Idatingcambodia

01/05/2026

អនុមោទនាបុណ្យ វិសាខបូជា ថ្ងៃសុក្រ ១៥កើត​ ខែពិសាខ ឆ្នាំមមី អដ្ឋស័ក ពុទ្ធសករាជ ២៥៦៩ ត្រូវនឹងថ្ងៃទី១ ខែឧសភា ឆ្នាំ២០២៦🙏

25/04/2026

25/04/2026

កីឡាករកម្ពុជា 🇰🇭ផ្តួលកីឡាករថៃ🇹🇭 អោយចាញ់សែងចេញ​ពី​ទីលានប្រកួត

ព្រឹកថ្ងៃ​ទី​២៤ ខែ​មេសា ឆ្នាំ​២០២៦ នេះ កីឡាករ សៅ សុភារ៉ា ផ្នែក​កីឡា​ជឺជីស៊ូ របស់​កម្ពុជា 🇰🇭បាន​ផ្តួល​កីឡាករ Soonthorn Sarin របស់ថៃ🇹🇭 អោយ​សែងចេញពីទីលាន (របួសស្មា ប្រកួត​ទៀតលែងកើត) ព្រម​ទាំង​ឈ្នះ​ ៥០-០ ក្នុង​វិញ្ញាសា​រ​ប្រកួត​បុរស​ទម្ងន់ -៦៩គីឡូក្រាម វគ្គ​៣២នាក់​ចុងក្រោយ នៅ​ក្នុង​ព្រឹត្តិការណ៍​ប្រកួត​កីឡា​ឆ្នេរខ្សាច់អាស៊ី (The Asian Beach Games 2026) នៅ​ទីក្រុង Sanya ប្រទេស​ចិន។

| Cambodia 🇰🇭

14/04/2026

សង្ក្រានឆ្នាំថ្មី ឆ្នាំមមី អដ្ឋស័ក ព.ស ២៥៦៩ គ.ស ២០២៦
ខ្ញុំបាទសូមបួងសួងទេវតាឆ្នាំថ្មី ប្រសិទ្ធពរជ័យជូនចំពោះបងប្អូន ❤️🇰🇭ព្រមទាំងក្រុមគ្រួសារសូមប្រកបដោយ ពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ 🙏 ❤️🙏

12/04/2026

ពិធីបុណ្យចូលឆ្នាំថ្មី ប្រពៃណីជាតិខ្មែរ គឺជាបុណ្យដ៏ធំបំផុតមួយរបស់ប្រជាជនកម្ពុជា ដែលមិនត្រឹមតែជាការផ្លាស់ប្តូរឆ្នាំចាស់ចូលឆ្នាំថ្មីតាមប្រតិទិនសុរិយគតិប៉ុណ្ណោះទេ ប៉ុន្តែវាមានអត្ថន័យយ៉ាងជ្រាលជ្រៅសម្រាប់សង្គម និងផ្លូវចិត្តរបស់ខ្មែរយើង។

ខាងក្រោមនេះគឺជាអត្ថន័យសំខាន់ៗនៃបុណ្យចូលឆ្នាំខ្មែរ៖
១. ការដឹងគុណ និងកតញ្ញូតាធម៌
នេះជាចំណុចសំខាន់បំផុត។ ក្នុងឱកាសនេះ កូនចៅតែងតែធ្វើពិធី "ស្រង់ព្រះ" ឬងូតទឹកឱ្យមាតាបិតា ជីដូនជីតា ដើម្បីសុំខមាលទោសចំពោះកំហុសឆ្គងកន្លងមក និងសុំពរជ័យពីពួកគាត់។ វាជាការបង្ហាញនូវការដឹងគុណចំពោះអ្នកមានគុណ និងបុព្វបុរសដែលបានចែកឋានទៅ តាមរយៈការយកចង្ហាន់ទៅវត្ត។

២. ការជួបជុំ និងសាមគ្គីភាព
បុណ្យចូលឆ្នាំគឺជាពេលវេលាដែលសមាជិកគ្រួសារដែលទៅធ្វើការ ឬរៀនសូត្រនៅឆ្ងាយ ត្រឡប់មកជួបជុំគ្នាវិញ។ វាក៏ជាការរឹតចំណងមិត្តភាពរវាងអ្នកភូមិផងរបងជាមួយ តាមរយៈការលេងល្បែងប្រជាប្រិយ (បោះអង្គញ់ ចោលឈូង ទាញព្រ័ត្រ...) និងការរាំលេងកម្សាន្តជុំគ្នា។

៣. ការលះបង់នូវរឿងមិនល្អ និងការចាប់ផ្តើមថ្មី
តាមរយៈការបោសសម្អាតផ្ទះសម្បែង ការតុបតែងលម្អរៀបចំរាសី និងការធ្វើបុណ្យដាក់ទាន ខ្មែរយើងជឿថាជាការជម្រះនូវឧបទ្រពចង្រៃពីឆ្នាំចាស់ ដើម្បីទទួលយកនូវសិរីសួស្តី និងភាពត្រជាក់ត្រជុំនៅក្នុងឆ្នាំថ្មី។

៤. ការថែរក្សាអត្តសញ្ញាណ និងវប្បធម៌
ការប្រារព្ធពិធីនេះគឺជាការបន្តវេននូវមរតកវប្បធម៌ពីដូនតា។ ការស្លៀកពាក់បែបប្រពៃណី ការធ្វើម្ហូបអាហារខ្មែរ (ដូចជាអន្សម) និងការប្រកួតល្បែងប្រជាប្រិយ សុទ្ធតែជួយឱ្យកូនខ្មែរជំនាន់ក្រោយស្គាល់ និងស្រឡាញ់តម្លៃពិតនៃជាតិសាសន៍ខ្លួន។

៥. អត្ថន័យតាមថ្ងៃទាំង ៣
ថ្ងៃទី១ (វារៈមហាសង្ក្រាន្ត): ថ្ងៃទទួលទេវតាឆ្នាំថ្មី ដែលនាំមកនូវសិរីសួស្តី។
ថ្ងៃទី២ (វារៈវ័នបត): ថ្ងៃនៃការធ្វើទាន ដូចជាការជូនកាដូដល់អ្នកមានគុណ ឬជួយដល់អ្នកខ្វះខាត។
ថ្ងៃទី៣ (វារៈឡើងស័ក): ថ្ងៃឆ្លងឆ្នាំថ្មី ជាថ្ងៃដែលគេធ្វើពិធីស្រង់ព្រះ និងបង្ហើយកិច្ចបុណ្យផ្សេងៗដើម្បីបង្កើនមង្គល។

Cr: Rum Lam🙏

21/03/2026

ម្នាក់កំពុងតែធំធាត់ តែម្នាក់ទៀតកំពុងតែចាស់ជរា

ពេលវេលាកន្លងផុតទៅយ៉ាងលឿន នាំយកមកនូវការផ្លាស់ប្តូរដែលយើងនឹកស្មានមិនដល់នៅក្នុងរង្វង់គ្រួសារ
នៅក្នុងដំណើរនៃជីវិតនេះ តែងតែមានគំនូសរូបភាពពីរដែលដើរផ្ទុយគ្នាជានិច្ច នោះគឺការលូតលាស់យ៉ាងរឹងមាំរបស់កូន និងភាពជរាដែលខិតចូលមកដល់របស់ឪពុកម្តាយ

ជីវិតជារឿងចម្លែកណាស់ ពេលដែលកូនកំពុងធំធាត់ រឹងមាំ ហើយរត់តាមក្តីស្រមៃទៅមុខ អ្នកដែលនៅពីក្រោយបែរជាចាស់ទៅៗជារៀងរាល់ថ្ងៃ ដៃដែលធ្លាប់ពបីយើងចាប់ផ្តើមញ័រ ជើងដែលធ្លាប់នាំយើងដើរចាប់ផ្តើមដើរយឺតជាងមុន ប៉ុន្តែមនុស្សជាច្រើនបែរជាមើលមិនឃើញ ព្រោះរវល់តែសម្លឹងមើលអនាគតរបស់ខ្លួនឯង

ឪពុកម្តាយចំណាយពេលពាក់កណ្តាលជីវិតដើម្បីកសាងកូនឱ្យអាចឈរជើងបាន ប៉ុន្តែពេលកូនអាចឈរបានមែនទែន បែរជាងាកខ្នងដាក់អ្នកដែលធ្លាប់គ្រាហ៍ខ្លួនទៅវិញ អ្នកខ្លះរវល់នឹងការងារ រវល់នឹងជីវិត រវល់នឹងភាពជោគជ័យ រហូតភ្លេចថា មនុស្សពីរនាក់ដែលកំពុងតែចាស់ជរា ពួកគាត់មិនត្រូវការអ្វីច្រើនទេ គ្រាន់តែចង់ឃើញមុខកូន គ្រាន់តែចង់ដឹងថាកូននៅចាំពួកគាត់

ការពិតគឺចាក់ដោតណាស់ អ្នកដែលកំពុងលូតលាស់ តែងតែគិតថាខ្លួននៅមានពេលច្រើនទៀត ប៉ុន្តែសម្រាប់អ្នកដែលកំពុងចាស់ជរា ពេលវេលារបស់ពួកគាត់កំពុងតែបាត់បង់ជារៀងរាល់ថ្ងៃ ថ្ងៃដែលយើងនឹកចង់ត្រឡប់ទៅមើលថែពួកគាត់ ជួនកាលវាអាចនឹងគ្មានឱកាសនោះទៀតឡើយ

ជារឿយៗ យើងតែងតែយកលេសថា "រវល់" ដើម្បីដោះសារពីការមិនបានទៅសួរសុខទុក្ខពួកគាត់ យើងប្រហែលជាភ្លេចថា លុយកាក់ និងភាពមានបាន មិនអាចទិញស្នាមញញឹមពិតប្រាកដចេញពីបេះដូងរបស់ឪពុកម្តាយបានឡើយ អ្វីដែលពួកគាត់ប្រាថ្នាបំផុតនៅវ័យចំណាស់ គឺការហូបបាយជុំគ្នា និងការសន្ទនាដ៏សាមញ្ញជាមួយកូនៗ

កុំរង់ចាំដល់ពេលដែលអ្នកមានពេលទំនេរ ទើបនឹកឃើញដល់អ្នកដែលចំណាយពេលពេញមួយជីវិតដើម្បីអ្នក

ស្នាមជ្រួញនៅលើផ្ទៃមុខរបស់ពួកគាត់ គឺជាសាក្សីនៃសេចក្តីស្រឡាញ់ និងការលះបង់ដែលគ្មានលក្ខខណ្ឌ ពេលដែលយើងជំពប់ជើងដួលក្នុងជីវិត ផ្ទះដែលឪពុកម្តាយរង់ចាំ នៅតែជាកន្លែងដ៏កក់ក្តៅបំផុតជានិច្ច

សូមចំណាយពេលកំដរពួកគាត់ឱ្យបានច្រើន ព្រោះរាល់វិនាទីដែលកន្លងផុតទៅ សុទ្ធតែមានតម្លៃមិនអាចកាត់ថ្លៃបាន

ការទូរស័ព្ទសួរសុខទុក្ខត្រឹមតែប្រាំនាទី អាចធ្វើឱ្យពួកគាត់សប្បាយចិត្តពេញមួយថ្ងៃ

កុំឱ្យពាក្យថា "ស្តាយក្រោយ" ក្លាយជាពាក្យចុងក្រោយដែលអ្នកត្រូវនិយាយនៅពេលដែលពួកគាត់លែងនៅក្បែរ

ក្តីកតញ្ញូមិនមែនជាការតបស្នងដ៏ធំដុំនោះទេ តែវាផ្តើមចេញពីទង្វើថែរក្សា និងយកចិត្តទុកដាក់តូចៗក្នុងជីវិតប្រចាំថ្ងៃ

ចូរចងចាំថា... អ្នកដែលកំពុងចាស់ទៅ មិនមែនជាអ្នកណាផ្សេងទេ គឺជាអ្នកដែលធ្លាប់ពបីយើងក្នុងថ្ងៃដែលយើងនៅមិនទាន់ចេះដើរ

_____សុវត្ថន៍-Sovathn

#សុវត្ថន៍_Sovathn #ឪពុកម្តាយ #កម្លាំងចិត្ត #ម៉ែ #ម៉ាក់ #ឪពុក #ប៉ា #ប៉ាម៉ាក់ #គុណឪពុកម្ដាយ #ម៉ែចាស់ឪពុកជរា #កម្លាំងចិត្តឪពុកម្តាយ #ដឹងគុណម្ដាយឪពុក #សងគុណ #កូនល្អ #កូនកតញ្ញូ

22/01/2026

Life isn’t only about what happens to us, but about the good memories we keep and carry forward. Those memories shape who we are, give us strength in hard times, and remind us of what truly matters. Even when life has challenges, remembering the good helps us move on with hope and meaning.❤️