29/08/2019
✨បង្កងអប់មីសួ
( បង្គា ក្តាមថ្ម ក្តាមសេះ អប់បានដូចគ្នា )
របៀបធ្វើ បង្កងអប់មីសួ
#គ្រឿងផ្សំ
- បង្កង ៨-១០ វះយកទ្រនុងខ្នងចេញ
- មីសួរ ១កញ្ចប់តូច (ត្រាំទឹកឲ្យទន់)
- ខ្ញីចិត ១០-១៥បន្ទះ
- ទឹកស៊ុបមាន់ កន្លះកូនចាន
- ប្រេងខ្យង ២ស្លាបព្រាបាយ
- ទឹកស៊ីអ៊ីវ ១ស្លាបព្រាកាកហ្វេ
- ប្រេងល្ងរ កន្លះស្លាបព្រាកាហ្វេ
- ស្ករស ២ស្លាបព្រាកាហ្វេ
- ម្រេច កន្លះស្លាបព្រាកាហ្វេ
- ខ្ទឹមស ៥-៧កំពឹស
- ដើមជីវ៉ាន់ស៊ុយហាន់ ១ស្លាបព្រាបាយ
- ស្លឹកខ្ទឹម ១ដើមហាន់បញ្ឆិត
#វិធីធ្វើ
១. មុនដំបូងយកចានមកលាយ ទឹកស៊ុបមាន់, ប្រេងខ្យង, ទឹកស៊ីអ៊ីវ, ប្រេងល្ងរ និងស្ករស រួចកូរចូលគ្នាឲ្យសព្វ។
២. បន្ទាប់ពីកូរចូលគ្នាសព្វហើយយកទៅចាក់លាយចូលជាមួយមីសួរច្របល់ចូលគ្នាឲ្យសព្វគ្រឿង រួចយកបង្កងដាក់ចូលច្របល់ចូលគ្នាម្តងទៀត។
៣. យកខ្ទឹមសដាក់បុក (មិនបាច់ម៉ត់ពេកទេ) រួចដាក់ដើមជីវ៉ាន់ស៊ុយ និងម្រេច បុកចូលគ្នាថើរៗបន្តិចទៀតបានហើយ។
៤. ដួសវាដាក់ចូលក្នុងឆ្នាំង រួចបន្ថែមខ្ញី និងប្រេងល្ងរកូរចូលគ្នា បន្ទាប់មកយកវាដាក់លើភ្លើងឲ្យក្តៅយកមីសួរបង្គាលាយគ្រឿងរួចដាក់ចូល។
៥. បិតគំរបឲ្យជិតទុកវាប្រហែលជា ៣នាទីចូកត្រឡប់ពីក្រោមមកលើរួចទុកមួយភ្លេចទៀតរោយស្លឹកខ្ទឹមពីលើជាការស្រេច៕
