https://www.facebook.com/1641960472765678/

HH Stainless steel, 1982, Phnom Penh (2026)

10/06/2017

នាំមកជូនដោយ អ៊ីណុកតៃវ៉ាន់ម៉ាក អេច អេច គុណភាពល្អផ្ដាច់គេលេខមួយ

10/06/2017

ឥណ្ឌាបង្ហាញមហិច្ឆតាលក់តែរថយន្តអគ្គិសនីចាប់ពីឆ្នាំ ២០៣០

២០៣០រដ្ឋាភិបាលឥណ្ឌាបានដាក់ចេញផែនការមួយសម្រាប់អនាគតដើម្បីបរិស្ថានបៃតងដោយគ្រោងលក់តែរថយន្តអគ្គិសនីតែមួយមុខចាប់ពីឆ្នាំ ២០៣០ តទៅ។ មហិច្ឆតាដ៏ធំនេះគឺដើម្បីឆ្លើយតបទៅនឹងបញ្ហាកង្វក់បរិយាកាសដែលក្នុងមួយឆ្នាំៗសម្លាប់មនុស្សប្រមាណ ១,២ លាននាក់។

10/06/2017

ស្ងាត់ៗ Samsung ចេញ Monitor កោង ហើយវែងអស់ស្ទះCHG90 ជា Monitor ប្រភេទទ្រវែង (Wide) កោង ដែល Samsung ទើបដាក់បង្ហាញសម្រាប់អន្ទងចិត្តអ្នកនិយមការលេងហ្គេម និងការងារកម្រិតជំនាញនានា។Monitor នេះ ត្រូវគេរាប់បញ្ចូលជាប្រភេទ Super ultrawide ដែលវាមានទំហំ ៤៩ អ៊ីញ អាចបង្ហាញរូបកោង ១៧២ ដឺក្រេ ហើយមាន aspect ratio 32:9។ CHG90 មានមុខងារអនុញ្ញាតឲ្យអ្នកប្រើប្រាស់កំណត់ចែករូប ២ ក្នុងអេក្រង់តែមួយ ហើយបំណែងចែកនីមួយៗបង្ហាញរូបទំហំ ៣ ៨៤០ x ១ ០៨០ កម្រិត Full HD។អេក្រង់កោង និងការរចនាជើងទម្រដ៏ទាក់ទាញ CHG90 ផលិតឡើងដោយប្រើកញ្ចក់ VA LCD ដែលអាចបញ្ចេញរូបដែលមានពណ៌ធម្មជាតិត្រឹមត្រូវ មាន refresh rate ដល់ទៅ ១៤៤ hertz ហើយមានតម្លៃ ១ ៥០០ ដុល្លារ (បរទេស)៕

10/06/2017

ដើម្បីកូន ភិន សុដាលីស ១ថ្ងៃៗនាងប្រឹងសម្បើមណាស់!
ក្រោយពីសម្រាលកូនរួចមក ភិន សុដាលីស ប្រឹងចេញថតខ្សែភាពយន្តភាគ និងខ្នាតធំជាបន្តបន្ទាប់រហូតធ្វើឲ្យនាងមានពេលវេលាតិចតួចបំផុតនៅជាមួយកូនស្រី។តួឯកស្រីក្នុងរឿង "មន្តស្នេហ៍លេខា" បានប្រាប់ Sabay ថា មួយរយៈចុងក្រោយនេះនាងបានជួបមុខកូនស្រីជាទីស្រឡាញ់បានតិចម៉ោងណាស់ ព្រោះចេញថតរឿងស្ទើររកពេលសម្រាកគ្មាន

ប់។

“និយាយទៅអត់ទៀង ពេលខ្លះក្នុង១ថ្ងៃបានជួបមុខកូន ៥ ទៅ៦ ម៉ោងដែរ។ ជូនកាលខ្ញុំមកពីថតរឿងពាក់កណ្ដាលយប់អញ្ចឹងមកដល់ផ្ទះកូនគេងលក់បាត់អត់ហ៊ានដាស់ទេទុកឲ្យគាត់គេង ទោះបីខ្ញុំនឹកគាត់ប៉ុណ្ណាក៏ដោយ" ។ ដាលីស លើកឡើងដូច្នេះ។
ដាលីស បន្ថែមថា តែបើថ្ងៃណាមានពេលទំនេរពេញមួយ១ថ្ងៃវិញនាងគ្មានទៅណាឆ្ងាយពីកូនស្រីឡើយគឺនៅក្បែរកូន និងប្រលែងលេងជាមួយកូនជានិច្ច៕

09/06/2017

ដើម្បី ពេជ្រ សោភា ឆឹម សក្កដា មិនបានគេង រៀបចំកម្មវិធីពិសេស
ឲ្យនាងទាំងយប់ មើលហើយ រំភើបជំនួស

ភ្នំពេញ៖ បិទភ្នែកបើកភ្នែក គឺកំពូលតារាចម្រៀង អ្នកនាង ពេជ្រ សោភា កើនអាយុមួយឆ្នាំទៀតហើយ ប៉ុន្តែសម្រាប់ខួបកំណើតឆ្នាំនេះ គឺនាង មានមនុស្សពិសេស ជាអ្នកធ្វើឲ្យនាង ផ្ទាល់តែម្តង។

នៅក្នុងគណនីហ្វេសប៊ុក របស់លោក ឆឹម សក្កដា បានបង្ហាញនូវវីដេអូLive និង រូបថតមួយចំនួន ដែលលោក បាន Surprise នាង ទាំងយប់។ អ្វីដែលសំខាន់ គឺលោក ឆឹម សក្កដា បានរៀបចំ នូវនំខេកយ៉ាងស្រស់ស្អាត ជាមួយនឹងពណ៌ស្វាយ ដែលជាពណ៌ អ្នកនាង ពេជ្រ សោភា ស្រលាញ់ទៀតផង។

ទិដ្ឋភាពបែបនេះ បានធ្វើឲ្យ អ្នកនាង ពេជ្រ សោភា រំភើបចិត្តយ៉ាងខ្លាំង ដែលឃើញ លោក ឆឹម សក្កដា បានចំណាយពេលវេលា ទាំងយប់ ដើម្បីរៀបចំ នូវកម្មវិធីឲ្យនាង។

ដូច្នេះប្រិយមិត្ត ចាំរង់ចាំមើលថា នៅថ្ងៃនេះ ជាថ្ងៃខួបកំណើតពិត របស់អ្នកនាង ពេជ្រ សោភា តើ លោក ឆឹម សក្កដា នឹងមានកាដូពិសេសអ្វី ទុកជូននាង?

09/06/2017

ចូលរួមត្រេកអរ នាងឃ្មឹប មានដំណឹងល្អ២ទៀតហើយ

បន្ទាប់ពីត្រូវបាននាយកុយ អនុញ្ញាតឲ្យចូលសម្ដែងក្នុងក្រុមសារជាថ្មីមក អ្នកនាង រ៉េន សុធារី ហៅ ឃ្មឹប បច្ចុប្បន្នកាន់តែមានទីផ្សារសិល្បៈខ្លាំងឡើងៗហើយ ដោយតារាកំប្លែងស្រីរូបនេះ បានបង្ហើបឲ្យSabayដឹងថា ថ្មីៗនេះ នាងទើបតែទទួលបានការងារសិល្បៈធំៗចំនួន២ទៀត ។

ការងារធំៗទាំង២ ដែលនាងសង្ឃឹមថា អាចជួយលើកប្រជាប្រិយ និងជួយដល់សេដ្ឋកិច្ចគ្រួសារបានប្រសើរឡើងវិញនេះ មានទី១ ការគ្រោងចេញសម្ដែងនៅប្រទេសអូស្ត្រាលី និងទី២ ទើបតែចុះកុងត្រាថតរឿង១ទៀត។

នាង ឃ្មឹប បានថ្លែងឲ្យដឹងថា មានSponserនៅប្រទេសអូស្ត្រាលីបានទាក់ទងមកនាង ដោយចង់ជួយនាងបានឡើងទៅសម្ដែង ដើម្បីបានប្រាក់មកផ្គត់ផ្គង់គ្រួសារ ប៉ុន្តែការចេញទៅនោះ មិនមែនធ្វើឡើងឆាប់ៗនេះទេ គឺគ្រោងចេញទៅអំឡុងចូលឆ្នាំខ្មែរខាងមុខឯណោះ។ "គាត់បានទូរសព្ទមកសួរខ្ញុំថា ចង់ជួយទៅអូស្ត្រាលីហ្នឹងបង តែឥលូវហ្នឹងខ្ញុំអត់មានឯកសារអីទាំងអស់ ព្រោះកន្លងមកប៉ាស្ព័រ អត្តសញ្ញាណប័ណ្ណ ចោរឆក់បាត់អស់ហើយ ខ្ញុំកំពុងតែធ្វើឡើងវិញ"។ ឃ្មឹប លើកឡើង ។

អតីតប្រពន្ធនាយ ហុងដា រូបនេះបានបន្តឲ្យដឹងទៀតថា តាមការឲ្យដឹងពី Sponserដែលគ្រោងធានាយកនាងទៅនោះ គ្រោងយកតារាចំនួន៣រូបផ្សេងទៀត ក្នុងនោះមានដៃគូកំប្លែងប្រុសត្រូវសម្ដែងជាមួយនាងម្នាក់ និងតារាចម្រៀងប្រុសម្នាក់ ស្រីម្នាក់ទៀត ប៉ុន្តែអ្នកទាំងនោះ មិនទាន់ដឹងថា ម្ចាស់ Sponser គ្រោងយកតារានោះឡើយ។

ចំពោះការថតភាពយន្តវិញ ឃ្មឹប ទើបតែចុះកុងត្រាថតរឿងភាគ១ ចំណងជើង និងឈ្មោះផលិតកម្ម នាងមិនអាចបញ្ចេញបានឡើយ ព្រោះម្ចាស់ផលិតកម្មមិនទាន់ឲ្យបញ្ចេញ។ ខ្សែភាពយន្តនោះនាងថា នាងដើរតួជាអ្នកបម្រើបែបកំប្លែង ហើយគ្រោងក្រុងពាលីនាងថ្ងៃទី ១៩ ខែ មិថុនា ឆ្នាំ ២០១៧ ខាងមុខនេះ។
តាមការរយៈការងារទាំង២ខាងលើ នាង ឃ្មឹប រំពឹងថា នឹងជួយបង្កើនប្រជាប្រិយភាព និងសេដ្ឋកិច្ចគ្រួសារនាងកាន់តែប្រសើរជាងនេះថែមទៀតជាក់ជាមិនខាន។ កន្លងមក ឃ្មឹប ធ្លាប់សម្ដែងរឿងបាន៤ទៅ៥ រឿងមកហើយក្នុងនោះមានដូចជា រឿង "ព្រះមហោសថ” ,រឿង "សុំកើតជាកូនភ្លោះកូន៣",រឿង"ម្ចាស់ភូមិគ្រឹះលងផ្អើលភូមិ", និង រឿង"ខ្លាចអីខ្ញុំ"៕

09/06/2017

រកឯណាមាន! Mazda ទិញចូល ដូរអោយថ្មី ថែម ៥០០០ ដុល្លារ ទៀតឱកាសពិសេសមកដល់ហើយ អតិថិជន ដែលមានក្តីស្រមៃចង់ក្លាយជាម្ចាស់រថយន្ត Mazda 3 ឫ Mazda CX-3 ពេលនេះក្រុមហ៊ុន HGB Group Co., Ltd. ដែលនាំចូលរថយន្តម៉ាកMazdaមកក្នុងទីផ្សារកម្ពុជា បានប្រកាសជាផ្លូវការនូវកម្មវិធីដ៏កម្រមួយ “ទិញចូល ដូរអោយថ្មី” ដែលនឹងជួយឲ្យអ្នកបានសម្រេចបំណងប្រាថ្នាខ្លួនកាន់តែឆាប់រហ័សទៀតផង។

កម្មវិធី “ទិញចូល ដូរអោយថ្មី” នេះនឹងផ្ដល់ឱកាសដល់អ្នកដែលមានរថយន្តគ្រប់ម៉ាកគ្រប់ស៊េរី យករថយន្តរបស់ខ្លួនមកប្ដូរយករថយន្តថ្មី ស៊េរីថ្មីទំនើបចុងក្រោយឆ្នាំ២០១៧ គឺម៉ាក Mazda3 ឫ Mazda CX-3 ពីក្រុមហ៊ុនMazda ដោយធានាទិញរថយន្តចូលក្នុងតម្លៃលើសទីផ្សារដល់ទៅ ៥០០០ ដុលា្លរអាមេរិក បូករួមនឹងអត្ថប្រយោជន៏ផ្សេងៗជាច្រើនទៀត។

លោកស្រី អ៊ុន កញ្ញា ជាអ្នកគ្រប់គ្រងទូទៅនៃក្រុមហ៊ុន HGB Group Co., Ltd បានឲ្យដឹងថា "កម្មវិធី ទិញចូល ដូរអោយថ្មី នេះជាកម្មវិធីពិសេសនិងជាឱកាសដ៏កម្រសម្រាប់ អ្នកស្រលាញ់និងមានក្តីស្រមៃចង់ក្លាយជាម្ចាស់រថយន្តម៉ាក Mazda ស៊េរី Mazda3 ឫ Mazda CX-3 កាន់តែងាយស្រួលនិងឆាប់រហ័ស។ ក្រុមហ៊ុនHGB Auto Co., Ltd. យល់ច្បាស់ពីតម្រូវការរបស់អតិថិជន និង មានបំណងចង់ឲ្យអតិថិជនរបស់យើងទទួលបាននូវភាពទាន់សម័យ និង ភាពរីករាយ ក្នុងធ្វើដំណើរជាមួយរថយន្តដែលជាបច្ចេកវិទ្យាចុងក្រោយរបស់យើង។"

ជាមួយរូបរាងស្រស់ស្អាត និង ទាក់ទាញ បែបរថយន្ត Sportសម័យថ្មី Mazda3 មានលក្ខណៈពិសេស ដោយដោយបច្ចេកវិទ្យា SKYACTIV តួរថយន្តស្រាល ប៉ុន្តែ រឹងមាំ សន្សំសំចៃប្រេង ដែលធ្វើឲ្យការបើកបរប្រកបដោយភាពរីករាយ និង សុវត្ថិភាព ។ Mazda3 បង្កើតឡើង សម្រាប់អ្នកដែលស្រលាញ់ការបើកបរ ។ ចំណែក Mazda CX-3 រចនាឡើងក្នុងរូបរាងយ៉ាងស្រស់សង្ហា និង តម្រូវតាមការបើកបរបានគ្រប់កាលៈទេសៈផ្លូវ ។ Mazda CX-3 ក៏មានបំពាក់ដោយបច្ចេកវិទ្យា SKYACTIV និង មានប្រពន្ធ័បញ្ឈប់ម៉ាស៊ីន i-Stop សុវត្ថិភាពខ្ពស់ និង សន្សំសំចៃប្រេងផងដែរ ។

អ្នកគ្រប់គ្រងទូទៅខាងលើបន្ថែមទៀតថា៖ "កម្មវិធីនេះនឹងប្រព្រឹត្តទៅតាម ចំនួន រថយន្តដែលមានកំណត់ក្នុងស្តុកប៉ុណ្ណោះ ដូច្នេះអ្នកមាន ចង់ក្លាយជាម្ចាស់ រថយន្ត ទាំងពីរ ស៊េរីនេះ គួរតែប្រញាប់ទាក់ទងមកក្រុមហ៊ុនMazdaឲ្យបានរួសរាន់”។

Mazda 3 ឫ Mazda CX-3 មានដាក់តាំងបង្ហាញនៅតាមសាខារបស់ក្រុមហ៊ុនMazda និង មានលេខទូរស័ព្ទលេខ ០៩៥ ៩៩៩ ៥៩៩ ឬ ០៩៥ ៩៩៩ ៦៩៩ ដើម្បីសាកសួរព័ត៌មានលម្អិតពីកម្មវិធីពិសេសនេះ៕

09/06/2017

ដោយសារគ្មានអ្នកជួយគ្រប់គ្រង មេ Google សម្រេចលក់ផ្នែកផលិតមនុស្សយន្តចោលAlphabet Inc. ដែលជាក្រុមហ៊ុនមេរបស់ Google បានសម្រេចលក់ Boston Dynamics ដែលជាក្រុមហ៊ុនផលិតមនុស្សយន្តទំនើបៗឲ្យទៅធនាគារដ៏ធំរបស់ជប៉ុន SoftBank។

ការសម្រេចលក់ Boston Dynamics មកពីការចាកចេញរបស់សហស្ថាបនិកនៃប្រព័ន្ធប្រតិបត្តិការ Android លោក Andy Rubin ដែលជាមនុស្សសំខាន់ក្នុងការគ្រប់គ្រង និងដឹងនាំក្រុមហ៊ុនផលិតមនុស្សយន្ត Boston Dynamics នេះ។

Boston Dynamics មានអាយុ ២៥ ឆ្នាំ ហើយកើតចេញពីក្រុមវិស្វករគ្រឿងយន្តដែលបំបែកខ្លួនចេញពីសកលវិទ្យាល័យបច្ចេកវិទ្យាអេឡិចត្រូនិកល្បីបំផុតរបស់អាមេរិក MIT (Massachusetts Institute of Technology)។

SoftBank ជាធនាគារវិនិយោគដ៏ធំរបស់ជប៉ុនដែលផ្ដោតលើវិស័យបច្ចេកវិទ្យា ខណៈប្រមុខដឹងនាំធនាគារនេះមានទំនាក់ទំនងយ៉ាងស្អិតរមួតជាមួយរដ្ឋាភិបាលក្នុងវ៉ាស៊ីនតោនបច្ចុប្បន្ន៕

09/06/2017

ស្បែកជើងប៉ាតាស្លាកយីហោ Apple មួយគូ ទិញបានរថយន្តមួយគ្រឿងស្បែកជើងប៉ាតាភ្ជាប់ស្លាកយីហោ Apple មួយគូដែលកម្របានឃើញ ត្រូវបានក្រុមហ៊ុនដេញថ្លៃ Heritage Auctions ប្រកាសត្រៀមដាក់លក់នៅតម្លៃដំបូង ១៥ ០០០ ដុល្លារ ទៅ ៣០ ០០០ ដុល្លារ លើគេហទំព័រ eBay នាថ្ងៃទី ១១ មិថុនា ខាងមុខ។

ស្បែកជើងមួយនេះត្រូវបានគេដឹងឡើងផលិតនាអំឡុងឆ្នាំ ១៩៩០ ព្រោះមានភ្ជាប់ស្លាកយីហោ Apple ជំនាន់ចាស់ពណ៌ឥន្ទធនូ ដែលកាលនោះទំនងផលិតឡើងសម្រាប់ឱ្យបុគ្គលិកក្នុងក្រុមហ៊ុនផ្ទាល់តែម្ដង។

យ៉ាងណាមិញនេះមិនមែនជាផលិតផលទី ១ ទេ របស់ Apple ដែលមានតម្លៃកប់កំពូល។ កន្លងទៅរបស់របរដែលអតីតប្រធាន Apple លោក Steve Jobs ប្រើប្រាស់ ត្រូវបានគេប្រកាសលក់ដូចគ្នា ដោយរួមមាន អាវស្បែកសត្វតម្លៃ ២២ ០០០ ដុល្លារ, ខោវប៊យតម្លៃ ៣ 000 ដុល្លារ និងនាឡិកា Seiko តម្លៃ ១២ ៨០០ ដុល្លារ។

07/06/2017

គង់ សុជាតិ ៖ កូនស្រីអាយុទើប៥ខែ តែរកចំណូលបាន ខ្ទង់ម៊ឺនដុល្លារ

ភ្នំពេញ៖ ពិធីការិនីល្បីឈ្មោះ អ្នកនាង គង់ សុជាតិ បាន បង្ហើបថា កូនស្រីបណ្តូលចិត្ត របស់អ្នកនាង និងលោក ជា វិបុល ដែលមានឈ្មោះថា ជា សុជាតិនារី បើគិតរហូតដល់ពេលនេះ មានអាយុប្រហែល៥ខែហើយ តែកូនស្រីរបស់ អ្នកនាងរកចំណូល បានខ្ទង់ម៊ឺនដុល្លារហើយ។

អ្នកនាង គង់ សុជាតិ បានប្រាប់ Looking TODAY ថា កូនស្រីអ្នកនាងតាំងពី សម្រាលហើយ ដល់ពេលនេះមានអាយុ ៥ខែហើយ តែកូនស្រីរូបនេះត្រូវបានម្ចាស់ ក្រុមហ៊ុនផលិតផលមួយចំនួន បានទាក់ទងឲ្យថតស្ពត មួយចំនួន បើយាយពីចំណូលរបស់កូនស្រី គឺបានប្រមាណខ្ទង់ម៊ឺនដុល្លារហើយ។

អ្នកនាង គង់ សុជាតិ បានប្រាប់ទៀតថា អ្នកនាង និងស្វាមីបានសម្រេចថា ចំណូលដែលកូនស្រីរកបាន ចាប់តាំងពីគាត់តូច រហូតដល់ធំគ្រប់អាយុ១៨ឆ្នាំ គឺអ្នកនាង និងស្វាមី និងទុកថវិកានោះឲ្យកូនទាំងអស់ ព្រោះថានេះជាកំលាំងញើសឈាម ដែលកូនធ្វើការបានប្រាក់មក។

ទោះជាពេលនេះ អ្នកនាង គង់ សុជាតិ និងស្វាមី មានកូនស្រីជាទីស្រលាញ់ ហើយក៏ដោយ តែក្តីប្រាថ្នារបស់អ្នកនាង គឺចង់បានកូនភ្លោះពីរនាក់បន្ថែមទៀត ប៉ុន្តែស្វាមីមិនទាន់ចង់ឲ្យយកទេ ព្រោះគាត់គិតពីសុខភាព របស់អ្នកនាង និងចង់ឲ្យកូនធំសិន បើសិនជាមានតែមួយនេះក៏បានដែរ ៕

07/06/2017

ស្ថាបនិក Android ត្រៀមបញ្ចេញវត្តមាន កំពូលស្មាតហ្វូនដំបូងបំផុតរបស់ខ្លួន នៅលើទីផ្សារ

បរទេស៖ នៅទីបំផុត លោក Andy Rubin ដែលទូទៅត្រូវបានគេស្គាល់ថាជាស្ថាបនិក Andriod ដែលជាប្រព័ន្ធប្រតិបត្តិការកំពុងមាននៅលើទូរសព្ទស្មាតហ្វូនរាប់ពាន់លានគ្រឿងជុំវិញពិភពលោក បានប្រកាសជាផ្លូវការថា កំពូលស្មាតហ្វូនដំបូងបំផុតដែលផលិតដោយក្រុមហ៊ុនលោកផ្ទាល់ នឹងមានវត្ដមាននៅលើទីផ្សារ មិនដល់ ៣០ថ្ងៃខាងមុខនេះទៀតទេ។

កំពូលស្មាតហ្វូនរបស់ក្រុមហ៊ុន Android នេះត្រូវបានលោក Andy Rubin ឲ្យឈ្មោះថា Essential Phone មើលទៅមានភាពលេចធ្លោប្លែកពីស្មាតហ្វូនដទៃទៀតដែលកំពុងមានវត្ដមាននៅលើទីផ្សារបច្ចុប្បន្ន។ អេក្រង់របស់កំពូលស្មាតហ្វូននេះនឹងត្រូវបំពាក់ដោយកញ្ចក់ប្រភេទ Corning Gorilla Glass ជំនាន់ទី៥ មានសមត្ថភាពអាចបង្ហាញរូបភាពបានក្នុងកំរិត Quad HD 1312 x 2560 ដែលផ្ទៃអេក្រង់ទាំងមូលមានទំហំ 5,71អ៊ីញ លាតសន្ធឹងស្ទើរតែពេញតួខ្លួនរបស់ទូរសព្ទទៅហើយ។

បន្ថែមលើនេះទៅទៀត ក្រុមហ៊ុនមួយនេះក៏បានបញ្ជាក់ថា ស្មាតហ្វូនកំពូលរបស់ខ្លួនមួយនេះនឹងអាចតភ្ជាប់ជាមួយនឹងឧបករណ៍ទំនើបផ្សេងៗបានផងដែរ ជាក់ស្ដែងដូចជាកាមេរ៉ា ៣៦០ដឺក្រេ ដ៏ពេញនិយមដែលកំពុងមានវត្ដមាននៅលើទីផ្សារស្រាប់។

ជាមួយគ្នានេះផងដែរ ក្រុមហ៊ុយយក្សដែលស្ថិតនៅក្រោមការគ្រប់គ្រង់របស់ក្រុមហ៊ុនមេ Google ចាប់តាំងពីឆ្នាំ ២០០៨ នេះ ក៏បានបើកឲ្យមានការកុម៉្មង់ចាប់ពីពេលនេះផងដែរ ដែលមានតម្លៃចាប់ពី ៦៩៩ដុល្លារអាមេរិកឡើងទៅ។

លក្ខណៈសម្បត្ដិទូទៅរបស់ Essential Phone មាន៖

-អេក្រង់ 5,71អ៊ីញ កំរិតបង្ហាញរូបភាព Quad HD 1312 x 2560 ទម្ងន់ ១៨៥ក្រាម

-ប្រតិបត្ដិការ Android OS 7.1

-កាមេរ៉ាភ្លោះនៅខាងក្រោយទំហំ 13MP និងការមេរ៉ាមុខទំហំ 8MP

-ស៊ីភីយូ (CPU) Snapdragon 835

-អង្គផ្ទុកទិន្នន័យទំហំ 128GB និងមានរ៉េម (RAM) ទំហំ 4GB
-ថ្មទំហំ 3040 mAh និងប្រើ USB ប្រភេទ C ជាមួយបច្ចេកវិទ្យាសាកថ្មលឿន

07/06/2017

ចិនបង្ហាញរថភ្លើង បើកបរលើផ្លូវថ្នល់កៅស៊ូធម្មតារថភ្លើងស្វ័យប្រវត្តិ (ART) ត្រូវបានបង្ហាញជាលើកដំបូងកាលពីសប្តាហ៍មុនក្នុងទីក្រុងជូចូវ ក្នុងខេត្តហ៊ូណាន។ ម៉ូតមធ្យោបាយដឹកជញ្ជូនសាធារណៈច្នៃប្រឌិតដ៏ទំនើបនេះមើលទៅដូចរថភ្លើង ប៉ុន្តែរត់លើផ្លូវនិមិ្មត (លើផ្លូវថ្នល់កៅស៊ូ) មិនមែនផ្លូវដែកទេ ដោយធ្វើឱ្យវាដូចរថយន្តក្រុងបើកស្វ័យប្រវត្តិដ៏វែងអន្លាយ។ក្រុមហ៊ុន CRRC របស់ចិនបានចាប់ផ្តើមផលិតរថភ្លើង ART ក្នុងឆ្នាំ ២០១៣ សម្រាប់ជាមធ្យោបាយសម្រាលការកកស្ទះចរាចរណ៍ក្នុងបណ្តាទីក្រុងធំៗរបស់ចិន។ រថភ្លើងនេះត្រូវបានចាត់ទុកថាជម្រើសមានតម្លៃធូរថ្លៃជាងរថភ្លើងក្រោមដី ឬ រថភ្លើងលើថ្នល់ក្នុងទីក្រុង ខណៈជួយការពារបរិស្ថានផងដែរ។រថភ្លើង ART ដើរដោយថាមពលថ្មនេះមានសមត្ថភាពដឹកអ្នកដំណើរ ៣០៧ នាក់ និង បើកបានល្បឿន ៧០ គីឡូម៉ែត្រក្នុងមួយម៉ោង។ សព្វថ្ងៃ ក្រុមហ៊ុន CRRC កំពុងធ្វើការងារលើការសាងសង់ផ្លូវនិម្មិត ៦,៥ គីឡូម៉ែត្រ និងសង្ឃឹមដាក់ឱ្យរថភ្លើងនេះដំណើរការនៅឆ្នាំក្រោយ៕

HH Stainless steel

10/06/2017

10/06/2017

10/06/2017

10/06/2017

09/06/2017

09/06/2017

09/06/2017

09/06/2017

09/06/2017

07/06/2017

07/06/2017

07/06/2017

Address

Website

Alerts

Shortcuts

Share

Category