Little Cat

26/05/2021

ចាប់តាំងពីថ្ងៃនោះមក ខ្ញុំចាប់ផ្ដើមលែងចង់រាប់អានអ្នកណាអោយជិតស្និតទៀត លែងចង់អោយមានអ្នកណាចូលមកក្នុងជីវិតតទៅទៀតព្រោះត្រឹមតែមនុស្សដែលនៅក្បែរខ្ញុំសព្វថ្ងៃក៏ខ្ញុំមិនអាចថែរក្សាបានផងមិនថាស្នេហាឬមិត្តភាព។ សម្រាប់ខ្ញុំគ្រប់ភាពស្និតស្នាលទាំងអស់សុទ្ធតែមានតម្លៃហើយរាល់ការបែកបាក់ទាំងអស់សុទ្ធតែធ្វើអោយខ្ញុំឈឺចាប់និងរាល់អនុស្សាវរីយ៍ទាំងឡាយសុទ្ធតែមានន័យធ្វើអោយខ្ញុំចងចាំ។ ខ្ញុំគ្រាន់តែជាមនុស្សម្នាក់ដែលផ្ដល់ភាពស្មុកស្មាញ មានតែភាពរំខាន និងធ្វើអោយពួកគេមានសម្ពាធដោយសារតែខ្ញុំ។​​​ គ្រប់ពេលដែលត្រូវដើរចេញពីអ្នកណាម្នាក់ឬអនុញ្ញាតអោយអ្នកណាម្នាក់ដើរចាកចេញទៅ​​ វាជារឿងមួយដែលពិបាកទទួលយកបំផុត ប៉ុន្ដែទោះជាយ៉ាងណាក៏ត្រូវតែបង្ខំចិត្តធ្វើនិងទទួលយកវាព្រោះមិនចង់អោយមានរឿងច្រើនហើយក៏មិនចង់បកស្រាយអ្វីទាំងអស់។

25/03/2020

😔😔😔

06/03/2020

26/02/2020

#ស្ងៀមស្ងាត់

វាមិនមែនគ្រប់រឿងរ៉ាវគឺសុទ្ធតែត្រូវបាននិយាយចេញទៅនោះទេ ប៉ុន្តែគ្រប់ពេលយើងតែងដឹងជានិច្ចថា ហេតុអ្វីក៏យើងត្រូវរក្សាពាក្យទាំងអស់នោះនៅក្នុងចិត្តរហូតមក។ គ្រប់គ្នាប្រាកដជាមានរឿងជាច្រើនលាក់ទុកនៅក្នុងចិត្តរហូតមក។ ខ្ញុំបានដឹងដូច្នេះ!ពីព្រោះខ្ញុំក៏ជាជនម្នាក់ក្នុងចំណោមជនដទៃផ្សេងទៀតដែលមានរឿងជាច្រើនលាក់ទុកនៅក្នុងជម្រៅដួងចិត្ត។ ប្រហែលជាតាមរយៈរឿងរ៉ាវដែលគ្មានរូបរាង គ្មានស្រមោល និងគ្មានសំឡេងទាំងអស់នោះហើយ ដែលធ្វើឱ្យវាមានរឿងច្រើនរំលេចឡើងនៅគ្រប់ទំព័រនៃសៀវភៅមួយក្បាលនេះ។

ខ្ញុំយល់ថាជីវិតគឺពិតជាមានភាពសាមញ្ញណាស់ ប៉ុន្តែទម្រាំតែអាចរស់នៅជាមនុស្សដ៏សែនសាមញ្ញម្នាក់គឺមិនមែនជារឿងងាយស្រួលទេ។ ជីវិតវាស្រួលទេ ប៉ុន្តែយើងពិបាកនឹងយល់អំពីវា។ ពេលចង់ស្គាល់សុភមង្គលត្រូវឆ្លងកាត់ការឈឺចាប់ និងទុក្ខលំបាកសិន។ បើចង់ស្គាល់ពីតម្លៃនៃភាពស្ងៀមស្ងាត់នោះថាវាមានតម្លៃខ្លាំងប៉ុនណា យើងក៏ត្រូវស្វែងយល់ជាមុនសិនថា អារម្មណ៍ច្របូកច្របល់ និងរំខាននោះវាបែបណា។ ទម្រាំស្គាល់ពីតម្លៃនៃវត្តមានរបស់នរណាម្នាក់វាទាល់តែវត្តមានរបស់គេលែងមាន។ បើចង់ចេះផ្ដល់តម្លៃចំពោះអ្វីដែលមានទាល់តែធ្លាប់បាត់បង់រួចមកហើយ។

បើចង់ស្គាល់តម្លៃនៃពេលវេលាដែលជួបជុំថាវាមានតម្លៃបែបណាទាល់តែពេលបែកគ្នា។ ពេលនឹកដល់នរណាម្នាក់គឺយើងប្រាកដជានឹកដល់រឿងល្អៗ ដែលធ្លាប់បានសាងបង្កើតឡើងឡើងជាមួយគ្នា។ ជួនកាលមានពេលនៅជិតគ្នាក៏មិនដែលបាននិយាយពាក្យថានឹក ប៉ុន្តែពេលដែលមានអារម្មណ៍ថានឹក យើងគ្រាន់តែនឹកវត្តមានរបស់គេប៉ុណ្ណោះ ហើយស្ទើរតែគ្រប់ពេល ដែលយើងមានចិត្តនឹករលឹកដល់នរណាម្នាក់ខ្លាំងបំផុត វាស្ទើរតែលែងមានឱកាសដើម្បីប្រាប់ពាក្យហ្នឹងឱ្យ គេបានដឹងទៅហើយ។ បើនៅមានពេលវេលា សូមចែករំលែកពេលវេលាខ្លះជាមួយមនុស្សជាទីស្រលាញ់ ហើយក៏ត្រូវទុកពេលវេលា ខ្លះសម្រាប់ខ្លួនឯង។

----------------------------------------------------------------

ដកស្រង់ពីសៀវភៅ #កាដូជីវិត

រូបភាព

13/08/2019

06/08/2019

ខ្ញុំអង្គុយមើលភ្លៀងបន្ដទម្លាក់គ្រាប់មិនព្រមដាច់ដំណក់សោះ
ដោយទើបតែពើបប្រទះនឹងរឿងរ៉ាវឈឺចាប់មួយឈុតធំមុននេះ
ខ្ញុំបានដើរកាត់ភ្លៀងដើម្បីលាងឱ្យជ្រះនៅភាពកខ្វក់ដែលខ្ញុំតែងទ្រាំមករហូត។ រឿងខ្លះវាធ្ងន់ហួសរហូតមិនអាចអត់ទ្រាំចាំដល់ថ្ងៃដែលគេភ្ញាក់រលឹក.....
បេះដូងមួយក្ដាប់តូចនេះលែងមានកន្លែងសម្រាប់ផ្ទុកនូវភាពឈឺចាប់ និង ស្នាមរបួសទាំងនេះទៀតហើយ។ ទីនេះលែងជាទីដែលគួរឱ្យកក់ក្ដៅទៀតហើយ មានតែរបួសស្នាមពីការទះតប់ សល់ត្រឹមតែដានទឹកភ្នែកដែលចេះស្រក់ព្រោះរឿងដដែលៗមួយថ្ងៃហើយមួយថ្ងៃទៀត។
ខ្ញុំចង់ចេញឱ្យផុតពីទីដ៏ងងឹតនេះ ៨ឆ្នាំកន្លងមកវាសមល្មមហើយសម្រាប់ការលះបង់ ការពលីដើម្បីស្នេហាមួយនេះ។
ខ្ញុំនឹកខ្លួនឯងកាលពីមុន នឹកស្នាមញញឹមខ្ញុំ នឹកគ្រាដែលខ្ញុំមានក្ដីសុខបំផុត ពេលមិនទាន់មានគេ ពេលនោះខ្ញុំមានក្ដីសុខ​។

08/07/2019

ហេតុអ្វីបានជានៅពេលដែលស្រលាញ់អ្នកណាម្នាក់​ យេីងតែងតែប្រាថ្នាចង់អោយគេស្រលាញ់យេីងវិញ? អូខេ! នៅពេលដែលមនុស្សយេីងស្រលាញ់​ៗយេីងតបវិញនោះក្ដីសុខ​ សុភមង្គលនឹងកេីតឡេីង។ ប៉ុន្ដែសម្រាប់ខ្ញុំមិនមែនបែបនោះទេ​ មិនមែនខ្ញុំមិនចង់ជួបជាមួយមនុស្សដែលខ្ញុំស្រលាញ់ទេ​ តែពេលខ្លះស្នេហ៍មិនអាចបង្ខំបានឡេីយ។ ជួលកាលគេក៏អាចមានមនុស្សដែលគេស្រលាញ់ដូចគ្នា​ គ្រាន់តែមិនមែនជាយេីង។ គេជាមនុស្សដែលយេីងគិតថាល្អឬក៏ពេលខ្លះគ្រាន់តែដឹងថា​ យេីងស្រលាញ់គេព្រោះតែស្រលាញ់។ ពេលខ្លះក៏មានមនុស្សខ្លះមានអារម្មណ៍ដូចជាយេីងហេីយមនុស្សម្នាក់នោះក៏ជាមនុស្សដែលគេអាចនឹងស្រលាញ់​ យេីងគួរតែបេីកចិត្តទទួលស្គាល់ថាគេក៏មានមនុស្សដែលសាកសមនឹងគេដូចគ្នា។ វាប្រៀបនឹងពេលដែលយេីងដេីរផ្សារ​ ហេីយក៏ស្រាប់តែឃេីញរបស់មួយដែលយេីងពេញចិត្ត​ ពេលនោះក៏ស្រាប់តែមានអ្នកផ្សេងពេញចិត្តរបស់នោះដូចគ្នា​ ហេីយគេក៏ជាមនុស្សតែម្នាក់គត់ដែលសាកសមនឹងថែរក្សារបស់មួយនោះ។ សម្រាប់បេះដូងក៏ដូចគ្នា​ ពេលខ្លះយេីងមិនសាកសមនឹងទទួលបានបេះដូងមួយនោះមកមេីលថែឡេីយ​ ដូច្នេះយេីងគួរតែកាត់ចិត្ត​ ថ្វីត្បិតថាវាឈឺបន្ដិចមែន​ ប៉ុន្ដែយេីងត្រូវតែបេីកចិត្តទទួលស្គាល់ថាគេមានមនុស្សដែលសាកសមនឹងគេហេីយ។
#ហេតុអ្វីស្រលាញ់មនុស្សម្នាក់ចាំបាច់ត្រូវទាមទារ?

27/06/2019

#រៀនរស់ពេលមានដង្ហើមដក

ថ្ងៃណាមួយយើងនឹងនឹកអរគុណចំពោះថ្ងៃនេះ។ បើថ្ងៃនេះវាពិបាក គឺគ្មាននរណាដែលចង់នៅត្រាំត្រែងក្នុងស្ថានភាពលំបាកវេទនានេះទេប៉ុន្តែនៅពេលមួយដែលយើងអាចឆ្លងផុតបានដោយជោគជ័យ យើងនឹងអរគុណថ្ងៃនេះដោយអស់ពីចិត្ត នោះក៏ព្រោះតែស្ថានភាពលំបាកអស់ទាំងហ្នឹងហើយ ដែលធ្វើឲ្យយើងស្គាល់ពីតម្លៃនៃស្នាមញញឹម និងក្ដីសុខបន្ដិចបន្ដួចនៅពេលណាមួយ គឺវាហ្នឹងហើយដែលធ្វើឲ្យយើងស្គាល់តម្លៃនៃការសម្រេចបានអ្វីមួយ។ ជោគជ័យដ៏ធំបំផុតរបស់យើងគឺយើងមិនដែលបោះបង់រាល់ពេលដែលខ្លួនឯងបរាជ័យ។ សុភមង្គលដ៏ពិតប្រាកដរបស់យើងគឺយើងពេញចិត្តចំពោះអ្វីដែលយើងកំពុងមាន។ បើយកបានជោគជ័យលើអ្វីមួយហើយ បែរជាមិនពេញចិត្តចំពោះវាទេ តើឯណាទៅដែលជាសុភង្គល?

គ្រប់ដំណាក់កាលនៃជីវិតគឺលំបាក ប៉ុន្តែវាមិនលំបាករហូតឡើយ។ ភាពសមបំណងក្នុងជីវិតត្រូវដើរទៅទន្ទឹមគ្នានឹងភាពខកបំណងដោយចៀសមិនផុតនោះទេ។ ថ្ងៃស្អែកនឹងនៅតែមានរហូត ប៉ុន្តែយើងក៏មិនមែនត្រូវនៅទីនេះរហូតដើម្បីរង់ចាំថ្ងៃស្អែកមកដល់នោះទេ។ ថ្ងៃដែលយើងនៅមានដង្ហើមគឺជាថ្ងៃដែលយើងប្រឹងដោយក្ដីសង្ឃឹម និងចិត្តអំណត់។ ថ្ងៃដែលយើងល្វើយហត់ក៏ជាថ្ងៃដែលយើងត្រូវអត់ធ្មត់ខ្លាំង។ ថ្ងៃណាក៏ជាថ្ងៃដែលយើងត្រូវប្រឈមមុខជាមួយនឹងស្ថានភាពប្រែប្រួលក្នុងជីវិតដែរ។ ដូច្នេះភាពភ័យខ្លាចវាមិនមែនជាអាវុធដើម្បីប្រើជាមួយស្ថានភាពប្រែប្រួលទេ ប៉ុន្តែគឺចិត្តនឹងធឹងរបស់យើងឯណេះទៅវិញទេ ដែលអាចទប់ទល់ជាមួយស្ថានភាពប្រែប្រួលទាំងនោះបាន។ បទពិសោធជីវិតបានមកពីការសន្សំ ហើយយើងសន្សំបានបទពិសោធ ព្រោះតែយើងបានឆ្លងកាត់វាដោយផ្ទាល់។ យើងមិនឈរមើលភាពលំបាកពីចម្ងាយ រួចសន្មតថានោះជាបទពិសោធលំបាកទេ។ មួយដង្ហើមស្លាប់ មួយដង្ហើមរស់ ប៉ុន្តែកុំស្លាប់ទៅទាំងមិនបានធ្វើអ្វីសោះ ហើយកុំរស់នៅដោយមិនខ្វល់ពីអ្វីទាំងអស់ ទាំងដែលខ្លួនមានអ្វីជាច្រើនដែលត្រូវធ្វើ...៕

___________________________________

រក្សាសិទ្ធិអត្ថបទ៖ កូនចាបមាស

22/06/2019

ក៏ព្រោះតែចង់ដឹងច្បាស់នូវការពិត😔😔

កុំចេះហ៊ាន