http://demo.tkbusiness-consulting.com/service.html

T.K Business Investment Co, Ltd, អគារលេខ១០ បន្ទាប់លេខ ១FB-E ផ្លូ, Phnom Penh (2026)

21/06/2026

[ ព្រះរស់នៃកូនៗ និងជាគ្រឹះដ៏រឹងមាំនៃគ្រួសារ - រីករាយទិវាលោកឪពុក | Happy Father's Day 2026 ] 👨‍👩‍👧‍👦❤️✨

នៅក្នុងឱកាសដ៏វិសេសវិសាលនៃ «ទិវាលោកឪពុក» ថ្ងៃទី២១ ខែមិថុនា ឆ្នាំ២០២៦ នេះ ក្រុមហ៊ុន T.K Business Investment Co., Ltd. សូមគោរពជូនពរ និងសម្តែងនូវការដឹងគុណយ៉ាងជ្រាលជ្រៅបំផុត ជូនចំពោះលោកឪពុកគ្រប់រូប ដែលបានលះបង់ទាំងកម្លាំងកាយចិត្ត ក្តីស្រលាញ់ឥតព្រំដែន និងការជ្រោមជ្រែងយ៉ាងរឹងមាំដើម្បីអនាគតដ៏ភ្លឺស្វាងរបស់កូនៗ ។

លោកឪពុកគឺជាវីរៈបុរសដំបូង និងជាគំរូដ៏ល្អបំផុតជានិច្ចកាលនៅក្នុងឆាកជីវិត។ នៅ T.K Group យើងជឿជាក់ថា៖ «គ្រឹះគ្រួសារដ៏រឹងមាំ នឹងបង្កើតឱ្យមានអនាគតដ៏រឹងមាំដូចគ្នា» (Strong Roots Build Strong Futures) ។

សូមជូនពរលោកឪពុកទាំងអស់ សូមមានសុខភាពល្អបរិបូរណ៍ កម្លាំងមាំមួន អាយុយឺនយូរ និងទទួលបានជោគជ័យ សិរីសួស្តីក្នុងគ្រប់ភារកិច្ច និងអាជីវកម្ម! 🥰🙏

20/06/2026

📢 សេចក្តីជូនដំណឹងពី អគ្គនាយកដ្ឋានគយ និងរដ្ឋាករកម្ពុជា

អគ្គនាយកដ្ឋានគយ និងរដ្ឋាករកម្ពុជា បានបញ្ជាក់ថា មុខទំនិញដែលមានប្រភពដើមពីប្រទេសថៃ និងជាប់បម្រាមនាំចូលមកកម្ពុជា រួមមាន៖
🔹 បន្លែ និងផ្លែឈើ
🔹 ប្រេងឥន្ធនៈ និងឧស្ម័នឥន្ធនៈ៖
• ប្រេងសាំង (Gasoline)
• ប្រេងម៉ាស៊ូត (Diesel)
• LPG និង LNG
• ប្រេងខ្មៅ (Fuel Oil)
• ប្រេងសាំងយន្តហោះ (Jet-A1)

✅ មុខទំនិញផ្សេងទៀតក្រៅពីខាងលើ នៅតែអាចនាំចូលបានជាធម្មតា ដោយអនុវត្តតាមនីតិវិធី និងបទប្បញ្ញត្តិជាធរមាន។

🚢 អាជីវករ/ពាណិជ្ជករ អាចប្រើប្រាស់មធ្យោបាយដឹកជញ្ជូន និងមាត់ច្រកផ្លូវការផ្សេងៗសម្រាប់នាំចូលទំនិញ លើកលែងតែមាត់ច្រកព្រំដែនផ្លូវគោកកម្ពុជា-ថៃ ដែលត្រូវបានបិទជាឯកតោភាគីដោយភាគីថៃ។

📌 អគ្គនាយកដ្ឋានគយ និងរដ្ឋាករកម្ពុជា នឹងបន្តតាមដាន និងជូនដំណឹងបន្ថែមអំពីស្ថានភាព និងវិធានការពាក់ព័ន្ធជាបន្តបន្ទាប់។

19/06/2026

[កម្រងរូបភាពអនុស្សាវរីយ៍៖ ចូលរួមជាភ្ញៀវកិត្តិយសជាន់ខ្ពស់ក្នុងពិធីបើកជាផ្លូវការនៃ «ពិព័រណ៍ផលិតផលអាស៊ាន (កម្ពុជា)-ចិន លើកទី២ ឆ្នាំ២០២៦»] 🇰🇭🤝🇨🇳✨

នាព្រឹកថ្ងៃទី១៩ ខែមិថុនា ឆ្នាំ២០២៦ នេះ ក្នុងនាមរូបខ្ញុំបាទជាអគ្គនាយកនៃក្រុមហ៊ុន T.K Business Investment Co, Ltd. ពិតជាមានកិត្តិយស និងសេចក្តីសោមនស្សរីករាយយ៉ាងក្រៃលែង ដែលបានអញ្ជើញចូលរួមជាភ្ញៀវកិត្តិយស VIP នៅក្នុងពិធីបើកសម្ពោធជាផ្លូវការនៃព្រឹត្តិការណ៍ពិព័រណ៍ពាណិជ្ជកម្មដ៏មហិមា និងមានសារៈសំខាន់ជាប្រវត្តិសាស្ត្រនេះ នៅមជ្ឈមណ្ឌលសន្និបាត និងពិព័រណ៍កោះពេជ្រ (DIECC) ។

ខ្ញុំបាទសូមគោរពថ្លែងអំណរគុណយ៉ាងជ្រាលជ្រៅបំផុតចំពោះ លោកបណ្ឌិត ឈួន សុវណ្ណសក្តិ ព្រមទាំងគណៈកម្មការរៀបចំកម្មវិធីទាំងអស់ ដែលបានផ្តល់សេចក្តីទុកចិត្ត និងគោរពអញ្ជើញរូបខ្ញុំបាទចូលរួម។ ព្រឹត្តិការណ៍នេះ មិនត្រឹមតែជាវេទិកាតភ្ជាប់ដ៏រឹងមាំប៉ុណ្ណោះទេ ប៉ុន្តែបានបើកបង្ហាញនូវកាលានុវត្តភាព និងសក្តានុពលសេដ្ឋកិច្ចថ្មីៗដ៏សម្បូរបែប សម្រាប់ការវិនិយោគ ការផ្លាស់ប្តូរពាណិជ្ជកម្ម និងកិច្ចសហការយុទ្ធសាស្ត្ររវាង កម្ពុជា ចិន និងបណ្តាប្រទេសអាស៊ាន ឱ្យកាន់តែរីកចម្រើនទ្វេឡើង។

ទន្ទឹមនឹងនេះ ក្រុមហ៊ុន T.K Group នឹងនៅតែបន្តប្តេជ្ញាចិត្តយ៉ាងមុតមាំក្នុងការដើរតួជាស្ពានចម្លងដ៏មានជំនឿចិត្ត (Trusted Bridge) ក្នុងការសម្របសម្រួល ផ្តល់សេវាកម្មប្រឹក្សាយោបល់ ច្បាប់ ពន្ធដារ និងគណនេយ្យ ជូនដល់បណ្តាវិនិយោគិនបរទេស (FDI) និងធុរជនទាំងអស់ដែលចង់ពង្រីកសក្តានុពលអាជីវកម្មរបស់ខ្លួននៅក្នុងព្រះរាជាណាចក្រកម្ពុជា។ 🚀🏢📈

18/06/2026

សារលិខិតថ្វាយព្រះពរជ័យ ក្នុងឱកាសដ៏មហានក្ខត្តឫក្សប្រកបដោយក្តីសោមនស្សរីករាយនៃព្រះរាជពិធីបុណ្យចម្រើនព្រះជន្មវស្សា សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ🇰🇭🙏✨

នៅក្នុងឱកាសដ៏ថ្លៃថ្លាបំផុត នៃទិវាប្រវត្តិសាស្ត្រគម្រប់ ៩០ព្រះវស្សា ឈានចូល ៩១ព្រះវស្សា របស់សម្តេចព្រះមហាក្សត្រី ព្រះវររាជមាតាជាតិខ្មែរ នាថ្ងៃទី១៨ ខែមិថុនា ឆ្នាំ២០២៦ នេះ។

ទូលព្រះបង្គំជាខ្ញុំ ផាន បូរ៉ា ស្ថាបនិក និងជាអគ្គនាយក (Managing Director) ព្រមទាំងគណៈគ្រប់គ្រង និងបុគ្គលិកទាំងអស់នៃមហាគ្រួសារ ក្រុមហ៊ុន ធី.ខេ ប៊ីហ្សនេស អ៊ិនវេសម៉ិន ឯ.ក T.K Business Investment Co, Ltd សូមលំឱនកាយវាចាចិត្ត លើកហត្ថប្រណម្យបួងសួងដល់គុណបុណ្យព្រះរតនត្រ័យ វត្ថុស័ក្តិសិទ្ធិទាំងឡាយក្នុងលោក និងព្រះបារមីនៃដួងព្រះវិញ្ញាណក្ខន្ធអតីតព្រះមហាក្សត្រ ព្រះមហាក្សត្រិយានីខ្មែរគ្រប់ព្រះអង្គ ជាពិសេសព្រះវិញ្ញាណក្ខន្ធ ព្រះបរមរតនកោដ្ឋ សូមជួយបីបាច់ថែរក្សា និងប្រគល់ពរជ័យមហាបវរប្រសើរ ថ្វាយចំពោះ សម្តេចព្រះមហាក្សត្រី ព្រះវររាជមាតាជាតិខ្មែរ ជាទីគោរពសក្ការៈដ៏ខ្ពង់ខ្ពស់បំផុត។

ទូលព្រះបង្គំយើងខ្ញុំទាំងអស់គ្នា សូមព្រះរាជានុញ្ញាតសម្តេចម៉ែ ថ្វាយព្រះពរជ័យ សូមព្រះអង្គមានព្រះរាជសុខភាពល្អបរិបូរណ៍ ព្រះកាយពលមាំមួន ព្រះបញ្ញាញាណភ្លឺថ្លា ព្រះរាជហឫទ័យស្រស់ស្រាយ និងព្រះជន្មាយុយឺនយូរជាងរយព្រះវស្សា ដើម្បីគង់ប្រថាប់ជាខឿនការពារ និងជាស្រមោលដ៏ត្រជាក់ត្រជុំ សុខដុមរមនា ដល់កូនចៅ ចៅទួត របស់ព្រះអង្គ ជានិរន្តរ៍តរៀងទៅ។

#ថ្វាយព្រះពរសម្តេចម៉ែ #ព្រះរាជពិធីបុណ្យចម្រើនព្រះជន្ម #១៨មិថុនា២០២៦ #ព្រះវររាជមាតាជាតិខ្មែរ #សេចក្តីសុខនិងត្រជាក់ត្រជុំ #កម្ពុជា

17/06/2026

ឯកឧត្តម ហេង សួរ រដ្ឋមន្ត្រីក្រសួងការងារនិងបណ្តុះបណ្តាលវិជ្ជាជីវៈ អញ្ជើញប្រគល់បណ្ណសរសើរ លិខិតថ្លែងអំណរគុណ និងវិញ្ញាបនបត្រវិជ្ជាជីវៈ ជូនដល់គ្រឹះស្ថានសាធារណៈ ឯកជន អង្គការ ក្រុមហ៊ុន ដៃគូអភិវឌ្ឍន៍ សមាគមសិល្បករ អ្នកមានឥទ្ធិពលលើបណ្តាញសង្គម (influencers) និងបេក្ខជនធ្វើតេស្ត RPL ដែលជាការថ្លែងអំណរគុណ និងលើកទឹកចិត្តចំពោះការចូលរួមផ្សព្វផ្សាយ និងបង្ហាញពីស្នាដៃ សមិទ្ធផលនានាយ៉ាងសកម្ម សម្រាប់ចែករំលែកព័ត៌មានទៅកាន់សាធារណជនទាំងចូលរួមដោយផ្ទាល់ និងតាមប្រព័ន្ធផ្សព្វផ្សាយនៅក្នុងទិវាជាតិអប់រំបណ្តុះបណ្តាលបច្ចេកទេស និងវិជ្ជាជីវៈ លើកទី៩ ឆ្នាំ២០២៦ ក្រោមប្រធានបទ «TVET ផ្តល់ជំនាញ ការងារ និងប្រាក់ចំណូល»។

ថ្ងៃអង្គារ ទី១៦ ខែមិថុនា ឆ្នាំ២០២៦ នៅមជ្ឈមណ្ឌលសន្និបាត និងពិព័រណ៍កោះពេជ្រ រាជធានីភ្នំពេញ

16/06/2026

[កិត្តិយសដ៏ឧត្តុង្គឧត្តម៖ តំណាងដ៏ខ្ពង់ខ្ពស់របស់ លោកឧកញ៉ាប្រធាន តែ តាំងប៉ ឡើងទទួលបណ្ណសរសើរ និងលិខិតថ្លែងអំណរគុណ ពីដៃ ឯកឧត្តមរដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ] 🇰🇭📜🏛️✨

នារសៀលថ្ងៃអង្គារ ទី១៦ ខែមិថុនា ឆ្នាំ២០២៦ នេះ ខ្ញុំបាទមានកិត្តិយស និងក្តីរំភើបយ៉ាងក្រៃលែង ដែលបានទទួលការចាត់តាំង និងទុកចិត្តខ្ពស់ពី លោកឧកញ៉ា តែ តាំងប៉ ប្រធានសម្ព័ន្ធសមាគមសហគ្រាសធុនតូច និងមធ្យមកម្ពុជា (FASMEC) ដើម្បីធ្វើជាតំណាងដ៏ខ្ពង់ខ្ពស់របស់លោកឧកញ៉ាប្រធាន ចូលរួមក្នុង «ពិធីប្រគល់បណ្ណសរសើរ លិខិតថ្លែងអំណរគុណ និងវិញ្ញាបនបត្រវិជ្ជាជីវៈ» ក្នុងឱកាសទិវាជាតិអប់រំបណ្តុះបណ្តាលបច្ចេកទេស និងវិជ្ជាជីវៈ លើកទី៩ ឆ្នាំ២០២៦ ក្រោមប្រធានបទ «TVET ផ្តល់ជំនាញ ការងារ និងប្រាក់ចំណូល»។

ជាមហាកិត្តិយសដ៏វិសេសវិសាលបំផុតសម្រាប់រូបខ្ញុំបាទផ្ទាល់ ក្នុងនាមជាតំណាងសមាគម FASMEC បានឡើងទទួលបណ្ណសរសើរ និងលិខិតថ្លែងអំណរគុណផ្លូវការ ផ្ទាល់ពីដៃ ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ នៅមជ្ឈមណ្ឌលសន្និបាត និងពិព័រណ៍កោះពេជ្រ។

សមិទ្ធផល និងកិត្តិយសនាថ្ងៃនេះ គឺជាសក្ខីភាពឆ្លុះបញ្ចាំងពីការយកចិត្តទុកដាក់ ចូលរួមចំណែក និងកិច្ចសហការយ៉ាងស្អិតរមួតរបស់សមាគម FASMEC ក៏ដូចជាសម្ព័ន្ធក្រុមហ៊ុន T.K Group ជាមួយរាជរដ្ឋាភិបាល ក្នុងការគាំទ្រ លើកកម្ពស់ និងអភិវឌ្ឍធនធានមនុស្ស ជំនាញបច្ចេកទេស និងវិជ្ជាជីវៈនៅកម្ពុជា ឱ្យកាន់តែរីកចម្រើនប្រកបដោយនិរន្តរភាព ដើម្បីបង្កើតឱកាសការងារ និងបង្កើនប្រាក់ចំណូលជូនប្រជាពលរដ្ឋ។

ខ្ញុំបាទសូមគោរពថ្លែងអំណរគុណយ៉ាងជ្រាលជ្រៅបំផុតចំពោះ លោកឧកញ៉ាប្រធាន តែ តាំងប៉ សម្រាប់ឱកាសដ៏មានតម្លៃ និងតែងតែផ្តល់ទំនុកចិត្តដល់រូបខ្ញុំបាទជានិច្ច។ ទន្ទឹមនឹងនេះ ខ្ញុំបាទសូមគោរពអរគុណដល់ ឯកឧត្តមរដ្ឋមន្ត្រី ហេង សួរ ចំពោះការវាយតម្លៃខ្ពស់ និងការលើកទឹកចិត្តដល់ផ្នែកឯកជន និងសមាគមធុរកិច្ច។

យើងខ្ញុំប្ដេជ្ញាចិត្តនឹងបន្តឈរជាកម្លាំងចលករយ៉ាងសកម្ម ក្នុងការគាំទ្រទស្សនវិស័យរបស់រាជរដ្ឋាភិបាល លើការបណ្តុះបណ្តាលជំនាញ និងពង្រឹងសក្តានុពលសហគ្រាសធុនតូច និងមធ្យមនៅកម្ពុជាឱ្យកាន់តែរឹងមាំ និងមានសមត្ថភាពប្រកួតប្រជែងខ្ពស់លើឆាកអន្តរជាតិបាទ! 🚀🏢🤝📜✨

#ក្រសួងការងារ #ឯកឧត្តមហេងសួរ #លោកឧកញ៉ាតែតាំងប៉ #ទិវាជាតិTVET2026 #បណ្ណសរសើរថ្នាក់ជាតិ #អភិវឌ្ឍន៍ជំនាញ #កម្ពុជាជោគជ័យ

15/06/2026

អបអរសាទរ ខួប៦៤ឆ្នាំ នៃសាលក្រមរបស់តុលាការយុត្តិធម៌អន្តរជាតិ (ICJ) ទីក្រុងឡាអេ ដែលបានប្រគល់អធិបតេយ្យភាពលេីប្រាសាទព្រះវិហារ ដល់ប្រទេសកម្ពុជា។

១៥ មិថុនា ១៩៦២ - ១៥ មិថុនា ២០២៦

Celebrating the 64th anniversary of the International Court of Justice (ICJ) ruling, which found that the Preah Vihear Temple is situated in territory under the sovereignty of Cambodia.

June 15, 1962 - June 15, 2026

14/06/2026

[ពង្រីកបណ្តាញដៃគូអន្តរជាតិ៖ កិច្ចពិភាក្សាយុទ្ធសាស្ត្រ និងការស្វែងរកឱកាសសហការផ្ទាល់នៅទីស្នាក់ការកណ្តាល World Sun Travel នារដ្ឋធានីហាណូយ] ✈️🏢🤝✨

កាលពីរសៀលម្សិលមិញនេះ ក្នុងនាមជាតំណាងឱ្យសម្ព័ន្ធក្រុមហ៊ុន T.K Group (Cambodia) រួមជាមួយ លោក Sarame Thach (អគ្គនាយកក្រុមហ៊ុន Viet Viet Tourism) ពួកយើងបានចុះទៅធ្វើទស្សនកិច្ចការងារ និងជួបពិភាក្សាធុរកិច្ចផ្ទាល់នៅទីស្នាក់ការកណ្តាល (Headquarters) របស់ក្រុមហ៊ុន World Sun Travel នារដ្ឋធានីហាណូយ សាធារណរដ្ឋសង្គមនិយមវៀតណាម។

កិច្ចប្រជុំដ៏មានសារៈសំខាន់ និងពោរពេញដោយភាពស្និទ្ធស្នាលនេះ គឺជាឱកាសដ៏វិសេសវិសាលក្នុងការផ្លាស់ប្តូរទស្សនវិស័យ ចែករំលែកបទពិសោធន៍ និងបើកកិច្ចពិភាក្សាយ៉ាងស៊ីជម្រៅលើ «កាលានុវត្តភាព និងយុទ្ធសាស្ត្រគាំទ្រគ្នាទៅវិញទៅមកនាពេលអនាគត»។ ពួកយើងបានផ្តោតជាចម្ងាយលើការតភ្ជាប់ទីផ្សារទេសចរណ៍ Premium ឆ្លងដែនរវាង កម្ពុជា-វៀតណាម ព្រមទាំងការសម្របសម្រួលផ្នែកប្រឹក្សាច្បាប់ វិនិយោគ និងពន្ធដារសាជីវកម្មអន្តរជាតិ។

សម្រាប់ T.K Group យើងខ្ញុំតែងតែជឿជាក់លើទស្សនវិជ្ជា៖ «ការចងសម្ព័ន្ធភាពដ៏រឹងមាំ និងការគាំទ្រគ្នាទៅវិញទៅមក គឺជាគ្រឹះស្ថានដ៏មានឥទ្ធិពលបំផុតក្នុងការបង្កើតនូវតម្លៃរួម និងការរីកចម្រើនប្រកបដោយនិរន្តរភាពលើឆាកអន្តរជាតិ»។

សូមថ្លែងអំណរគុណយ៉ាងជ្រាលជ្រៅចំពោះបដិសណ្ឋារកិច្ចដ៏កក់ក្តៅ និងស្មារតីសហការខ្ពស់ពីសំណាក់ថ្នាក់ដឹកនាំនៃក្រុមហ៊ុន World Sun Travel។ ទន្ទឹងរង់ចាំលទ្ធផល និងសមិទ្ធផលផ្លែផ្កាថ្មីៗពីកិច្ចសហប្រតិបត្តិការរួមគ្នានាពេលឆាប់ៗខាងមុខនេះបាទ! 🚀💵📈🇻🇳🇰🇭✨

13/06/2026

[ព្រឹត្តិការណ៍ពាណិជ្ជកម្មអន្តរជាតិ៖ T.K Group ចុះហត្ថលេខាលើកិច្ចព្រមព្រៀង MOU ផ្លូវការជាមួយក្រុមហ៊ុន Viet Viet Tourism នៅទីក្រុងហូជីមិញ] 🤝🚀ក្រុមហ៊ុន T.K Business Investment Co, Ltd✈️🇻🇳🇰🇭

សញ្ញាវិជ្ជមានថ្មីនៃការពង្រីកសក្តានុពលអាជីវកម្មឆ្លងដែន! នាវេលារសៀលថ្ងៃនេះ លោក ផាន បូរ៉ា (Managing Director នៃ T.K Group) បានអញ្ជើញចូលរួមក្នុងពិធីចុះហត្ថលេខាលើអនុស្សរណៈនៃការយោគយល់គ្នា (MOU) ជាផ្លូវការជាមួយលោក Sarame Thach (General Director នៃក្រុមហ៊ុន Viet Viet Tourism) ផ្ទាល់នៅការិយាល័យកណ្តាល នាទីក្រុងហូជីមិញ ប្រទេសវៀតណាម។

កិច្ចព្រមព្រៀងជាប្រវត្តិសាស្ត្រនេះ ផ្តោតសំខាន់លើ៖
ពង្រឹងកិច្ចសហប្រតិបត្តិការយុទ្ធសាស្ត្រ លើវិស័យសេវាកម្ម ធុរកិច្ច និងការតភ្ជាប់ទីផ្សារទេសចរណ៍អន្តរជាតិ។
ជម្រុញការគាំទ្រ និងសម្របសម្រួលផ្នែកច្បាប់សាជីវកម្ម ភ្នាក់ងារពន្ធដារ និងការវិនិយោគឆ្លងដែន សម្រាប់សហគ្រាសនៃប្រទេសទាំងពីរ។

នៅក្នុងឱកាសដ៏មានកិត្តិយសនេះ លោកអគ្គនាយក ផាន បូរ៉ា ក៏បានប្រគល់ជូននូវផ្ទាំងគំនូរនិមិត្តសញ្ញាវប្បធម៌ជាតិខ្មែរដ៏ប្រណីត ជូនដល់ភាគីដៃគូ ដើម្បីជានិមិត្តរូបនៃចំណងមិត្តភាព និងកិច្ចសហការដ៏រឹងមាំ យូរអង្វែង និងរីកចម្រើនឥតឈប់ឈរតទៅអនាគត។

T.K Group - ដៃគូប្រឹក្សាយោបល់យុទ្ធសាស្ត្រឈានមុខគេរបស់អ្នក! 🏢✨

04/06/2026

[ឆ្ពោះទៅកាន់វេទិកាធុរកិច្ច កម្ពុជា-វៀតណាម នៅទីក្រុងហាណូយ៖ ភ្ជាប់ឱកាស បង្កើតតម្លៃរួម] 🇰🇭🇻🇳✨

ក្រុមហ៊ុន T.K BUSINESS INVESTMENT សូមចូលរួមអបអរសាទរ និងស្វាគមន៍យ៉ាងកក់ក្តៅចំពោះដំណើរបំពេញទស្សនកិច្ចផ្លូវការរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ទៅកាន់ប្រទេសវៀតណាម តបតាមការអញ្ជើញរបស់ លោក ឡេ មិញហ៊ឹង (Lê Minh Hưng) នាយករដ្ឋមន្ត្រីនៃសាធារណរដ្ឋសង្គមនិយមវៀតណាម និងការអញ្ជើញចូលរួមក្នុង "វេទិកាអនាគតអាស៊ានលើកទី៣" (3rd ASEAN Future Forum) នៅទីក្រុងហាណូយ ចាប់ពីថ្ងៃទី០៨ ដល់ថ្ងៃទី០៩ ខែមិថុនា ឆ្នាំ២០២៦ ខាងមុខនេះ។

ស្របតាមកាលៈទេសៈជាប្រវត្តិសាស្ត្រនេះ ក្នុងនាមជាដៃគូធុរកិច្ចយុទ្ធសាស្ត្រមកពីប្រទេសកម្ពុជា ខ្ញុំបាទ (ផាន បូរ៉ា | អគ្គនាយកនៃ T.K Group) នឹងអញ្ជើញចូលរួមផ្ទាល់ក្នុង «វេទិកាធុរកិច្ច កម្ពុជា-វៀតណាម» នៅទីក្រុងហាណូយ ដើម្បីតភ្ជាប់ទំនាក់ទំនងពាណិជ្ជកម្មខ្នាតធំ។

T.K Group ត្រៀមខ្លួនជាស្រេចក្នុងការធ្វើជាស្ពានចម្លងសាជីវកម្មដ៏រឹងមាំ ជូនដល់វិនិយោគិនវៀតណាមទាំងអស់ដែលចង់មកបណ្តាក់ទុននៅកម្ពុជា តាមរយៈសេវាកម្មឈានមុខ៖ ប្រឹក្សាវិនិយោគ (FDI) និងច្បាប់ដីធ្លី, សេវាកម្មច្បាប់ពន្ធដារ-គណនេយ្យពេញលេញ, និងការជម្រុញពាណិជ្ជកម្មអាហរ័ណ-នីហរ័ណកសិផល។

ជួបគ្នានៅទីក្រុងហាណូយ ដើម្បីបើកទំព័រជោគជ័យថ្មី! 🚀🏢🌾💵🏦

T.K Business Investment Co, Ltd

21/06/2026

20/06/2026

19/06/2026

18/06/2026

17/06/2026

16/06/2026

15/06/2026

14/06/2026

13/06/2026

04/06/2026

Address

Website

Alerts

Shortcuts

Share

Category