07/09/2026
Гэрээний Залуусын Нэгдэл ТББ-ын
Хамт олон болон нийт гишүүн залуустаа
Мөн Тэргүүн Ж. Мөнхжаргал та бүхний
Хамтын ажиллагаанд талархсанаа илэрхийлье.
Гэрээний Залуусын Нэгдэл
Munkhjargal Jamiyansuren
🏠 3 ЖИЛИЙН ӨМНӨ ТАВЬСАН САНАЛ ӨНӨӨДӨР БОДИТ БОЛОМЖ БОЛЖЭЭ 🇲🇳🇰🇷
Заримдаа нэг уулзалт дээр хэлсэн санал, нэг залуугийн тавьсан асуулт тэр дороо шийдэгдэхгүй ч зөв газартаа хүрч, цаг хугацааны дараа бодит ажил болдог юм байна.
Одоогоос 3 жилийн өмнө манай хөдөлмөрийн гэрээт ажилчдын “Хөдөлмөрийн анхдугаар чуулган”-ы үеэр залуус маань SRO БАНК МЭДЭЭ БНСУ ХААН банкны Сөүл хот дахь Төлөөлөгчийн газрын захирал Г. Энхжаргалд нэг чухал асуудлыг тавьж байлаа.
“Бид Солонгост олон жил хөдөлмөрлөж, Монголдоо нийгмийн даатгалаа төлж байгаа ч эх орондоо очоод орон сууцны зээлд хамрагдах боломж хомс байдаг. Гадаадад хөдөлмөрлөж байгаа залууст зориулсан боломж бий болгож болохгүй юу?”
Тухайн үед энэ бол залуусын маань хүсэлт, санал байсан.
Харин өнөөдөр, 3 жилийн дараа ХААН Банкны Солонгос дахь төлөөлөгчийн газрын хамт олон манай нэгдэл дээр хүрэлцэн ирж, Солонгост хөдөлмөрлөж буй залууст зориулсан “Хуримтлалтай орон сууц” шийдлээ танилцууллаа. 🏡
Хамгийн гоё нь энэ төсөл зүгээр нэг “зээл аваарай” гэсэн санал биш.
Солонгост ажиллаж байх хугацаандаа зорилготой хуримтлал үүсгээд, эх орондоо очихдоо өөрийн гэсэн орон сууцтай болох санхүүгийн бэлтгэлээ өнөөдрөөс эхлүүлэх боломжийн тухай юм.
Танилцуулсан мэдээллээр хуримтлал үүсгэсэн хугацаа, дүнгээс хамааран орон сууц худалдан авах зээлийн урьдчилгаагаа бүрдүүлэх боломжтой бөгөөд тодорхой нөхцөл, шаардлагууд тавигдаж байна. Тиймээс нарийн нөхцөлийг дараагийн видео мэдээллээр мэргэжлийн хүнээс нь дэлгэрэнгүй хүргэе.
Бид уулзалтын үеэр та бүхний хамгийн их асуух болов уу гэсэн асуултуудыг ч асууж, ярилцлаа. 🎥
Хэн хамрагдах боломжтой вэ?
Хэдий хэмжээний хуримтлал үүсгэх вэ?
Хэдэн сарын хугацаанд хуримтлуулах вэ?
Урьдчилгаа болон зээлийн нөхцөл нь ямар байх вэ?
Ямар орон сууцны төслүүдээс сонгох боломжтой вэ?
Эдгээрийг удахгүй бичлэгээр нэг бүрчлэн хүргэнэ ээ.
Гэхдээ өнөөдөр нэг зүйлийг онцолмоор байна.
Санал хэлэх хэрэгтэй юм байна.
Асуудлаа зөв газарт нь хүргэх хэрэгтэй юм байна.
Хамтдаа дуугарвал өөрчлөлт ирдэг юм байна.
3 жилийн өмнө чуулганы танхимд яригдаж байсан асуудал өнөөдөр залуусын маань өмнө бодит боломж болон эргэн ирж байгаад баяртай байна. ❤️
Солонгост хөдөлмөрлөж өнгөрүүлсэн он жилүүдийн эцэст “Би эх орондоо очихдоо өөрийн гэсэн гэртэй болно” гэсэн зорилготой хуримтлуулж эхлэх боломж олон залууст хэрэгтэй байх.
🎥 Дэлгэрэнгүй ярилцлага, танилцуулга тун удахгүй…
3 жилийн өмнө санал байлаа.
Өнөөдөр боломж болжээ.
Маргааш хэн нэгэн залуугийн ГЭР болох болтугай. 🏠❤️
Khan Bank
#ГэрээнийЗалуусынНэгдэл
#ХААНБанк
#ХуримтлалтайОронСууц
#СолонгосДахьМонголчууд
#ХөдөлмөрийнГэрээтЗалуус
#НэгдьеӨөрчильеБүтээе
