មានជីវិត មានសង្ឃឹម មានស្នាមញញឹម មានជោគជ័យ

08/12/2020

ការព្យាយាមខ្លះ ធ្វើឲ្យអ្នកខាត់ពេល

02/12/2020

ទិវាជនពិការពិភពលោក ០៣ ធ្នូ ២០២០

25/11/2020

22/11/2020

ជិតឆ្លងឆ្នាំហើយ មានអ្នកទៅមើលកាំជ្រូចជាមួយនៅ?

15/10/2020

ពិធីគោរពព្រះវិញ្ញាក្ខន្ធ គម្រប់ខួប8ឆ្នាំ
ព្រះមហាវីរក្សត្រ សម្តេចឳ សម្តេចតា សម្តេចតាទួត ព្រះបុរមរតនកោដ្ឋ ព្រះវររាជ បិតាឯករាជ្យ បូរណភាពទឹកដី និងឯកភាពជាតិខ្មែរ
១៥ តុលា ២០១២-១៥ តុលា ២០២០
កូនចៅចងចាំជានិច្ចព្រះរាជតុណូបការះព្រះករុណា 🙏🏻🙏🏻

28/09/2020

😆😆😆😆

24/09/2020

កុំព្រុសតាមឆ្កែបើថ្លង់សម្លេងវាពេកទាញដំបងដាក់ក្បាលវាទៅ😆😆😆😆

11/09/2020

ឈឺទេ?

04/09/2020

#មិត្តភាព #និងលុយ

នៅក្នុងជីវិតរស់នៅប្រចាំថ្ងៃ មិនថាមនុស្សឬសត្វឡើយ កើតមក បន្ទាប់ពីខ្លួនឯង និងគ្រួសារ តែងតែមានមិត្តភ័ក្ដិ ដែលជាទីពឹងពាក់បាន។ ប្រាកដណាស់មនុស្សម្នាក់ៗតែងតែមានការពឹងពាក់ និងជួយគ្នាទៅវិញទៅមក ដែលនេះគឺជារឿងធម្មតា។ ប្រសិនបើលោកអ្នកចេះជួយអ្នកដទៃ នោះអ្នកនឹងទទួលបានការតបស្នងមកវិញជាក់ជាមិនខាន។ ការចេះជួយយកអាសារគ្នាទៅវិញទៅមក គឺជារឿងដែលល្អ ដែលធ្វើឲ្យមិត្តភាពរបស់អ្នកកាន់តែប្រសើរ ប៉ុន្តែប្រសិនបើយើងពឹងពាក់គេឱ្យជួយច្រើនលើកច្រើនសារពេក វាមិនត្រឹមតែធ្វើឱ្យយើង មានទំលាប់ខ្ជិល ហើយថែមទាំងអាចធ្វើឱ្យមនុស្សម្នាក់នោះ មានការធុញទ្រាន់ថែមទៀតផង។ ជាក់ស្តែងមនុស្សម្នាក់ៗ គឺតែងតែមានកិច្ចការ និងកាតព្វកិច្ចរៀងៗខ្លួន។ ពួកគេមិនមែនចាំតែនៅក្បែរអ្នក ហើយជួយអ្នកតែរហូតនោះទេ ពីព្រោះពួកគេក៏ត្រូវការពេលវេលាផ្ទាល់ខ្លួនផងដែរ សូម្បីតែគ្រួសារ និងមិត្តភ័ក្ដិរបស់អ្នក។

ប្រសិនយើងនិយាយអំពីមិត្តភ័ក្តិមានន័យថា ជាអ្នកដែលស្រឡាញ់រាប់អានគ្នាជិតស្និទ្ធ ឬជាមិត្តភាពដែលមានការយល់ចិត្តគ្នា ប៉ុន្តែអ្នកត្រូវចាំផងដែរថា វាមិនដូច្នោះទាំងអស់នោះទេ មិត្តមានពីរយ៉ាង គឺ កល្យាណមិត្ត (មិត្តល្អ) និងបាបមិត្ត (មិត្តអាក្រក់)។ កល្យាណមិត្ត គឺជាមិត្តដែលមានអធ្យាស្រ័យល្អ ជាមិត្តភាពដែលកើតឡើងពីចិត្តនឹងចិត្ត។ ចំនែកឯបាបមិត្តវិញ មានន័យថា ជាមិត្តដែលមានអធ្យាស្រ័យអាក្រក់ មិត្តនាំឲ្យយើងវិនាសចាកគុណធម៌។ ដូច្នេះហើយបុគ្គលគួរតែកុំសេពគប់បាបមិត្ត យើងគួរសេពគប់តែកល្យាណមិត្ត ប៉ុន្តែគួរប្រយ័ត្នកុំធ្វើឲ្យបាបមិត្តក្លាយជាសត្រូវឡើយ។ និយាយរួមទៅបាបមិត្តនេះ គឺជាបុគ្គលដែលមិនសូវគិត ឬខ្វាយខ្វល់ពីនរណាម្នាក់នោះទេ ជាមនុស្សដែលគិតយកតែប្រយោជន៍ខ្លួន ជាមនុស្សល្អតែសំដី ជាមនុស្សដែលនិយាយចាក់បណ្ដោយឲ្យគាប់ចិត្ត និងជាសំឡាញ់ក្នុងផ្លូវវិនាស។ ប្រសិនបើយើងនិយាយអ្វីដែលមានប្រយោជន៍ដល់គេ គឺបុគ្គលនេះចូលចិត្តណាស់ ជាពិសេសគឺលុយតែម្តង។

តាមពិតទៅការស្វែងរកលុយ ឬទ្រព្យសម្បត្តិ គឺជាសេចក្តីប្រាថ្នាផ្នែកមូលដ្ឋានរបស់មនុស្ស មិនមែនជារឿងគួរតិះដៀលអ្វីឡើយ តែត្រូវប្រើវិធីដែលត្រឹមត្រូវក្នុងការស្វែងរកលុយ ជាជាងការស្វែងរកលុយក្នុងផ្លូវខុស។ លុយគ្រាន់តែជាឧបករណ៍ដោះដូរ និងសម្រាបទូរទាត់ទំនិញ។ តែការទូទាត់ទំនិញក៏មិនចាំបាច់ទាល់តែមានលុយនោះទេ គេអាចប្រើឧបករណ៍ផ្សេងៗដូចជា មាស ប្រាក់ ឈើ ដី ប័ណ្ណសម្គាល់ ហត្ថលេខា -ល-។ ត្រង់នេះចង់បញ្ជាក់ថា លុយគ្រាន់តែជាប័ណ្ណដែលមានតម្លៃអាចទូទាត់បានស្មើទំនិញណាមួយ ដែលមានកាព្រមព្រៀងរវាងអ្នកទិញ និងអ្នកលក់ដែលទទួលស្គាល់តាមផ្លូវច្បាប់។

សូមរម្លឹកបន្តិចដែរថា កាលពីសមយ័បុរាណ គេមិនទាន់បង្កើតឧបករណ៍ដោះដូរទំនិញជាក្រដាសប្រាក់នោះទេ។ តែក្រោយមកគេយល់ថា ក្រដាសប្រាក់គឹជាវត្ថុស្រួលបត់បែនទុកដាក់យកតាមខ្លួនបានងាយរៀប ងាយរាប់ ទើបគេបង្គើតក្រដាសប្រាក់ឡើងដែលនៅប្រទេលយើងគេហៅថា “លុយ”។ លុយនេះក្លាយមកពីពាក្យថា ល្វី (Lois) ដែលជាព្រះនាមរបស់ក្សត្រីយ៍នៃប្រទេសបារាំង កាលពីសមយ័ដើម។ ក្រោយមកប្រទេសកម្ពុជាយើង ក៏បានខ្ចីពាក្យថា លុយ របស់បារាំងយកមកប្រើ។ គេមិនបានដឹងច្បាប់ទេថា ពាក្យថា “លុយ” ត្រូវបានគេប្រើចាប់តាំងពីឆ្នាំណាមកនោះទេ។

អ្នកត្រូវចង់ចាំដែរថា ការប្រើប្រាស់លុយបានត្រឹមត្រូវ វាអាចជួយអ្នកឲ្យមានតម្លៃ ប៉ុន្តែបើអ្នកប្រើវាទៅលើផ្លូវខុស វានឹងធ្វើឲ្យអ្នកជួបនូវក្តីវិនាសនៅថ្ងៃណាមួយ ព្រោះថា លុយជាវត្ថុសម្រាប់ចាយ លុយអាចចំណាយទិញលក់ដូរ លុយជាវត្ថុដែលថ្លៃថ្នូរ លុយអាចកកូរបង្កើតឈ្លោះ។ លុយជាក្រដាសឥតវិញ្ញាណ លុយអាចរុករានរុញចូលជ្រោះ លុយជាមិត្តភ័ក្ដិសែនទុរយស លុយគឺជាគ្រោះដ៏អប្រិយ។ លុយគឺជាយានឈានទៅមុខ លុយគឺជាទុក្ខធ្ងន់ឥតបី លុយក្លិនក្រអូបជាងមនុស្សស្រី លុយគឺជាថីដ៏ថ្កើងថ្កាន។ លុយជាអ្នកប្រាជ្ញឥតគុណធម៌ លុយគឺជាជ័រស្អិតហួសស្មាន លុយជាប្រភពក្ដីសុខសាន្ត លុយជាជើងក្រានដុតកម្ដៅ។ លុយជាបិសាចកាចខ្លាំងណាស់ លុយមិនស្គាល់ម្ចាស់សឬខ្មៅ លុយជាមនុស្សល្ងង់សែនកម្លៅ លុយជាគោលដៅត្រៀមប្រហារ។ លុយគឺជាសដ៏មុតស្រួច លុយអាចលបលួចគ្មានពិចារ លុយលឿនជាងព្រួញរបស់ស្នា លុយជាសង្សារគូជីវិត។ លុយជាដុំពេជ្រមានតម្លៃ លុយជាកាឡៃខ្វះការពិត លុយជាអន្ទាក់ចងរួមរឹត លុយអាចយោងយិតឱ្យឡើងខ្ពស់។ លុយគឺជាថ្នាំដ៏ពូកែ លុយជាគ្រូស្នេហ៍ដ៏មានយស លុយជាថ្នាំពុលដែលគ្មានឈ្មោះ លុយអាចសង្គ្រោះឱ្យផុតទុក្ខ។ លុយជាកាំបិតមានមុខពីរ លុយអាចយាយីតាមរានរុក លុយជាទាហានដើរជួរមុខ លុយគឺជាគុកឥតមេត្តា។ កត្តាទាំងអស់នេះហើយ ដែលអាចធ្វើឲ្យអ្នកក្លាយជាជនរងគ្រោះ ប្រសិនបើអ្នកមិនបានប្រើប្រាស់វាឲ្យបានត្រឹមត្រូវ។

គេមិនអាចយកលុយមកប្រៀបធៀប ជាមួយនិងមិត្តភាពបានទេ តែរបស់ទាំងពីរនេះគឺសំខាន់ដូចគ្នា។ លុយអាចទិញបានរបស់រាប់មិនអស់ តែរបស់ទាំងអស់នោះ មិនប្រាកដថាកើតចេញពីការស្រឡាញ់ពិត១០០%នោះទេ (ស្នេហា -ល-)។ សម្រាបមិត្តភាពវិញ គឺជាការចេះជួយយកអាសារគ្នាទៅវិញទៅមក នៅពេលអ្នកមានបញ្ហាអ្វីមួយដូចជា អ្នកមិនសប្បាយចិត្ត ពេលអ្នកកើតទុក្ខ អ្នកគិតអីមិនចេញ ឬក៏ពេលអ្នកខ្វះជំនួយ មិត្តរបស់អ្នកតែងតែមានអ្វីមួយ ដែលធ្វើអ្វីមួយឲ្យអ្នកសប្បាយចិត្ត ហើយអ្នកចង់ចែករំលែកជាមួយមិត្តរបស់អ្នក ដោយមិនខ្លាចគេសើចចំអកឡើយ។ មិត្តល្អ សុខចិត្តធ្វើឆ្កួតលីលា គ្រប់បែបយ៉ាង ក៏ដោយសារតែចង់ឃើញស្នាមញញឹមអ្នកឡើងវិញ ហើយគេតែងផ្ដល់ជាពន្លឺដល់អ្នក ដោយពួកគេផ្ដល់យោបល់ សួរជាសំណួរដើម្បីឲ្យអ្នកដោះស្រាយ ហើយរកផ្លូវដើរទាល់តែចេញ។ អ្វីដែលពិសេសជាងនេះទៅទៀត គេតែងស្វះស្វែងជួយអ្នក សម្រាលការងារ ដើម្បីឲ្យឆាប់ដល់គោលដៅដែលអ្នកចង់បាន។

ចំណងមិត្តភាពអោយគង់វង្សនោះ គឺតម្រូវអោយមានការចេះយោគយល់ និងការលះបង់ខ្លះៗ។ អ្នកត្រូវធ្វើអោយមិត្តរបស់អ្នកយល់ថា អ្នកយកចិត្តទុកដាក់ចំពោះគេ។ ត្រូវតែចេះគោរពគ្នាទៅវិញទៅមក និងមិនត្រូវប្រណាំងប្រជែងគ្នាយកឈ្នះចាញ់ដូចជាអួតពីទ្រព្យសម្បត្តិដាក់គ្នានោះទេ។ ត្រូវចេះស្តាប់មិត្តរបស់អ្នកនិយាយ ហើយអ្នកត្រូវចៀសវាងការនិយាយតែម្នាក់ឯង ដោយមិនទុកឱកាសអោយមិត្តរបស់អ្នកនិយាយអ្វីទាល់តែសោះ។ អ្នកត្រូវព្យាយាមផ្តល់យោបល់ នៅពេលដែលមិត្តអ្នកត្រូវការដោយមិនត្រូវគេចវេសឡើយ។ ក្រៅពីនេះ អ្នកត្រូវគោរពឯកជនភាពរបស់មិត្តអ្នក ពោលគឺមិនត្រូវទម្លាយនូវរឿងរាវផ្ទាល់ខ្លួន ដែលគេបានប្រាប់អ្នក ប្រាប់ទៅអ្នកដ៏ទៃនោះទេ៕

By : Pisey Sai