BBC 168 Printing Services

26/06/2026

21/06/2026

បុរសម្នាក់សង្ស័យស្ថិតក្នុងស្ថានភាពស្រវឹង បើករថយន្តបុកម៉ូតូបណ្តាលឱ្យមន្ត្រីនគរបាលស្លាប់ និងមនុស្ស ២នាក់ទៀតរងរបួស ខណៈព្យាយាមរត់គេចតែត្រូវប្រជាពលរដ្ឋឃាត់ខ្លួនបាន

ភ្នំពេញ : ស្ត្រីម្នាក់ដែលជាមន្ត្រីនគរបាលខេត្តកំពត បានបាត់បង់ជីវិតយ៉ាងគួរឱ្យសោកស្តាយ ខណៈមនុស្ស ២នាក់ទៀតបានរងរបួស បន្ទាប់ពីមានគ្រោះថ្នាក់ចរាចរណ៍មួយដែលបង្កឡើងដោយរថយន្តមួយគ្រឿង សង្ស័យថាអ្នកបើកបរស្ថិតក្នុងស្ថានភាពស្រវឹង និងបើកបរក្នុងល្បឿនលឿន។

ហេតុការណ៍នេះបានកើតឡើងនៅវេលាម៉ោងជាង ១១ យប់ ថ្ងៃទី១៩ ខែមិថុនា ឆ្នាំ២០២៦ នៅតាមបណ្តោយផ្លូវខាងក្រោយផ្សារទំនើបអ៊ីអន ៣ ស្ថិតក្នុងសង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ។
តាមព័ត៌មានដែលបានផ្សព្វផ្សាយ ជនរងគ្រោះ និងអ្នករួមដំណើរ ២នាក់ទៀត បានជិះម៉ូតូមួយគ្រឿងម៉ាក Scoopy ស្របពេលដែលរថយន្តបង្កបានបុកពីក្រោយ បណ្តាលឱ្យស្ត្រីជាមន្ត្រីនគរបាលស្លាប់នៅកន្លែងកើតហេតុ ខណៈអ្នករួមដំណើរពីរនាក់ទៀតរងរបួស។

បន្ទាប់ពីកើតហេតុ អ្នកបើកបររថយន្តបានព្យាយាមបើករត់គេចខ្លួន ប៉ុន្តែត្រូវបានប្រជាពលរដ្ឋដេញឃាត់ និងប្រគល់ជូនសមត្ថកិច្ចដើម្បីចាត់ការតាមនីតិវិធីច្បាប់។ តាមសេចក្តីរាយការណ៍បឋម បុគ្គលរូបនេះសង្ស័យថាមានជាតិស្រវឹង ហើយក្រោយត្រូវបានឃាត់ខ្លួន បានលុតជង្គង់សំពះសុំទោសចំពោះទង្វើរបស់ខ្លួន។

ទន្ទឹមនឹងនេះ លោកឧត្តមសេនីយ៍ទោ ម៉ៅ ច័ន្ទមធុរិទ្ធ ស្នងការនគរបាលខេត្តកំពត បានបង្ហាញការសោកស្តាយចំពោះការបាត់បង់មន្ត្រីក្រោមឱវាទ និងបានលើកឡើងថា អ្នកបង្កត្រូវទទួលខុសត្រូវចំពោះមុខច្បាប់។ លោកក៏បានសម្តែងក្តីអាណិតចំពោះកូនតូចៗចំនួន ២នាក់ ដែលបានបាត់បង់ម្តាយដោយសារឧបទ្ទវហេតុដ៏សោកនាដកម្មនេះ។
ករណីនេះកំពុងស្ថិតក្រោមការស៊ើបអង្កេត និងចាត់ការបន្តដោយសមត្ថកិច្ចជំនាញ ស្របតាមនីតិវិធីច្បាប់ជាធរមាន។

13/05/2026

ករណីអគ្គីភ័យឆេះផ្ទះប្រជាពលរដ្ឋនៅភូមិ២ស្វាយរលំក្រុងតាខ្មៅថ្ងៃទី 12 ខែ 5 ឆ្នាំ 2026