កា៖ កញ្ចុំផ្កាចេញនៅចុងមែក ដុះជាចង្កោម ពណ៌ស្ករត្នោតខ្ចីត្របកផ្កាពណ៌ស្វាយក្រហម។
- #ផ្លែ៖ រាងមូលដូចពងមាន់ សំប៉ែតបន្ទិច មានទ្រនុងកណ្ដាល ពេលទុំពណ៌លឿងក្រហម ក្នុងមួយផ្លែមានគ្រាប់មួយ នៅលើគ្រាប់មានស្រកីទន់។
- #រសជាតិ៖ ជាតិល្វីងខ្លាំង ធាតុត្រជាក់។
- #សមាសធាតុគីមី៖ គេចម្រេញបាន Hydroxyceton β-sitosterol, Campesterol មានជាតិល្វីង2ប្រភេទគឺCurycomalacton និង2-6dimetoxybenzoguinon ពណ៌លឿង ក្នុងគ្រាប់មានជាតិប្រេងពណ៌លឿង។
- #ការព្យាបាល៖ ឬស៖ធ្លាក់ស រំលាយអាហារ ឈឺចង្កេះ ចុកដៃជើង ស្ពឹកស្រពន់ ក្អួត រាគមួល ផ្ដាសាយកាន់ឆ្នាំ គ្រុនចាញ់ បន្សាបជាតិពុលចំណីអាហារ បន្សាបស្រា ទំលាក់ព្រូន។ សម្បកដើម៖ ធ្វើជាថ្នាំប៉ូវ រំលាយអាហារ រាគ។ សម្បកដើមនិងឬស៖ ឈឺចាប់ពេលមករដូវ។ ផ្លែ៖ រាគមួល(ផ្លែទុំស៊ីបាន)។ ស្លឹក៖ ដាំទឹកផឹក ព្យាបាលរមាស់លើស្បែក។
- #ផ្នែកប្រើប្រាស់៖ រុក្ខជាតិទាំងមូល សំខាន់ឬស។
- #កំរិតនិងរបៀបប្រើ៖ ឬស 8-16ក្រាម ដាំផឹក សម្បកដើមដាំផឹកឬកិនជាម្ស៉ៅត្រាំស្រា ឬសូន្យគ្រាប់លេបពី6-12ក្រាម។
- #កន្លែងដាំដុះ៖ ដុះខ្លួនឯងនៅតាមព្រៃភ្នំ ក្រោមឈើធំ ព្រៃរបស់។
- #កំណត់សម្គាល់៖ ហាមប្រើស្ត្រីមានផ្ទៃពោះ។
ប្រភព: រុក្ខជាតិ ឱសថ
