Vangtao Dry Port Co., Ltd

11/05/2026

07/01/2026

🇱🇦🇱🇦🇱🇦
ຂ່ຳນັບຊົມເຊີຍ ກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XII ຂອງພັກປະຊາຊົນ ປະຕິວັດລາວ ຢ່າງສຸດໃຈ ✨✨

31/12/2025

ລັດຖະມົນຕີ ຍທຂ ລົງຊຸກຍູ້ຕິດຕາມ ການປະຕິບັດວຽກງານ ຢູ່ດ່ານສາກົນວັງເຕົ່າ ແຂວງຈຳປາສັກ

ວັນທີ 30 ທັນວາ 2025 ທ່ານເຫລັກໄຫລ ສີວິໄລ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ) ພ້ອມຄະນະໄດ້ເຄື່ອນໄຫວຢ້ຽມຢາມ ແລະ ເຮັດວຽກຢູ່ແຂວງຈໍາປາສັກ ຊຶ່ງໄດ້ລົງຢ້ຽມຢາມຊຸກຍູ້ຕິດຕາມ ການປະຕິບັດວຽກງານຢູ່ດ່ານສາກົນວັງເຕົ່າ ແລະ ບໍລິສັດ ທ່າບົກ-ວັງເຕົ່າ ຈໍາກັດ.

ທ່ານ ບຸນທະວີ ແກ່ນປະເສີດ ຮອງຜູ້ອໍານວຍການບໍລິສັດ ທ່າບົກ-ວັງເຕົ່າ ລາຍງານວ່າ: ບໍລິສັດທ່າບົກ-ວັງເຕົ່າ ເຮັດໜ້າທີ່ໃຫ້ເປັນສູນກາງໂລຈິສຕິກສ໌ ທີ່ເປັນຈຸດກວດກາການຂົນສົ່ງ ແລະ ຍົກຍ້າຍຄ່ຽນຖ່າຍສິນຄ້າ ຮັບ-ສົ່ງ ເຕົ້າໂຮມແຈກຢາຍ ຝາກສາງ ແລະ ຄ່ຽນຖ່າຍເຂົ້າ-ອອກຕູ້ສິນຄ້າ ແລະ ບໍລິການ ອື່ນໆ ເພື່ອຕອບສະໜອງຄວາມຕ້ອງ ການຂອງຜູ້ປະກອບການນໍາເຂົ້າ-ສົ່ງອອກສິນຄ້າຜ່ານດ່ານຊາຍແດນສາກົນວັງເຕົ່າ ໂດຍໄດ້ເປີດການໃຫ້ບໍລິການເປັນທາງການໃນເດືອນກັນຍາ 2021 ເປັນຕົ້ນມາ.

ທ່າບົກ-ວັງເຕົ່າ ແມ່ນໜຶ່ງໃນເກົ້າຈຸດຂອງທ່າບົກທົ່ວປະເທດ ເຊິ່ງທາງບໍລິສັດດວງດີກໍ່ສ້າງຂົວ-ທາງ ຈຳກັດ ໄດ້ສໍາຫຼວດ-ອອກແບບ ແລະ ສ້າງແຜນພັດທະນາເປັນສອງໄລຍະ ໃນເນື້ອທີ່ເພື່ອພັດທະນາ 50 ເຮັກຕາ ເຊິ່ງທາງບໍລິສັດໄດ້ກໍ່ສ້າງໄລຍະທີ 1 ກວມເນື້ອທີ່ 25 ເຮັກຕາ ແມ່ນສໍາເລັດ100% ລວມມູນຄ່າການລົງທຶນຫຼາຍກວ່າ 35 ລ້ານຳກວ່າໂດລາສະຫາລັດ, ປັດຈຸບັນພວມສືບຕໍ່ກໍ່ສ້າງໄລຍະທີ II.

ຜ່ານມາ,ການຈັດຕັ້ງປະຕິບັດການແຈ້ງພາສີ-ອາກອນຂອງສິນຄ້າຂາເຂົ້າ-ຂາອອກ ໂດຍຜ່ານລະບົບເອເລັກໂຕຣນິກ ASYCUDA ແລະ Smart tax ໄດ້ມີຄວາມສະດວກຊັດເຈນ ແລະ ວ່ອງໄວ ສາມາດກວດສອບໄດ້ ການແຈ້ງຄົນເຂົ້າ-ອອກເມືອງຂອງຜູ້ຂັບຂີ່ ພາຫານະຂົນສົ່ງສິນຄ້າ ກັກກັນ ພືດ-ສັດ ອາຫານ, ຢາ ແລະ ຄວບຄຸມພະຍາດຕິດຕໍ່ກໍມີຄວາມສະດວກວ່ອງໄວກວ່າເກົ່າ, ຈໍານວນພາຫານະຂົນສົ່ງສິນຄ້າເຂົ້າຜ່ານທ່າບົກນັບແຕ່ປີ 2021 ຫາເດືອນພະຈິກ 2025 ລົດສາຍຕ່າງປະເທດ (ປະເທດໄທ) 129,559 ເທື່ອຄັນ ແລະ ລົດສາຍພາຍໃນ (ລົດລາວ) 47,444 ເທື່ອຄັນ.

ຕະຫລອດໄລຍະທີ່ເປີດບໍລິການສາມາດປະກອບສ່ວນມອບພັນທະຄ່າບໍລິ ການຂອງທ່າບົກ-ວັງເຕົ່າ ແລະ ຄ່າສໍາປະທານດິນ ເຂົ້າງົບປະມານຂອງລັດຖະບານ ລວມເປັນເງິນຫຼາຍກວ່າ 62 ຕື້ກີບ.

#ໜັງສືພິມລາວພັດທະນາ #ຂ່າວພາຍໃນ #ລັດຖະມົນຕີ #ຍທຂ #ດ່ານສາກົນວັງເຕົ່າ #01
_______________@_______________
ສະໜັບສະໜູນໂດຍ: ນໍ້າດື່ມຫົວເສືອ
_______________@_______________
ຂ່າວອື່ນໆ >> www.laophattananews.com
Youtube: www.youtube.com/channel/UCfSwYXQ8r6NOMO_vlp7bZYw
Twitter: https://X.com/laophattana
Whatsapp: https://whatsapp.com/channel/0029Va9dcYjHFxPArwc63g17
Tiktok: https://www.tiktok.com/
ສົນໃຈລົງໂຄສະນາໂທ: 020 9999 7139
ຕິດຕໍ່ຫານັກຂ່າວໂທ: 020 2345 0088

30/12/2025

ໃນວັນທີ 30 ທັນວາ 2025. ບໍລິສັດ ທ່າບົກວັງເຕົ່າ ຈຳກັດ
ໄດ້ໃຫ້ກຽດ ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການ ສູນກາງພັກ, ລັດຖະມົນຕີ ກະຊວງ ໂຍທາທິການ ແລະ ຂົນສົ່ງ ພ້ອມຄະນະ ເຄື່ອນໄຫວເຮັດວຽກ ແລະ ຢ້ຽມຢາມ ບໍລິສັດ ທ່າບົກວັງເຕົ່າ ຈໍາກັດ
🏨🏗️🚛

18/12/2025

🏗️🚛🚚
ໃນວັນທີ 18 ທັນວາ 2025. ບໍລິສັດ ທ່າບົກວັງເຕົ່າ.ຈຳກັດ
ໄດ້ໃຫ້ກຽດ ຕ້ອນຮັບ ທ່ານ ສັນຕິພາບ ພົມວິຫານ ກຳມະການສູນກາງພັກ,ລັດຖະມົນຕີ ກະຊວງການເງິນ ,ພ້ອມຄະນະ ທີ່ໄດ້ລົງມາເຄື່ອນໄຫວ ຢ້ຽມຢາມ ຢູ່ທີ່ ບໍລິສັດ ທ່າບົກວັງເຕົ່າ.ຈຳກັດ

01/12/2025

🎉🎉
🇱🇦ຊົມເຊີຍວັນຊາດ ທີ2ທັນວາ ຄົບຮອບ50ປີ 🇱🇦🫶
ບໍລິສັດ ທ່າບົກວັງເຕົ່າ ຈຳກັດ 🏨🏗️🚛
ຂໍອວຍພອນໄຊມາຍັງການນຳ ພັກ-ລັດ, ພະນັກງານ-ລັດຖະກອນ ແລະ ປະຊາຊົນລາວບັນດາເຜົ່າ ຈົ່ງມີສຸຂະພາບເຂັ້ມແຂງ ແລະ ພ້ອມກັນສ້າງສາພັດທະນາປະເທດຊາດໃຫ້ຈະເລີນຮຸ່ງເຮືອງຕະຫຼອດໄປ.

29/09/2025

ວັນທີ29 ກັນຍາ 2025 ບໍລິສັດ ທ່າບົກວັງເຕົ່າ ຈຳກັດ
ໄດ້ເປັນກຽດຕ້ອນຮັບ ທ່ານ ສັນຍາ ປຣະເສີດ ກຳມະການຄະນະປະຈຳ ປະທານຄະນະກຳມາທິການ,ການຕ່າງປະເທດ ສະພາແຫ່ງຊາດ ພ້ອມດ້ວຍຄະນະ ໄດ້ລົງມາເຄື່ອນໄຫວຢ້ຽມຢາມ ບໍລິສັດ ທ່າບົກວັງເຕົ່າ ຈໍາກັດ
🚛🚛🏗🏗