20/04/2023
ជីវិតគឺសាមញ្ញ
ប្រសិនបើអ្នកស្មុគស្មាញនឹងជីវិត ធុញទ្រាន់នឹងជីវិត ចូរក្រឡេកទៅមើលសត្វចាប។ ជីវិតរបស់វារស់នៅសម្រាប់តែមួយថ្ងៃ ហើយវាមិនដែលបារម្ភខ្វល់ខ្វាយអំពីថ្ងៃស្អែក វាមិនដែលកើតទុក្ខមិនពេញចិត្តនឹងជីវិតរបស់វាក្នុងថ្ងៃនេះឡើយ។
បើប្រៀបធៀបមកជីវិតរបស់មនុស្សយើង បានសុខក្នុងថ្ងៃនេះវាប្រសើរណាស់ទៅហើយ។ អ្នកសាកស្រមៃទៅមើល ប្រសិនបើថ្ងៃនេះអ្នកមានអាហារ ហូបគ្រប់គ្រាន់ អ្នករីករាយពេញមួយថ្ងៃ។ ថ្ងៃស្អែកក៏បែបនេះ ថ្ងៃខានស្អែកក៏បែបនេះ ហើយពេញមួយជីវិតរបស់អ្នករីករាយបែបនេះរហូតនោះ តើមិនល្អទេឬ? និយាយយ៉ាងនេះគ្រាន់តែចង់ឱ្យអ្នកបានយល់ថា ជីវិតគឺសាមញ្ញបែបនេះឯង កុំស្មុគស្មាញច្រើនពេក ចូរគិតអ្វីងាយៗ។
ប៉ុន្តែខ្ញុំសុំបញ្ជាក់បន្ថែមផងដែរថា ការដែលលើកឡើងខាងលើនេះមិនមែនមានន័យថាចង់ឱ្យអ្នកឈប់គិតពីផែនការសម្រាប់ថ្ងៃខាងមុខនោះទេ អ្នកត្រូវតែរៀបចំផែនការដើម្បីថ្ងៃខាងមុខ តែអ្នកត្រូវរស់នៅក្នុងបច្ចុប្បន្ន។ អ្នកត្រូវយកផែនការរបស់អ្នកមកអនុវត្តក្នុងពេលបច្ចុប្បន្ន៕
--------------------------------
ព័ត៌មានអំពីសៀវភៅ៖ https://bit.ly/3bj3sOX
តំណាងចែកចាយ៖ https://bit.ly/3cqLBJ5
Channel Telegram: https://t.me/businessrecord2022
#សៀវភៅច្នៃខ្លួនឯង #ច្នៃខ្លួនឯង
©៖
