CCC BIC

CCC BIC Cambodia Chamber of Commerce Business Directory: Easy to find business information in Cambodia

ប្រកាសរបស់ក្រសួងពាណិជ្ជកម្មស្តីពីការទទួលស្គាល់សមាជិកទីប្រឹក្សាសភាពាណិជ្ជកម្មរាជធានីភ្នំពេញ អាណត្តិទី៤ លើក
06/06/2026

ប្រកាសរបស់ក្រសួងពាណិជ្ជកម្មស្តីពីការទទួលស្គាល់សមាជិកទីប្រឹក្សាសភាពាណិជ្ជកម្មរាជធានីភ្នំពេញ អាណត្តិទី៤ លើក

កិច្ចប្រជុំក្រុមការងារផ្នែកឯកជន "ក" "ផ្នែកកសិកម្ម និងកសិឧស្សាហកម្ម" នៃវេទិការាជរដ្ឋាភិបាល-ផ្នែកឯកជនPrivate sector workin...
26/05/2026

កិច្ចប្រជុំក្រុមការងារផ្នែកឯកជន "ក" "ផ្នែកកសិកម្ម និងកសិឧស្សាហកម្ម" នៃវេទិការាជរដ្ឋាភិបាល-ផ្នែកឯកជន
Private sector working group meeting group "A" "Agriculture and Agro Industry" of the Government-Private Sector Forum.
———
រាជធានីភ្នំពេញ៖ នៅរសៀលថ្ងៃចន្ទ ទី២៥ ខែឧសភា ឆ្នាំ២០២៦ វេលាម៉ោង ០២:០០នាទី នៅអគ្គនាយកដ្ឋានសភាពាណិជ្ជកម្មកម្ពុជា មានរៀបចំកិច្ចប្រជុំក្រុមការងារផ្នែកឯកជន "ក" "ផ្នែកកសិកម្ម និងកសិឧស្សាហកម្ម" នៃវេទិការាជរដ្ឋាភិបាល-ផ្នែកឯកជន ដែលដឹកនាំដោយ ឧកញ៉ា ម៉ុង រិទ្ធថា សហប្រធានក្រុមការងារ "ក" តំណាងផ្នែកឯកជន។ កិច្ចប្រជុំនេះក៏មានការចូលរួមផងដែរពីសំណាក់ ឯកឧត្តម ឧកញ៉ា ងួន ម៉េងតិច អគ្គនាយកសភាពាណិជ្ជកម្មកម្ពុជា, អនុសហប្រធានក្រុមការងារ "ក" តំណាងផ្នែកឯកជន​, តំណាងសមាគមអ្នកចិញ្ចឹមសត្វនៅកម្ពុជា, តំណាងសហព័ន្ធស្វាយចន្ទីកម្ពុជា, តំណាងសមាគមវារីវប្បកម្មនៅកម្ពុជា, តំណាងសមាគមអ្នកផ្គត់ផ្គង់ត្រីនៅកម្ពុជា, តំណាងសមាគមចុងភៅនៅកម្ពុជា, សមាគមសម្ព័ន្ធដំឡូងមីកម្ពុជា-ចិន និងអ្នកពាក់ព័ន្ធជាសមាជិកនៃក្រុមការងារផ្នែកឯកជនជាច្រើនទៀតផងដែរ។
កិច្ចប្រជុំនេះមានគោលបំណង ដើម្បីបន្តធ្វើការពិនិត្យ ពិភាក្សាលើបញ្ហាប្រឈមដែលនៅសេសសល់ និងបន្តលើកឡើងនូវបញ្ហាប្រឈមថ្មីៗបន្ថែមទៀតក្នុងវិស័យកសិកម្ម និងកសិឧស្សហកម្ម ដើម្បីដាក់ស្នើសុំដំណោះស្រាយជាមួយនឹងដៃគូ គឺក្រសួងកសិកម្ម រុក្ខាប្រមាញ់ និងនេសាទនាពេលខាងមុខនេះ។
កិច្ចប្រជុំបានធ្វើការពិនិត្យ ពិភាក្សាលើបញ្ហាប្រឈមរបស់ផ្នែកឯកជនមួយចំនួនរួមមាន៖ ១. បញ្ហាទិន្នផលកសិកម្មបន្ទាប់ពីការបិទព្រំដែនកម្ពុជា-ថៃ, ២. បញ្ហាប្រឈមក្នុងផ្នែកចិញ្ចឹមសត្វ និងការផ្គត់ផ្គង់សាច់សត្វ, ៣. ផ្នែកដាំដុះ បញ្ហាក្នុងការបង្វិលទុន ៤. ផ្នែកជីកសិកម្ម នីតិវិធីក្នុងការចុះបញ្ជីផលិតផលជីថ្នាំកសិកម្ម, ៥. ផ្នែកវារីវប្បកម្ម កង្វះខាតការបណ្តុះបណ្តាលជំនាញ, ៦. ផ្នែកហេដ្ឋារចនាសម្ព័ន្ធគាំទ្រ បញ្ហាប្រភពទុនក្នុងការរៀបចំទីលានហាល និងឡសម្ងួត, ៧. បញ្ហាពន្ធនាំចេញសម្រាប់ផលិតផលជលផលកម្ពុជា រួមនឹងបញ្ហាប្រឈមមួយចំនួន​ផ្សេងទៀតផងដែរ។
កិច្ចប្រជុំនេះបានបញ្ចប់នៅថ្ងៃ ខែ ឆ្នាំដដែល នៅវេលាម៉ោង ១៧:០០នាទីល្ងាច ក្រោមបរិយាកាសយោគយល់គ្នា និងលទ្ធផលជាផ្លែផ្កា។
————
ព័ត៌មានបន្ថែម សូមទំនាក់ទំនងមកតាមរយៈ [email protected]
#សភាពាណិជ្ជកម្មកម្ពុជា

គណៈប្រតិភូសភាពាណិជ្ជកម្មកម្ពុជា បានអញ្ជើញធ្វើទស្សនកិច្ចនៅវិទ្យាស្ថានជាតិបេះដូងម៉ាឡេស៊ី ក្នុងគោលបំណងពង្រឹងកិច្ចសហប្រតិបត្...
25/05/2026

គណៈប្រតិភូសភាពាណិជ្ជកម្មកម្ពុជា បានអញ្ជើញធ្វើទស្សនកិច្ចនៅវិទ្យាស្ថានជាតិបេះដូងម៉ាឡេស៊ី ក្នុងគោលបំណងពង្រឹងកិច្ចសហប្រតិបត្តិការលើវិស័យសុខាភិបាល និងសេវាវេជ្ជសាស្ត្ររវាងប្រទេសទាំងពីរ។
ម៉ាឡេស៊ី៖ គណៈប្រតិភូសភាពាណិជ្ជកម្មកម្ពុជា ដឹកនាំដោយឧកញ៉ា សាស្ត្រាចារ្យ វេជ្ជបណ្ឌិត តាន់ គឹមមេង សមាជិកជ្រើសតាំងសភាពាណិជ្ជកម្មកម្ពុជា បានទៅទស្សនកិច្ចនៅ វិទ្យាស្ថានជាតិបេះដូងម៉ាឡេស៊ី (IJN) ក្នុងអំឡុងពេលទស្សនកិច្ចពាណិជ្ជកម្ម នៅទីក្រុងគូឡាឡាំពួរ ប្រទេសម៉ាឡេស៊ី ដើម្បីស្វែងយល់ និងពង្រឹងកិច្ចសហប្រតិបត្តិការលើវិស័យសុខាភិបាល និងសេវាវេជ្ជសាស្ត្ររវាងកម្ពុជា និងម៉ាឡេស៊ី។
គណៈប្រតិភូសភាពាណិជ្ជកម្មកម្ពុជា ត្រូវបានទទួលស្វាគមន៍ពីលោកវេជ្ជបណ្ឌិត សៃហ្វុល អាស្មី យ៉ាហាយ៉ា ប្រធានផ្នែកគ្លីនិក និងវេជ្ជបណ្ឌិតឯកទេសជំងឺបេះដូងជាន់ខ្ពស់នៃ វិទ្យាស្ថានជាតិបេះដូងម៉ាឡេស៊ី។
លោកវេជ្ជបណ្ឌិត សៃហ្វុល អាស្មី យ៉ាហាយ៉ា បានជម្រាបជូនគណៈប្រតិភូសភាពាណិជ្ជកម្មកម្ពុជា អំពីបរិក្ខារវេជ្ជសាស្ត្រទំនើបៗ ប្រព័ន្ធព្យាបាលជំងឺបេះដូងកម្រិតអន្តរជាតិ និងសេវាសុខាភិបាលផ្សេងៗរបស់វិទ្យាស្ថាន ។ លោក ក៏បានចែករំលែកអំពីចក្ខុវិស័យរបស់ខ្លួន ក្នុងការក្លាយខ្លួនជាមជ្ឈមណ្ឌលឧត្តមភាពសកលផ្នែកថែទាំជំងឺបេះដូង។ ជាមួយគ្នានេះ វិទ្យាស្ថាន ក៏បានបង្ហាញពីការប្តេជ្ញាចិត្តក្នុងការផ្តល់សេវាថែទាំអ្នកជំងឺប្រកបដោយសុវត្ថិភាព និងគុណភាពខ្ពស់ ជំរុញការស្រាវជ្រាវ ការអភិវឌ្ឍបច្ចេកវិទ្យា និងការបណ្តុះបណ្តាលធនធានមនុស្សជាបន្តបន្ទាប់។
ក្នុងឱកាសនោះ ឧកញ៉ា សាស្ត្រាចារ្យ វេជ្ជបណ្ឌិត តាន់ គឹមមេង បានជម្រាបជូនលោកលោកវេជ្ជបណ្ឌិត សៃហ្វុល អាស្មី យ៉ាហាយ៉ា អំពីវិស័យសុខាភិបាលឯកជនរបស់កម្ពុជា កំពុងមានការរីកចម្រើនយ៉ាងខ្លាំង ដោយមានការវិនិយោគកាន់តែច្រើនលើមន្ទីរពេទ្យឯកជន គ្លីនិកឯកទេស សេវារោគវិនិច្ឆ័យ និងការចែកចាយឱសថ។ លោកវេជ្ជបណ្ឌិត បានលើកឡើងថា ប្រជាពលរដ្ឋកម្ពុជា កំពុងត្រូវការសេវាសុខាភិបាលដែលមានគុណភាពកាន់តែប្រសើរ ហើយវិស័យឯកជនក៏កំពុងឆ្លើយតបយ៉ាងសកម្មផងដែរ។
ឧកញ៉ា សាស្ត្រាចារ្យ វេជ្ជបណ្ឌិត តាន់ គឹមមេង បានបញ្ជាក់ថា ប្រតិភូកម្ពុជា មកទីនេះ ដើម្បីស្វែងរកឱកាសវិនិយោគរវាងភាគីពាក់ព័ន្ធក្នុងវិស័យសុខាភិបាលកម្ពុជា និងប្រព័ន្ធសុខាភិបាលរបស់ប្រទេសម៉ាឡេស៊ី។ ជាមួយគ្នានេះ លោក ក៏សង្ឃឹមថា នឹងអាចបង្កើតកិច្ចសហប្រតិបត្តិការជារចនាសម្ព័ន្ធជាមួយ វិទ្យាស្ថានជាតិបេះដូងម៉ាឡេស៊ី តាមរយៈប្រព័ន្ធបញ្ជូនអ្នកជំងឺ ការពិគ្រោះយោបល់ជាមួយវេជ្ជបណ្ឌិតឯកទេស កិច្ចសហការលើការផ្គត់ផ្គង់ឱសថ និងកិច្ចព្រមព្រៀងរយៈពេលវែង ដែលអាចនាំយកជំនាញ មកកាន់ប្រជាជនកម្ពុជា។
លោក បានបញ្ជាក់បន្ថែមថា អ្វីដែលសំខាន់បំផុត គឺមកទីនេះដើម្បីសិក្សា និងរៀនសូត្រ។ ប្រតិភូកម្ពុជា មានចំណាប់អារម្មណ៍យ៉ាងខ្លាំងលើប្រព័ន្ធគ្រប់គ្រងគ្លីនិក ការគ្រប់គ្រងមន្ទីរពេទ្យ ការបញ្ចូលបច្ចេកវិទ្យាវេជ្ជសាស្ត្រ និងដំណោះស្រាយសុខាភិបាលឌីជីថល ព្រមទាំងកម្មវិធីបណ្តុះបណ្តាល និងអភិវឌ្ឍវិជ្ជាជីវៈរបស់វិទ្យាស្ថាននេះ។
ជំនួបនេះ បានផ្តល់ឱកាសដ៏សំខាន់សម្រាប់ភាគីទាំងពីរ ក្នុងការផ្លាស់ប្តូរទស្សនៈ និងពិភាក្សាអំពីសក្តានុពលនៃកិច្ចសហប្រតិបត្តិការនាពេលអនាគត លើវិស័យទេសចរណ៍សុខាភិបាល ការវិនិយោគសុខាភិបាល ការបណ្តុះបណ្តាលវិជ្ជាជីវៈ និងការចែករំលែកចំណេះដឹងវេជ្ជសាស្ត្រ។ គណៈប្រតិភូសភាពាណិជ្ជកម្មកម្ពុជា បានសម្តែងការកោតសរសើរចំពោះការរីកចម្រើនរបស់ម៉ាឡេស៊ីលើវិស័យសុខាភិបាល និងបានវាយតម្លៃខ្ពស់ចំពោះតួនាទីរបស់វិទ្យាស្ថាននេះ ក្នុងនាមជាស្ថាប័នឈានមុខគេក្នុងតំបន់ លើការព្យាបាលជំងឺបេះដូង។
ដំណើរទស្សនកិច្ចនេះក៏បានបង្ហាញយ៉ាងច្បាស់ពីការប្តេជ្ញាចិត្តដ៏មុតមាំ ដែលជាយុទ្ធសាស្រ្តរបស់សភាពាណិជ្ជកម្មកម្ពុជា ក្រោមការដឹកនាំ និងចង្អុលបង្ហាញរបស់ អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធានក្រុមប្រឹក្សាពិគ្រោះយោបល់ធុរកិច្ចអាស៊ានសម្រាប់កម្ពុជា។
រូបភាព និងអត្ថបទ៖ នាយកដ្ឋានទំនាក់ទំនងសភាពាណិជ្ជកម្មខេត្ត-ក្រុង

ពិធីសម្ពោធដាក់ឱ្យប្រើប្រាស់ជាផ្លូវការអគារទីស្នាក់ការកណ្តាលថ្មីរបស់អគ្គនាយកដ្ឋានពន្ធដារ នៃក្រសួងសេដ្ឋកិច្ច និងហិរញ្ញវត្ថុ...
22/05/2026

ពិធីសម្ពោធដាក់ឱ្យប្រើប្រាស់ជាផ្លូវការអគារទីស្នាក់ការកណ្តាលថ្មីរបស់អគ្គនាយកដ្ឋានពន្ធដារ នៃក្រសួងសេដ្ឋកិច្ច និងហិរញ្ញវត្ថុ។
(រាជធានីភ្នំពេញ) នាព្រឹកថ្ងៃព្រហស្បតិ៍ ៥កើត ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២១ ខែឧសភា ឆ្នាំ២០២៦ អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធានក្រុមប្រឹក្សាពិគ្រោះយោបល់ធុរកិច្ចអាស៊ានសម្រាប់កម្ពុជា ព្រមទាំង អនុប្រធាន ថ្នាក់ដឹកនាំ សមាជិក សមាជិកា សភាពាណិជ្ជកម្មកម្ពុជាំ បានអញ្ជើញចូលរួម ពិធីសម្ពោធដាក់ឱ្យប្រើប្រាស់ជាផ្លូវការអគារទីស្នាក់ការកណ្តាលថ្មីរបស់អគ្គនាយកដ្ឋានពន្ធដារ នៃក្រសួងសេដ្ឋកិច្ច និងហិរញ្ញវត្ថុ ក្រោមអធិបតីភាពដ៏ខ្ពង់ខ្ពស់ របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា និងមានការអញ្ជើញចូលរួមយ៉ាងច្រើនកុះករពីសំណាក់ថ្នាក់ដឹកនាំរាជរដ្ឋាភិបាល ថ្នាក់ដឹកនាំក្រសួងសេដ្ឋកិច្ច និងហិរញ្ញវត្ថុ មន្ត្រីរាជការអគ្គនាយកដ្ឋានពន្ធដារ ព្រមទាំងភ្ញៀវជាតិ និងអន្តរជាតិជាច្រើនរូបទៀត។
អគារថ្មីទីស្នាក់ការកណ្តាលនៃអគ្គនាយកដ្ឋានពន្ធដារ ត្រូវបានរៀបចំដោយមានការគិតគូរបានយ៉ាងល្អិតល្អន់ ដោយមានបំពាក់នូវឧបករណ៍បច្ចេកវិទ្យាទំនើប ដើម្បីបម្រើដល់ការគ្រប់គ្រង ការប្រើប្រាស់ ការថែទាំ និងការធានាសន្តិសុខ និងសុវត្ថិភាពរបស់អគារ គួបផ្សំជាមួយរចនាបថ និងស្នាដៃវប្បធម៌ខ្មែរយ៉ាងប្រណីត។ ជាពិសេសជាងនេះ អគារនេះត្រូវបានរៀបចំដោយមានមុខងារគ្រប់ជ្រុងជ្រោយ ដែលអាចបម្រើដល់គ្រប់តម្រូវការរបស់អ្នកប្រើប្រាស់ ទាំងការបំពេញការងារ ការមកទទួលសេវាពន្ធដារ និងការទទួលបានសេវាគាំទ្រពាក់ព័ន្ធផ្សេងៗទៀត។
គម្រោងនេះ ត្រូវបានសាងសង់លើផ្ទៃដីសរុបចំនួន ២៥ ៧៥៥ម៉ែត្រការ៉េ និងនៅលើផ្ទៃក្រឡាសរុបចំនួន ១៥៩ ៦៣៤ម៉ែត្រការ៉េ ដោយមានអគារការិយាល័យ រដ្ឋបាលសរុបចំនួន ៣០ជាន់ និងអគារពាណិជ្ជកម្មចំនួន ៤ជាន់។
ការិយាល័យសម្រាប់មន្រ្តីរាជការពន្ធដារបម្រើការងារ មានសរុបចំនួន ១៩ជាន់។ ជាន់នីមួយៗមានលម្អផ្ទាំងថ្មធម្មជាតិចម្លាក់លៀននៃទេវកថា រឿងកូរសមុទ្រទឹកដោះ ចំនួន ១៥ផ្ទាំងផ្សេងៗគ្នា រៀបចំទៅតាមលំដាប់លំដោយនៃសាច់រឿងទាំងមូល, មានលំហការិយាល័យធ្វើការប្រកបដោយផាសុកភាព និងមានទីតាំងទទួលទានអាហាររួមគ្នាផងដែរ។
អគារនេះមានការិយាល័យសម្រាប់ជួលចំនួន ៥ជាន់ ចាប់ពីជាន់ទី១០ ដល់ជាន់ទី១៤ មានទីធ្លាធំទូលាយ អនុញ្ញាតឱ្យអ្នកជួលអាចរៀបចំ ឬរចនាការិយាល័យ ស្របទៅនឹងតម្រូវការអាជីវកម្មរបស់ខ្លួនបានដោយងាយស្រួល។
ចំណែកឯអគារពាណិជ្ជកម្ម ត្រូវបានរចនាឡើងសម្រាប់ប្រើប្រាស់ជាបណ្តុំសេវាកម្មតែមួយ ភ្ជាប់គ្នារវាងទីតាំងផ្តល់សេវាអ្នកជាប់ពន្ធទៅនឹងផ្សារទំនើប។ លំហកណ្តាលនៃអគារនេះ លាតសន្ធឹងពីជាន់ផ្ទាល់ដី ដល់ជាន់ទី៤ ជាមួយនឹងទំហំផ្ទៃក្រឡាជួលសរុបចំនួន ១១ ៣៥៤ម៉ែត្រការ៉េ។
អគារទីស្នាក់ការនេះ មានចំណតយានយន្តដ៏ធំទូលាយ សរុបចំនួន ៥ជាន់ ជាមួយការប្រើប្រាស់ប្រព័ន្ធស្វ័យប្រវត្តិកម្មចំណតយានយន្ត។ ប្រព័ន្ធនេះ ជួយដល់អ្នកបើកបរក្នុងការស្វែងរកចំណត ប្រកបដោយភាពងាយស្រួល រហ័សទាន់ចិត្ត និងកាត់បន្ថយពេលវេលា។ នៅពេលយានយន្តឈានចូលដល់ច្រកចូលចំណត នឹងមានផ្ទាំងទិន្នន័យផ្តល់ព័ត៌មានលម្អិត អំពីចំនួនចំណតទំនេរក្នុងអគារ និងទៅតាមជាន់ រួមជាមួយនឹងពន្លឺសញ្ញាភ្ជាប់ពិដាន ពណ៌ក្រហម ឬ ពណ៌បៃតង ជាសញ្ញាសម្គាល់បង្ហាញពីចំណតដែលនៅទំនេរ។
ការចាប់កំណើតនៃអគារ ទីស្នាក់ការកណ្តាលថ្មី របស់អគ្គនាយកដ្ឋានពន្ធដារនេះ គឺជាការបើកទំព័រនៃសករាជថ្មីមួយក្នុងវិស័យពន្ធដាររបស់កម្ពុជា នឹងក្លាយជាកត្តាជំរុញកំណើនសេដ្ឋកិច្ចជាតិដ៏យូរអង្វែង ហើយនេះ ជាសក្ខីកម្មមិនអាចប្រកែកបានត្រង់ថា សមិទ្ធផលនេះ នឹងចូលរួមក្នុងដំណើរកសាងអនាគតដ៏ភ្លឺស្វាងរបស់កម្ពុជា តាមរយៈការផ្តល់សេវាសាធារណៈក្នុងយុគសម័យបច្ចេកវិទ្យា។
អគារថ្មីនេះ មិនត្រឹមតែជាសមិទ្ធផលថ្មីមួយសម្រាប់កម្ពុជាប៉ុណ្ណោះទេ ប៉ុន្តែវាក៏ជានិមិត្តរូបតំណាងឱ្យភាពរីកលូតលាស់ រឹងមាំ ស្ថិរភាព លេចធ្លោប្រកបដោយទំនុកចិត្តខ្ពស់ និងជាអនាគតដ៏ត្រចះត្រចង់ ជាសញ្ញាណនៃការប្តេជ្ញាចិត្តរបស់រាជរដ្ឋាភិបាលកម្ពុជា ក្នុងការផ្តល់សេវាសាធារណៈ ជាទីកន្លែងដែលប្រជាពលរដ្ឋ អ្នកជាប់ពន្ធ និងមន្ត្រីរាជការពន្ធដារទាំងអស់ អាចទទួលបាននូវបទពិសោធន៍ថ្មីៗ ប្រកបដោយភាពច្នៃប្រឌិត ទំនើប ទាន់សម័យ ប្រសិទ្ធភាព ផាសុកភាព ប្រណិតភាព គុណភាព នៃការផ្តល់ និងទទួលសេវាពន្ធដារ ក្រោមដំបូលតែមួយ ក្នុងគោលដៅបន្តដំណើរអភិវឌ្ឍប្រទេសជាតិជាមួយគ្នា។

កិច្ចប្រជុំក្រុមការងារផ្នែកឯកជន "ឌ" "ផ្នែកសំណង់ និងអចលនទ្រព្យ" នៃវេទិការាជរដ្ឋាភិបាល-ផ្នែកឯកជនPrivate sector working gro...
22/05/2026

កិច្ចប្រជុំក្រុមការងារផ្នែកឯកជន "ឌ" "ផ្នែកសំណង់ និងអចលនទ្រព្យ" នៃវេទិការាជរដ្ឋាភិបាល-ផ្នែកឯកជន
Private sector working group meeting group "M” "Construction and Real Estate" of the Government-Private Sector Forum.
———
(រាជធានីភ្នំពេញ)៖ នៅរសៀលថ្ងៃពុធ ទី២០ ខែឧសភា ឆ្នាំ២០២៦ វេលាម៉ោង ០២:០០នាទី នៅអគ្គនាយកដ្ឋានសភាពាណិជ្ជកម្មកម្ពុជា មានរៀបចំកិច្ចប្រជុំក្រុមការងារផ្នែកឯកជន "ឌ" "ផ្នែកសំណង់ និងអចលនទ្រព្យ" នៃវេទិការាជរដ្ឋាភិបាល-ផ្នែកឯកជន ដែលដឹកនាំដោយ ឧកញ៉ាបណ្ឌិត តាន់ មុនីវណ្ណ អនុប្រធានសភាពាណិជ្ជកម្មកម្ពុជា និងជាសហប្រធានក្រុមការងារ "ឌ" តំណាងផ្នែកឯកជន។ កិច្ចប្រជុំនេះក៏មានការចូលរួមផងដែរពីសំណាក់ ឯកឧត្តម ឧកញ៉ា ងួន ម៉េងតិច​ អគ្គនាយកសភាពាណិជ្ជកម្មកម្ពុជា, អនុសហប្រធានក្រុមការងារ "ឌ" តំណាងផ្នែកឯកជន​, តំណាងសមាគមអ្នកវាយតម្លៃ និងភ្នាក់ងារអចលនវត្ថុនៅកម្ពុជា, តំណាងសមាគមអគ្គិសនីជនបទ, តំណាងក្រុមហ៊ុនអចលនទ្រព្យ សំណង់ បុរីឯកជន និងអ្នកពាក់ព័ន្ធដែលជាសមាជិកនៃក្រុមការងារផ្នែកឯកជនជាច្រើនទៀតផងដែរ។
កិច្ចប្រជុំនេះមានគោលបំណង ដើម្បីបន្តធ្វើការពិនិត្យ ពិភាក្សាលើបញ្ហាប្រឈមដែលនៅសេសសល់ និងបន្តលើកឡើងនូវបញ្ហាប្រឈមថ្មីៗបន្ថែមទៀតក្នុងវិស័យសុខាភិបាល ដើម្បីដាក់ស្នើសុំដំណោះស្រាយជាមួយនឹងដៃគូ គឺក្រសួងរៀបចំដែនដី នគរូបនីយកម្ម និងសំណង់ នាពេលខាងមុខនេះ។
កិច្ចប្រជុំបានធ្វើការពិនិត្យ ពិភាក្សាលើបញ្ហាប្រឈមរបស់ផ្នែកឯកជនមួយចំនួនរួមមាន៖ ១. បញ្ហានៃការវាស់វែងដីធ្លីជាប្រព័ន្ធ, ២. បញ្ហានៃការទទួលបានប្លង់បន្ទាប់ពីការវាស់វែងរួច, ៣. ការទិញអចលនទ្រព្យរបស់ជនបរទេស, ៤. ការផ្តល់សញ្ជាត្តិជូនជនបរទេសតាមរយៈការទិញអចលនទ្រព្យ, ៥.​បញ្ហានៃការមិនដាក់ប្រភេទដីនៅលើប្លង់ , ៦. ការចាត់ថ្នាក់គម្រោងសំណង់បុរីលំនៅឋាន រួមនឹងបញ្ហាប្រឈមមួយចំនួន​ផ្សេងទៀតផងដែរ។
កិច្ចប្រជុំនេះបានបញ្ចប់នៅថ្ងៃ ខែ ឆ្នាំដដែល នៅវេលាម៉ោង ១៦:១០ នាទីល្ងាច ក្រោមបរិយាកាសយោគយល់គ្នា និងលទ្ធផលជាផ្លែផ្កា។
————
ព័ត៌មានបន្ថែម សូមទំនាក់ទំនងមកតាមរយៈ [email protected]
#សភាពាណិជ្ជកម្មកម្ពុជា

កិច្ចប្រជុំតុមូលកម្ពុជា ស្តីពី ទស្សនវិស័យវិនិយោគទេសចរណ៍ប្រកបដោយចីរភាព និងភាពធន់របស់អាស៊ាន ឆ្នាំ២០៣០ Cambodia Roundtable ...
21/05/2026

កិច្ចប្រជុំតុមូលកម្ពុជា ស្តីពី ទស្សនវិស័យវិនិយោគទេសចរណ៍ប្រកបដោយចីរភាព និងភាពធន់របស់អាស៊ាន ឆ្នាំ២០៣០
Cambodia Roundtable on the ASEAN Sustainable and Resilient Tourism Investment Outlook 2030.
———
(រាជធានីភ្នំពេញ)៖ នៅរសៀលថ្ងៃអង្គារ ទី១៩ ខែឧសភា ឆ្នាំ២០២៦ វេលាម៉ោង ១៤:០០ នាទី នៅការិយាល័យធនាគារអភិវ​ឌ្ឍន៍អាស៊ីប្រចាំកម្ពុជា, ឧកញ៉ា លូ ម៉េង សហប្រធានក្រុមការងារ "ខ" "ផ្នែកទេសចរណ៍" ផ្នែកឯកជន តំណាង អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធានគណៈកម្មការសម្របសម្រួលក្រុមការងារផ្នែកឯកជន សម្រាប់យន្តការវេទិការាជរដ្ឋាភិបាល-ផ្នែកឯកជន (គ.ស.ឯ.រ.ជ) បានអញ្ជើញចូលរួមក្នុងកិច្ចប្រជុំតុមូលកម្ពុជា ស្តីពី ទស្សនវិស័យវិនិយោគទេសចរណ៍ប្រកបដោយចីរភាព និងភាពធន់របស់អាស៊ាន ឆ្នាំ២០៣០ ក្រោមអធិបតីភាពដោយ ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ និងលោកស្រី Yasmin Siddiqi ប្រធានគ្រប់គ្រងប្រចាំប្រទេសនៃធនាគារអភិវឌ្ឍន៍អាស៊ីប្រចាំនៅកម្ពុជា។
សិក្ខាសាលានេះក៏មានការចូលរួមផងដែរពីសំណាក់មន្ត្រីពាក់ព័ន្ធនៃក្រសួងទេសចរណ៍ តំណាងធនាគារអភិវឌ្ឍន៍អាស៊ីប្រចាំនៅកម្ពុជា និងតំណាងគ្រឹះស្ថាន សមាគមឯកជនពាក់ព័ន្ធក្នុងវិស័យទេសចរណ៍មួយចំនួនទៀតផងដែរ។
កិច្ចប្រជុំតុមូលនេះមានគោលបំណង ក្នុងការគាំទ្រការពិភាក្សាលើអាទិភាពវិនិយោគទេសចរណ៍ជាយុទ្ធសាស្ត្រ ក្រោមក្របខ័ណ្ឌ READS និងដើម្បីកំណត់វិស័យជាក់ស្តែងនៃឱកាស និងការរឹតបន្តឹងការវិនិយោគទេសចរណ៍ និងប្រមូលធាតុចូលលើលក្ខខណ្ឌអំណោយផលដែលត្រូវការដើម្បីកៀរគរការវិនិយោគទេសចរណ៍ប្រកបដោយចីរភាព ភាពធន់ និងរួមបញ្ចូលនៅទូទាំងតំបន់អាស៊ាន។
កិច្ចពិភាក្សានេះគឺជាផ្នែកមួយនៃការពិគ្រោះយោបល់ថ្នាក់តំបន់ ក្នុងផែនការអភិវឌ្ឍន៍ទេសចរណ៍អាស៊ាន ឆ្នាំ២០២៦-២០៣០​ ដើម្បីពិភាក្សាអំពីអាទិភាពវិនិយោគទេសចរណ៍ ឱកាសហិរញ្ញប្បទាន និងគោលនយោបាយគាំទ្រ សម្រាប់ការអភិវឌ្ឍន៍ទេសចរណ៍ប្រកបដោយចីរភាព និងភាពធន់ក្នុងតំបន់អាស៊ាន។
ទស្សនវិស័យវិនិយោគទេសចរណ៍ប្រកបដោយចីរភាព និងភាពធន់របស់អាស៊ាន ត្រូវបានតម្រឹមជាមួយផែនការវិស័យទេសចរណ៍ អាស៊ាន (ATSP) ឆ្នាំ២០២៦-២០៣០ ដែលគូសបញ្ជាក់ពីទិសដៅយុទ្ធសាស្ត្រយ៉ាងច្បាស់លាស់ និងយន្តការអនុវត្តដ៏រឹងមាំ ដើម្បីជំរុញការវិនិយោគទេសចរណ៍ប្រកបដោយចីរភាពនៅទូទាំងតំបន់។ គំនិតផ្តួចផ្តើមនេះបានចូលរួមជំរុញយ៉ាងខ្លាំងនូវភាពស៊ី សង្វាក់គ្នាក្នុងតំបន់ ដោយតម្រឹមជាមួយស្តង់ដារនិរន្តរភាព និងវិនិយោគសកល ខណៈពេលដែលដោះស្រាយដោយផ្ទាល់នូវតម្រូវ ការជាក់លាក់របស់ AMS។
កិច្ចប្រជុំនេះបានបញ្ចប់នៅថ្ងៃ ខែ ឆ្នាំដដែល នៅវេលាម៉ោង ១៧:០០នាទីល្ងាច ក្រោមបរិយាកាសយោគយល់គ្នា និងលទ្ធផលជាផ្លែផ្កា។
————
ព័ត៌មានបន្ថែម សូមទំនាក់ទំនងមកតាមរយៈ [email protected]
#សភាពាណិជ្ជកម្មកម្ពុជា

កិច្ចប្រជុំក្រុមការងារផ្នែកឯកជន "ឋ" "ផ្នែកសុខាភិបាល" នៃវេទិការាជរដ្ឋាភិបាល-ផ្នែកឯកជនPrivate sector working group meeting...
20/05/2026

កិច្ចប្រជុំក្រុមការងារផ្នែកឯកជន "ឋ" "ផ្នែកសុខាភិបាល" នៃវេទិការាជរដ្ឋាភិបាល-ផ្នែកឯកជន
Private sector working group meeting group "L”Health" of the Government-Private Sector Forum.
———
ភ្នំពេញ៖ នៅរសៀលថ្ងៃទី១៨ ខែឧសភា ឆ្នាំ២០២៦ វេលាម៉ោង ១៤:០០នាទី នៅអគ្គនាយកដ្ឋានសភាពាណិជ្ជកម្មកម្ពុជា មានរៀបចំកិច្ចប្រជុំក្រុមការងារផ្នែកឯកជន "ឋ" "ផ្នែកសុខាភិបាល" នៃវេទិការាជរដ្ឋាភិបាល-ផ្នែកឯកជន ដែលដឹកនាំដោយ ឧកញ៉ាវេជ្ជបណ្ឌិត តាន់ គឹមមេង សហប្រធានក្រុមការងារ "ឋ" តំណាងផ្នែកឯកជន។ កិច្ចប្រជុំនេះក៏មានការចូលរួមផងដែរពីសំណាក់អនុសហប្រធានក្រុមការងារ "ឋ" តំណាងផ្នែកឯកជន​, តំណាងសមាគមអ្នកលក់ឪសថនៅកម្ពុជា, តំណាងសមាគមអ្នកលក់គ្រឿងសម្អាងកម្ពុជា, តំណាងសមាគមគ្រូឱសថបុរាណកម្ពុជា, តំណាងក្រុមហ៊ុននាំចេញ នាំចូលឪសថ តំណាងមន្ទីរពេទ្យ គ្លីនិកឯកជន និងអ្នកពាក់ព័ន្ធជាសមាជិកនៃក្រុមការងារផ្នែកឯកជនជាច្រើនទៀតផងដែរ។
កិច្ចប្រជុំនេះមានគោលបំណង ដើម្បីបន្តធ្វើការពិនិត្យ ពិភាក្សាលើបញ្ហាប្រឈមដែលនៅសេសសល់ និងបន្តលើកឡើងនូវបញ្ហាប្រឈមថ្មីៗបន្ថែមទៀតក្នុងវិស័យសុខាភិបាល ដើម្បីដាក់ស្នើសុំដំណោះស្រាយជាមួយនឹងដៃគូ គឺក្រសួងសុខាភិបាលនាពេលខាងមុខនេះ។
កិច្ចប្រជុំបានធ្វើការពិនិត្យ ពិភាក្សាលើបញ្ហាប្រឈមរបស់ផ្នែកឯកជនមួយចំនួនរួមមាន៖ ១. បញ្ហានៃការផ្លាស់ប្តូរបរិយាយប័ណ្ណលើប្រអប់ឱសថ, ២. បញ្ហានៃការបង្កើតគណៈមន្ទីរពិសោធន៍, ៣. បញ្ហារបស់ឱសថបុរាណកម្ពុជា, ៤.កម្មវិធីសិក្សា និងឯកសារយោងវិស័យសុខាភិបាល, ៥. បញ្ហានៃការចេញសញ្ញាប័ត្របណ្តុះបណ្តាលវិស័យសុខាភិបាល, ៦. នីតិវិធីក្នុងការបើកមន្ទីរសម្រាកព្យាបាល គ្លនីក.ល. រួមនឹងបញ្ហាប្រឈមមួយចំនួន​ផ្សេងទៀតផងដែរ។
កិច្ចប្រជុំនេះបានបញ្ចប់នៅថ្ងៃ ខែ ឆ្នាំដដែល នៅវេលាម៉ោង ១៧:០០នាទីល្ងាច ក្រោមបរិយាកាសយោគយល់គ្នា និងលទ្ធផលជាផ្លែផ្កា។
————
ព័ត៌មានបន្ថែម សូមទំនាក់ទំនងមកតាមរយៈ [email protected]
#សភាពាណិជ្ជកម្មកម្ពុជា

សិក្ខាសាលាស្តីពី ការពង្រឹងការងារកម្មសិទ្ធិបញ្ញាWorkshop on​ Intellectual Property Rights Enforcement. ———(រាជធានីភ្នំពេញ...
20/05/2026

សិក្ខាសាលាស្តីពី ការពង្រឹងការងារកម្មសិទ្ធិបញ្ញា
Workshop on​ Intellectual Property Rights Enforcement.
———
(រាជធានីភ្នំពេញ)៖ នៅព្រឹកថ្ងៃចន្ទ ទី១៨ ខែឧសភា ឆ្នាំ២០២៦ វេលាម៉ោង ៩:០០ នាទី នៅសាលាជាតិគយ, ឧកញ៉ាបណ្ឌិត ស៊ិន ចន្ធី សហប្រធានក្រុមការងារបច្ចេកទេសទី១ តំណាងផ្នែកឯកជន នៃយន្តការភាពជាដៃគូគយ-ផ្នែកឯកជន តំណាង អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធានគណៈកម្មការសម្របសម្រួលក្រុមការងារផ្នែកឯកជន សម្រាប់យន្តការវេទិការាជរដ្ឋាភិបាល-ផ្នែកឯកជន (គ.ស.ឯ.រ.ជ) បានអញ្ជើញចូលរួមក្នុងសិក្ខាសាលាស្តីពី សិក្ខាសាលាស្តីពី ការពង្រឹងការងារកម្មសិទ្ធិបញ្ញា ដែលជារៀបចំឡើងដោយអង្គការគយពិភពលោក ក្រោមការសម្របសម្រួលពីអគ្គនាយកដ្ឋានគយ និងរដ្ឋាករកម្ពុជា ដែលដឹកនាំដោយ លោក សុខ សុវិទ្យា អគ្គនាយករង នៃអគ្គនាយកដ្ឋានគយ និងរដ្ឋាករកម្ពុជា តំណាង ឯកឧត្តមបណ្ឌិត គុណ ញឹម រដ្ឋមន្ត្រីប្រតិភូអមនាយករដ្ឋមន្ត្រី អគ្គនាយកនៃអគ្គនាយកដ្ឋានគយ និងរដ្ឋាករកម្ពុជា។
សិក្ខាសាលានេះក៏មានការចូលរួមផងដែរពីសំណាក់មន្ត្រីពាក់ព័ន្ធនៃអគ្គនាយកដ្ឋានគយ និងរដ្ឋាករកម្ពុជា, ជើងសារគយ រួមនឹងតំណាងក្រុមហ៊ុនឯកជនដែលពាក់ព័ន្ធមួយចំនួនទៀតផងដែរ។
សិក្ខាសាលាដ៏មានសារៈសំខាន់នេះមានគោលបំណងដើម្បី៖
១. ផ្តល់ និងទទួលចំណេះដឹងទាំងទ្រឹស្តី និងការអនុវត្តជាក់ស្តែងអំពីសុខភាព សុវត្ថិភាព និងការគ្រប់គ្រងហានិភ័យនៃកម្មសិទ្ធិបញ្ញានៅក្នុងតំបន់ និង
២. ពិភាក្សាលម្អិត និងកែលម្អផែនការសកម្មភាពរបស់ខ្លួនផងដែរ។
សូមជម្រាបជូនថា សម្រាប់ប្រព័ន្ធកត់ត្រាកម្មសិទ្ធិបញ្ញា (Property Right Recordation System) បម្រើឱ្យគោលបំណងដូចខាងក្រោម៖
- សម្រាប់អ្នកដាក់ពាក្យ (ម្ចាស់ IP/អ្នកកាន់សិទ្ធិ/តំណាង)៖ វាអនុញ្ញាតឱ្យមានការកត់ត្រាព័ត៌មានអំពីកម្មសិទ្ធិបញ្ញា (IP) និង/ឬ សិទ្ធិផ្តាច់មុខរបស់គេបានយ៉ាងងាយស្រួល ដែលអនុញ្ញាតឱ្យគេធ្វើការជាមួយគយ ដើម្បីការពារផលប្រយោជន៍របស់គេនៅពេលដែលទំនិញនាំចូល/នាំចេញ ដែលរំលោភលើសិទ្ធិទាំងនោះ
- សម្រាប់មន្ត្រីគយ៖ វាបានផ្តល់ព័ត៌មានយ៉ាងចាំបាច់ទាក់ទងនឹងកម្មសិទ្ធិបញ្ញា និងសិទ្ធិផ្តាច់មុខ ដែលបម្រើជាមូលដ្ឋានសម្រាប់ចាត់វិធានការប្រកបដោយប្រសិទ្ធភាព ដើម្បីទប់ស្កាត់ និងដោះស្រាយការនាំចូល ឬនាំចេញទំនិញដែលមានការរំលោភបំពានកម្មសិទ្ធិបញ្ញា។
————
ព័ត៌មានបន្ថែម សូមទំនាក់ទំនងមកតាមរយៈ [email protected]
#សភាពាណិជ្ជកម្មកម្ពុជា

សិក្ខាសាលាស្តីពី ការគាំទ្រផលិតផលជាតិ និង ត្រៀមខ្លួនដាក់លក់ផលិតផលខ្មែរលើទីផ្សារ ប្រធានបទ៖ ការវេចខ្ចប់ និងការកសាងម៉ាកយីហោ....
18/05/2026

សិក្ខាសាលាស្តីពី ការគាំទ្រផលិតផលជាតិ និង ត្រៀមខ្លួនដាក់លក់ផលិតផលខ្មែរលើទីផ្សារ ប្រធានបទ៖ ការវេចខ្ចប់ និងការកសាងម៉ាកយីហោ..................................................................
(រាជធានីភ្នំពេញ)៖ នារសៀលថ្ងៃពុធ ១២រោច ខែពិសាខ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៣ ខែឧសភា ឆ្នាំ២០២៦ ស្ថាប័នជីអេស១កម្ពុជា គាំទ្រដោយសភាពាណិជ្ជកម្មកម្ពុជា បានរៀបចំសិក្ខាសាលាស្តីពី ការគាំទ្រផលិតផលជាតិ និង ត្រៀមខ្លួនដាក់លក់ផលិតផលខ្មែរលើទីផ្សារ ក្រោមប្រធានបទ៖ ការវេចខ្ចប់ និងការកសាង ម៉ាកយីហោ ក្នុងគោលដៅជួយគាំទ្រដល់អ្នកផលិតក្នុងស្រុក ដើម្បីធ្វើការកែលម្អ ម៉ាកផលិតផល អនុលោមភាពតាមបទបញ្ញត្តិ និងការវេចខ្ចប់ប្រកប ដោយចីរភាព។
សិក្ខាសាលានេះ ផ្តោតសំខាន់លើគោលដៅគាំទ្រការពង្រីកវិសាលភាព សហគ្រិនភាពកម្ពុជា តាមរយៈការយល់ដឹងអំពីការកសាងម៉ាកយីហោ នវានុវត្តន៍ក្នុងការវេចខ្ចប់ ការអនុលោមតាម ស្តង់ដារស្លាកសញ្ញាសម្រាប់ផ្សារទំនើប និងឱកាសហិរញ្ញប្បទានសម្រាប់ការអភិវឌ្ឍអាជីវកម្ម ក្នុងស្រុកឱ្យកាន់តែប្រសើរលើម៉ាកយីហោ ការវេចខ្ចប់ និងការបំពេញលក្ខខណ្ឌតម្រូវរបស់ ទីផ្សារស្តង់ដារ តាមរយៈបទពិសោធន៍ ចក្ខុវិស័យ និងទស្សនៈទានរបស់វាគ្មិនជាអ្នកជំនាញ លើវិស័យពាក់ព័ន្ធ ។
សិក្ខាសាលានេះ បានប្រព្រឹត្តទៅក្រោមអធិបតីភាព ឯកឧត្តម ឧកញ៉ា ងួន ម៉េងតិច អគ្គនាយកសភាពាណិជ្ជកម្មកម្ពុជា តំណាងអ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធានក្រុមប្រឹក្សាពិគ្រោះយោបល់ធុរកិច្ចអាស៊ានសម្រាប់កម្ពុជា និងមានការអញ្ជើញចូលរួមពីសមាជិក សមាជិកាសភាពាណិជ្ជកម្មកម្ពុជា និងស្ថាប័នបារកូដ តំណាងមកពី ក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍
សមាគមពាក់ព័ន្ធ ដៃគូធនាគារ ដៃគូផ្សារលក់រាយ ផ្សារទំនើប អាជីវករ ផលិតករ និងពាណិជ្ជករប្រមាណជាង ១៥០នាក់។
ថ្លែងក្នុងពិធីបើកសិក្ខាសាលានេះ ឯកឧត្តម ឧកញ៉ា ងួន ម៉េងតិច អគ្គនាយកសភាពាណិជ្ជកម្មកម្ពុជា បានថ្លែងឱ្យដឹងថា សិក្ខាសាលានេះ មានសារៈសំខាន់ណាស់សម្រាប់ពាណិជ្ជករ ម្ចាស់សហគ្រាស និងម្ចាស់អាជីវកម្មទាំងអស់ ក្នុងការរៀបចំខ្លួនឱ្យឆ្លើយតបទៅនឹងតម្រូវការទីផ្សារ ជាពិសេសទទួលបាន បទពិសោធន៍ពិតជាក់ស្តែងតាមរយ:បទបង្ហាញអំពីការវេចខ្ចប់ និងការកសាងម៉ាកយីហោ ក្នុងការជំរុញផលិតផលចូលផ្សារទំនើប ឬម៉ាតនានា។
ឯកឧត្តម ឧកញ៉ា ជំរុញឲ្យមានការលើកកម្ពស់ការកសាងម៉ាកយីហោ និងគុណភាព គឺជាកត្តាចម្បងបំផុត បូកផ្សំ និងការវេចខ្ចប់អនុលោមតាមស្តង់ដារ ក៏ដូចជា លក្ខខណ្ឌតម្រូវរបស់ផ្សារទំនើប ឬអ្នកបញ្ជាទិញពីក្រៅប្រទេស។ លើសពីនេះ ធុរជន ពាណិជ្ជករ និងអ្នកផលិតទាំងអស់ ត្រូវគិតទៅលើរូបរាង សំបកវេចខ្ចប់ និងស្តង់ដារផលិតផលមានសារៈសំខាន់ណាស់សម្រាប់អតិថិជន។
ឯកឧត្តម ឧកញ៉ា ងួន ម៉េងតិច បានផ្តល់អនុសាសន៍ផ្តាំផ្ញើដល់ធុរជន អាជីវករ ផលិតករ និងពាណិជ្ជករ ព្រមទាំងសមាជិក សមាជិកានៃសភាពាណិជ្ជកម្មកម្ពុជា ក៏ដូចជាស្ថាប័នជីអេស១កម្ពុជា និងអ្នកចូលរួមទាំងអស់ ត្រូវតែពង្រឹង និងពង្រីកសមត្ថភាពផ្ទៃក្នុងរបស់ខ្លួន ចេះរៀបចំផែនការហិរញ្ញវត្ថុ និងទីផ្សារ ពង្រឹងលើស្តង់ដារគុណភាព និងអនុលោមភាពនានា ដើម្បីអភិវឌ្ឍផលិតផលរបស់ខ្លួនឱ្យកាន់តែមានគុណភាពខ្ពស់ និងសម្បូរបែប កាន់តែមានទំនុកចិត្តពីអ្នកប្រើប្រាស់ និងមានសក្តានុពលពាណិជ្ជកម្ម ទាំងនៅលើទីផ្សារជាតិ និងអន្តរជាតិ។
ក្នុងឱកាសនេះដែរ លោក ង្វៀន អាញ់ខាញ់ អគ្គនាយកប្រតិបត្តិ នៃធនាគារ អ៊ឹមប៊ី (ខេមបូឌា) ម.ក បានមានប្រសាសន៍ថា យើងជឿជាក់យ៉ាងមុតមាំលើសក្តានុពលរបស់ SMEs កម្ពុជា។ យើងយល់ច្បាស់ថា ដើម្បីលើកកម្ពស់ផលិតផលខ្មែរ ម្ចាស់អាជីវកម្មមិនត្រឹមតែត្រូវមានផលិតផលល្អនោះទេ ប៉ុន្តែក៏ត្រូវការដើមទុន ដើម្បីវិនិយោគលើការច្នៃប្រឌិត ការវេចខ្ចប់ និងការរចនាស្លាកសញ្ញាឱ្យមានភាពទាក់ទាញ និងស្របតាមស្តង់ដារ ដើម្បីមានឱកាសឈានចូលទីផ្សារទំនើបក្នុងស្រុក។
លើសពីនេះ យើងក៏យល់ច្បាស់ពីមហិច្ឆតារបស់អតិថិជន ក្នុងការការពង្រីកអាជីវកម្មពួកគាត់ឱ្យហួសពីព្រំដែនកម្ពុជាផងដែរ។ ហេតុនេះហើយ ទើបយើងផ្តល់ជូននូវដំណោះស្រាយសេវាធនាគារឆ្លងដែនដ៏រឹងមាំ និងគួរឱ្យទុកចិត្តបំផុត។ មិនថាតម្រូវការនាំចូលវត្ថុធាតុដើម ដើម្បីបង្កើនផលិតកម្ម ឬកំពុងនាំចេញផលិតផលពីកម្ពុជាទៅក្រៅប្រទេសនោះទេ យើងមានសេវាហិរញ្ញប្បទានពាណិជ្ជកម្មអន្តរជាតិ និងសេវាទូទាត់ប្រាក់ប្រកបដោយសុវត្ថិភាព ដែលធានាថាប្រតិបត្តិការអាជីវកម្មរបស់អតិថិជនដំណើរការទៅដោយរលូន និងគ្មានឧបសគ្គ។
លោកអគ្គនាយកប្រតិបត្តិបន្ថែមថា ដើម្បីគាំទ្រដល់វឌ្ឍនភាពរបស់អតិថិជន ធនាគារ អ៊ឹមប៊ី (ខេមបូឌា) បានរៀបចំឥណទានអាជីវកម្មដែលមានរយៈពេលវែង ភាពបត់បែនខ្ពស់ និងអត្រាការប្រាក់សមរម្យ រួមជាមួយនឹងមធ្យោបាយហិរញ្ញប្បទានពាណិជ្ជកម្មដែលស្របទៅតាមតម្រូវការជាក់ស្តែង។ ក្រុមការងារយើងត្រៀមខ្លួនជាស្រេច ដើម្បីក្លាយជាដៃគូរយៈពេលវែងរបស់សហគ្រិនកម្ពុជា ទាំងក្នុងប្រតិបត្តិការអាជីវកម្មក្នុងស្រុក និងអន្តរជាតិ។
សូមបញ្ជាក់ថា សិក្ខាសាលានេះ មិនត្រឹមតែជាវេទិការចែករំលែកចំណេះដឹងវិធីសាស្ត្រ និងអនុសាស្ត្រប៉ុណ្ណោះទេ ថែមទាំងជាឱកាសផ្គូរផ្គងអាជីវកម្ម ជំរុញផលិតផលខ្មែរចូលផ្សារទំនើប និងម៉ាត ដើម្បីលើកកម្ពស់ការប្រកួតប្រជែង ការបង្កើតបរិយាកាសធុរកិច្ចក្នុងស្រុកឱ្យសម្បូរបែប ក្នុងការរួមចំណែកបង្កើតមុខទំនិញ សេវាកម្ម ការងារ និង ផលិតភាព ស្របទៅតាមគោលនយោបាយរបស់រាជរដ្ឋាភិបាលកម្ពុជា ក្នុងការលើកកម្ពស់ផលិតផលក្នុងស្រុកនៅលើទីផ្សារឱ្យកាន់តែទូលំទូលាយ ៕

ជីអេស១កម្ពុជានៃសភាពាណិជ្ជកម្មកម្ពុជា មានកិត្តិយស សូមគោរពអញ្ជើសមាជិកសមាជិការចូលរួមក្នុងកម្មពិធីសិក្ខាសាលាលើប្រធានបទ «ការវ...
06/05/2026

ជីអេស១កម្ពុជានៃសភាពាណិជ្ជកម្មកម្ពុជា មានកិត្តិយស សូមគោរពអញ្ជើសមាជិកសមាជិការចូលរួមក្នុងកម្មពិធីសិក្ខាសាលាលើប្រធានបទ «ការវេចខ្ចប់ និងការកសាងម៉ាកយីហោ » ដែលនឹងប្រព្រឹត្តទៅ៖

🗓នៅថ្ងៃទី១៣ ខែឧសភា ឆ្នាំ២០២៦
🕐 ម៉ោង១:០០ រសៀល ដល់ម៉ោង ៤:៤០ល្ងាច
📍នៅអគារសភាពាណិជ្ជកម្មកម្ពុជា

សិក្ខាសាលានេះអ្នកចូលរួមនឹងទទួលបាន៖
- ការយល់ដឹង និងពង្រឹងសមត្ថភាពសហគ្រាសក្នុងស្រុក អំពីសារៈសំខាន់នៃការវេចខ្ចប់ និងការកសាងម៉ាកយីហោ
- សមត្ថភាពប្រកួតប្រជែងលើទីផ្សារ
- ទទួលបានចំណេះដឹងជាក់ស្តែងអំពីការរចនាវេចខ្ចប់ ឲ្យស្របតាមស្តង់ដារ និងតម្រូវការទីផ្សារ
- ការបង្កើតអត្តសញ្ញាណម៉ាកយីហោឲ្យច្បាស់លាស់ តាមរយៈបទពិសោធន៍ និងទស្សនៈពីអ្នកជំនាញ

សមាជិកសមាជិការអាចចុះឈ្មោះតាមរយៈ៖ https://eventregistration.ccc.org.kh/packaging_and_brand_building/
រឺខាងក្រោម៖
០. លោកស្រី ឆាន ស៊ាងហេន អនុប្រធានប្រតិបត្តិ នៃជីអេស១កម្ពុជា 085416878
១. លោក ស៊ីម សុទូច ប្រធាននាយកដ្ឋានទំនាក់ទំនងសមាជិក នៃសភាពាណិជ្ជកម្ពុជា 061777471

Address

Building No. 7D, Russian Boulevard, Sangkat Tek Laok 1, Khan Toul Kork
Phnom Penh
12156

Telephone

+85512268228

Website

Alerts

Be the first to know and let us send you an email when CCC BIC posts news and promotions. Your email address will not be used for any other purpose, and you can unsubscribe at any time.

Contact The Business

Send a message to CCC BIC:

Shortcuts

Share

Category