https://www.facebook.com/995902633828333/

EPS Khabar Nepal, Incheon (2026)

29/05/2026

कोरियाको भिजा पनि आयो यता स्थायी शिक्षकमा नाम पनि निस्कियो, अन्तत कोरिया त्यागेर गाउँकै विद्यालय रोजे कमल बुढाथोकीले 🙏😍

विदेश जाने सपना धेरै नेपाली युवाको साझा चाहना बन्ने गरेको छ। विशेषगरी दक्षिण कोरिया रोजगारीका लागि आकर्षक गन्तव्य मानिन्छ। तर बागलुङका कमल बुढाथोकीले भने दक्षिण कोरियाको रोजगारी अवसर छाडेर नेपालमै स्थायी शिक्षक भएर देश सेवा गर्ने निर्णय गरेका छन्।

कमलले २०७४/७५ सालदेखि कोरियन भाषा अध्ययन सुरु गरेका थिए। जीवनका विभिन्न उतारचढावका बीच उनले अपेक्षाअनुसार छिट्टै सफलता भने पाउन सकेनन्। अन्ततः २०७९ चैत २२ गते उनले ईपीएस कोरियन भाषा परीक्षा दिए र केही दिनपछि प्रकाशित नतिजामा उत्तीर्ण भए।

तर ईपीएस परीक्षामा पास हुनु मात्रै कोरिया जाने निश्चितता नभएको कुरा उनलाई थाहा थियो। त्यसैले वैकल्पिक बाटोका रूपमा उनले शिक्षक सेवा आयोगको तयारी सुरु गरे। पहिलो प्रयासमै सबै चरण पार गर्दै २०८० चैत २६ गते प्राथमिक तह तृतीय श्रेणीको स्थायी शिक्षक पदमा नियुक्ति पाए।

यता, कोरियन भाषा परीक्षा पास गरेको करिब तीन वर्षपछि मात्रै उनी कोरियन रोजगारदाताको रोजाइमा परे। दक्षिण कोरिया जानका लागि छनोट भएपछि भने उनको जीवनमा कठिन निर्णयको क्षण आयो, आकर्षक कमाइको विदेश रोज्ने कि नेपालमै स्थायी सरकारी जागिर गर्ने?

कमलले आफूलाई विश्वास गरेर छनोट गर्ने कोरियन रोजगारदाताप्रति आभार व्यक्त गर्दै अन्ततः नेपालमै बस्ने निर्णय गरेका छन्। विभिन्न व्यक्तिसँगको सरसल्लाहपछि उनले गाउँकै विद्यालयमा शिक्षक बनेर देश सेवा गर्ने बाटो रोजेका हुन्।

उनले भनेका छन्, “निर्णय सही भयो कि गलत, त्यो भविष्यले बताउला। तर मैले नेपालकै माटोमा बसेर सेवा गर्ने निर्णय गरेको छु।”

विदेश पलायन बढिरहेका बेला कमल बुढाथोकीको निर्णय अहिले सामाजिक सञ्जालमा धेरैले प्रेरणादायी भन्दै प्रशंसा गरिरहेका छन्।

27/05/2026

[E-7 भिसा] २०२६ जुलाई १ देखि श्रीमान्/श्रीमती तथा बच्चा बोलाउने आम्दानी नियम परिवर्तन 🇰🇷

E-7 भिसा भएका विदेशी कामदारले आफ्नो श्रीमान्/श्रीमती वा नाबालक बच्चालाई F-3 भिसामा कोरिया बोलाउँदा लागू हुने नयाँ आम्दानी मापदण्ड सार्वजनिक गरिएको छ। परिवार संख्या भने “आफू + बोलाइने परिवार सदस्य” अनुसार गणना हुन्छ।

🗓️ २०२६ जुन ३० सम्मको वार्षिक आम्दानी मापदण्ड
▪️ २ जनाको परिवार – 23,595,948 वोन
▪️ ३ जनाको परिवार – 30,152,118 वोन
▪️ ४ जनाको परिवार – 36,586,638 वोन
▪️ ५ जनाको परिवार – 42,649,152 वोन

⭐ २०२६ जुलाई १ पछि लागू हुने नयाँ मापदण्ड
▪️ २ जनाको परिवार – 25,195,752 वोन
▪️ ३ जनाको family – 32,154,216 वोन
▪️ ४ जनाको family – 38,968,428 वोन
▪️ ५ जनाको family – 45,340,314 वोन

💡 आम्दानी अलि कम भए पनि बैंकमा बचत भएको रकम देखाएर पनि योग्य हुन सकिन्छ।

✔️ कमी भएको रकम कुल आवश्यक आम्दानीको १०% भन्दा कम हुनुपर्छ।
✔️ कमी भएको रकमको कम्तीमा ५ गुणा बराबर बैंक बचत देखाउनुपर्छ।
✔️ त्यो रकम आफ्नै नामको कोरियन बैंक खातामा कम्तीमा ६ महिनादेखि राखिएको हुन अनिवार्य छ।

🔍 उदाहरण:
यदि २०२६ अगस्टमा श्रीमती बोलाउन चाहनुहुन्छ र तपाईंको वार्षिक आम्दानी 2,40,00,000 वोन छ भने, नयाँ नियम अनुसार करिब 11,95,752 वोन कम हुन्छ।

तर यो कमी १०% भित्र पर्ने भएकाले बैंकमा कम्तीमा 60 लाख वोन ६ महिनादेखि राखिएको प्रमाण देखाएमा आवेदन सम्भव हुन्छ।
source: visa in korea page

25/05/2026

रोजगारीका लागि दक्षिण कोरिया जान रोजगार अनुमति प्रणाली (ईपीएस) अन्तर्गतको भाषा परीक्षा दिएर उत्तीर्ण भएकाहरूले भाषा पास गरेको लामो समयसम्म पनि जान नपाएको भन्दै प्रदर्शन गरेका छन् । सोमबार उनीहरूले काठमाडौंको माइतीघर मण्डलमा प्रदर्शन गर्दै ईपीएस प्रणालीमा सुधार गर्नुपर्ने र आफूहरूको मेहनतले न्याय पाउनुपर्ने लगायतका नारा लगाएका थिए ।
#

24/05/2026

अन्तर्राष्ट्रिय उडानको इन्धन शुल्क घट्यो, कोरियाबाट नेपाल यात्रा केही सस्तो हुने अपेक्षा

विश्व बजारमा विमान इन्धनको मूल्य हालै घट्न थालेपछि अन्तर्राष्ट्रिय उडानमा लाग्ने फ्युल सरचार्ज अर्थात् इन्धन अतिरिक्त शुल्क पनि घटाइएको छ।

कोरियन एअरले जुन महिनाको टिकट बुकिङका लागि अन्तर्राष्ट्रिय उडानको इन्धन शुल्क ३३ औँ स्तरबाट घटाएर २७ औँ स्तरमा ल्याइएको जनाएको छ। यो एक महिनाअघि पुगेको उच्च स्तरबाट ६ चरणले घटेको हो।

यसअनुसार अमेरिका लस एन्जलस जस्ता लामो दूरीका उडानमा लाग्ने इन्धन शुल्क अब ४ लाख ५१ हजार ५ सय वोन हुनेछ, जुन मे महिनाको तुलनामा दोहोरो यात्रा गर्दा करिब २ लाख २५ हजार वोन सस्तो हो।

त्यस्तै, जापानको फुकुओका जस्ता छोटो दूरीका उडानमा इन्धन शुल्क १ लाख ५० हजार वोनबाट घटेर १ लाख २३ हजार वोन पुगेको छ।

एसियाना एअरलाइन्सले पनि यस्तै स्तरको नयाँ इन्धन शुल्क सार्वजनिक गर्ने तयारी गरेको छ भने अन्य कम लागतका एयरलाइन्सहरूले पनि चाँडै जुन महिनाको नयाँ शुल्क घोषणा गर्ने बताइएको छ।

24/05/2026

इपिएस पिडितहरुले मिति २०८३ जेठ ११ गतेबाट पुनः आफ्नो माग सहित प्रदर्शनी गर्ने कार्यक्रम तय गरेका छन्। बारम्बार सरकार र सम्बन्धित पक्षमा गुनासो राख्दा पनि आफुहरुले न्याय नपाएको भन्दै पुनः सडकमा आउने उनीहरुको तयारी रहेको बताएका छन्।
EPS Khabar Nepal

22/05/2026

‼️건강 보험 ‼️

कोरियामा 90 दिनभन्दा बढी बसोवास गर्ने विदेशीले 건강보험 (National Health Insurance) अनिवार्य रूपमा तिर्नुपर्छ।
“पछि तिर्छु”, “नतिरे पनि हुन्छ” भन्नेर नतिर्दा….
⚠️ स्वास्थ्य बीमा नतिरेको खण्डमा :
• अस्पताल जाँदा उपचार खर्च अत्यन्त महँगो हुन सक्छ
• 보험 बक्यौता बढ्दै जान्छ
• VISA थप्दा समस्या आउन सक्छ
• विभिन्न सरकारी सेवामा असर पर्न सक्छ

आज सानो रकम बचाउन खोज्दा, भोलि लाखौँ वोनको समस्या आउन सक्छ।विदेशमा बस्दा नियम पालना गर्नु नै सबैभन्दा ठूलो कर्तब्य हो।

स्वास्थ्य बीमा भनेको खर्च होइन, आफ्नो भविष्य र सुरक्षाको ग्यारेन्टी हो। 🙏🙏

*थप जानकारीको लागि :
건강 보험 :☎️15771000
10 sec wait गरेर
6 번
1 for English

22/05/2026

कोरियाको श्रम तथा रोजगार मन्त्रालय अन्तर्गतका रोजगार केन्द्रहरु (고용노동부 고용센터) सम्बन्धि जानकारी !
Embassy of Nepal, Seoul

21/05/2026

बोनसमा चित्त नबुझ्दा हडतात सुरु गर्न लागेका सामसङ कम्पनीका कर्मचारीको मासिक औसत तलब १ करोड २० लाख भन्दा बढि 😮🇰🇷

दक्षिण कोरियाको प्रमुख प्रविधि कम्पनी सामसङ इलेक्ट्रोनिक्सका कर्मचारीहरूको औसत मासिक तलब यस वर्षको पहिलो त्रैमासिकमा करिब १ करोड २० लाख वन पुगेको एक अध्ययनले देखाएको छ। कम्पनीमा बोनस विवाद चर्किंदै जाँदा श्रमिक संघले हड्तालको चेतावनीसमेत दिएको छ।

कोरिया CXO इन्स्टिच्युटले मंगलबार सार्वजनिक गरेको २०२६ पहिलो त्रैमासिकमा सामसङ इलेक्ट्रोनिक्स कर्मचारीको अनुमानित औसत तलब विश्लेषण प्रतिवेदनअनुसार कम्पनीका कर्मचारीले पहिलो तीन महिनामा औसत ३ करोड ६० लाख वन पारिश्रमिक पाएका छन्। यो मासिक रूपमा करिब १ करोड २० लाख वन बराबर हो।

प्रतिवेदनअनुसार यो रकम गत वर्षको सोही अवधिको तुलनामा २५ प्रतिशतभन्दा बढीले वृद्धि भएको हो। अध्ययनका लागि सामसङ इलेक्ट्रोनिक्सको पहिलो त्रैमासिक वित्तीय विवरण, कर्मचारी तलब खर्च तथा राष्ट्रिय पेन्सन सेवा अन्तर्गत दर्ता भएका कर्मचारीको तथ्यांक विश्लेषण गरिएको थियो।

अनुसन्धानकर्ताका अनुसार जनवरीदेखि मार्चसम्म कम्पनीमा औसत १ लाख २५ हजारभन्दा बढी कर्मचारी कार्यरत थिए। कम्पनीको कुल तलबसम्बन्धी खर्च ५.६ ट्रिलियन वन पुगेको अनुमान गरिएको छ।

कोरिया CXO इन्स्टिच्युटका प्रमुख ओह इल सुनले यस वर्ष सामसङ कर्मचारीको तलब उल्लेखनीय रूपमा बढेको बताएका छन्। उनका अनुसार प्रदर्शनमा आधारित बोनस नजोड्दा पनि वार्षिक औसत पारिश्रमिक १४ करोड वन नाघ्ने सम्भावना उच्च छ। बोनससमेत समावेश गर्दा कर्मचारीको कुल आम्दानी अझ बढ्ने उनले बताए।

यता सामसङ इलेक्ट्रोनिक्सको श्रमिक संघ र व्यवस्थापनबीच बोनससम्बन्धी विवाद समाधान गर्न दोस्रो चरणको वार्ता मंगलबार पनि जारी रहेको छ। वार्ता असफल भएमा श्रमिक संघले मे २१ देखि १८ दिन लामो हड्ताल सुरु गर्ने चेतावनी दिएको छ।

21/05/2026

मिति २०८३ जेठ २५ र २६ गते (08 & 09 June, 2026) का दिन दक्षिण कोरिया प्रस्थानको लागि Regular Manufacturing र Regular Agriculture & Livestock तर्फको Final flight list...

ध्यान दिनुपर्ने कुराहरू:
१. टिकटका‌ लागि Global IME Bank मा रहेको Universal Tours And Travels P. Ltd को खाता नं 07501010000281 मा नेे.रु. ५४९९१.४५ जम्मा गर्नुपर्नेछ। र Universal Tours And Travels कार्यालयबाट टिकट लिनुपर्नेछ।

२.राहदानी‌ लिन इपीएस कार्यालय बोलाएको दिन उपस्थित हुँदा श्रम स्वीकृति पत्रको फोटोकपी, प्यान कार्डको फोटोकपी, नागरिकताको फोटोकपी, प्रवेश पत्रको फोटोकपी, भैँसेपाटीबाट प्राप्त अभिमुखीकरण तालिमको प्रमाणपत्रको फोटोकपी उपलब्ध गराउनुपर्नेछ।

३.उडान भन्दा अघिल्लो दिन अनिवार्य E-Arrival Card अनलाईन मार्फत भरि त्यसको प्रिन्ट लिई उडानको दिन लिएर जानुपर्नेछ।

४. सम्बन्धित अस्पतालबाट स्वास्थ्य परीक्षण सम्पन्न गरि रिपोर्ट आएपछि Health Declaration Card अनलाइन मार्फत भरि प्रिन्ट लिएर कोरिया प्रस्थान गर्नुपर्नेछ।

५. कोरिया जाँदा अनिवार्य रुपमा E-Arrival Card, Health Declaration Card, नागरिकता र प्यान कार्ड बोक्नुपर्नेछ।

नोट: CCVI भर्न बाँकी व्यक्तिहरूले यथासिघ्र CCVI भर्नुहुन जानकारी छ।

21/05/2026

दक्षिण कोरियामा अण्डाको अभाव चर्कियो, मूल्य दोब्बर नजिक पुग्दा उपभोक्ता चिन्तित 😑🇰🇷

दक्षिण कोरियामा पछिल्लो समय अण्डाको अभाव बढ्दै गएको छ भने मूल्य पनि तीव्र रूपमा बढ्न थालेपछि सर्वसाधारण उपभोक्ता चिन्तित बनेका छन्।

केही महिनाअघि करिब ६,००० वोनमा पाइने एक ट्रे अण्डाको मूल्य अहिले केही क्षेत्रमा झन्डै १२,००० वोनसम्म पुगेको बताइएको छ। बढ्दो मूल्यसँगै कतिपय सुपरमार्केट तथा मार्टहरूले प्रति ग्राहक १ ट्रे मात्र किन्न पाउने सीमा समेत लागू गर्न थालेका छन्।

विशेषगरी बेकरी व्यवसाय गर्ने, केक बनाउने तथा दैनिक रूपमा अण्डा प्रयोग गर्ने परिवारहरू बढी प्रभावित भएका छन्। सामाजिक सञ्जालमा १ ट्रे अण्डाले कसरी व्यवसाय चलाउने? भन्ने गुनासोहरू बढ्न थालेका छन्।

स्थानीय उपभोक्ताहरूले यस अवस्थालाई कोरोनाताका मास्क अभावसँग तुलना गर्न थालेका छन्। त्यसपछि फोहोर फाल्ने झोला लगायत दैनिक आवश्यक सामग्रीमा देखिएको समस्या अहिले अण्डासम्म पुगेको भन्दै धेरैले महँगी र आपूर्ति व्यवस्थाप्रति चिन्ता व्यक्त गरेका छन्।

विशेषज्ञहरूका अनुसार उत्पादन घट्नु, पशुपन्छीसम्बन्धी रो´गको असर, तथा आपूर्ति प्रणालीमा आएको दबाबका कारण अण्डाको मूल्य बढेको हुन सक्ने अनुमान गरिएको छ।

अण्डाको मूल्य निरन्तर बढिरहेपछि उपभोक्ताहरूले आगामी दिनमा अन्य दैनिक उपभोग्य वस्तुहरूमा समेत अभाव हुन सक्ने आशंका व्यक्त गर्न थालेका छन्।

EPS Khabar Nepal

29/05/2026

27/05/2026

25/05/2026

24/05/2026

24/05/2026

22/05/2026

22/05/2026

21/05/2026

21/05/2026

21/05/2026

Address

Website

Alerts

Contact The Business

Shortcuts

Share

Category