PP-Cambo

08/05/2026

១០ គន្លឹះគ្រប់គ្រងកំហឹង និងរក្សាភាពស្ងប់ស្ងាត់ក្នុងចិត្ត

១. រង់ចាំ ៦ វិនាទី មុននឹងផ្ទុះកំហឹង
មុននឹងនិយាយ ឬធ្វើសកម្មភាពអ្វីមួយពេលខឹង សូមផ្អាក ៦ វិនាទី។ ទុកពេលឲ្យខួរក្បាលបានដំណើរការមុនមាត់ ព្រោះពាក្យសម្ដីដែលនិយាយពេលកំពុងខឹង ច្រើនតែជាពាក្យដែលធ្វើឲ្យយើងស្ដាយក្រោយនៅពេលក្រោយ។

២. ខឹងបាន ប៉ុន្តែត្រូវខឹងដោយមានស្មារតី
មិនបាច់បង្ខំខ្លួនឯងឲ្យធ្វើជាព្រះនោះទេ បើខឹងគឺអាចខឹងបាន។ ប៉ុន្តែគួរជ្រើសរើស "និយាយដើម្បីឲ្យយល់គ្នា" ជាជាង "និយាយដើម្បីឈ្នះ" ព្រោះការខឹងដោយមានស្មារតី មិនបំផ្លាញអ្នកណាម្នាក់ឡើយ។

៣. កុំខឹងគ្រប់រឿង រហូតដល់អស់ថាមពលជីវិត
គួរចេះជ្រើសរើសថាតើរឿងណាគួរយកចិត្តទុកដាក់ រឿងណាគួរមើលរំលង។ បើមិននិយាយហើយមិនស្ដាយក្រោយ ក៏មិនបាច់និយាយឲ្យខាតកម្លាំងដែរ។

៤. កុំរំពឹងអ្នកដទៃឲ្យដូចចិត្តខ្លួនឯង
អ្នកដទៃមិនមែនជាយើងទេ កុំរំពឹងថាគេអាចគិតបានដូចយើង។ កាត់បន្ថយការរំពឹងទុក = កាត់បន្ថយការខឹងសម្បារ។
៥. កុំបង្ខំគំនិតខ្លួនឯងទៅលើអ្នកដទៃ
គំនិតមនុស្សយើងខុសគ្នា មិនបាច់ព្យាយាមឲ្យដូចគ្នាគ្រប់រឿងនោះទេ។ កាន់តែបង្ខំ កាន់តែទាស់ទែង កាន់តែហត់នឿយ។

៦. ដកខ្លួនចេញពីកន្លែងតានតឹងឲ្យបានលឿន
បើចាប់ផ្ដើមមានអារម្មណ៍ថាជិតផ្ទុះកំហឹង សូមសុំពេលសម្រាកសិន។ ចេញមកដកដង្ហើម រៀបចំអារម្មណ៍សារជាថ្មីមុននឹងជជែកគ្នាម្ដងទៀត ល្អជាងនៅបន្តហើយធ្វើឲ្យខូចការទាំងសងខាង។

៧. ដកដង្ហើមឲ្យជ្រៅ មុននឹងបញ្ចេញកំហឹងដាក់អ្នកណា ដកដង្ហើមចូល ៤ វិនាទី ដកដង្ហើមចេញ ៨ វិនាទី។ វាជួយឲ្យចិត្តស្ងប់ ខួរក្បាលគិតបានលឿនជាងមុន ហើយមាត់អ្នកនឹងមិននិយាយអ្វីដែលត្រូវសុំទោសនៅពេលក្រោយ។

៨. លែងដៃពីរឿងដែលគ្រប់គ្រងមិនបាន
អ្នកដែលព្យាយាមចង់ផ្លាស់ប្ដូរគ្រប់យ៉ាង នឹងត្រូវខឹងរាល់ថ្ងៃ។ រឿងខ្លះគ្រាន់តែបណ្ដោយវាទៅ ពិភពលោកនឹងស្ងប់ស្ងាត់ជាងមុនច្រើន។

៩. ប្រកាន់ខ្ជាប់គោលការណ៍ "បន្តិចទៀតវានឹងល្អហើយ" ព្រោះភាគច្រើនរឿងដែលអ្នកធ្លាប់ខឹងខ្លាំង ឥឡូវប្រែជាជារឿងគួរឲ្យចង់សើចទៅវិញ។ ចងចាំថា... គ្មានរឿងអាក្រក់ណាអាចនៅជាមួយយើងបានយូរទេ បើចិត្តអ្នកស្ងប់គ្រប់គ្រាន់។

១០. ដកដង្ហើមធំសម្រាប់ខ្លួនឯងខ្លះ
ហត់នឿយក៏សម្រាក ដកដង្ហើមធំៗ ដូចជាការបញ្ចេញកម្ដៅក្នុងទ្រូងចេញមកក្រៅ។ ត្រឹមប៉ុណ្ណឹង ក៏ល្អជាងបណ្ដោយឲ្យផ្ទុះកំហឹងនៅពេលដែលអ្នកដទៃមិនបានត្រៀមខ្លួន។
លន់-Lun @แฟนตัวยง
#គ្រប់គ្រងកំហឹង #អភិវឌ្ឍខ្លួនឯង #សុខភាពផ្លូវចិត្ត #ទស្សនវិជ្ជាជីវិត #សតិ #សន្តិភាពផ្លូវចិត្ត

30/04/2026

🧠ចូរឈប់ឱ្យទូរស័ព្ទបញ្ជាជីវិតអ្នក! ទាំងនេះ គឺវិធីកែប្រែពេលព្រឹកត្រឹម ៤ នាទី ដើម្បីឱ្យពេញមួយថ្ងៃ គឺជាថ្ងៃពោរពេញដោយថាមពល។

ភ្ញាក់ពីគេងភ្លាម ចាប់ទូរស័ព្ទឆែកហ្វេសប៊ុក ឆែកឆាតការងារ ទាំងភ្នែកមិនទាន់ស្វាងល្អផង។

ធ្លាប់សង្កេតឃើញទេ? ពេញមួយថ្ងៃនោះអ្នកមានអារម្មណ៍ថាវឹកវរ ហត់នឿយ និងធ្វើអ្វីមិនសូវបានសម្រេច។ នោះមកពីអ្នកចាប់ផ្ដើមថ្ងៃថ្មីក្នុង Mode តក់ស្លុត។

✔️អ្នកចិត្តវិទ្យា Cindra Kamphoff បានបង្ហាញថា អ្នកជោគជ័យលំដាប់ពិភពលោក មិនមែនមកពីគេមានពេលច្រើនជាងយើងទេ តែគេដឹងពីរបៀប ដាស់ខួរក្បាល ឱ្យត្រូវតាមបច្ចេកទេស ៤ ជំហាន ដោយចំណាយពេលត្រឹម ១ នាទីក្នុង ១ ជំហាន៖

១. ប្រើពេលនាទីទី ១ ចូឬរៀន អរគុណ ចូរកុំអាលគិតពីបញ្ហាដែលត្រូវដោះស្រាយ តែត្រូវប្រើ ១ នាទីនេះដើម្បីរំលឹកពី Highlight ក្នុងជីវិត។

ពេលកំពុងដុសធ្មេញ ឬផ្លុំសក់ សាកគិតពីមនុស្សល្អៗដែលនៅក្បែរខ្លួន ឬឱកាសការងារដែលអ្នកកំពុងមាន។

ការសិក្សារកឃើញថា ការអរគុណជួយកាត់បន្ថយភាពតានតឹង និងបង្កើតផ្នត់គំនិតវិជ្ជមាន ឬ Mindset បានភ្លាមៗ។

២. ប្រើនាទីទី ២ រំលឹកគោលដៅ ធំជាង To-do list មុននឹងមើលថាត្រូវធ្វើការងារអ្វីខ្លះ ត្រូវសួរខ្លួនឯងថា តើខ្ញុំធ្វើរឿងទាំងអស់នេះដើម្បីអ្វី?

បើអ្នកជាម្ចាស់អាជីវកម្ម រំលឹកថាការងារថ្ងៃនេះនឹងជួយឱ្យបុគ្គលិកមានចំណូល និងអតិថិជនបានផលិតផលល្អ។ បើអ្នកជាបុគ្គលិក រំលឹកថាអ្នកកំពុងសន្សំលុយដើម្បីគ្រួសារ។

មនុស្សដែលមានគោលដៅច្បាស់លាស់ នឹងមានកម្លាំងរុញច្រានខ្ពស់ជាងអ្នកដទៃ យោងតាមទិន្នន័យពី Gallup។

៣. ប្រើនាទីទី ៣ តាំងចិត្ត លើចរិតលក្ខណៈ កុំសួរថាត្រូវ ធ្វើអ្វី តែត្រូវសួរថា ចង់ក្លាយជាមនុស្សបែបណា នៅថ្ងៃនេះ?

តាំងចិត្តថា ថ្ងៃនេះខ្ញុំនឹងដឹកនាំក្រុមដោយភាពក្លាហាន ឬ ថ្ងៃនេះខ្ញុំនឹងផ្ដោតអារម្មណ៍ឱ្យអស់ពីសមត្ថភាពក្នុងគ្រប់កិច្ចប្រជុំ។

នៅពេលអ្នកកំណត់ចរិតលក្ខណៈទុកមុន ខួរក្បាលរបស់អ្នកនឹងបញ្ជាឱ្យសកម្មភាពដើរតាមការតាំងចិត្តនោះដោយស្វ័យប្រវត្តិ។

៤. ប្រើនាទីទី ៤ និយាយជាមួយខ្លួនឯង ដែលគេហៅថា Positive Self-Talk
អ្វីដែលអ្នកគិតចំពោះខ្លួនឯង អ្នកនឹងក្លាយជាមនុស្សបែបនោះ។

សាកល្បងនិយាយក្នុងចិត្ត ឬតិចៗថា ខ្ញុំនឹងធ្វើវាឱ្យបានល្អ ខ្ញុំមានសមត្ថភាពគ្រប់គ្រាន់ ឬ ខ្ញុំគឺជាអ្នកដោះស្រាយបញ្ហាដ៏ពូកែ។

បង្កើតកម្លាំង Momentum មុនពេលឈានជើងចេញពីផ្ទះ ធ្វើឱ្យអ្នកមានទំនុកចិត្តខ្ពស់ទោះជួបឧបសគ្គក៏ដោយ។

អ្នកខ្លះ ចំណាយពេលរាប់ម៉ោង ដើម្បីឆែកមើលរឿងអ្នកដទៃលើបណ្តាញសង្គម ប៉ុន្តែបែរជាគ្មានពេលត្រឹម ៤ នាទីដើម្បីរៀបចំម៉ាស៊ីនខួរក្បាលខ្លួនឯង។

តើអ្វីទៅ គឺជាភាពខុសគ្នា? អ្នកដែលឆែកទូរស័ព្ទភ្លាម រស់នៅក្នុង Mode រងគ្រោះ ចាំតែដោះស្រាយបញ្ហាដែលគេបោះមកឱ្យ។

អ្នកដែលប្រើ ៤ នាទីនេះ ជួយឲ្យរស់នៅក្នុង Mode ម្ចាស់ការ ជាអ្នកបញ្ជាជីវិត និងលទ្ធផលការងារដោយខ្លួនឯង។

កុំនិយាយថា គ្មានពេល ព្រោះ ៤ នាទីនេះ អ្នកអាចធ្វើបានសូម្បីតែពេលកំពុងបើកបរទៅធ្វើការ ឬញ៉ាំអាហារពេលព្រឹក។

អរគុណអ្នកទាំងអស់គ្នា ដែលតែងតែគាំទ្រ Money Buddy មករហូត!
សូមជួយ Like, Follow និង Share ជាសាធារណៈ ដើម្បីចែករំលែកចំណេះដឹង ហិរញ្ញវត្ថុដល់បងប្អូនកម្ពុជាទាំងអស់គ្នា! 💚

❕ពួកយើងអានរាល់មតិយោបល់របស់បងប្អូនជានិច្ច ចូលរួមចែករំលែកគំនិត និងបទពិសោធន៍របស់បងប្អូននៅក្នុង Comment រាល់ការចូលរួមសុទ្ធតែជាកម្លាំងជម្រុញទឹកចិត្តដ៏សំខាន់ដែលធ្វើឲ្យពួកយើងមានកម្លាំងចិត្តបន្តបង្កើតមាតិកាល្អៗជាច្រើនទៀត។

24/04/2026

សម្បត្តិ ៣

សម្បត្តិ ប្រែថា សេចក្តីបរិបូណ៌, ភាពមានបាន, ឬភាពស័ក្តិសមពេញលេញនៅក្នុងឋានៈនោះៗ

នៅក្នុងផ្លូវព្រះពុទ្ធសាសនា សម្បត្តិត្រូវបានបែងចែកជា ៣ កម្រិត ដូចខាងក្រោម...

១. មនុស្សសម្បត្តិ (សេចក្តីបរិបូណ៌ក្នុងឋានៈជាមនុស្ស)
មនុស្សសម្បត្តិ គឺសំដៅលើភាពពេញលេញ និងស័ក្តិសមបំផុតក្នុងនាមជាមនុស្ស។
៙ ក្នុងផ្លូវលោក (សម្ភារៈ) គឺការមានទ្រព្យសម្បត្តិ មានផ្ទះសម្បែងរស់នៅសមរម្យ បរិបូណ៌ដោយបច្ច័យ៤ (ហូបចុក សម្លៀកបំពាក់ ទីជម្រក ថ្នាំសង្កូវ) មានកិត្តិយស យសស័ក្តិ ឋានៈតួនាទី ទទួលបានការស្ញប់ស្ញែងសរសើរ និងមានជីវភាពរស់នៅសុខស្រួលស័ក្តិសមទៅតាមឋានៈរបស់ខ្លួន។
៙ ក្នុងផ្លូវធម៌ (ផ្លូវចិត្ត) ពាក្យថា "មនុស្ស" ប្រែថា សត្វដែលមានចិត្តខ្ពស់, សត្វដែលស្គាល់ខុសស្គាល់ត្រូវ ដឹងថាអ្វីជាប្រយោជន៍ និងអ្វីមិនមែនជាប្រយោជន៍ ឬសត្វដែលមានហេតុផល។ ដូច្នេះ បុគ្គលដែលចូលដល់មនុស្សសម្បត្តិពិតប្រាកដ គឺត្រូវមានការតាំងចិត្តប្រតិបត្តិតាម កុសលកម្មបថ ១០ ប្រការ (ផ្លូវនៃអំពើល្អ១០យ៉ាង) រួមមាន៖
១. វៀរចាកការសម្លាប់សត្វ
២. វៀរចាកការលួចទ្រព្យគេ
៣. វៀរចាកការប្រព្រឹត្តខុសក្នុងកាម
៤. វៀរចាកការនិយាយកុហក
៥. វៀរចាកការនិយាយញុះញង់ បំបែកបំបាក់
៦. វៀរចាកការនិយាយពាក្យអាក្រក់ ជេរប្រទេច
៧. វៀរចាកការនិយាយរឿងរោយរាយ ឥតប្រយោជន៍
៨. មិនសម្លឹងរំពៃចង់បានទ្រព្យគេ (អភិជ្ឈា)
៩. មិនគុំគួនព្យាបាទអ្នកដទៃ (វ្យាបាទ)
១០. មានការយល់ឃើញត្រូវតាមគន្លងធម៌ (សម្មាទិដ្ឋិ)
នេះទើបឈ្មោះថាបានចូលដល់សម្បត្តិជានាមជាមនុស្សដោយធម៌ពិតប្រាកដ។
🔹ឧទាហរណ៍ឲ្យកាន់តែយល់ច្បាស់៖
លោក (ក) ជាអ្នកជំនួញម្នាក់ដែលជោគជ័យ មានផ្ទះវីឡា និងឡានទំនើប (មានមនុស្សសម្បត្តិផ្នែកលោកិយ)។ ប៉ុន្តែលោក (ក) មិនដែលបោកប្រាស់អតិថិជន តែងតែជួយធ្វើទាន ចេះនិយាយស្តីផ្អែមល្ហែម មិនផិតក្បត់ភរិយា និងមានសេចក្តីសន្តោសប្រណី។ ការរួមបញ្ចូលគ្នារវាងជីវភាពរស់នៅសមរម្យ និងការមានសីលធម៌ល្អប្រពៃបែបនេះហើយ ដែលហៅថា "មនុស្សសម្បត្តិ" ពេញលេញបរិបូណ៌។

២. សួគ៌សម្បត្តិ ឬ ទេវសម្បត្តិ (សេចក្តីបរិបូណ៌ក្នុងឋានសួគ៌)
៙ ផ្នែកហេតុ៖ អ្វីដែលជាមូលហេតុធ្វើឲ្យបាននូវសួគ៌សម្បត្តិ គឺការសន្សំកុសលធម៌មាន ការធ្វើទាន រក្សាសីល និងការចម្រើនភាវនាក្នុងកម្រិតណាមួយ ជាពិសេស គឺការមានធម៌ទេវតា២ប្រការនៅក្នងខ្លួនគឺ៖
១. ហិរិ សេចក្តីខ្មាសអៀនចំពោះអំពើបាប ទោះនៅទីកំបាំងក៏មិនហ៊ានធ្វើ។
២. ឱត្តប្បៈ សេចក្តីតក់ស្លុត ខ្លាចរអាចំពោះផលនៃអំពើបាប។
៙ ផ្នែកផល៖ ធម៌ទាំងនេះជាហេតុបច្ច័យឲ្យបុគ្គលបានទៅកើតក្នុងឋានសួគ៌ បានទទួលនូវអារម្មណ៍ដ៏ប្រសើរ សម្បត្តិក្នុងឋានសួគ៌មានដូចជា... មានវិមានជាទីគាប់ចិត្ត មានគ្រឿងប្រដាប់តាក់តែងវិមានដ៏ស្រស់ស្អាត មានបរិវារហែហម មានអាយុយឺនយូរ (អាយុទិព្វ) មានសម្បុរវណ្ណៈភ្លឺថ្លាបញ្ចេញរស្មី (វណ្ណៈទិព្វ) និងទទួលបាននូវសេចក្តីសុខទាំងផ្លូវកាយនិងផ្លូវចិត្ត ដែលស្រណុកសុខស្រួលលើសលុបជាងសេចក្តីសុខក្នុងឋានមនុស្ស ហើយថែមទាំងមានកម្លាំងកាយកម្លាំងចិត្តពិសេសជាងមនុស្សលោកទៅទៀត។
🔹ឧទាហរណ៍ឲ្យកាន់តែយល់ច្បាស់៖
ក្នុងជីវិតបច្ចុប្បន្ន បុគ្គលដែលមាន ហិរិ និង ឱត្តប្បៈ (ខ្មាសបាប ខ្លាចបាប) ឧទាហរណ៍៖ បុគ្គលិកម្នាក់ឃើញលុយធ្លាក់ ប៉ុន្តែគាត់មិនយកព្រោះគាត់មានសេចក្តីខ្មាសអៀនចំពោះខ្លួនឯង និងខ្លាចបាបកម្ម ភ្លាមៗនោះ ចិត្តរបស់គាត់នឹងមានភាពស្ងប់រំងាប់ មិនភ័យព្រួយ គេងលក់ស្រួល ដែលនេះជា "សួគ៌ក្នុងទ្រូង" លុះដល់ពេលរំលាយក្ខន្ធ (ស្លាប់) ទៅ អានិសង្សនៃសេចក្តីល្អនេះ នឹងនាំវិញ្ញាណក្ខន្ធគាត់ទៅចាប់បដិសន្ធិក្នុងទេវលោក (ឋានសួគ៌) មានវិមានទិព្វ មានអាយុយឺនយូរ និងពោរពេញដោយក្តីសុខដែលគ្មានក្តីទុក្ខនៃរូបកាយរំខាន ដូចជាមិនឈឺ មិនចាស់ទ្រុឌទ្រោមជាដើម។

៣. និព្វានសម្បត្តិ (សេចក្តីបរិបូណ៌គឺព្រះនិព្វាន)
នេះគឺជាសម្បត្តិខ្ពស់បំផុត និងចុងក្រោយបង្អស់ក្នុងព្រះពុទ្ធសាសនា។
៙ ផ្នែកហេតុ៖ កើតចេញពីការដែលបុគ្គលបានខិតខំប្រឹងប្រែងប្រតិបត្តិយ៉ាងខ្ជាប់ខ្ជួន និងបរិបូណ៌នូវ ត្រៃសិក្ខា (ការសិក្សាអប់រំ៣ប្រការ) គឺ៖ សីល សមាធិ និង បញ្ញា រហូតដល់កម្ចាត់បង់នូវកិលេស (លោភៈ ទោសៈ មោហៈ) បានដោយស្ថាពរ។
៙ ផ្នែកផល៖ សម្បត្តិក្នុងនិព្វាន គឺ "បរមសុខ" (សុខដ៏ក្រៃលែង) និង "បរមសន្តិ" (សន្តិភាពដ៏កំពូល)។ ព្រះនិព្វានជាសភាពដែលទទេស្អាត (សុញ្ញតា) គឺទទេពីសេចក្តីប្រកាន់មាំថាជា "របស់យើង" ជា "តួខ្លួនយើង" (អនត្តា)។ ព្រះពុទ្ធសាសនាបានសម្តែងថា ព្រះនិព្វានជាសេចក្តីសុខដ៏ក្រៃលែង ព្រោះគ្មានសេចក្តីទុក្ខលាយឡំ សូម្បីតែបន្តិច ក្លាយជាសេចក្តីសុខដែលពិតប្រាកដ ទៀងទាត់ មិនប្រែប្រួល មិនមានការកើនឡើង ឬថយចុះឡើយ ហើយជាសភាពដែលស្ងប់រំងាប់បំផុត ដូចពុទ្ធភាសិតពោលថា "នត្ថិ សន្តិ បរមំ សុខំ" (ពុំមានសេចក្តីសុខណា ក្រៅពីសេចក្តីស្ងប់ឡើយ) នេះគឺជាភាពបរិបូណ៌ខ្ពស់បំផុត គ្មានអ្វីប្រៀបផ្ទឹមបានឡើយ។
🔹ឧទាហរណ៍ឲ្យកាន់តែយល់ច្បាស់៖
សូមស្រមៃគិតដល់ ស្លឹកឈូក និង ដំណក់ទឹក ទោះបីជាមានទឹកធ្លាក់មកលើស្លឹកឈូកច្រើនប៉ុណ្ណាក៏ដោយ ក៏ទឹកនោះមិនអាចជ្រួតជ្រាប ឬតោងជាប់នឹងស្លឹកឈូកបានឡើយ វាមានតែរមៀលធ្លាក់ចុះទៅវិញ។ បុគ្គលដែលចូលដល់ "និព្វានសម្បត្តិ" គឺមានចិត្តដូចជាស្លឹកឈូក។ ទោះបីជាត្រូវប្រឈមមុខនឹង លោកធម៌ (មានលាភ អត់លាភ មានយស អត់យស សរសើរ និន្ទា សុខ ទុក្ខ) ក៏ចិត្តរបស់ព្រះអរហន្តនោះមិនញាប់ញ័រ មិនត្រេកអរ ហើយក៏មិនខូចចិត្តឡើយ ជាចិត្តដែលរំលត់នូវភ្លើងទុក្ខ ភ្លើងកិលេសទាំងស្រុង ត្រជាក់ត្រជុំជានិច្ចនិរន្តរ៍។

_____សុវត្ថន៍-Sovathn

ឯកសារយោង:
- Payutto, P. A. (2003). Dictionary of Buddhism (12th ed.). Mahachulalongkornrajavidyalaya University Press.
- ហួត តាត. (១៩៩៤). ព្រះពុទ្ធសាសនា និង សីលធម៌សង្គម. វិទ្យាស្ថានពុទ្ធសាសនបណ្ឌិត្យ, ភ្នំពេញ.
- សុង, ស៊ីវ. (២០០២). វចនានុក្រមពុទ្ធសាសនា. បណ្ណាគារអង្គរ, ភ្នំពេញ. (ការពន្យល់អំពី មនុស្សសម្បត្តិ សួគ៌សម្បត្តិ និងនិព្វានសម្បត្តិ)
- Theravada Tipitaka. (n.d.). Anguttara Nikaya (Book of the Tens: Kusala Kammapatha Sutta). SuttaCentral. Retrieved from https: / / suttacentral . net

#សុវត្ថន៍_Sovathn #សម្បត្តិ៣ប្រការ #សម្បត្តិមនុស្ស #សម្បត្តិទេវតា #សម្បត្តិព្រះនិព្វាន #រស់នៅឱ្យមានភាពល្មមគ្រប់គ្រាន់ #ជីវិត #ក្ដីសង្ឃឹម #ភាពជោគជ័យ #ក្ដីសុខ #សុខស្រួល #ផ្នត់គំនិត #គ្រប់គ្រងចិត្ត #កម្លាំងចិត្ត #ខ្លួនឯង #បទពិសោធន៍ #ការអត់ធ្មត់ #ការអភិវឌ្ឍខ្លួន #ជំហានដំបូង #តស៊ូបន្ដ #ញញឹម #អារម្មណ៍ល្អ #អភិវឌ្ឍខ្លួនឯង #វិន័យ #អភិវឌ្ឍខ្លួនឯង #ទស្សនៈជីវិត #ភាពឆ្លាតវៃផ្នែកអារម្មណ៍ #ក្ដីសុខផ្លូវចិត្ត #ចំណេះដឹងផ្នែកហិរញ្ញវត្ថុ #សុខភាពផ្លូវចិត្ត

22/04/2026

💵 ឈប់ទិញរបស់ដែលធ្វើឱ្យមើលទៅដូចជាអ្នកមាន ហើយងាកមកទិញទ្រព្យដែលធ្វើឱ្យក្លាយជាអ្នកមានពិតវិញ។

របស់របរដូចជា ស្បែកជើង កាបូប ទូរស័ព្ទ គឺមានតម្លៃធ្លាក់ចុះរាល់ថ្ងៃ រីឯទ្រព្យសកម្មដូចជា ភាគហ៊ុន មាស ដី គឺមានឱកាសកើនឡើងរាល់ឆ្នាំ។

🎯តោះសាកមកមើលរយៈពេល ១០ ឆ្នាំ៖

ជម្រើសទី ១ ទិញរបស់របរ អ្នកដូរទូរស័ព្ទស៊េរីថ្មីរាល់ ២ ឆ្នាំម្តង តម្លៃប្រហែល ១,០០០$។ បើគិតក្នុងរយៈពេល ១០ ឆ្នាំ អ្នកចំណាយអស់ ៥,០០០$។

១០ ឆ្នាំក្រោយ អ្នកសល់ទូរស័ព្ទចាស់ ៥ គ្រឿង ដែលលក់ចេញស្ទើរគ្មានតម្លៃ។

ជម្រើសទី ២ ទិញទ្រព្យសកម្ម អ្នកប្រើទូរស័ព្ទធម្មតា ហើយយកលុយ ៥,០០០$ នោះ ប្រហែល ៥០០$ ក្នុង ១ ឆ្នាំ ទៅវិនិយោគក្នុងកញ្ចប់ទ្រព្យសកម្ម ដូចជា S&P 500 ដែលមានផលចំណេញមធ្យម ១០% ក្នុង ១ ឆ្នាំ។

តាមរយៈអំណាចនៃការត្រួតត្រាការប្រាក់ ឬ Compound Interest លុយ ៥,០០០$ របស់អ្នកនឹងកើនឡើង។

១០ ឆ្នាំក្រោយ លុយ ៥,០០០$ របស់អ្នកនឹងក្លាយទៅជាប្រហែល ៧,៩៦៨$។

✔️ចូរបែងចែកឱ្យលុយគ្រប់កាក់សេនមានតួនាទី បង្កើតកូនចៅ
លុយរបស់អ្នកត្រូវតែមានតួនាទីជាអ្នកធ្វើការមិនមែន សម្រាប់តែចាយទេ។

ចូរប្រើរូបមន្តបែងចែកចំណូលដែលងាយអនុវត្ត សម្រាប់អ្នកធ្វើការ និងម្ចាស់អាជីវកម្ម៖

បើគណនាលើចំណូល ៤,០០០,០០០៛ ប្រហែល ១,០០០$៖

៥០% សម្រាប់តម្រូវការចាំបាច់ ២,០០០,០០០៛ ទៅលើ ថ្លៃផ្ទះ ម្ហូបអាហារ ទឹកភ្លើង។

៣០% សម្រាប់តម្រូវការអារម្មណ៍ ១,២០០,០០០៛ ទៅលើការដើរលេង ញ៉ាំអីឆ្ងាញ់ៗ។

២០% សម្រាប់វិនិយោគ និងសន្សំ ៨០០,០០០៛ លុយនេះ គឺជាគ្រាប់ពូជ សម្រាប់សេរីភាព។

លទ្ធផលសរុបក្នុងរយៈពេល ១៥ ឆ្នាំ បើអ្នកវិនិយោគ ៨០០,០០០៛ ឬ ២០០$ រាល់ខែ ក្នុងរយៈពេល ១៥ ឆ្នាំ ជាមួយនឹងផលចំណេញ ១០% ក្នុង ១ ឆ្នាំ៖

នោះប្រាក់ដើមសរុបដែលអ្នកដាក់បញ្ចូល ៣៦,០០០$ ប្រហែល ១៤៤,០០០,០០០៛។

ការប្រាក់សរុបដែលលុយបង្កើតកូនចៅឱ្យអ្នក ៤៧,៧២០$ ប្រហែល ១៩០,៨៨០,០០០៛។

ទឹកប្រាក់សរុប៖ ៨៣,៧២០$ ប្រហែល ៣៣៤,៨៨០,០០០៛។

✔️ ចាំថា វិនិយោគលើ ទ្រព្យសកម្ម ដែលមានតម្លៃគឺ ខ្លួនអ្នកផ្ទាល់
រាងកាយរបស់អ្នកគឺជា ឧបករណ៍រកលុយ ហើយខួរក្បាល គឺជា "ម៉ាស៊ីនផលិតលុយ"។

ឃើញទេ? ការយល់ដឹងពីហិរញ្ញវត្ថុតែម្តងគត់ អាចផ្លាស់ប្តូរទាំងចំណូល និងជីវិតរបស់អ្នកទាំងមូល។

កុំផ្តោតលើការឱ្យលុយធ្វើការមុន ច្បាប់ដំបូង គឺរកលុយឱ្យបានគ្រប់គ្រាន់នៅពេលដែលយើងភ្ញាក់សិន។

កុំភ្លេចអភិវឌ្ឍជំនាញផងដែរ ការវិនិយោគលើចំណេះដឹងដែលបង្កើនសមត្ថភាពរកលុយ នឹងធ្វើឱ្យអ្នកមិនដែលមានបញ្ហាក្នុងការរកលុយឡើយ។

ប្រើពេលទំនេរ ៤ ម៉ោងក្នុង ១ ថ្ងៃដើម្បីរៀនសូត្រ ជាជាងការកម្សាន្តដែលមិនបានផ្ដល់ប្រយោជន៍។

សេរីភាពហិរញ្ញវត្ថុ គឺជាការរត់ប្រណាំងចម្ងាយឆ្ងាយ។ ចាប់ផ្តើមពីថ្ងៃនេះ ឈប់ធ្វើជាអ្នកសន្សំរបស់របរ ហើយចាប់ផ្តើមសន្សំ ទ្រព្យសកម្ម ដើម្បីឱ្យលុយហូរចូលហោប៉ៅគ្រប់ពេលវេលា ទោះបីជាពេលអ្នកកំពុងគេងលក់ក៏ដោយ។

💬 អរគុណអ្នកទាំងអស់គ្នា ដែលតែងតែគាំទ្រ Money Buddy មករហូត!
សូមជួយ Like, Follow និង Share ជាសាធារណៈ ដើម្បីចែករំលែកចំណេះដឹង ហិរញ្ញវត្ថុដល់បងប្អូនកម្ពុជាទាំងអស់គ្នា! 💚

❕ពួកយើងអានរាល់មតិយោបល់របស់បងប្អូនជានិច្ច ចូលរួមចែករំលែកគំនិត និងបទពិសោធន៍របស់បងប្អូននៅក្នុង Comment រាល់ការចូលរួមសុទ្ធតែជាកម្លាំងជម្រុញទឹកចិត្តដ៏សំខាន់ដែលធ្វើឲ្យពួកយើងមានកម្លាំងចិត្តបន្តបង្កើតមាតិកាល្អៗជាច្រើនទៀត។

20/04/2026

នារីម្នាក់សួរទៅកាន់ព្រះសង្ឃមួយអង្គថា ព្រះតេជគុណ «ហេតុអ្វីជីវិតពិបាកម្ល៉េះ?»

ព្រះសង្ឃបានតបវិញថា៖ «ព្រោះយើងប្រឹងខ្លាំងពេក»។

យើងប្រឹងធ្វើជាមនុស្សល្អ ប្រឹងសម្តែងឱ្យគេសរសើរ និងទទួលស្គាល់ រហូតដល់យើងភ្លេចខ្លួនឯង។ យើងពាក់របាំងមុខដើម្បីផ្គាប់ចិត្តអ្នកដទៃ ហើយលាក់លៀមភាពពិតនៅក្នុងចិត្ត។

ការពិតនោះគឺជាអ្នក អ្នកមិនបាច់ប្រឹងសម្តែងនោះទេ។ អ្នកមិនបាច់ឱនក្បាលសុំតម្លៃពីអ្នកណាឡើយ។ គ្រាន់តែអ្នកធ្វើជាខ្លួនឯង។ ធ្វើអ្វីដែលខ្លួនស្រឡាញ់។ នៅពេលអ្នកដោះរបាំងមុខចេញ អ្នកនឹងមានអារម្មណ៍ថាធូរស្រាល។ ជីវិតនឹងស្រាល ស្ងប់ស្ងាត់ និងមានន័យជាងមុន។

បើជីវិតអ្នកកាន់តែពិបាក បង្ហាញថាអ្នកកំពុងរស់នៅឆ្ងាយពីខ្លួនឯងហើយ។

សន្តិភាពផ្លូវចិត្តពិតប្រាកដ គឺការរស់នៅតាមបែបធម្មជាតិរបស់ខ្លួនឯង។ នៅពេលអ្នកស្គាល់ខ្លួនឯងច្បាស់ ទោះពិភពលោកវឹកវរក៏អ្នកនៅតែស្ងប់ចិត្តដែរ។

20/04/2026

"កុំធ្វើខ្លួនអន់អោយគេអាណិត ត្រូវជាអ្នកខ្លាំងអោយគេគោរពកោតក្រែង"

នៅក្នុងសង្គមរស់នៅ ការជ្រើសរើសរវាង "ការទាមទារចំណាប់អារម្មណ៍តាមរយៈភាពទន់ខ្សោយ" និង "ការឈរយ៉ាងរឹងមាំ" គឺជាការសម្រេចចិត្តដែលកំណត់តម្លៃនៃជីវិតរបស់យើង។

ការធ្វើខ្លួនឱ្យគួរឱ្យអាណិត ឬបង្ហាញភាពទន់ខ្សោយហួសហេតុ អាចទទួលបានការយកចិត្តទុកដាក់ ឬការលួងលោមមួយគ្រាៗពីអ្នកដទៃ ប៉ុន្តែ ក្តីអាណិតនេះគឺជារបស់បណ្តោះអាសន្នប៉ុណ្ណោះ
- យូរៗទៅ គេនឹងមើលមកយើងថាជាបន្ទុក ឬជាមនុស្សដែលគ្មានសមត្ថភាពដោះស្រាយបញ្ហាផ្ទាល់ខ្លួន។
- ការទម្លាប់ឱ្យគេអាណិត ធ្វើឱ្យយើងបាត់បង់ភាពម្ចាស់ការលើជីវិតឯង និងរង់ចាំតែជំនួយពីអ្នកដទៃ។

🔹ផ្លូវរបស់អ្នកខ្លាំង
"អ្នកខ្លាំង" ក្នុងបរិបទនេះ មិនមែនមានន័យថាជាមនុស្សកោងកាច អាត្មានិយម ឬដើរជិះជាន់គេនោះទេ ភាពខ្លាំងពិតប្រាកដគឺស្ថិតនៅខាងក្នុង
- ភាពអត់ធ្មត់ និងតស៊ូ ទោះដួលប៉ុន្មានដង ក៏ចេះងើបឈរដោយខ្លួនឯង ជូតទឹកភ្នែក ហើយដើរទៅមុខបន្តដោយស្ងៀមស្ងាត់។
- ការទទួលខុសត្រូវ ហ៊ានប្រឈមមុខនឹងបញ្ហារបស់ខ្លួនឯង មិនទម្លាក់កំហុស ឬត្អូញត្អែរប្រាប់ពិភពលោកទាំងមូលរាល់ពេលមានរឿងមិនល្អកើតឡើង។
- ការអភិវឌ្ឍខ្លួនឥតឈប់ឈរ ប្រើប្រាស់ការឈឺចាប់ និងឧបសគ្គ ជាមេរៀនដើម្បីលត់ដំខ្លួនឯងឱ្យកាន់តែមុតស្រួច និងពូកែជាងមុន។

ហេតុអ្វីការគោរពសំខាន់ជាងការអាណិត?
ការអាណិត គេផ្តល់ឱ្យដោយសម្លឹងមើលមកយើងពី "លើចុះក្រោម"
ការគោរពកោតក្រែង គេផ្តល់ឱ្យដោយសម្លឹងមើលមកយើងពី "ក្រោមឡើងលើ" ឬដោយភាពស្មើមុខស្មើមាត់
ពេលដែលអ្នកក្លាយជាមនុស្សរឹងមាំ អាចឈរជើងបានដោយខ្លួនឯង អ្នកដទៃមិនត្រឹមតែលែងហ៊ានមើលងាយនោះទេ តែគេនឹងយកអ្នកជាគំរូ និងផ្តល់តម្លៃយ៉ាងពិតប្រាកដចេញពីបេះដូង។

🔸កុំទន់ជ្រាយយំស្រែកឱ្យគេអាណិត ត្រូវអភិវឌ្ឍខ្លួនឱ្យខ្លាំងឱ្យគេគោរពកោតក្រែង

១. ទឹកភ្នែក និងការយំស្រែក មិនអាចដោះស្រាយបញ្ហាទេ
ការយំមិនមែនជារឿងខុសឆ្គងឡើយ ព្រោះវាជាការរំសាយអារម្មណ៍របស់មនុស្ស ប៉ុន្តែ ការយំដើម្បីទាមទារចំណាប់អារម្មណ៍ ឬចង់ឱ្យគេមកអាណិត គឺជាកំហុសដ៏ធំមួយ
- ក្តីអាណិតមិនមែនជាដំណោះស្រាយ អ្នកដទៃអាចត្រឹមតែហុចក្រដាសជូតមាត់ ឬនិយាយពាក្យលួងលោម ប៉ុន្តែគេមិនអាចមកទទួលរ៉ាប់រងដោះស្រាយបញ្ហា ឬរែកពុនទុក្ខលំបាកជំនួសយើងបានឡើយ។
- ផ្នត់គំនិតជាជនរងគ្រោះ ការទម្លាប់ត្អូញត្អែរ និងយំស្រែក នឹងធ្វើឱ្យខួរក្បាលរបស់យើងជាប់គាំង គិតថាយើងទន់ខ្សោយ និងមិនអាចធ្វើអ្វីបានក្រៅពីរង់ចាំអ្នកមានបុណ្យមកជួយ។

២. ត្រូវប្តូរ "ទឹកភ្នែក" ទៅជា "ញើសនៃការអភិវឌ្ឍខ្លួន"
ជំនួសឱ្យការចំណាយពេលវេលាអង្គុយយំសោក ឬប្រាប់គេឯងពីភាពកំសត់របស់អ្នក ចូរក្រោកឈរឡើង ហើយផ្តោតលើការអភិវឌ្ឍខ្លួនឯង
- ពង្រឹងសមត្ថភាព ចំណាយពេលអានសៀវភៅ រៀនជំនាញថ្មីៗ ធ្វើការឱ្យខ្លាំងជាងមុន។ ភាពខ្លាំងពិតប្រាកដ កើតចេញពីចំណេះដឹង និងសមត្ថភាពដែលអ្នកមានក្នុងខ្លួន។
- សាងភាពរឹងមាំផ្លូវចិត្ត រៀនគ្រប់គ្រងអារម្មណ៍ មិនបង្ហាញភាពទន់ជ្រាយឱ្យនរណាម្នាក់ឃើញងាយៗ ធ្វើជាមនុស្សដែលចេះញញឹមទទួលយកបញ្ហា ហើយរកវិធីដោះស្រាយដោយស្ងៀមស្ងាត់។
- យកការឈឺចាប់ជាកម្លាំងរុញច្រាន ទុកឱ្យភាពបរាជ័យ ឬការមើលងាយរបស់អ្នកដទៃ ក្លាយជាប្រេងសាំងដែលចាក់បញ្ឆេះម៉ាស៊ីននៃការព្យាយាមរបស់អ្នក។

៣. ការគោរពកោតក្រែង កើតចេញពីភាពរឹងមាំ
មនុស្សក្នុងសង្គម តែងតែផ្តល់តម្លៃខ្ពស់ដល់បុគ្គលដែលធ្លាប់ធ្លាក់ដល់បាត តែអាចប្រឹងងើបឈរឡើងវិញបានដោយសមត្ថភាពខ្លួនឯង
ពេលអ្នកទន់ខ្សោយ គេអាចត្រឹម អាណិត តែគេប្រហែលជាលួចមើលងាយអ្នកពីក្រោយខ្នង។
ពេលអ្នកខ្លាំងពូកែ មានសមត្ថភាព និងអាចឈរជើងបានយ៉ាងរឹងមាំ ទោះគេចង់ឬមិនចង់ ក៏គេត្រូវតែ គោរពកោតក្រែង និងផ្តល់តម្លៃដល់អ្នក។

ចូរបញ្ឈប់ការធ្វើជាតួអង្គកំសត់នៅក្នុងសាច់រឿងជីវិតរបស់អ្នក ជូតទឹកភ្នែកចេញ ដកដង្ហើមឱ្យធំ ហើយចាប់ផ្តើមសាងសង់ខ្លួនឯងឡើងវិញ ត្រូវចាំថា "នៅលើលោកនេះ គ្មាននរណាម្នាក់អាចជួយអ្នកបានល្អជាងខ្លួនអ្នកនោះទេ ហើយក៏គ្មានរង្វាន់ណាដែលសក្តិសមសម្រាប់អ្នកទន់ជ្រាយដែរ។ រង្វាន់ធំបំផុត គឺមានទុកសម្រាប់តែអ្នកដែលតស៊ូ អភិវឌ្ឍខ្លួន និងក្លាយជាអ្នកខ្លាំងពិតប្រាកដតែប៉ុណ្ណោះ"

ជីវិតតែងតែមានរឿងលំបាក ដែលទាមទារឱ្យយើងត្រូវឆ្លងកាត់ ចូរជ្រើសរើសយកភាពរឹងមាំធ្វើជាអាវក្រោះ ទុកឱ្យញើស និងសមិទ្ធផលរបស់អ្នក ជាអ្នកនិយាយជំនួសការត្អូញត្អែរ។ ចូរចាំថា "តម្លៃរបស់មនុស្ស មិនមែនកើតចេញពីចំនួនទឹកភ្នែកដែលគេសម្រក់នោះទេ តែវាជាកម្លាំងនៃការងើបឈរឡើងវិញរាល់ពេលដែលដួលកាលពីអតីតកាល"

_____សុវត្ថន៍-Sovathn

#សុវត្ថន៍_Sovathn #កុំអន់ពេក #កុំទន់ជ្រាយ #ការអាណិតអាសូរ #ការអាណិត #ក្ដីសង្ឃឹម #ក្ដីសុខ #សុខស្រួល #ផ្នត់គំនិត #គ្រប់គ្រងចិត្ត #កម្លាំងចិត្ត #ខ្លួនឯង #បទពិសោធន៍ #ការអត់ធ្មត់ #ការអភិវឌ្ឍខ្លួន #ជំហានដំបូង #តស៊ូបន្ដ #ញញឹម #អារម្មណ៍ល្អ #អភិវឌ្ឍខ្លួនឯង #វិន័យ #អភិវឌ្ឍខ្លួនឯង #ភាពភ័យខ្លាច #ហ៊ានរស់នៅ #ទស្សនៈជីវិត #ព្យាបាលផ្លូវចិត្ត #ក្ដីសុខផ្លូវចិត្ត

17/04/2026

២២ ឃ្លាដាស់តឿនចិត្ត
សម្រាប់ថ្ងៃដែលអ្នកហត់នឿយនឹងជីវិត

១-បើចង់រំដោះខ្លួនពីភាពវឹកវរ ពេលខ្លះគ្រាន់តែនាំខ្លួនឯងចេញពីបរិយាកាសចាស់ៗ អ្នកក៏មានអារម្មណ៍ធូរស្រាលដែរ។

២-ជីវិតក៏ត្រូវការ Reset ខ្លះដែរ។ គ្រាន់តែផ្លាស់ប្ដូរបរិយាកាសបន្តិច បេះដូងនឹងត្រឡប់មកមានកម្លាំងវិញជាមិនខាន។

៣-អនាគតនៅមិនទាន់មកដល់ទេ កុំទាន់យកវាមកដាក់សម្ពាធខ្លួនឯងអី។ ពេលនេះ ដើរម្ដងមួយជំហាន... ប៉ុណ្ណឹងបានហើយ។

៤-អ្នកមិនមែនជាម៉ាស៊ីនទេ។ សម្រាកខ្លះទៅ សឹមបន្តដំណើរទៅមុខទៀត។

៥-ជីវិតមនុស្សមិនមែនមានចម្លើយតែមួយនោះទេ គ្រាន់តែយើងជ្រើសរើសផ្លូវដើរខុសគ្នា តែប៉ុណ្ណឹងឯង។

៦-កុំគិតធំពេក រហូតមិនហ៊ានចាប់ផ្ដើម។ ចាប់ផ្ដើមពីចំណុចតូចតាចសិន រួចចាំពង្រីកវាបន្តិចម្ដងៗ។

៧- បន្តធ្វើអ្វីដែលអ្នកចូលចិត្តទៅ ថ្ងៃណាមួយវានឹងនាំអ្នកទៅដល់ទីឆ្ងាយដោយឯកឯង។

៨-ជីវិតដ៏សាមញ្ញនេះហើយ ពេលខ្លះវាជាភាពពិសេសបំផុតទៅវិញ។

៩-បើថ្ងៃនេះពិតជាទ្រាំលែងបានមែន ប្រាប់ខ្លួនឯងទៅថា "ចាំស្អែកសឹមគិតទៀត"។

១០-ដួល ឈឺចាប់ បរាជ័យ មិនមែនមានន័យថាអ្នកកំពុងវង្វេងផ្លូវនោះទេ។ ពេលខ្លះ វត្ថុទាំងនេះគ្រាន់តែជាសញ្ញាបញ្ជាក់ថា អ្នកកំពុងតែបោះជំហានទៅមុខប៉ុណ្ណោះ។

១១- ក្តីសង្ឃឹមជារឿងល្អ តែបើមានច្រើនពេក វានឹងត្រឡប់មកវាយប្រហារអ្នកវិញមិនខាន។

១២. ទ្វារមួយបិទ ទ្វារមួយទៀតកំពុងបើករង់ចាំ គ្រាន់តែអ្នកនៅតែងាកក្រោយសម្លឹងមើលតែទ្វារចាស់។

១៣- បើមិនសាកល្បង អ្នកក៏មិនដឹងដែរថា តាមពិតអ្នកអាចដើរទៅបានឆ្ងាយកម្រិតណា។

១៤- បាត់បង់អ្វីក៏បាត់បង់ចុះ តែរឿងមួយដែលមិនគួរឲ្យបាត់បង់ គឺស្នាមញញឹម និងសំឡេងសើចរបស់ខ្លួនឯង។

១៥- មានអារម្មណ៍បែបណា ត្រូវហ៊ានទទួលស្គាល់វា។ បើចេះតែលាក់ទុកម្នាក់ឯង ចុងក្រោយអ្នកនឹងត្រូវខ្ទេចខ្ទាំដោយសារវា។

១៦- ទោះបីជាពិភពលោកនេះឃោរឃៅយ៉ាងណាក៏ដោយ
ក៏កុំបោះបង់ខ្លួនឯងឲ្យសោះ។

១៧-កុំខ្វល់ខ្វាយនឹងពាក្យសម្ដីអ្នកដទៃពេក។ បើអ្វីដែលអ្នកធ្វើនាំមកនូវសេចក្តីសុខ និងមិនធ្វើឲ្យប៉ះពាល់ដល់អ្នកណា... ធ្វើវាបន្តទៀតទៅ។

១៨-ចំពោះមនុស្សដែលស្រឡាញ់អ្នក សូមយកចិត្តទុកដាក់ និងថែរក្សាពួកគេឲ្យបានល្អបន្តិច។

១៩-ភាពល្អឥតខ្ចោះ មិនមានពិតនៅលើលោកនេះទេ។ កាន់តែរត់តាមវា កាន់តែហត់នឿយតែប៉ុណ្ណោះ។

២០-កុំព្យាយាមតម្រូវចិត្តអ្នកដទៃពេក រហូតដល់ភ្លេចថែរក្សាបេះដូងខ្លួនឯង។

២១- ឈប់គិតម្នាក់ឯងទៅថា អ្នកដទៃគេមើលមកអ្នកក្នុងផ្លូវណា។ តាមពិតទៅ... គេមិនបានចាប់អារម្មណ៍អ្នកខ្លាំងដល់ថ្នាក់ហ្នឹងទេ។

២២-រឿងដែលគួរឲ្យសោកស្ដាយបំផុតក្នុងជីវិត គឺការដែលមិនបានរស់នៅជាខ្លួនឯង។
លន់-Lun @អ្នកគាំទ្រពេញនិយម
#មេរៀនជីវិត #លើកទឹកចិត្ត #ស្រឡាញ់ខ្លួនឯង

12/04/2026

មារយាទ "មនុស្សជិតស្និទ្ធ"

កាន់តែស្និទ្ធស្នាល កាន់តែត្រូវមានមារយាទ

នៅក្នុងជីវិតរបស់យើង មនុស្សម្នាក់ៗតែងតែមានអ្នកដែលនៅក្បែរខ្លួន ជាមនុស្សដែលយើងអាចធ្វើជាខ្លួនឯងបានយ៉ាងពេញលេញ ជាមនុស្សដែលយើងមិនបាច់ខំប្រឹងរៀបឫកពា និងជាមនុស្សដែលយើងអាចចែករំលែករឿងរ៉ាវគ្រប់យ៉ាងជាមួយដោយមិនខ្លាចការវិនិច្ឆ័យ ភាពស្និទ្ធស្នាលនេះហើយ ដែលធ្វើឲ្យយើងមានអារម្មណ៍កក់ក្ដៅ និងមានសុវត្ថិភាពបំផុត។
ប៉ុន្តែ ជារឿយៗ យើងតែងតែភ្លេចខ្លួន យើងប្រហែលជាធ្លាប់ឮពាក្យថា "អ្នកដទៃទោះធ្វើខុសរាប់រយដងក៏យើងអាចអត់ឱនឲ្យបាន តែមនុស្សជិតស្និទ្ធធ្វើខុសតែម្ដង ក៏យើងបែរជាខឹងសម្បារខ្លាំង" នោះក៏ព្រោះតែយើងរំពឹងខ្ពស់ពីពួកគេ ហើយក្នុងពេលជាមួយគ្នានោះ យើងក៏បានយកភាពស្និទ្ធស្នាលនេះមកធ្វើជាលេស ដើម្បីរំលង "មារយាទ" ដែលយើងធ្លាប់មានចំពោះពួកគេកាលពីថ្ងៃដំបូង។
ការពិតទៅ មិនថាយើងជិតស្និទ្ធជាមួយនរណាម្នាក់ដល់កម្រិតណានោះទេ មនុស្សគ្រប់រូបសុទ្ធតែមានអារម្មណ៍ មានព្រំដែន និងមានបេះដូងដែលត្រូវការការថែរក្សាជានិច្ច ខាងក្រោមនេះ សុវត្ថន៍នឹងបង្ហាញចំណុចដ៏សំខាន់ដែលបញ្ជាក់ថា ហេតុអ្វីបានជា "កាន់តែស្និទ្ធស្នាល កាន់តែត្រូវមានមារយាទ".....

១. កុំទម្លាប់រហូតដល់ភ្លេចការក្រែងចិត្ត
ទំនាក់ទំនងជាច្រើនបែកបាក់ មិនមែនព្រោះអស់ស្រឡាញ់ទេ តែដោយសារតែស្និទ្ធពេកទើបចាប់ផ្ដើមគិតថានិយាយអ្វីក៏បាន ធ្វើអ្វីក៏បាន ងាយបញ្ចេញអារម្មណ៍ដាក់គ្នា រហូតភ្លេចថាទោះស្និទ្ធប៉ុណ្ណាក៏គេនៅមានបេះដូង មានដែនកំណត់ និងមានអារម្មណ៍ដែលត្រូវថែរក្សាដូចមុនដែរ។

២. ពាក្យសម្ដីកាន់តែត្រូវប្រយ័ត្ន
ជាមួយអ្នកមិនសូវស្និទ្ធ យើងតែងតែគិតមុននិយាយជានិច្ច តែដល់ពេលជាអ្នកជិតស្និទ្ធ យើងបែរជាភ្លាត់មាត់និយាយខ្លាំងៗ និយាយចំអកហួសហេតុ ឬនិយាយកាត់ចិត្តគេដោយមិនដឹងខ្លួន ទាំងដែលការពិត មនុស្សជិតស្និទ្ធនេះហើយ ដែលចងចាំសម្ដីរបស់យើងបានយូរជាងគេ និងឈឺចាប់ខ្លាំងបំផុតបើយើងមិនប្រយ័ត្ន។

៣. ស្និទ្ធស្នាល មិនមែនមានន័យថាអាចបំពានព្រំដែនបានឡើយ
អ្នកខ្លះចូលចិត្តយកទូរស័ព្ទមិត្តភក្ដិមកមើលដោយខ្លួនឯង ចូលចិត្តសួររឿងផ្ទាល់ខ្លួនដោយមិនមើលកាលៈទេសៈ ឬចូលចិត្តសម្រេចចិត្តជំនួសគេ គ្រាន់តែគិតថាស្និទ្ធគ្នាគ្រប់គ្រាន់ តែតាមពិត ភាពស្និទ្ធស្នាល មិនមែនជាប័ណ្ណអនុញ្ញាតឲ្យយើងចូលទៅក្នុងទំហំផ្ទាល់ខ្លួនរបស់អ្នកណាម្នាក់ដោយមិនសុំការអនុញ្ញាតទាល់តែសោះ។

៤. កាន់តែជិតស្និទ្ធ កាន់តែត្រូវរក្សាទឹកចិត្ត
មនុស្សដែលនៅក្បែរយើងញឹកញាប់បំផុត ច្រើនតែជាអ្នកទទួលអារម្មណ៍ពីយើងច្រើនជាងគេដែរ។ ហត់ពីការងារក៏មកទម្លាក់កំហឹងលើគេ ធុញថប់ក៏និយាយគំហកដាក់គេ តាមពិត មនុស្សជិតខ្លួនមិនគួរជាកន្លែងរំសាយកំហឹងថោកៗរបស់យើងទេ តែគួរតែជាអ្នកដែលទទួលបានភាពទន់ភ្លន់បំផុតទើបត្រឹមត្រូវ។

៥. កុំយកការពិតមកវាយប្រហារគ្នា
ពាក្យថាជាមនុស្សត្រង់ មិនមែនមានន័យថានិយាយអ្វីក៏បានដោយមិនខ្វល់ពីអារម្មណ៍អ្នកស្ដាប់នោះទេ រឿងខ្លះនិយាយពិត តែខុសពេលវេលា ប្រយោគខ្លះមិនបានជួយឲ្យភាគីម្ខាងទៀតល្អប្រសើរឡើងទេ មានតែធ្វើឲ្យគេមានអារម្មណ៍អាក្រក់ជាងមុន ហេតុនេះ ទោះបីជាមានបំណងល្អប៉ុណ្ណាក៏ដោយ របៀបនិយាយនៅតែជារឿងសំខាន់ជានិច្ច។

៦. រឿងតូចតាចក៏កុំមើលរំលង
ពាក្យអរគុណ ពាក្យសុំទោស ការសួរសុខទុក្ខមុនត្រឡប់ទៅផ្ទះ ឬការមិនខកការណាត់ដោយស្ងៀមស្ងាត់ រឿងតូចៗបែបនេះមើលទៅសាមញ្ញណាស់ តែវាជាការវាស់វែងយ៉ាងច្បាស់ថាយើងនៅតែផ្ដល់កិត្តិយសឲ្យគ្នាឬអត់ ព្រោះទំនាក់ទំនងល្អច្រើនតែមិនបែកបាក់ពីរឿងធំដុំទេ តែច្រើនតែសឹកបាត់បង់ពីរឿងតូចតាចដែលត្រូវគេមើលរំលងជាញឹកញាប់។

៧. ស្និទ្ធស្នាលគ្នាក៏ត្រូវចេះស្ដាប់គ្នា
មនុស្សជាច្រើនពេលនៅជាមួយអ្នកដែលធ្លាប់ស្គាល់យូរៗទៅ នឹងចាប់ផ្ដើមស្ដាប់គ្នាតិចជាងមុន ប្រញាប់សន្និដ្ឋានជំនួស ប្រញាប់កាត់សម្ដី ប្រញាប់ឆ្លើយតប តាមពិត ការស្ដាប់គ្នាយ៉ាងយកចិត្តទុកដាក់ គឺកាយវិការដ៏កក់ក្ដៅបំផុតមួយនៅក្នុងទំនាក់ទំនង ព្រោះវាធ្វើឲ្យភាគីម្ខាងទៀតដឹងថា គេមិនត្រឹមតែជាអ្នកស្គាល់គ្នាទេ តែនៅតែជាមនុស្សសំខាន់សម្រាប់យើងជានិច្ច។

៨. កុំលេងសើចលើរឿងដែលគេឈឺចាប់
ពាក្យចំអកខ្លះអាចធ្វើឲ្យអ្នកនិយាយសើចសប្បាយ តែអ្នកស្ដាប់វិញយកទៅគិតពេញមួយយប់ ដូចជាចំអករូបរាង ចំអករឿងលុយកាក់ ចំអករឿងគ្រួសារ ឬចំអកចំណុចខ្សោយដែលគេមិនធ្លាប់ប្រាប់ត្រង់ៗ កាន់តែស្និទ្ធ យើងកាន់តែត្រូវដឹងថាកន្លែងណាអាចលេងបាន កន្លែងណាដែលមិនគួរប៉ះពាល់ ព្រោះភាពសប្បាយរីករាយមិនគួរត្រូវបានបង្កើតឡើងលើការឈឺចាប់របស់អ្នកណាម្នាក់ឡើយ។

៩. ភាពសុខស្រួលចិត្តមិនត្រូវមកព្រមជាមួយភាពឈ្លើយឡើយ
ការធ្វើជាខ្លួនឯងជាមួយនរណាម្នាក់គឺជារឿងល្អណាស់ តែការធ្វើជាខ្លួនឯងមិនគួរមានន័យថា... មិនបាច់រក្សាមារយាទ មិនបាច់រក្សាពាក្យសម្ដី ឬមិនបាច់រក្សាព្រំដែននោះទេ ព្រោះទំនាក់ទំនងដែលនៅបានយូរ មិនបានកើតចេញពីភាពសុខស្រួលចិត្តតែម្យ៉ាងទេ តែមកពីការចេះតាំងខ្លួនឲ្យបានល្អ ទោះក្នុងថ្ងៃដែលស្និទ្ធស្នាលគ្នាយ៉ាងណាក៏ដោយ។

១០. ផ្ដល់កិត្តិយសឲ្យគ្នាដូចថ្ងៃដំបូង
គូស្នេហ៍ជាច្រើន មនុស្សជាច្រើន ទំនាក់ទំនងជាច្រើន ចាប់ផ្ដើមដោយភាពគួរសម ការយកចិត្តទុកដាក់ និងការថែរក្សាទឹកចិត្ត តែពេលពេលវេលាកន្លងផុតទៅ បែរជានៅសល់តែការស៊ាំធ្លាប់ រហូតភ្លេចមើលថែគ្នាដូចមុន បើចង់ឲ្យនរណាម្នាក់នៅក្នុងជីវិតយើងបានយូរ កុំប្រើពាក្យថាស្និទ្ធស្នាលជាហេតុផលក្នុងការមើលរំលងមារយាទ ព្រោះកាន់តែស្រឡាញ់ កាន់តែត្រូវផ្ដល់កិត្តិយសឲ្យគ្នាជាងមុន។

១១. កុំចាត់ទុករាល់ការលះបង់របស់គេជារឿងដែលត្រូវតែធ្វើ
មនុស្សជិតស្និទ្ធតែងតែជួយយើងដោយមិនទាមទារអ្វីតបស្នង តែវាមិនមែនមានន័យថាយើងមិនបាច់ឲ្យតម្លៃនោះទេ កុំគិតថា... "ព្រោះស្និទ្ធទើបគេជួយ" តែត្រូវគិតថា "ព្រោះគេស្រឡាញ់ទើបគេលះបង់" ដូច្នេះរាល់ទង្វើល្អទោះតូចក្ដី ធំក្ដី គួរតែទទួលបានការឲ្យតម្លៃជានិច្ច។

១២. ត្រូវចេះសុំទោសដោយស្មោះត្រង់
ភាពស្និទ្ធស្នាលមិនមែនជាលេសសម្រាប់លុបលាងកំហុសទេ ពេលធ្វើខុស ត្រូវហ៊ាននិយាយពាក្យថាសុំទោសចេញពីចិត្ត មិនមែនធ្វើហាក់ដូចជាគ្មានរឿងអ្វីកើតឡើង ឬគិតថាគេនឹងយល់ពីអ្នកដោយស្វ័យប្រវត្តិនោះទេ។

១៣. គោរពពេលវេលារបស់គេដូចមុន
កុំគិតថាស្និទ្ធគ្នាហើយ អាចទៅយឺតម៉ោងប៉ុណ្ណាក៏បាន ឬចង់លុបចោលការណាត់ពេលណាក៏បាន ពេលវេលារបស់មនុស្សគ្រប់គ្នាមានតម្លៃដូចគ្នា ការគោរពពេលវេលារបស់គេ គឺបង្ហាញពីការគោរពចំពោះទំនាក់ទំនងមួយនេះ។

១៤. កុំគាស់កកាយកំហុសចាស់ៗ
ពេលឈ្លោះគ្នា កុំយកភាពស្និទ្ធស្នាល ឬការដឹងរឿងរ៉ាវរបស់គេច្រើន មកធ្វើជាអាវុធវាយប្រហារគេដោយការគាស់កកាយរឿងចាស់ៗ ឈ្លោះរឿងអ្វី ដោះស្រាយរឿងនោះ កុំយកអតីតកាលមកបំផ្លាញបច្ចុប្បន្នភាព។

១៥. កុំសើចចំអកក្ដីស្រមៃរបស់គេ
ទោះបីជាក្ដីស្រមៃរបស់គេមើលទៅខុសប្លែក ឬធំធេងយ៉ាងណាក៏ដោយ ក្នុងនាមជាមនុស្សជិតស្និទ្ធ អ្នកគួរតែជាអ្នកគាំទ្រដ៏ធំបំផុត មិនមែនជាអ្នកពន្លត់ភ្លើងក្ដីសង្ឃឹមរបស់គេដោយពាក្យលេងសើចឡើយ។

១៦. រក្សាការសម្ងាត់ឲ្យបានល្អបំផុត
នៅពេលដែលគេទុកចិត្តប្រាប់រឿងផ្ទាល់ខ្លួន នោះដោយសារតែគេចាត់ទុកអ្នកជាមនុស្សសំខាន់ កុំយកភាពទុកចិត្តនេះទៅលេងសើច ឬយកទៅប្រាប់អ្នកដទៃទោះក្នុងស្ថានភាពណាក៏ដោយ អាថ៌កំបាំងរបស់មនុស្សជិតស្និទ្ធ គួរតែបញ្ចប់ត្រឹមយើង។

១៧. កុំរំលងពាក្យថា "អរគុណ"
អ្នកខ្លះគិតថាស្និទ្ធគ្នាពេក និយាយពាក្យអរគុណមើលទៅឆ្គង ប៉ុន្តែការពិត ពាក្យអរគុណមិនដែលធ្វើឲ្យទំនាក់ទំនងណាមួយមើលទៅឆ្ងាយពីគ្នាទេ មានតែជួយបំប៉នទឹកចិត្តអ្នកដែលបានធ្វើរឿងល្អៗសម្រាប់យើងឲ្យកាន់តែមានកម្លាំងចិត្ត។

១៨. ផ្ដល់ទំហំផ្ទាល់ខ្លួនឲ្យគ្នា
មនុស្សម្នាក់ៗសុទ្ធតែត្រូវការពេលវេលាសម្រាប់ខ្លួនឯង ទោះបីជាស្រឡាញ់ ឬស្និទ្ធស្នាលគ្នាយ៉ាងណាក៏ដោយ។ កុំតឹងរ៉ឹង ឬទាមទារឲ្យគេនៅក្បែរអ្នកគ្រប់វិនាទី ការចេះទុកចន្លោះប្រហោងខ្លះ ទើបធ្វើឲ្យទំនាក់ទំនងដកដង្ហើមបានស្រួល។

១៩. កុំបង្ខំឲ្យគេយល់ស្របតាមអ្នកគ្រប់រឿង
ភាពស្និទ្ធស្នាលមិនមែនមានន័យថាត្រូវមានគំនិតដូចគ្នាគ្រប់រឿងនោះទេ ត្រូវចេះទទួលស្គាល់ និងគោរពការសម្រេចចិត្ត ឬគំនិតដែលខុសពីខ្លួន ដោយមិនប្រើអារម្មណ៍ខឹងសម្បារ ឬគិតថាគេប្រែប្រួលឡើយ។

២០. ការពារគេនៅពីក្រោយខ្នង
មនុស្សជិតស្និទ្ធពិតប្រាកដ មិនត្រឹមតែល្អចំពោះគ្នានៅពេលនៅទល់មុខទេ តែគេនឹងមិនបណ្ដោយឲ្យអ្នកណានិយាយអាក្រក់ពីយើងនៅពីក្រោយខ្នងឡើយ កិត្តិយសរបស់មនុស្សដែលយើងស្រឡាញ់ ក៏ដូចជាកិត្តិយសរបស់យើងដូចគ្នា។

_____សុវត្ថន៍-Sovathn

#សុវត្ថន៍_Sovathn #កាន់តែស្និទ្ធកាន់តែត្រូវមានមារយាទ #មារយាទក្នុងទំនាក់ទំនង #គតិក្នុងទំនាក់ទំនង #ផ្ដល់កិត្តិយសឲ្យគ្នា #មនុស្សក្បែរខ្លួនកាន់តែត្រូវយកចិត្តទុកដាក់ #ពាក្យសម្ដីតែងតែសំខាន់ #លូតលាស់ទៅជាមួយគ្នា #មេរៀនជីវិត #ទស្សនៈជីវិត #អានរហូត #ផ្លាស់ប្តូរខ្លួន #អភិវឌ្ឍន៍ខ្លួន #ធ្វើខ្លួនឱ្យខ្លង #ឆ្នៃខ្លួនឱ្យពូកែ #ផ្នត់គំនិត #ជីវិតមានក្ដីសុខ #ផ្លាស់ប្តូរជីវិត #ផ្លាស់ប្តូរការគិត #គ្រប់គ្រងចិត្ត #គោលដៅជីវិត #ការផ្លាស់ប្ដូរ #ជ័យជម្នះ #កម្លាំងចិត្ត #ខ្លួនឯង #បទពិសោធន៍ #ការអត់ធ្មត់ #ការអភិវឌ្ឍខ្លួន #ជំហានដំបូង #តស៊ូបន្ដ

27/05/2025

10/04/2024

🎊🌺 រីករាយពិធីបុណ្យចូលឆ្នាំខ្មែរ 🌺🎊

ក្នុងឱកាសពិធីបុណ្យចូលឆ្នាំថ្មីប្រពៃណីខ្មែរ ឆ្នាំ២០២៤ ត្រូវនឹងឆ្នាំរោង ឆស័ក ព.ស ២៥៦៧ ជីប ម៉ុង លែន សូមបួងសួងដល់ទេវតាឆ្នាំថ្មីប្រសិទ្ធពរជ័យដល់អតិថិជនទាំងអស់ និងក្រុមគ្រួសារទទួលបាននូវសិរីសួស្ដី សុភមង្គល សុខភាពល្អ សំណាងល្អ និងជោគជ័យរាល់ភារកិច្ចទាំងអស់ ជាពិសេសរាល់ការធ្វើដំណើរទៅកាន់ទីជិត ឬទីឆ្ងាយ ប្រកបដោយសុខសុវត្ថិភាពជានិច្ច។

#ជឿជាក់ក្នុងការរស់នៅ #លើសពីទីលំនៅតែជាផ្ទះដ៏កក់ក្តៅ