I Love Cambodia ខ្ញុំស្រលាញ់កម្ពុជា

I Love Cambodia ខ្ញុំស្រលាញ់កម្ពុជា Contact information, map and directions, contact form, opening hours, services, ratings, photos, videos and announcements from I Love Cambodia ខ្ញុំស្រលាញ់កម្ពុជា, Business service, Phnom Penh, Phum Po Banteay Chey.

01/11/2020

បុណ្យអុំទូក

(វ៉ាស៊ីនតោន)៖ ក្រោយការធ្វើចត្តាឡីស័ក និងធ្វើតេស្តរួចមក នៅទីបំផុតលទ្ធផលចេញមកហើយ នោះគឺលោក ដូណាល់ ត្រាំ និងលោកជំទាវទី១ មេឡា...
02/10/2020

(វ៉ាស៊ីនតោន)៖ ក្រោយការធ្វើចត្តាឡីស័ក និងធ្វើតេស្តរួចមក នៅទីបំផុតលទ្ធផលចេញមកហើយ នោះគឺលោក ដូណាល់ ត្រាំ និងលោកជំទាវទី១ មេឡានៀ បានឆ្លងជំងឺ COVID-19។ នេះបើតាមការចេញផ្សាយនៅមុននេះបន្តិច ដោយសារព័ត៌មាន Sky News នារសៀលថ្ងៃសុក្រ ទី០២ ខែតុលា ឆ្នាំ២០២០។

នៅក្នុងសារបង្ហោះលើ Twitter របស់លោកនៅមុននេះបន្តិច លោក ត្រាំ បានសរសេរយ៉ាងដូច្នេះថា «យប់នេះខ្ញុំ និងភរិយាបានធ្វើតេស្តវិជ្ជមានជំងឺ COVID-19។ ពួកយើងនឹងចាប់ផ្តើមដំណើរការធ្វើចត្តាឡីស័ក និងការព្យាបាលឲ្យជាសះស្បើយឡើងវិញ យ៉ាងឆាប់រហ័ស។ យើងនឹងប្រឈមមុខបញ្ហានេះទាំងអស់គ្នា»។ សាររបស់លោក ដូណាល់ ត្រាំ នេះត្រូវបានបង្ហោះនៅមុនម៉ោង ១៖០០នាទីរំលងអធ្រាត្រឈានចូលថ្ងៃសុក្រ ទី០២ ខែតុលា ឆ្នាំ២០២០។

គួរបញ្ជាក់ថា ទីប្រឹក្សាជាន់ខ្ពស់មួយរូបរបស់លោក ដូណាល់ ត្រាំ គឺលោកស្រី ហូប ហីកស៍ (Hope Hicks) ត្រូវបានធ្វើតេស្ដវិជ្ជមាន COVID-19 បន្ទាប់ពីបានរួមដំណើរជាមួយលោក ត្រាំ នៅលើយន្ដហោះពិសេស Air Force One។ លោកស្រី Hicks បានរួមដំណើរជាច្រើនលើកជាមួយលោក ត្រាំ កាលពីពេលថ្មីៗនេះ ក្នុងនោះរួមមានទាំងវេទិកាតស៊ូមតិក្នុងទីក្រុង ក្លេវលែនដ៍ (Cleveland) កាលពីថ្ងៃអង្គារ និងបានអមដំណើរលោកប្រធានាធិបតីអាមេរិករូបនេះ ទៅចូលរួមក្នុងយុទ្ធនាការឃោសនាបោះឆ្នោត កាលពីថ្ងៃពុធកន្លងទៅនៅឯរដ្ឋ មីននីសូតា (Minnesota) ផងដែរ។
បើតាមសេតវិមានថា លោក ត្រាំ បានថែទាំសុខភាព និងការពារខ្លួនលោកជានិច្ច ហើយក្រុមមន្ត្រីរបស់លោក តែងតែបានអនុវត្តតាមការណែនាំយ៉ាងខ្ជាប់ខ្ជួន ដើម្បីទប់ស្កាត់ការឆ្លងរាតត្បាត COVID-19។ ក៏ប៉ុន្តែជារឿយៗ លោក ត្រាំ និងក្រុមមន្ត្រីរបស់លោកត្រូវបានគេសង្កេតឃើញថា មិនបានពាក់ម៉ាសឡើយ នៅពេលចូលរួមក្នុងយុទ្ធនាការឃោសនាបោះឆ្នោត។

ការឆ្លងជំងឺ COVID-19 របស់ប្រធានាធិបតីអាមេរិកពេលនេះ បានកើតមានឡើងតែពីរថ្ងៃប៉ុណ្ណោះ បន្ទាប់ពីលោកបានបញ្ចប់ការតស៊ូមតិលើកដំបូង ជាមួយគូប្រជែងគឺលោក ចូ បៃដិន ប៉ុន្តែភ្លាមៗបែបនេះ ក្រុមយុទ្ធនាការឃោសនាបោះឆ្នោតលោក ត្រាំ នៅមិនទាន់អាចបញ្ជាក់បានទេថា តើការតស៊ូមតិនៅជុំបន្ទាប់នឹងត្រូវមានការចាត់ចែង ឬកែប្រែបែបណាទៀតនោះឡើយ៕

(ភ្នំពេញ)៖ ក្នុងជំនួបរយៈពេលជាង២ម៉ោង លោក ជុន ច័ន្ទបុត្រ អនុប្រធានវិទ្យុអាស៊ីសេរី បានហែកទម្លាយអាថ៌កំបាំងកិច្ចការផ្ទៃក្នុងម...
24/09/2020

(ភ្នំពេញ)៖ ក្នុងជំនួបរយៈពេលជាង២ម៉ោង លោក ជុន ច័ន្ទបុត្រ អនុប្រធានវិទ្យុអាស៊ីសេរី បានហែកទម្លាយអាថ៌កំបាំងកិច្ចការផ្ទៃក្នុងមេរបស់ខ្លួននោះគឺលោក លោក សម ប៉ូលី ប្រធានវិទ្យុអាស៊ីសេរី ប្រាប់ដល់លោក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ និងជាមេទ័ពជើងគោក ដែលជាកូនប្រុសច្បងរបស់ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា។

នៅក្នុងជំនួបនោះ លោក ជុន ច័ន្ទបុត្រ បានគាស់កកាយផ្ទៃក្នុងរបស់វិទ្យុអាស៊ីសេរី ប្រាប់ដល់លោកបណ្ឌិត ហ៊ុន ម៉ាណែត ដោយបញ្ជាក់ថា លោកត្រូវបានមេធំវិទ្យុអាស៊ីសេរី បិទសិទ្ធិសេរីភាព ក្នុងការឆ្លើយឆ្លងជាសាធារណៈនោះទេ ហើយទទួលរងសម្ពាធជាច្រើនផងដែរ។ បន្ទាប់ពីនេះលោកចាប់ផ្តើមបើកកកាយអាថ៌កំបាំងផ្ទៃក្នុងរបស់លោក សម ប៉ូលី ប្រធានវិទ្យុអាស៊ីសេរី ដែលជាមេកើយរបស់ខ្លួន។

ជំនួបរវាងលោក ជុន ច័ន្ទបុត្រ និងលោក ហ៊ុន ម៉ាណែត ដែលបានធ្វើឡើងយ៉ាងសម្ងាត់ កាលពីថ្ងៃទី១០ ខែមេសា ឆ្នាំ២០១៧ នៅភោជនីដ្ឋានមួយ នារាជធានីភ្នំពេញ អំឡុងពេលលោក ជុន ច័ន្ទបុត្រ មកកាន់កម្ពុជា ដើម្បីបំពេញបេសកកម្មរយៈពេល៣ខែ។

បើតាមលោក ជុន ច័ន្ទបុត្រ, លោក សម ប៉ូលី គឺជាអ្នកកាន់ការងារគ្រប់គ្រងការងាររដ្ឋបាលវិទ្យុអាស៊ីសេរី មិនចេះដឹកនាំអ្នកសារព័ត៌មានវិទ្យុអាស៊ីសេរីទេ។ លោកជាអ្នកចេញគោលការណ៍ និងផ្តល់នូវធាតុចូលសំខាន់ៗមួយចំនួន។

លោក ជុន ច័ន្ទបុត្រ បាននិយាយថា៖ «គាត់ជាប្រធាន ! ជាប្រធានប៉ុន្តែមកកាន់ខាង Admin ជាង ពីព្រោះគាត់អត់សូវយល់ពីកាសែតទេ»។ នៅពេលដែល លោក ហ៊ុន ម៉ាណែត សួរថា តើគាត់មានសិទ្ធិក្នុងការរៀបចំវិទ្យុអាស៊ីសេរីទេ? លោក ជុន ច័ន្ទបុត្រ បាននិយាយថា «Of course ជាមេនៅក្នុង Service ហ្នឹង គឺថា មាន Input ច្រើន High risk ភាគច្រើន, Firing មិនមានទេ Firing គឺទៅតាមគោលការណ៍របស់អាស៊ីសេរី...អញ្ចឹងទៅគេមាន Department ខាង Human resource។ យើងមានសិទ្ធិក្នុងការសម្ភាសន៍បុគ្គលិកចូលរួមសកម្ម»។

ជាមួយគ្នានេះនៅក្នុងជំនួបដ៏សម្ងាត់នេះ លោក ជុន ច័ន្ទបុត្រ ក៏បានប្រាប់លោក ហ៊ុន ម៉ាណែត អំពីកិច្ចការផ្ទៃក្នុងមួយចំនួនរបស់វិទ្យុអាស៊ីសេរី។

លោក ជុន ច័ន្ទបុត្រ បានបន្តថា៖ «ប្រសិនបើក្មួយយល់ពីពូហើយ ថាតើយើងអាចសហការបែបណាបាន? ប្រើសិនបើក្មួយបានលឺ Editorial មេធំ Biting មកពូ នៅពេលហ្នឹងបានក្មួយអាចទទួលយកបាន ពូសឹងតែលួចថតឱ្យក្មួយស្តាប់ថ្ងៃណាក៏ដោយ យើងអាចជជែកគ្នាថាតើ មាន Solution story អីខ្លះដែលក្មួយយល់ថា ជាព័ត៌មានវិជ្ជមានមកខាងរដ្ឋាភិបាលយើងត្រូវការអាហ្នឹង»។

(ភ្នំពេញ)៖ ជាទូទៅមេដឹកនាំប្រទេសនីមួយៗ ក្នុងពិភពលោករាប់ទាំងសម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជាផងតែងតែក្តាប់យ៉ាងណ...
24/09/2020

(ភ្នំពេញ)៖ ជាទូទៅមេដឹកនាំប្រទេសនីមួយៗ ក្នុងពិភពលោករាប់ទាំងសម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជាផងតែងតែក្តាប់យ៉ាងណែនក្នុងដៃការងារព័ត៌មាន និងចារកម្ម និងក៏ជាអ្នកដឹកនាំផ្ទាល់បណ្តាញចារកម្ម នៅក្នុងប្រទេសរបស់ខ្លួនដែរ។

គេមិនអាចដឹងបានទេថា តើនរណាខ្លះជាភ្នាក់ងារព័ត៌មាន និងជាបណ្តាញចារកម្ម ដែលបម្រើឲ្យរដ្ឋាភិបាល ពីព្រោះបណ្តាញចារកម្មមាននៅគ្រប់ទិសទីមិនថា ក្នុងគណបក្សផ្ទាល់ខ្លួន រឺក៏មជ្ឈដ្ឋានក្រុមប្រឆាំង, អង្គការសង្គមស៊ីវិល ឬអង្គការអន្តរជាតិនោះឡើយ រាប់ទាំងបណ្តាញសារព័ត៌មានផងដែរ។ ជាពិសេសមេដឹកនាំប្រទេស ដែលកាន់អំណាចជាង៤០ឆ្នាំ ដូចសម្ដេចតេជោ ហ៊ុន សែន ពិតជាមានបណ្តាញភ្នាក់ងារព័ត៌មាន និងចារកម្មរបស់ខ្លួនគ្រប់ទិសទី ទាំងនៅក្នុង និងក្រៅប្រទេស។ ហេតុដូច្នេះហើយបានជារាល់ផែនការ និងសកម្មភាពដែលជាប់ពាក់ព័ន្ធ ហើយអាចប៉ះពាល់ដល់សន្តិសុខសង្គម និងសន្តិសុខជាតិ ត្រូវបានរដ្ឋាភិបាលក្តាប់បានយ៉ាងណែនក្នុងដៃ និងចាត់វិធានការបានទាន់ពេលវេលា និងមានប្រសិទ្ធភាព។

គេនៅចាំបានថា សម្ដេចតេជោ ហ៊ុន សែន ធ្លាប់បានប្រកាសជាសាធារណៈថា គ្មានអ្វីដែលសម្ដេចមិនដឹងជាមុននោះឡើយ «សូម្បីតែដេកថ្ងូរក្នុងបន្ទប់» ក៏សម្ដេចដឹងបានដែរ។ សម្ដេចតេជោ ហ៊ុន សែន ក៏ធ្លាប់ប្រាប់ឲ្យដឹងដែរថា សូម្បីអត្ថបទសារព័ត៌មានខ្លះ ក៏សម្ដេចបានដឹងតាំងពីមុនពេលចេញផ្សាយទៅទៀត។ ជាងនេះទៅទៀតសម្ដេចតេជោ ហ៊ុន សែន ក៏ធ្លាប់ប្រកាសជាសាធារណៈរំលឹកចំពោះអ្នកដែលមានគំនិត ឬមហិច្ឆតាចង់ផ្តួលសម្ដេច ឬផ្កួលគណបក្សរបស់សម្ដេចថា «សូមប្រយ័ត្នមេមាន់បណ្តើរកូនទា» ហើយសម្ដេច ហ៊ុន សែន ក៏ធ្លាប់ប្រមានដែរថា «មិនឲ្យមានរដ្ឋប្រហារដូច ១៨ មីនា ១៩៧០ឡើយ នៅពេលសម្ដេចនៅកាន់អំណាច»។

ដូច្នេះសំណួរដ៏សំខាន់បំផុតនៅទីនេះគឺ «តើនរណាខ្លះជាភ្នាក់ងារ ឬបណ្តាញចារកម្មរបស់ សម្ដេចតេជោ ហ៊ុន សែន? «តើការទម្លាយសម្លេងសន្ទនា សម្ងាត់រវាងលោក ហ៊ុន ម៉ាណែត និង ជុន ចន្ទ្របុត្រនេះ ជាសំឡេងទាំងស្រុង ឬក៏មាននៅរក្សាទុកសំឡេងផ្សេងទៀត» ដើម្បីទុកបញ្ចេញសម្រាប់យថាហេតុផ្សេងៗ ដូចជាក្នុងករណីដែលមានការក្បត់ ឬចារកម្មឡង (Double Agent)។ល។

ខ្ញុំជឿជាក់ថា គ្មាននរណាអាចឆ្លើយបានទេ ប៉ុន្តែអ្វីដែលគេអាចដឹងបាន គឺភ្នាក់ងារនិងបណ្តាញចារកម្មរបស់សម្ដេចតេជោ ហ៊ុន សែន មានច្រើន និងមាននៅគ្រប់ទិសទី គ្រប់ច្រល្ហក សូម្បីតែក្បែរខ្លួនមេបក្សប្រឆាំង ហើយជួនកាលទៀតសូម្បីតែអ្នកនិយាយប្រឆាំងកប់ៗមាត់ ឬប្រមាថ មាក់ងាយសម្ដេច ហ៊ុន សែន ក៏នៅតែអាចជាបណ្តាញចារកម្មរបស់គាត់ដែរ។

នៅក្នុងវិស័យសារព័ត៌មាន ជុន ច័ន្ទបុត្រ ដែលខំនិយាយរិះគន់ វាយប្រហារសម្ដេចតេជោ ហ៊ុន សែន ខ្លាំងៗដែលមើលទៅហាក់ដូចជាអ្នកសារព័ត៌មានប្រឆាំងដ៏ខ្លាំងក្លាម្នាក់នោះ ក៏ជួនកាលអាចគ្រាន់តែជាល្បែងឆ្ពិនភ្នែកដើម្បីធ្វើឲ្យក្រុមប្រឆាំងទុកចិត្តប៉ុណ្ណោះ។

អ្វីដែលជាចំណុចគួរឲ្យចាប់អារម្មណ៍បំផុត សម្រាប់ករណីជុន ច័ន្ទបុត្រនេះ គឺហេតុអ្វីសុខៗបានជាបុគ្គលដែលមើលទៅដូចជាស្អប់សម្ដេចតេជោ ហ៊ុន សែន ណាស់, ស្អប់គ្រួសារត្រកូលហ៊ុនណាស់ តែបែរជាស្វះស្វែងរកជួបលោក ហ៊ុន ម៉ាណែត និងសម្ដេច ហ៊ុន សែន ជាសម្ងាត់ទៅវិញ? តើមាននរណាខ្លះបានដឹងព័ត៌មាននេះ នៅមុនពេលដែលគេទម្លាយឲ្យដឹង?

ក្រៅពីការផ្តល់ព័ត៌មានសម្ងាត់ឲ្យសម្ដេចតេជោ ហ៊ុន សែន ហើយ ជុន ច័ន្ទបុត្រ ក៏នៅប្រើប្រាស់វិទ្យុអាស៊ីសេរី ដើម្បីវែកមុខបុគ្គលក្នុងក្រុម ឬបក្សប្រឆាំងជ្រុលនិយម ជាបន្តបន្ទាប់ដើម្បីឲ្យអាជ្ញាធរអាចកំណត់អត្តសញ្ញាណបានផងដែរ។

អ្វីដែលជាក់ស្តែងនៃការសហការជាសម្ងាត់ដើម្បីជួយរដ្ឋាភិបាល (Theory or Conspiracy) យើងអាចធ្វើការសំគាល់បាន គឺនៅពេលសម្ភាសន៍វាគ្មិនម្តងៗ ជុន ច័ន្ទបុត្រ តែងតែដេញដោលឈ្លេចសួរផង និងបញ្ជោរផង និងជាពិសេសតាំងសំនួរដើម្បីអូសក្រឡាទាញឲ្យវាគ្មិនសំខាន់ៗ ដែលជាមេចលនា ឬមេក្លោងនៅក្នុងបក្សនយោបាយក្តី និងក្នុងអង្គការសង្គមស៊ីវិល ដែលមានទស្សនៈ និងជំហរប្រឆាំងផ្កាប់មុខរដ្ឋាភិបាលឲ្យជ្រុលមាត់និយាយចេញមកនូវផែនការ និងសកម្មភាពខុសច្បាប់ និងបំពានច្បាប់របស់ពួកខ្លួន។

តាមរយៈកិច្ចសម្ភាសន៍ទាំងនោះ ហើយសមត្ថកិច្ចក៏បានដឹងហើយ ក៏បានវែកមុខក្រុមចលនាឧទ្ទាមបានយ៉ាងច្រើនមុខសញ្ញាផងដែរ។ នេះគេហៅថា
«ការងារចារកម្មដោយបើកចំហរ ដែល ជុន ច័ន្ទបុត្រ បានធ្វើ»។ ប៉ុន្តែមានពេលខ្លះមេដឹកនាំតែងសម្រេចចិត្តបំបែកមុខចារកម្មរបស់ខ្លួន នៅក្នុងករណីដែលអ្នកនោះក្បត់ ឬក៏ការប្រើប្រាស់អត់ប្រសិទ្ធភាព។

ករណី ជុន ច័ន្ទបុត្រ ដែលត្រូវបានសម្ដេចតេជោនាយករដ្ឋមន្ត្រី សម្រេចបើកមុខនៅពេលនេះ គឺជាឧទាហរណ៍ជាក់ស្តែង។ នៅក្នុងឃ្លឹបសំឡេង ដែលបានទម្លាយពី២ថ្ងៃមុននេះ បានបង្ហាញយ៉ាងច្បាស់ថា ជុន ច័ន្ទបុត្រ ពិតជាធ្លាប់ធ្វើជាបណ្តាញចារកម្មឲ្យសម្ដេច ហ៊ុន សែន អស់ជាច្រើនឆ្នាំ ដោយធ្លាប់បានផ្តល់ព័ត៌មានសម្ងាត់ជាច្រើនដល់រដ្ឋាភិបាល។ ប៉ុន្តែនៅទីបំផុតនៅពេលដឹងខ្លួនថា វិទ្យាសាស្ត្រ សុខាភិបាល បច្ចុប្បន្នមិនទាន់អាចមានលទ្ធភាពព្យាបាលជំងឺមហារីកធ្ងន់ធ្ងរឲ្យជាបាន ទើបបុគ្គលនេះបែរជាចេញក្រឡាក្បត់ ដោយតាំងខ្លួនជាអ្នកបកអាក្រាតមន្ត្រីគណបក្សប្រជាជនកម្ពុជាវិញ ដើម្បីទាក់ទាញការអាណិតអាសូរពីអ្នកគាំទ្រ ក្នុងក្រុមប្រឆាំងក្នុងគោលបំណងឲ្យពួកគេ ជួយផ្តល់លុយកាក់ដើម្បីព្យាបាលជំងឺផង និងក៏ដើម្បីឲ្យពួកគេមានសមានចិត្តស្តាយស្រណោះអាលោះអាល័យផងក៏ថាបាន។

ប៉ុន្តែលទ្ធផលនៃអំពើក្បត់នេះបែរជាតាមលង ជុន ច័ន្ទបុត្រ ខ្លួនឯងនៅនាទីចុងក្រោយទៅវិញ។ នៅពេលដែលសម្ដេចតេជោ ហ៊ុន សែន សម្រេចបំបែកមុខ ជុន ច័ន្ទបុត្រ ជាសាធារណៈតាមរយៈការបញ្ចេញសំឡេងសន្ទនារវាង លោក ហ៊ុន ម៉ាណែត និង ជុន ច័ន្ទបុត្រ បែបនេះ ខ្ញុំយល់ថា ប្រហែលជា សម្ដេច ហ៊ុន សែន យ៉ាងហោចណាស់ក៏មានគោលបំណង២ ដែរ៖

*ទី១៖ បំបែកមុខបុគ្គលចារកម្ម ជុន ច័ន្ទបុត្រ ដោយសារតែការងារគ្មានប្រសិទ្ធភាព ឬក៏ក្បត់។

*ទី២៖ គឺដើម្បីបន្លាយខ្សែឲ្យវែង ហើយរុញចារកម្មនេះឲ្យចូលកាន់តែជ្រៅ និងដើម្បីឲ្យគេបន្តកាន់តែជឿជាក់ និងទុកចិត្តថា ជុន ច័ន្ទបុត្រ នេះមិនមែនជាចារកម្មរបស់សម្ដេច ហ៊ុន សែន ទេ តាមរយៈនៃការប្រើ «ល្បិចសាច់កម្ម»។

ខ្ញុំយល់ថា ក្បាច់ទម្លាយសំឡេងសម្ងាត់នេះពិតជាបានរុញឲ្យ ជុន ច័ន្ទបុត្រ ស្ថិតក្នុងស្ថានភាពរើខ្លួនមិនរួចព្រោះប្រសិនបើ ជុន ច័ន្ទបុត្រ ចេញមុខបដិសេធថា ខ្លួនមិនមែនជា ចារកម្មរបស់សម្ដេច ហ៊ុន សែន មានន័យថា ជុន ច័ន្ទបុត្រ កំពុងលេងល្បែងសាច់កម្មនេះហើយពោលគឺបុគ្គលនេះគឺពិតជាចារកម្មពិតប្រាកដ។

ប៉ុន្តែក្នុងករណីដែល ជុន ច័ន្ទបុត្រ នៅស្ងៀមមិនឆ្លើយតបមហាជននឹងយល់ថា ជុន ច័ន្ទបុត្រ ពិតជាបណ្តាញចារកម្មឲ្យសម្ដេចតេជោ ហ៊ុន សែន ប្រាកដមែនហើយ។

ដូច្នេះមួយក្បាច់របស់សម្ដេច ហ៊ុន សែន នេះពិតជាមិនត្រឹមតែបានរុញ ជុន ច័ន្ទបុត្រ ឲ្យចូលក្នុងស្ថានភាពមួយ «បើនៅក្នុងល្បែងលេងរែក» វិញគឺ «ជុន ច័ន្ទបុត្រ រែកក៏ចាញ់ មិនរែកក៏ចាញ់»។ ម៉្យាងវិញទៀតមួយក្បាច់របស់សម្ដេចតេជោ ហ៊ុន សែន នេះក៏អាចជាសារដាស់តឿនដល់ក្រុមជ្រុលនិយមឲ្យប្រយ័ត្នប្រយែង ក្នុងការផ្តល់បទសំភាសន៍ ជាមួយវិទ្យុអាស៊ីសេរី ឬ VOA ។ល។ ព្រោះគ្មាននរណាដឹងទេថា អ្នកណាខ្លះជាភ្នាក់ងារព័ត៌មាន និងជាចារកម្មបម្រើឲ្យនយោបាយរបស់សម្ដេចតេជោ ហ៊ុន សែន ដូចមាករណីលោក ជុន ច័ន្ទបុត្រ ដែលជាចារកម្មបង្កប់នេះជាភស្តុតាងជាក់ស្តែងស្រាប់៕
I love Cambodia ខ្ញុំស្រលាញ់កម្ពុជា

រាជរដ្ឋាភិបាល អនុញ្ញាតឲ្យទស្សនិកជន ចូលទស្សនាការប្រកួតកីឡាបាល់ទាត់ពានរង្វាន់សម្ដេចតេជោ ហ៊ុន សែន និងពានរង្វាន់មិត្តហ្វូនខេ...
24/09/2020

រាជរដ្ឋាភិបាល អនុញ្ញាតឲ្យទស្សនិកជន ចូលទស្សនាការប្រកួតកីឡាបាល់ទាត់ពានរង្វាន់សម្ដេចតេជោ ហ៊ុន សែន និងពានរង្វាន់មិត្តហ្វូនខេមបូឌានលីគឡើងវិញ តែកំណត់ត្រឹម១០% នៃចំនួនកៅអីសរុប !
(ភ្នំពេញ)៖ ក្រសួងសុខាភិបាល នៅថ្ងៃទី២៣ ខែកញ្ញា ឆ្នាំ២០២០នេះ បានចេញសេចក្ដីប្រកាសព័ត៌មាន ស្ដីពី ការអនុញ្ញាតឲ្យទស្សនិកជន ចូលទស្សនាការប្រកួតកីឡាបាល់ទាត់ពានរង្វាន់ សម្ដេចតេជោ ហ៊ុន សែន និងពានរង្វាន់ មិត្តហ្វូនខេមបូឌានលីគ ឆ្នាំ២០២០ ប៉ុន្តែកំណត់ចំនួនមនុស្សត្រឹម១០%នៃចំនួនកៅអីសរុបប៉ុណ្ណោះ ។

ក្នុងសេចក្ដីប្រកាសព័ត៌មាន បានឲ្យដឹងថា យោងតាមចំណារឯកភាព របស់សម្ដេចតេជោនាយករដ្ឋមន្ត្រី ចុះថ្ងៃទី២៣ ខែកញ្ញា ឆ្នាំ២០២០ លើលិខិតលេខ ២០២ សខល ចុះថ្ងៃទី២២ ខែកញ្ញា ឆ្នាំ២០២០ របស់ក្រសួងសុខាភិបាល ក្នុងការអនុញ្ញាតឲ្យ ទស្សនិកជនចូលទស្សនាការប្រកួតកីឡាបាល់ទាត់ពានរង្វាន់ សម្ដេចតេជោ ហ៊ុន សែន និងពានរង្វាន់មិត្តហ្វូន ខេមបូឌានលីគ ឆ្នាំ២០២០ ដោយអនុញ្ញាតឲ្យមានអ្នកចូលទស្សនាចំនួន១០% នៃចំនួនកៅអីសរុប ក្នុងពហុកីឡដ្ឋាននីមួយៗ តែត្រូវគោរពនូវវិធានការ ដូចខាងក្រោម៖

* បន្តការផ្សាយបន្តផ្ទាល់ ការប្រកួតកីឡាតាមទូរទស្សន៍ហ្វេសប៊ុក។
* បង្កើតគណៈកម្មការត្រួតពិនិត្យ ការប្រកួតកីឡាតាមក្លិប ក្នុងបរិបទនៃជំងឺកូវី-១៩ ដោយសមាសភាព គណៈកម្មការត្រូវមាន (១) អ្នកទទួលខុសត្រូវក្លិបកីឡា និង (២) គ្រូពេទ្យប្រចាំក្លឹបកីឡា។
* អ្នកចូលទស្សនាត្រូវ ចុះឈ្មោះជាមុនតាមប្រព័ន្ធអនឡាញ ដោយកំណត់នូវទីតាំងកៅអី និងអស័យដ្ឋាន ច្បាស់លាស់ រួមទាំងលេខទូរសព្ទ។
* ក្លឹបនីមួយៗត្រូវប្រកាន់ខ្ជាប់នូវវិធានសុខាភិបាល ដែលបាននឹងកំពុងអនុវត្ត ដូចជា៖

១៖ ត្រូវមានម៉ាស៊ីនវាស់កំដៅស្វ័យប្រវត្តិ ដែលមានបំពាក់កាមេរ៉ា និងបាញ់អាល់កុលសម្លាប់ មេរោគ នៅច្រកចូលនៃពហុកីឡដ្ឋាន
២៖ អ្នកទស្សនាទាំងអស់ត្រូវពាក់ម៉ាស់រហូត ក្នុងអំឡុងពេលប្រកួត
៣៖ ក្លឹបនីមួយៗត្រូវមានអាល់កុល ឬដែលលាងដៃគ្រប់គ្រាន់សម្រាប់អ្នកចូលទស្សនា
៤៖ ត្រូវរក្សាគម្លាតសុវត្ថិភាពបុគ្គល
៥៖ កីឡដ្ឋាននីមួយៗត្រូវមានបង្គន់អនាម័យគ្រប់គ្រាន់ (បង្គន់មួយសម្រាប់មនុស្សពី២៥ ទៅ៥០នាក់ បើអាច)។

៦៖ មិនអនុញ្ញាតឲ្យទស្សនិកជន ដែលមានជំងឺផ្តាសាយចូលទស្សនាការប្រកួតឡើយ។

៧៖ ក្លឹបកីឡាណាដែលមិនបានអនុវត្តតាមវិធានរបស់ក្រសួងសុខាភិបាល មិនអនុញ្ញាតឲ្យមានទស្សនិកជនចូលទស្សនាឡើយ។

៨៖ បើរកឃើញទស្សនិកជនណា ដែលមានជំងឺកូវីដ-១៩ ជាយថាហេតុ គណៈកម្មការអន្តរក្រសួង ដើម្បីប្រយុទ្ធនឹងជំងឺកូវីដ-១៩ នឹងផ្អាកមិនឲ្យមានទស្សនិកជន ចូលទស្សនាជាបណ្ដោះអាសន្ន រហូតដល់មានការសម្រេចជាថ្មីរបស់ សម្ដេចតេជោនាយករដ្ឋមន្ត្រី។

ហេតុដូច្នេះ ដើម្បីសុវត្ថិភាព និងសុខុមាលភាពរបស់បងប្អូនប្រជាជនកម្ពុជា ក៏ដូចជាប្រទេសកម្ពុជាទាំងមូល គណៈកម្មការអន្តរក្រសួងដើម្បីប្រយុទ្ធនឹងជំងឺកូវីដ-១៩ សូមអំពាវនាវដល់បងប្អូនប្រជាពលរដ្ឋទាំងអស់ ត្រូវបន្ត អនុវត្តវិធានការការពារខ្លួនជាចាំបាច់ ដើម្បីការពារការចម្លងវីរុសកូវដ-១៩ ពីបុគ្គលម្នាក់ទៅបុគ្គលម្នាក់ និងកុំឲ្យមានការចម្លងចូលសហគមន៍របស់យើង៕

ទេសភាពស្រុកខ្មែរ ល្អស្អាតគ្មាពីរ
23/09/2020

ទេសភាពស្រុកខ្មែរ ល្អស្អាតគ្មាពីរ

Address

Phnom Penh
Phum Po Banteay Chey
01407

Website

Alerts

Be the first to know and let us send you an email when I Love Cambodia ខ្ញុំស្រលាញ់កម្ពុជា posts news and promotions. Your email address will not be used for any other purpose, and you can unsubscribe at any time.

Shortcuts

Share

Category