WorldBridge Outsourcing Solutions

17/08/2026

15/08/2026

Outsourcing isn’t new—it’s how progress has always worked.

For centuries, communities have relied on skilled people to specialize in what they do best—from building and farming to producing goods and providing essential services.

Today, that same principle has evolved into Business Process Outsourcing (BPO).

From customer support and data management to image editing, e-commerce, and AI data services, businesses rely on specialized teams to keep critical operations moving.

At WorldBridge Outsourcing, we bring this timeless idea into the modern business world—helping companies focus on growth while we take care of the work behind it.

WorldBridge Outsourcing — Let us be the bridge to your success.

11/08/2026

សេចក្តីជូនដំណឹងជាផ្លូវការ

ក្រុមហ៊ុន វើលប្រ៊ីដ គ្រុប (WORLDBRIDGE GROUP) មានកិត្តិយសសូមជូនដំណឹងជាផ្លូវការថា៖ ក្រុមហ៊ុន WORLDBRIDGE GROUP មិនមានភាគហ៊ុន ឬផលប្រយោជន៍ណាមួយនៅក្នុងក្រុមហ៊ុន DRSB EXPRESS CO., LTD ឡើយ។

ក្រុមហ៊ុន WORLDBRIDGE GROUP សូមធ្វើការបញ្ជាក់ថាការចុះអនុស្សរណៈនៃការយោគយល់គ្នា (MOU) រវាងក្រុមហ៊ុនទាំងពីរ និងស្ថាប័នដែលពាក់ព័ន្ធមានគោលបំណងតែមួយគត់ គឺដើម្បីស្វែងយល់ពីឱកាសក្នុងការធ្វើសហប្រតិបត្តិការរវាងក្រុមហ៊ុនតែប៉ុណ្ណោះ ហើយអនុស្សរណៈនៃការយោគយល់គ្នា(MOU)នេះ មិនបានបង្កើតជាទំនាក់ទំនងនៃការវិនិយោគ ភាពជាម្ចាស់ ឬការគ្រប់គ្រងណាមួយឡើយ។

ហេតុដូចនេះ រាល់សេចក្តីថ្លែងការណ៍ ការអះអាងឬព័ត៌មានណាមួយដែលបញ្ជាក់ ឬបង្ហាញថា
ក្រុមហ៊ុន WORLDBRIDGE GROUP មានភាគហ៊ុន ឬជាម្ចាស់កម្មសិទ្ធិមួយផ្នែកនៅក្នុងក្រុមហ៊ុន DRSB EXPRESS គឺជាព័ត៌មានដែលមិនពិតហើយ ក្រុមហ៊ុន WORLDBRIDGE GROUP រក្សាសិទ្ធិក្នុងការចាត់វិធានការយ៉ាងតឹងរ៉ឹងតាមផ្លូវច្បាប់ ក្នុងករណីដែលរកឃើញថានៅតែមានការយកព័ត៌មានមិនពិតនេះទៅផ្សព្វផ្សាយដែលអាចធ្វើឲ្យប៉ះពាល់ដល់ ក្រុមហ៊ុន WORLDBRIDGE GROUP ភាគីពាក់ព័ន្ធ និងដៃគូសហការទាំងអស់របស់ក្រុមហ៊ុន WORLDBRIDGE GROUP ។

អាស្រ័យដូចបានជម្រាបជូនខាងលើ សូមសាធារណជន និងដៃគូសហការទាំងអស់មេត្តាជ្រាបជាព័ត៌មាន៕

ថ្ងៃអង្គារ ១៣រោច ខែទុតិយាសាឍ ឆ្នាំមមី អដ្ឋស័ក ព.ស ២៥៧០
ភ្នំពេញ, ថ្ងៃទី១១ ខែសីហា ឆ្នាំ២០២៦
ក្រុមហ៊ុន វើលប្រ៊ីដ គ្រុប (WORLDBRIDGE GROUP)

22/07/2026

21/07/2026

«សម្តេចមហាបវរធិបតី ស្វាគមន៍ចំពោះចំណាប់អារម្មណ៍របស់បណ្ដាក្រុមហ៊ុនកូរ៉េក្នុងការពង្រីកការវិនិយោគនៅកម្ពុជា និងវាយតម្លៃខ្ពស់ចំពោះកិច្ចសហការរវាង KOCHAM និង WorldBridge Group ក្នុងការជំរុញវិនិយោគ»

ភ្នំពេញ៖ នាព្រឹកថ្ងៃទី២០ ខែកក្កដា ឆ្នាំ២០២៦ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានអនុញ្ញាតឱ្យអ្នកឧកញ៉ា សៀ ឬទ្ធី ប្រធានក្រុមប្រឹក្សាភិបាលក្រុមហ៊ុន WorldBridge Group និងជាអនុប្រធានសមាគមឧកញ៉ាកម្ពុជា អមដោយគណៈប្រតិភូវិនិយោគិនសាធារណរដ្ឋកូរ៉េ ដឹកនាំដោយឯកឧត្តម KIM Chang Yong ឯកអគ្គរដ្ឋទូតសាធារណរដ្ឋកូរ៉េប្រចាំកម្ពុជា ចូលជួបសម្តែងការគួរសម និងពិភាក្សាការងារ នៅវិមានសន្តិភាព។ ដំណើរទស្សនកិច្ចធុរកិច្ចនេះ ត្រូវបានសម្របសម្រួលដោយក្រុមហ៊ុន WorldBridge Group និងសភាពាណិជ្ជកម្មកូរ៉េប្រចាំកម្ពុជា (KOCHAM) ។

ក្នុងឱកាសនៃជំនួប ឯកឧត្តមឯកអគ្គរដ្ឋទូតសាធារណរដ្ឋកូរ៉េ បានវាយតម្លៃខ្ពស់ចំពោះវឌ្ឍនភាពនៃទំនាក់ទំនងកម្ពុជា–សាធារណរដ្ឋកូរ៉េ ដែលបានឈានដល់កម្រិត «ដៃគូយុទ្ធសាស្ត្រ» និងបានសម្តែងនូវជំនឿជាក់ថា ក្រោមការដឹកនាំរបស់សម្តេចមហាបវរធិបតី កម្ពុជានឹងបន្តសម្រេចបាននូវកំណើនសេដ្ឋកិច្ច និងការអភិវឌ្ឍប្រកបដោយភាពរឹងមាំ និងចីរភាព។

ក្នុងនាមគណៈប្រតិភូវិនិយោគិនកូរ៉េ តំណាងក្រុមហ៊ុនបានជម្រាបជូនសម្តេចមហាបវរធិបតីថា គណៈប្រតិភូមានតំណាងក្រុមហ៊ុនចំនួន ១៥ មកពីវិស័យយានយន្ត អេឡិចត្រូនិក វាយនភណ្ឌ ការចែកចាយ និងម្ហូបអាហារ ហិរញ្ញវត្ថុ និងធនាគារ សំណង់ ព្រមទាំងវិស័យកម្សាន្ត និងវប្បធម៌។ ដំណើរទស្សនកិច្ចនេះមានគោលបំណងពង្រឹងកិច្ចសហប្រតិបត្តិការសេដ្ឋកិច្ច ពាណិជ្ជកម្ម និងវិនិយោគរវាងប្រទេសទាំងពីរ ព្រមទាំងសិក្សាស្វែងយល់អំពីបរិយាកាសវិនិយោគ និងសក្តានុពលទីផ្សារនៅកម្ពុជា ដើម្បីពង្រីកអាជីវកម្ម និងស្វែងរកឱកាសវិនិយោគថ្មីៗ។

គណៈប្រតិភូបានបញ្ជាក់ថា ក្នុងចំណោមក្រុមហ៊ុនទាំង ១៥ មានក្រុមហ៊ុនចំនួន ៧ កំពុងប្រតិបត្តិការអាជីវកម្មនៅកម្ពុជា ខណៈក្រុមហ៊ុនចំនួន ៦ ផ្សេងទៀត កំពុងវិនិយោគនៅសាធារណរដ្ឋសង្គមនិយមវៀតណាម និងមានចំណាប់អារម្មណ៍ខ្ពស់ក្នុងការពង្រីកមូលដ្ឋានផលិតកម្មមកកាន់កម្ពុជា។ គណៈប្រតិភូក៏បានថ្លែងអំណរគុណចំពោះរាជរដ្ឋាភិបាលកម្ពុជា ដែលតែងតែផ្តល់ការគាំទ្រ និងសម្របសម្រួលយ៉ាងសកម្មដល់វិនិយោគិនកូរ៉េ និងបានប្តេជ្ញាបន្តរួមចំណែកដល់ការអភិវឌ្ឍសង្គម និងសេដ្ឋកិច្ចរបស់កម្ពុជា។

ជាការឆ្លើយតប សម្តេចមហាបវរធិបតីនាយករដ្ឋមន្ត្រី បានសម្តែងការស្វាគមន៍យ៉ាងកក់ក្តៅចំពោះគណៈប្រតិភូវិនិយោគិនកូរ៉េ និងបានវាយតម្លៃខ្ពស់ចំពោះកិច្ចខិតខំប្រឹងប្រែងរបស់សភាពាណិជ្ជកម្មកូរ៉េប្រចាំកម្ពុជា (KOCHAM) និងក្រុមហ៊ុន WorldBridge Group ក្នុងការសម្របសម្រួលដំណើរទស្សនកិច្ចធុរកិច្ចដ៏មានសារៈសំខាន់នេះ ដែលបានរួមចំណែកពង្រឹងទំនាក់ទំនងសេដ្ឋកិច្ច និងការវិនិយោគរវាងប្រទេសទាំងពីរ។

សម្តេចមហាបវរធិបតីបានមានប្រសាសន៍ថា ឆ្នាំក្រោយនឹងជាខួបលើកទី៣០ នៃការបង្កើតទំនាក់ទំនងការទូតឡើងវិញរវាងកម្ពុជា និងសាធារណរដ្ឋកូរ៉េ។ ក្នុងរយៈពេលជិតបីទសវត្សរ៍កន្លងមកនេះ ទំនាក់ទំនងទ្វេភាគីរវាងប្រទេសទាំងពីរ មានការរីកចម្រើនយ៉ាងខ្លាំងលើគ្រប់វិស័យ ជាពិសេសវិស័យសេដ្ឋកិច្ច ពាណិជ្ជកម្ម និងវិនិយោគ។ ទន្ទឹមនឹងនេះ សហគ្រាស និងក្រុមហ៊ុនកូរ៉េក៏បានដើរតួនាទីយ៉ាងសំខាន់ក្នុងការបង្កើតការងារ ផ្ទេរបច្ចេកវិទ្យា និងជំរុញកំណើនសេដ្ឋកិច្ចរបស់កម្ពុជា។

ក្នុងន័យនេះ សម្តេចមហាបវរធិបតីបានស្វាគមន៍ចំពោះចំណាប់អារម្មណ៍របស់បណ្តាក្រុមហ៊ុនកូរ៉េក្នុងការពង្រីកការវិនិយោគ និងស្វែងរកឱកាសបណ្តាក់ទុនលើវិស័យសក្តានុពលថ្មីៗនៅកម្ពុជា។ សម្តេចមហាបវរធិបតីបានគូសបញ្ជាក់ថា រាជរដ្ឋាភិបាលបានដាក់ចេញនូវគោលនយោបាយ និងវិធានការជាច្រើន ដើម្បីលើកកម្ពស់បរិយាកាសវិនិយោគ រួមមានការកែទម្រង់ស្ថាប័ន ការធ្វើសាមញ្ញកម្មនីតិវិធីរដ្ឋបាល និងការផ្តល់អត្ថប្រយោជន៍ និងការលើកទឹកចិត្តផ្នែកពន្ធ សំដៅបង្កើនភាពទាក់ទាញ និងភាពប្រកួតប្រជែងរបស់កម្ពុជា។

សម្តេចមហាបវរធិបតីបានបន្ថែមថា រាជរដ្ឋាភិបាលក៏បាននិងកំពុងបន្តវិនិយោគយ៉ាងសកម្មលើការអភិវឌ្ឍហេដ្ឋារចនាសម្ព័ន្ធតភ្ជាប់ រួមមានផ្លូវគោក ផ្លូវទឹក ផ្លូវដែក និងផ្លូវអាកាស ព្រមទាំងការអភិវឌ្ឍវិស័យថាមពល ដើម្បីកាត់បន្ថយថ្លៃដើមផលិតកម្ម និងការដឹកជញ្ជូន ពង្រឹងខ្សែច្រវាក់ផ្គត់ផ្គង់ និងធានាភាពប្រកួតប្រជែងរបស់កម្ពុជាទាំងក្នុងតំបន់ និងលើឆាកអន្តរជាតិ។

ជាទីបញ្ចប់ សម្តេចមហាបវរធិបតីបានបញ្ជាក់ថា រាជរដ្ឋាភិបាលនឹងបន្តថែរក្សាបរិយាកាសវិនិយោគប្រកបដោយភាពអំណោយផល តម្លាភាព និងភាពប្រកួតប្រជែង ព្រមទាំងលើកទឹកចិត្តឱ្យបណ្តាក្រុមហ៊ុនកូរ៉េបន្តសហការយ៉ាងជិតស្និទ្ធជាមួយក្រសួង និងស្ថាប័នពាក់ព័ន្ធ ដើម្បីពង្រីកការវិនិយោគ និងអនុវត្តគម្រោងថ្មីៗនៅកម្ពុជា ដែលនឹងរួមចំណែកដល់ការបង្កើតការងារ ការផ្ទេរបច្ចេកវិទ្យា និងការអភិវឌ្ឍសេដ្ឋកិច្ចជាតិប្រកបដោយចីរភាព។

17/06/2026

អបអរសាទរ ព្រះរាជពិធីបុណ្យចម្រើនព្រះជន្ម
សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ជាទីគោរពសក្ការៈដ៏ខ្ពង់ខ្ពស់ ព្រះរាជពិធីបុណ្យចម្រើនព្រះជន្ម គម្រប់ព្រះជន្ម ៩០ យាងចូល ៩១ ព្រះវស្សា។
ថ្ងៃព្រហស្បតិ៍ ៤កើត ខែបឋមាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៨ ខែមិថុនា ឆ្នាំ២០២៦

07/06/2026

សូមគោរពជូនពរថ្ងៃខួបកំណើត អ្នកឧកញ៉ា សៀ ឬទ្ធី

ក្នុងឱកាសថ្ងៃខួបកំណើតរបស់ អ្នកឧកញ៉ា យើងខ្ញុំទាំងអស់គ្នា ជាបុគ្គលិកគ្រប់ជាន់ថ្នាក់សូមធ្វើការគោរពជូនពរអ្នកឧកញ៉ា ឱ្យមានសុភមង្គល មានសុខភាពល្អ និងកាន់តែទទួលជោគជ័យគ្រប់ភារៈកិច្ច។

23/05/2026

សកម្មភាពប្រចាំថ្ងៃរបស់ក្រុមការងារ

13/05/2026

អបអរសាទរ ព្រះរាជពិធីបុណ្យចម្រើនព្រះជន្ម ព្រះករុណាព្រះបាទសម្ដេច ព្រះបរមនាថ នរោត្តម សីហមុនី ។
ថ្ងៃព្រហស្បតិ៍ ១៣រោច ខែពិសាខ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៤ ខែឧសភា ឆ្នាំ២០២៦

សូមក្រាបបង្គំទូលថ្វាយ ព្រះករុណាជាអង្គម្ចាស់ជីវិតលើត្បូង ជាទីគោរពសក្ការៈដ៏ខ្ពង់ខ្ពស់បំផុត ក្នុងព្រះរាជពិធីបុណ្យចម្រើនព្រះជន្មគម្រប់ ៧៣ យាងចូល ៧៤ ព្រះវស្សា សូមព្រះអង្គប្រកបដោយព្រះបរមសុខគ្រប់ប្រការ និងព្រះជន្មាយុយឺនយូរ ។