Luy Khmer

14/10/2026

💵លោក Warren Buffett ដែលជាស្ដេចវិនិយោគលើពិភពលោក ធ្លាប់បានបង្ហើបពីសម្ងាត់នៃការបង្កើតទ្រព្យសម្បត្តិដ៏ធំបំផុតរបស់លោកថា វាកើតចេញពីសមាសធាតុ 3 យ៉ាងគឺ «ប្រាក់ដើម x ផលតបស្នង x ពេលវេលា»។

ក្នុងចំណោមសមាសធាតុទាំង 3 នេះ ចន្លោះអាយុពី 20 ទៅ 40 ឆ្នាំ គឺជាពេលវេលាដ៏មានតម្លៃបំផុតដែលធម្មជាតិប្រគល់ឱ្យអ្នក។

នេះជាកំឡុងពេលដែលអ្នកមានកម្លាំងកាយមាំមួន ខួរក្បាលរហ័សរហួន និងមានឱកាសប្រឈមមុខនឹងហានិភ័យបានច្រើនជាងគេ។
ភារកិច្ចតែមួយគត់របស់អ្នកនៅក្នុងវ័យនេះ គឺមិនមែនប្រញាប់ប្រញាល់ទិញសម្ភារនិយមដើម្បីបង្អួតអ្នកដទៃឡើយ តែត្រូវប្រើប្រាស់កម្លាំងកាយចិត្តទាំងស្រុងមកអភិវឌ្ឍជំនាញ និងធ្វើការយ៉ាងសកម្ម ដើម្បីបង្កើន «ប្រាក់ដើម» ឱ្យធំតាមដែលអាចធ្វើទៅបាន។

ហេតុអ្វីបានជាត្រូវប្រឹងពង្រីក «ប្រាក់ដើម» ជាមុន?

មនុស្សភាគច្រើនតែងតែប្រាថ្នាចង់បានអត្រាផលតបស្នងខ្ពស់ៗពីការវិនិយោគ ប៉ុន្តែគេភ្លេចគិតថា បើប្រាក់ដើមតិចខ្លាំង ទោះជាបានផលតបស្នងច្រើនភាគរយក៏ដោយ ក៏ទឹកប្រាក់ដែលទទួលបានមកវិញនៅតែតិចតួចដែរ។

សូមមើលឧទាហរណ៍៖
- ករណីទី 1
បើអ្នកមានប្រាក់ដើមត្រឹមតែ $1,000 ហើយអ្នកខំប្រឹងរករៀបចំការវិនិយោគបានផលតបស្នងប្រហែល 10% ក្នុងមួយឆ្នាំ នោះលុយដែលកើនឡើងបានត្រឹមតែ $100 ប៉ុណ្ណោះក្នុងមួយឆ្នាំ។

- ករណីទី 2
ប៉ុន្តែបើអ្នកខិតខំអភិវឌ្ឍជំនាញបន្ថែម រហូតដល់អាចសន្សំប្រាក់ដើមបាន $10,000 ហើយយកទៅដាក់វិនិយោគក្នុងកម្រិតផលតបស្នងសុវត្ថិភាពប្រហែល 10% ដូចគ្នា នោះលុយកើនឡើងរបស់អ្នកនឹងលោតដល់ $1,000 ក្នុងមួយឆ្នាំ។

ទិន្នន័យនេះបង្ហាញច្បាស់ណាស់ថា នៅពេលប្រាក់ដើមរបស់អ្នកកាន់តែធំ វានឹងរញ៉ោចគុណផលតបស្នងឱ្យបង្កើតជាសាច់ប្រាក់មកវិញ ដោយអ្នកមិនបាច់ហត់នឿយរត់តាមរកលុយពេញមួយជីវិតឡើយ។

1. បង្កើនចំណូលពីជំនាញ។
ចំណាយពេលរៀនជំនាញណាដែលទីផ្សារកំពុងខ្វះខាត និងឱ្យតម្លៃខ្ពស់ ដូចជាជំនាញលក់ ចរចា ឬការគ្រប់គ្រងអាជីវកម្ម។
ការកើនឡើងនៃប្រាក់ខែ ឬប្រាក់ចំណេញពីអាជីវកម្ម គឺជាប្រភពទី 1 ក្នុងការចាក់បំពេញប្រាក់ដើមរបស់អ្នក។

2. បញ្ជូន «ប្រាក់ដើម» ឱ្យទៅធ្វើការជំនួស តាមរយៈពេលវេលា។
នៅពេលអ្នកមានប្រាក់ដើមធំល្មុមហើយ ចូរយកវាទៅដាក់វិនិយោគលើទ្រព្យសកម្មដែលមានសុវត្ថិភាពនៅកម្ពុជា ដូចជាការផ្ញើប្រាក់សន្សំថេរនៅធនាគារដែលឱ្យការប្រាក់ឧទាហរណ៍ 6% ទៅ 7% ក្នុងមួយឆ្នាំ ឬការទិញអចលនទ្រព្យ/ដីធ្លីខ្នាតតូចដែលមានសក្ដានុពល។

នៅពេលអ្នកអាយុឈានដល់ 40 ឆ្នាំ លុយដែលអ្នកបានសន្សំ និងវិនិយោគក្នុងអំឡុងពេលប្រាក់ដើមធំនោះ នឹងបង្កើតជាចរន្តសាច់ប្រាក់អកម្មអូតូម៉ាតិចមកវិញ។
អ្នកនឹងមានសេរីភាពផ្លូវចិត្ត លែងភ័យខ្លាចរឿងអត់ការងារធ្វើ និងអាចរស់នៅដោយមានភាពស្ងប់ស្ងាត់។

ចូរកុំខ្ជះខ្ជាយវ័យ 20 ទៅ 40 ឆ្នាំទៅលើតែការកម្សាន្តបណ្ដោះអាសន្ន។ ចាប់ផ្តើមពង្រឹងជំនាញ បង្កើនប្រាក់ដើមចាប់ពីថ្ងៃនេះតទៅ ដើម្បីឱ្យលុយជួយធ្វើការជំនួសអ្នកនៅថ្ងៃអនាគត។

💭អរគុណអ្នកទាំងអស់គ្នា ដែលតែងតែគាំទ្រ Money Buddy មករហូត!
សូមជួយ Like, Follow និង Share ជាសាធារណៈ ដើម្បីចែករំលែកចំណេះដឹង ហិរញ្ញវត្ថុដល់បងប្អូនកម្ពុជាទាំងអស់គ្នា! 💚

#ｆｏｒｙｏｕシ

11/10/2026