27/11/2023
هقولك إني اشتريت تليفون جديد بس مش هقولك انه قسط ..
هقولك اني اتجوزت بس مش هقولك ان في مشاكل وحياتي مش مستقرة..
هقولك اني اشتريت شقه بس مش هقولك اني استلفت عشان اكمل وبدفع اقساط ومرعوب من المسؤليه..
هقولك اني بشتغل بره بس مش هقولك اني بعيد عن اهلي وعايش لوحدي ومش مستمتع بحياتينا وانا وحيد بعيد عن أهلي..
هقولك انّي كويس الحمد لله بس مش حقولك ازاي بعاني في الحياه ..
هقولك دايماً نص الحكايه فانت هتتوقع النص التاني وتفكر ان الحياه مرتاحه ومفيش فيها اي ابتلاء فتتمنى تبقى زيي ويمكن تحسدني عالنعمه دي فتزول ، ولو حكيتها كامله هتفكر اني بخزي العين ، فالموضوع دايماً معقد !
سيب كل واحد يعيش عيشته بتفاصيلها ومتحاولش تدخل في تفاصيل عمرها ما هتخصك ، عمرك ما هتعرف النعمه دي قدامها بلاء ايه
