PDM News

07/10/2026

ស្តែងៗ រថយន្តមួយគ្រឿងឡើងវ៉ាជែងនៅលើផ្លូវល្បឿនលឿន ក្នុងស្ថានភាពផ្លូវរអិល មេឃកំពុងធ្លាក់ភ្លៀង ក៏រេចង្កូតរថយន្តធ្លាក់ចូលទៅក្នុងព្រៃ ទិសដៅពីភ្នំពេញ ឆ្ពោះទៅព្រះសីហនុ ចន្លោះគីឡូម៉ែត្រលេខ១៤០-១៤១ នៅវេលាម៉ោង១០និង ១៨នាទីយប់ថ្ងៃទី៦ ខែតុលា ឆ្នាំ២០២៦នេះ ៕

វីដេអូ: ប្រជាពលរដ្ឋ

03/10/2026

នៅព្រឹកថ្ងៃសៅរ៍ ទី០៣ ខែតុលា ឆ្នាំ២០២៦ លោក ប៊ុន ណារុំ អភិបាលរងខណ្ឌដង្កោ បន្តដឹកនាំក្រុម ការងារសណ្តាប់ធ្នាប់ខណ្ឌ ចរៀបចំឈូសឆាយថ្ម ដែលបងប្អូនពលរដ្ឋសាងសង់រំលោភចូលចំណីផ្លូវ ត្រង់ចំណុចមុខកសិកម្មចំការដូង។ ការឈូសឆាយនេះ ក៏មានការឯកភាពផងដែរពីម្ចាស់ហាង ម្ចាស់ផ្ទះ ម្ចាស់់តូបលក់ដូរផងដែរ។

ប្រជាពលរដ្ឋម្ចាស់់តូបជួលជាច្រើនតូប ក៏បានឯកភាពចូលរួមដល់អាជ្ញាធរដែលរៀបចំសណ្តាប់ធ្នាប់ពង្រីកផ្លូវបានល្អប្រសើរ ធ្វើឲ្យផ្លូវធំស្រួលធ្វើ ដំណើរ ដែលកន្លងទៅឃើញថាមានពលរដ្ឋលក់ លើផ្លូវធ្វើឲ្យស្ទះចរាចរណ៍ម្តងម្កាល សាងសង់រំលោភបំពានចំណីផ្លូវជាដើម៕

01/10/2026

សម្តេចមហាបវរធិបតី ហ៊ុន ម៉ាណែត​​ នាយករដ្ឋ មន្ត្រី នៃព្រះរាជាណាចក្រកម្ពុជា​​ អញ្ជើញជាអធិប តី “សម្ពោធបើកឱ្យប្រើប្រាស់ជាផ្លូវការផ្លូវជាតិលេខ១០ ប្រវែងសរុប ១៩៨,៥១៨គីឡូម៉ែត្រ” !!!

ខេត្តពោធិ៍សាត់ ព្រឹកថ្ងៃព្រហស្បតិ៍ ទី១ ខែតុលា ឆ្នាំ២០២៦!

29/09/2026

លោកវរសេនីយ៍ឯក ជឹម ស៊ីថា អធិការនគរបាលខណ្ឌដង្កោ ដឹកនាំគោរពទង់ជាតិ និងដាក់ផែនការការពារបុណ្យដាក់បិណ្ឌជូនពលរដ្ឋ!

25/09/2026

ចោរលួចទូរស័ព្ទនៅហាងសាឡន!

25/09/2026

អភិបាលខេត្តប៉ៃលិន ប្រកាសឲ្យពលរដ្ឋរកទីទួលសុវត្ថិភាពបណ្ដោះអាសន្ន ខណៈអាកាសធាតុនៅតែមិនអំណោយផល

ខេត្តប៉ៃលិន៖ លោកស្រី បាន ស្រីមុំ អភិបាល នៃគណៈអភិបាល ខេត្តប៉ៃលិន នៅព្រឹកថ្ងៃទី២៥ ខែ កញ្ញា ឆ្នាំ២០២៦នេះ បានប្រកាស និងអំពាវ នាវឲ្យប្រជាពលរដ្ឋទាំងអស់ ជាពិសេសអ្នករស់នៅឃុំស្ទឹងត្រង់សាលា ក្រៅ ភូមិស្រែអន្ទាក់ កោះកែវ និងអ្នកមានលំនៅដ្ឋានជាប់អូរ ស្ទឹងត្រូវចាកចេញរកទីទួលសុវត្តិភាពជាបណ្តោះអាសន្ន។

បើតាមលោកស្រីអភិបាលខេត្ត គិតមកដល់ព្រឹកថ្ងៃទី២៥កញ្ញានេះ អាកាសធាតុនៅតែបន្តមិនអំណោយផល ផ្ទៃមេឃនៅតែមានសភាពអួលអាប់ ភ្លៀងនៅតែបន្តធ្លាក់កំរិតមធ្យម ខណៈកាល ពីយប់ក្រុមការងារបានសហការបើកទ្វាររំដោះទឹកចេញពីភូមិសាស្រ្តមួយចំនួនតែស្ថានការនៅតែជួបហនិភ័យ៕

24/09/2026

ឥទ្ធិពលថ្នាំញៀន ខឹងម្តាយហាមមិនអោយប្រើគ្រឿងញៀនយកដែកបួនជ្រុងវាយបណ្តាលឱ្យម្តាយរងរបួស នៅស្រុកឆ្លូង

ខេត្តក្រចេះ៖ បុរសម្នាក់ត្រូវបានកម្លាំងកងរាជ អាវុធហត្ថស្រុកឆ្លូង ឃាត់ខ្លួន ពាក់ព័ន្ធករណីហិង្សាដោយចេតនា មានស្ថានទម្ងន់ទោស ក្រោយខឹងម្តាយស្តីបន្ទោស និងហាមមិនឱ្យប្រើប្រាស់គ្រឿងញៀន រហូតយកកំណាត់ដែកបួនជ្រុងវាយម្តាយរបស់ខ្លួន បណ្តាលឱ្យរងរបួស ។

ការឃាត់ខ្លួននេះធ្វើឡើងនៅថ្ងៃទី២៣ ខែកញ្ញា ឆ្នាំ២០២៦ នៅចំណុចផ្ទះជនសង្ស័យ ស្ថិតក្នុងភូមិឈើទាលភ្លោះ ឃុំព្រែកសាម៉ាន ស្រុកឆ្លូង ខេត្តក្រចេះ ដោយអនុវត្តតាមការចង្អុលបង្ហាញរបស់លោកឧត្តមសេនីយ៍ត្រី សាក់ សារ៉ាង មេបញ្ជាការកងរាជអាវុធហត្ថខេត្តក្រចេះ ។

តាមការបញ្ជាក់របស់សមត្ថកិច្ច មុនឈានដល់ការឃាត់ខ្លួន ជនសង្ស័យបានកំពុងប្រើប្រាស់គ្រឿងញៀននៅលើផ្ទះតែម្នាក់ឯង ពេលនោះ ម្តាយបានឡើងទៅលើផ្ទះ និងឃើញកូនកំពុងប្រើប្រាស់គ្រឿងញៀន ក៏បានស្តីបន្ទោស និងហាមមិនឱ្យបន្តប្រើប្រាស់ទៀត ។

បន្ទាប់មក ម្តាយបានយកសម្ភារៈមួយចំនួនដែលប្រើប្រាស់ពាក់ព័ន្ធនឹងគ្រឿងញៀនទៅបោះចោល ដោយខឹងនឹងទង្វើរបស់ម្តាយ ជនសង្ស័យបានស្ទុះទៅយកកំណាត់ដែកបួនជ្រុង រួចវាយម្តាយរបស់ខ្លួនចំក្បាល និងទ្រូងជាច្រើនកន្លែង បណ្តាលឱ្យរងរបួសហូរឈាម និងមានអាការៈវិលមុខដួល ។

ក្រោយទទួលបានពាក្យបណ្ដឹង កម្លាំងមូលដ្ឋានកងរាជអាវុធហត្ថស្រុកឆ្លូង ដឹកនាំដោយលោក កង ស៊ុម មេបញ្ជាការមូលដ្ឋានកងរាជអាវុធហត្ថស្រុក បានចុះប្រតិបត្តិការ និងឃាត់ខ្លួនជន សង្ស័យបានម្នាក់ឈ្មោះ សុះ រុំម៉ានី ភេទប្រុស អាយុ៣៣ឆ្នាំ នៅចំណុចផ្ទះរបស់ជនសង្ស័យ ។

បច្ចុប្បន្ន ជនសង្ស័យត្រូវបានឃាត់ខ្លួន និងកំពុងត្រូវបានសមត្ថកិច្ចជំនាញអនុវត្តនីតិវិធីបន្តតាម ច្បាប់ ៕

22/09/2026

ក្មួយប្រុសអ្នកកាសែតម្នាក់ត្រូវរថយន្តសាំងយ៉ុងដឹកសិស្សសាលា ប៊ែលធី អន្តរជាតិ ដែលមានពាក់ស្លាកលេខភ្នំពេញ2S-0254 បុកស្លាប់នៅព្រឹកថ្ងៃ ទី២២ ខែកញ្ញា ឆ្នាំ២០២៦ស្ថិតតាមបណ្តោយជាតិលេខ១ ភូមិជ្រោយអំពិល២ សង្កាត់ក្បាល់កោះ ខណ្ឌច្បារអំពៅ រាជធានីភ្នំពេញ។

20/09/2026

ដោយមានការអនុញ្ញាតពីឯកឧត្តម ឧត្តមសេនីយ៍ ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ នៅព្រឹកថ្ងៃទី១៩ ខែ កញ្ញា ឆ្នាំ២០២៦ លោកវរសេនីយ៍ឯក ជឹម ស៉ីថា អធិការនគរបាលខណ្ឌដង្កោ បានអញ្ជើញដឹកនាំកិច្ចប្រជុំបូកសរុបសភាពការណ៍ និងលទ្ធផលកិច្ចប្រតិបត្តិការ ប្រចាំខែកញ្ញា និងលើកទិសដៅការងារ ខែតុលា និង នព្វមាស (៩ខែ) ឆ្នាំ២០២៦ និងលើកទិសដៅការងារអនុវត្តបន្ត ព្រមទាំងផ្សព្វ ផ្សាយខ្លឹមសារនៃកិច្ចប្រជុំរបស់ឯកឧត្តម អគ្គស្នង ការរង និងជាស្នងការនគរបាលរាជធានីភ្នំពេញ ដើម្បីយកទៅអនុវត្តឲ្យទទួលបានជោគជ័យ ដោយចូលរួមពីលោក-លោកស្រីអធិការរង លោកនាយផ្នែក លោកនាយប៉ុស្តិ៍ នាយរងផ្នែក នាយរងប៉ុស្ដិ៍ និងមន្ត្រីពាក់ព័ន្ធមួយចំនួន។

លើសពីនេះ លោកអធិការ បានលើកឡើងណែនាំ ផែនការងារសន្តិសុខ ត្រូវពង្រឹងលើការងារជំនាញដើម្បីធានាថែរក្សាសន្តិសុខ សណ្តាប់ធ្នាប់សុវត្ថិ ភាពសង្គមកាន់តែល្អប្រសើរ។ បន្តសហការស្រាវ ជ្រាវបង្រ្កាបបទល្មើសឆបោកតាមប្រព័ន្ធបច្ចេក វិទ្យា ( Online Scams) ឲ្យបានជាប្រចាំ និងមិនដកថយឡើយ។

លោកអធិការបានណែនាំដល់ផែនការងារយុត្ដិធម៌ ត្រូវបន្តពង្រឹងការងារជំនាញ បង្ការទប់ស្កាត់បទល្មើស អំពើលួច ឆក់ និងជាពិសេសបង្រ្កាបបទល្មើស ក្មេងទំនើងឲ្យមានប្រសិទ្ធភាព និងមិនលើកលែងឡើយចំពោះក្មេងទំនើងនេះ ត្រូវបន្តគ្រប់គ្រង និងធ្វើបច្ចុប្បន្នភាពមុខសញ្ញាក្មេងទំនើង បន្តដឹកនាំវាយតម្លៃសភាពការណ៍ និងដាក់ចេញនូវចំណាត់ការស្រាវជ្រាវបង្រ្កាបបទល្មើសក្មេងទំនើង និងបទល្មើសនានា។

ផែនការងារប្រឆាំងគ្រឿងញៀន ត្រូវបន្តពង្រឹងស្រាវជ្រាវបង្រ្កាបបទល្មើសគ្រឿងញៀនឲ្យកាន់តែមានប្រសិទ្ធភាពបន្ថែមទៀត។

ផែនចរាចរណ៍ត្រូវបន្ដពង្រឹងលើការងារចុះជួយសម្រួលចរាចរណ៍កុំឲ្យមានការកក់ស្ទះនៅក្នុងមូលដ្ឋាន៕

18/09/2026